菓一道健康餐廳 (已結業)

菓一道比人感覺食得健康所以唔岩我因為為左食我係可以犧牲少少健康的但朋友極推就黎食個下什茶叫左黑曹汁大蝦海哲撈冷麵個汁偏酸冇特別大蝦彈牙 但份量少大約三四隻海哲咬唔斷的撈麵正常朋友的煎龍脷蕃茄湯烏東蕃茄湯底比太和蕃滿門差太結冇乜茄味甚至比甘味差烏東冇特別龍脷則不錯煎得幾靚聽說要結業了將來在尖咀重開應不會特登去食了

未夠七點已經人山人海, 仲未有目的食乜好, 經過呢間, 我仲同老公講, 呢間你唔會食, 因為係紅米飯的, 佢竟然行返轉頭睇下有乜食, 雖然大部份都係紅米飯, 但比佢見到有拉麵, 咁就行咗入去食...............由於太多2位去食, 所以中間d枱大部份都拉開成2人枱, 我地就坐正中間, 雖然同隔離枱好近, 但坐中間起碼冇咁易比人成日撞到丫, 求其快d食完走咪算lor~~~除咗set dinner係餐外, 其餘都係要加錢轉做餐, 可能諗住有d人細食, 唔需要跟包跟湯之類, 但香港人唔知點解係都要full set, 所以我見大部份人都係加錢轉餐的, 我地當然都唔例外啦~~ 南瓜湯+芝麻包  南瓜湯都食到有南瓜茸, 雖然佢都幾杰身, 但一d都唔creamy, 所以唔會覺得漏 芝麻包好香, 仲應該係焗返熱, 而唔係叮返熱, 因為個皮係少少脆脆地, 而唔係un un地, 好食 珍珠蘆筍鴕鳥肉炒意大利麵珍珠蘆筍非常幼, 再將佢切開一小段方便食, 再加埋d紫洋蔥, 菇, 鴕鳥絲去炒, 好香, 但又唔太油, 食到底果d係汁, 而唔係油, 而且意大利麵軟硬適中, 唔錯~ 五彩大蝦麻茸醬拉

個日要出沙田買野，見菓一道有好多唔同既素食午餐選擇，同埋見佢網上既評語都唔差，於是個日就揀左係到食晏啦。我個日既選擇係鮮茄香菇雜菜焗三色糙米飯。由於呢個係LUNCH SET，係飲品個到我揀左餐湯跟薄餅。等左一陣，個餐湯同薄餅就黎到啦。我落單時問過侍應，個湯冇記錯既話好似係甘荀蘋果湯。一開頭我聽到湯個名，我以為會係一D比較清既湯，跟住入面有D甘荀同蘋果粒咁。但個湯一上枱，我就知我完全錯晒。佢應該係將D甘荀同蘋果打成蓉，然後再落D粉落去，令到個湯變得較杰身。但我想講既係，個湯杰得有少少離譜囉。我畢左一羹，個湯係"瓊"住左係個羹到，唔識流落去。個種質感同以前睇"忍者亂太郎"時，新丁個條鼻涕一模一樣，結撻撻咁係到條條FING，但係永遠都流唔到出黎。見到咁核突，個湯我係冇飲過既。我家姐本著大無畏既精神試左一啖仔就面露痛苦神情同即刻放返低個羹。我就直接跳左去薄餅個到。我覺得個薄餅冇咩特別，因為佢只係一塊鹹既薄脆餅。口感係脆既，不過對我黎講有少少偏鹹。論到個主菜，一上枱既時候見到紅噹噹咁，好似都幾吸引。佢既雜菜就係面見到既西蘭花、茄子、甘荀條、椰菜同蕃茄咁，當中好大部份都係椰菜黎，反而寫落名既鮮茄得

新城市廣場食肆眾多，但想找一間價錢合理、環境又清靜的餐廳就少之又少，這間菓一道誠意推薦給想吃得清淡、又想保持纖瘦身型的您!是日來到餐廳剛過了午飯時間，人流稀少，又剛開始下午茶時間，若果不太肚餓的可選下午茶餐，若想飽肚一點，午市套餐同樣有供應的。下午餐選擇也多，由輕巧的三文治以及飽肚的意粉飯類等都有供應，實有一款對胃的了。我選了都市茶餐，墨西哥薄餅、縠飼豬柳、煎蛋蔬菜上湯米粉配蜂蜜綠茶($33)~墨西哥薄餅:脆脆的一塊少鹹的薄餅，雖然味道清淡，但符合健康之選~縠飼豬柳、煎蛋蔬菜上湯米粉: 豬柳是有調味的但不會過鹹，而且亦很嫩滑~蔬菜湯底清淡得來也喝到蔬菜的清甜味，如同家裡煲的湯水味道，感覺得健康~蜂蜜綠茶:清潤的蜂蜜綠茶味道不錯，淡淡的綠茶配上蜂蜜不會苦澀，個人幾喜歡~若果逛到倦，來這裡吃點輕食也不錯的選擇!

最近食得太多油膩的西餐，係時候要食得健康d,平衡番。呢間餐廳不嬲間中都有黎食。最中意係佢每度菜都有個卡路里寫埋係旁邊，方便要健康同瘦身的女士我要左個黑醋 汁鴨胸肉红米飯 加二十五蚊跟餐。個汁甜甜地的鴨肉黎送食好好味。加埋杯黑豆漿，即使我無落糖已經好好味好有豆味。甜品要左南瓜西米^^好香的南瓜容又唔會太甜朋友要左龍脷柳紅米飯加餐。有黑芝麻包(我的最愛)超香的黑芝麻味，仲會有一粒粒的黑芝麻粉係包內，囗感煙up.出面食唔番呢隻味道的面包。朋友覺得個士多啤梨雪糕也不錯。推介：好味又健康

呢日同男友仔 2 粒人去左新城市, 因為要.....血拼, 吼吼!!去到既時候, 打算食D野先開始作戰...望下個鐘, 啱啱就係下午茶時間, 一於搵個地方咬返個 Tea 先啦~左揀右揀, 左望右望.....最後入左《菓一道》好耐之前響呢間食過 dinner, 唔錯~不過 Tea 就真係未試過, 望下 menu 都係西式既...我地要左:漢堡包+凍檸茶雞扒蛋米粉+熱奶茶漢堡包先上枱, size 應該算係細細個, 大約係麥MM果D既....3 分之 2 個~賣相都唔差既, 可惜就係味道同份量差D囉....男友仔話無咩味....而且.....食完好似無食過野咁囉, 可能佢大食呱.....哈哈哈!!至於個凍檸茶就一般啦, 不過不失, 正正常常!!而我果個雞扒蛋米粉, 大大碗, 反面我個雞扒幾好味, 蛋又大大隻, 湯底清清但又唔係無味, 我覺得OK既~最好食係跟餐果塊薄餅, 香香脆脆, 好食~熱奶茶就.....普通啦, 只係唔夠滑!!食飽飽之後, 就鬆人去血拼嚕, 呵呵~

菓一道裝修完咁耐, 我地都係第一次幫襯.十二點半, 好在唔算太多人, 十二點九就完全FULL哂. 座位舒服過以前好多,餐廳的待應同以前一樣咁好禮貌.老公點了燒雞糙米飯抑或是紅米飯呢?總之菓一道煮呢款飯最拿手, 一啲都唔硬, 雞肉可口, 淋面的醬汁亦好惹味,最喜歡是跟餐配菜, 款式多, 顏色及味道都一流,睇見好開心.我點了雞肉烏東 平心而論, 呢度啲烏東冇隔離甘味讚岐咁有口感, 好鬼大碗, 雞肉&配菜都好入味,整體及格有餘.只是跟餐選擇飲品餐湯時有啲混淆,結果老公加$5要了柑橘蜂蜜, 佢話好好味,我冇加錢, 就有豆湯& BREAD豆湯好淡, 不過佢地唔落味精, 係咁淡㗎拉,所謂BREAD, 唔係小餐包, 係一塊烘過的薄麵餅, 個組合都幾奇怪!

沙田有好多好味的餐廳，依間是其中一間，食物健康又唔貴~今次下午茶時段到來，叫了雞扒蛋米粉+脆餅+熱峰蜜綠茶 ($30)脆餅熱熱地又脆，幾好~雞扒蛋米粉: 雞扒去了皮先煎，加上少少黑椒，少少辣又幾入味，去皮雞扒好健康。雞蛋煎得都好靚~最值得讚既係湯底，清得嚟有蔬菜既甜味，好好飲，好似屋企煲蔬菜湯既味道~峰蜜綠茶少少甜，都唔錯~這間店啱哂d想食得清淡既人仕，午餐與晚餐都唔錯的

南丫島郊遊的一天弄不見了小兒的鴨仔，星期日把小兒交給外父母後，我倆就來沙田，目的是去搜尋一隻差不多的鴨仔做replacement。在沙田區內的大大小小玩具店找，大家都找不到心儀的公仔，倦了，餓了，我倆決定去食飯。。我沒有特別的想，沒有特別的選，我們在新城市廣場三期，近在咫尺，也就一就太太，我們來了很久沒有去過的菓一道食飯。昔日的菓一道，給我的感覺就是茶餐廳一間。以輕盈飲食為賣點。價錢不太貴，給人一種簡單健康的感覺，而且有少少台灣小館的感覺。久沒來，也許我少在晚來拜訪，夜晚的菓一道，絡我的感覺就是一間西餐廳，有健康輕盈的帶肉西餐，也有素食主題的西式食品。前菜，我點選了沙律，健康的有一隻大蝦，一隻開邊的士多啤梨，再混以蔬菜及螺絲粉。細小翰盈，能滿足肉食者的小小要求，清清淡淡的又令人感覺康健。 湯，配麵包。南瓜湯有適當的忌廉，感覺到滑，但creamy的感覺低，令人相信，用的是低脂乳酪。湯甜，再加上又熱又香的健康麥包，忌廉湯與麵包，永遠是絕配。 素食的意粉，簡單地只有粟米芯，車厘茄，甜豆。成個意粉是以適

其實睇到其他人的食評都有點動搖，不過話「健康」，米去試下囉。由於預先訂左位，唔使等(出面有人排！)與另外3位友人分別點了一份秘醬雞柳菠菜麵，一份蕃茄帶子天使麵(咁上下)，一份黑松露海鮮炒天使麵和一份鴕鳥扒三色飯。均跟「餐」(+$20 ?)前菜個黑芝麻包好有芝麻香！配埋個濃度適中的甘荀湯，很夾，但微偏咸。由於點菜時只記著所點食品所屬編號，以至侍應送菜到時，我們弄得他們有點混亂，um...是對是錯？哈！這4碟也很極品！想試著大膽「挑戰」，真的夠挑戰性！秘醬雞柳菠菜麵：秘醬很特別，有微微的燶味，和不懂分析的味道，非常「特別」！很有玩味成份。蕃茄帶子天使麵：食評有提到蕃茄的料理會酸，但事實也非如此。這是這4道菜中最有食慾的一道。缺點在於帶子...偏薄，以致沒什麼口感可言。覺得有點兒對牙齒不起。蕃茄汁底微甜，不算特有蕃茄香，但整道菜一起就真的夾得起。黑松露海鮮炒天使麵：菜一上，其賣相相當吸引！青口大蝦很搶眼！黑松露碎少少的酒到麵上，不俗。可惜天使麵入口發現很DRY。原來搶眼的大蝦和青口，於進食時就發現多多少少會讓女孩失儀。香味不算大，以「健康」為前題的話，我反而會說是以「用眼食」較多。鴕鳥扒三色

星期六下午入沙田行街, 人多得好恐怖 , 周圍都是人 , 晚飯時間仲厲害 , 去幾間食店取籌, 都要等幾十個 NO , 點等??剛好行過此間店附近, 離遠被佢個招牌吸引了, 健康餐廳 , 什麼來的 ? 一於上前看看, 在門口看看餐牌 , 食物名稱和圖片十分之吸引 , 又不用等太久 , 只等幾個NO , 一於入去試試 .坐下後看看餐牌想點餐 , 個 D名稱全部長都嘜看到眼花撩亂 , 但仔細看清楚 , 全部加入了美化的助詞 , 如 :香草檸檬烤雞胸配紅糙米飯---- 簡單D來說即是 : 雞扒配紅米飯 **此飯是我們ORDER三份餐中最好食 , 賣相最吸!引的了拿破崙素肉丸子焗意大利麵 亞女看漏了一個"素" 字, 點了此餐, 一看個樣已經唔吸引 , 幾個不同顏色的 "素" 肉丸 , 其實味道一樣, 口感一樣, 一D彈牙感都無, 亞女勉強食左半碟就放棄了 白酒紫蘇扇貝帶子蟹拑肉炒墨魚汁麵----- 個名好長, 但簡單 D 看即是 : 海鮮炒墨汁麵 ( 但海鮮就得小元貝和蟹柳 2 樣 ) 味道不過不失 , 算 ok 啦 ( 因為有個素丸子比較 ) 餐牌上的全部是 "單點" 要

成日出街食野，味精多，油多，菜少，真係唔係幾健康，見到而間標榜健康的餐廳，試下先~午餐都有10款可以選擇，有紅米飯，烏冬，天使面，米線，還有全素的可選擇，我叫左番茄魚柳烏冬，有黑豆漿或指定熱飲送，我叫左黑豆漿，加8蚊可以有餐包同餐湯，不過我沒有加。番茄魚柳烏冬~好多菜，魚柳都好大塊，烏冬份量適中，番茄汁食落唔係出面好重味精味咁，好天然的番茄鮮味，魚柳好新鮮，烏冬加番茄醬食好配合，本身烏冬熱量較其他澱粉質粉面飯為低，加埋咁健康的煮法同食材配料，感覺好健康！而且好好味！黑豆漿~大大杯，天然黑豆漿，好新鮮，非常好！

花虎蝦天使麵 is excellent. The shrimp is deliecious with good texture and tasteThe angel noodle soaked with nice juiceAdequate accessary vegetablesThe drink 黑豆漿 is nice tooThe most important is no MSG since not thirsty after lunch

兩年前去過TST 店記得味道唔錯黎到沙田等唔到唔食既地方就讚入去啦雖然已經係兩點半, 但offer 既仲係lunch set除左主食仲配餐湯+焗烤餅 / 飲品是日餐湯係粟米湯, 幾淡口焗烤餅就好脆身, 卜卜脆幾好食左思右想主食還是想食烏冬Oh… 鹹到不行蕃茄醬尚算杰的但佢既濃湯係鹹既濃嗎?!呢個反而唔錯墨魚麵炒得幾香仲有好多好有趙口既冬姑雖然略嫌油膩了一點又說這裡標榜健康, 可惜唔多覺

情人節好多餐廳都又多人又貴，只係想同男朋友靜靜食餐飯，所以揀左菓一道果然不出我所料，呢度唔係好駛等位，又唔會診火打劫。我同男朋友一人一個Set Dinner加15蚊要埋餐湯及餐飲都唔駛一百蚊位，抵呀最鐘意佢地自家製餐包，今次係黑芝麻包，包包鬆軟，好香芝麻味，仲熱添，淨係呢樣都比好多餐廳優勝男朋友要左紅酒牛扒配紅米飯，扒煮得軟淋，但又唔覺係用鬆肉粉。係今次個紅米飯乾左少少我個係海鮮雜菜炒意粉，味道清淡，我就好鐘意，不過男友就麻麻地。但我最鐘意係佢夠多菜，出街食飯好多時都唔夠蔬菜。但今次就差在太濕。食完之後，碗底仲有唔少汁。總括嚟講，我覺得呢度環境都幾好，如果出街想食得清淡啲，呢度都係一個唔錯既選擇。