影片
更多
2013-05-18
223 浏览
個日要出沙田買野，見菓一道有好多唔同既素食午餐選擇，同埋見佢網上既評語都唔差，於是個日就揀左係到食晏啦。我個日既選擇係鮮茄香菇雜菜焗三色糙米飯。由於呢個係LUNCH SET，係飲品個到我揀左餐湯跟薄餅。等左一陣，個餐湯同薄餅就黎到啦。我落單時問過侍應，個湯冇記錯既話好似係甘荀蘋果湯。一開頭我聽到湯個名，我以為會係一D比較清既湯，跟住入面有D甘荀同蘋果粒咁。但個湯一上枱，我就知我完全錯晒。佢應該係將D甘荀同蘋果打成蓉，然後再落D粉落去，令到個湯變得較杰身。但我想講既係，個湯杰得有少少離譜囉。我畢左一羹，個湯係"瓊"住左係個羹到，唔識流落去。個種質感同以前睇"忍者亂太郎"時，新丁個條鼻涕一模一樣，結撻撻咁係到條條FING，但係永遠都流唔到出黎。見到咁核突，個湯我係冇飲過既。我家姐本著大無畏既精神試左一啖仔就面露痛苦神情同即刻放返低個羹。我就直接跳左去薄餅個到。我覺得個薄餅冇咩特別，因為佢只係一塊鹹既薄脆餅。口感係脆既，不過對我黎講有少少偏鹹。論到個主菜，一上枱既時候見到紅噹噹咁，好似都幾吸引。佢既雜菜就係面見到既西蘭花、茄子、甘荀條、椰菜同蕃茄咁，當中好大部份都係椰菜黎，反而寫落名既鮮茄得
我個日既選擇係鮮茄香菇雜菜焗三色糙米飯。
由於呢個係LUNCH SET，係飲品個到我揀左餐湯跟薄餅。
等左一陣，個餐湯同薄餅就黎到啦。
我落單時問過侍應，個湯冇記錯既話好似係甘荀蘋果湯。一開頭我聽到湯個名，我以為會係一D比較清既湯，跟住入面有D甘荀同蘋果粒咁。
但個湯一上枱，我就知我完全錯晒。
佢應該係將D甘荀同蘋果打成蓉，然後再落D粉落去，令到個湯變得較杰身。
但我想講既係，個湯杰得有少少離譜囉。
我畢左一羹，個湯係"瓊"住左係個羹到，唔識流落去。
個種質感同以前睇"忍者亂太郎"時，新丁個條鼻涕一模一樣，結撻撻咁係到條條FING，但係永遠都流唔到出黎。
見到咁核突，個湯我係冇飲過既。我家姐本著大無畏既精神試左一啖仔就面露痛苦神情同即刻放返低個羹。我就直接跳左去薄餅個到。
我覺得個薄餅冇咩特別，因為佢只係一塊鹹既薄脆餅。口感係脆既，不過對我黎講有少少偏鹹。
論到個主菜，一上枱既時候見到紅噹噹咁，好似都幾吸引。
佢既雜菜就係面見到既西蘭花、茄子、甘荀條、椰菜同蕃茄咁，當中好大部份都係椰菜黎，反而寫落名既鮮茄得兩三舊仔，滿足唔到我一心想食蕃茄既慾望呢！而香菇部份唔知有冇認錯呢，應該有鮮冬菇同雞脾菇。
對一心想食菜既人黎講，我諗呢個飯應該都滿足到佢地既。因為佢菜既種類同份量都算多，而且又唔會話焗得太耐，蔬菜仍然保留到佢地原有既爽口。
不過若果想食得飽飽既話，我就唔太建議叫呢個啦。因為佢既碟都幾淺，當放左大量雜菜之後，都冇咩空位俾佢放飯，所以呢個飯既飯量係偏少既。(所以我食完呢個飯係唔飽既！)
雖然話係三色糙米飯，但係我覺得佢三色糙米既比例落得較少，若果比例上可以多返少少就好啦。
仲有，對我黎講，佢既汁落得相當多呢！(或者係我唔太鍾意拎汁撈飯食)
再加上佢既汁唔知係咪落左好多糖，我覺得好甜呢~甜到我係完全食唔到蕃茄既酸同甜，淨係食到糖既甜。
太多既汁撈落份量比平時更少既飯，令到D飯變得好濕呢，濕到有D似爛飯，冇左飯既口感。
再加上個汁過甜，我覺得淨以飯黎計，佢係唔好食既。(甚至愈食愈有種似受罪既感覺)
若果以一個午餐黎講，佢呢個飯要五十幾再加一，我覺得係有D定價過高。
(不過假日係沙田新城市廣場又有邊間係平)
除非下次諗唔到食咩啦，如果唔係行過隔離食烏冬或者過返一期食超級三文治可能仲好。
题外话/补充资料：
臨走既時候我見到有個客明明落左個素意粉，但係係佢食緊既時候先有個男侍應係佢面前大大聲同佢講：小姐，你呢個唔係素意粉黎嫁喎。(個男侍應講野既語氣俾我既感覺似係兇返個客轉頭@@)好彩最後個客唔介意姐，如果個客真係食素既，咁呢到既侍應一唔小心咪好易令人破戒？跟住有另一個女侍應一轉身就大大聲話：拿，我冇落錯單嫁！雖然我知你冇落錯單，但係個到D侍應俾我既感覺似係去左一間茶餐廳多過似一間要收加一既餐廳囉，或者侍應既培訓方面要多加注意呢......
(以上食记乃用户个人意见 , 并不代表OpenRice之观点。)
张贴
