影片
开饭介绍
全店不售猪肉及鸡肉。主打健康美食的餐厅，餐牌上约三分一为素食菜式，亦供应有机食物，用橄榄油及芥花籽油烹调，不含味精。
继续阅读
附加资料
无肉餐单详情: 每天供应多款素食菜式
营业时间
星期一至日
11:30 - 22:00
以上资料只供参考，请与餐厅确认详情
食记 (150)
菓一道比人感觉食得健康所以唔岩我因为为左食我系可以牺牲少少健康的但朋友极推就黎食个下什茶叫左黑曹汁大虾海哲捞冷面个汁偏酸冇特别大虾弹牙 但份量少大约三四只海哲咬唔断的捞面正常朋友的煎龙脷蕃茄汤乌东蕃茄汤底比太和蕃满门差太结冇乜茄味甚至比甘味差乌东冇特别龙脷则不错煎得几靓听说要结业了将来在尖咀重开应不会特登去食了
继续阅读
未够七点已经人山人海, 仲未有目的食乜好, 经过呢间, 我仲同老公讲, 呢间你唔会食, 因为系红米饭的, 佢竟然行返转头睇下有乜食, 虽然大部份都系红米饭, 但比佢见到有拉面, 咁就行咗入去食...............由于太多2位去食, 所以中间d枱大部份都拉开成2人枱, 我地就坐正中间, 虽然同隔离枱好近, 但坐中间起码冇咁易比人成日撞到丫, 求其快d食完走咪算lor~~~除咗set dinner系餐外, 其余都系要加钱转做餐, 可能谂住有d人细食, 唔需要跟包跟汤之类, 但香港人唔知点解系都要full set, 所以我见大部份人都系加钱转餐的, 我地当然都唔例外啦~~ 南瓜汤+芝麻包 南瓜汤都食到有南瓜茸, 虽然佢都几杰身, 但一d都唔creamy, 所以唔会觉得漏 芝麻包好香, 仲应该系焗返热, 而唔系叮返热, 因为个皮系少少脆脆地, 而唔系un un地, 好食 珍珠芦笋鸵鸟肉炒意大利面珍珠芦笋非常幼, 再将佢切开一小段方便食, 再加埋d紫洋葱, 菇, 鸵鸟丝去炒, 好香, 但又唔太油, 食到底果d系汁, 而唔系油, 而且意大利面软硬适中, 唔错~ 五彩大虾麻茸酱拉面五彩我只数到青瓜丝、海蜇、车厘茄、芝麻, 唔知大虾计唔计? 大虾都几爽口, 虽然冇乜虾味, 但个拉面就林咗少少~食果阵当然要捞匀食啦~ 但佢麻酱味唔重, 反而有少少酸酸地, 唔知加咗d咩呢? 果样就唔会觉漏~ 有机黑豆浆虽然系热饮, 但闻唔到好见的豆浆味, 我地唔落糖, 系完全冇味的, 所以佢上枱时系跟1包砂糖, 不过淡淡地咪健康d lor~~ 莲子薏米糖水有薏米, 莲子仲有芯, 可以下火, 又够润, 当然味道唔算好甜, 我个人觉得啱啱好
继续阅读
个日要出沙田买野，见菓一道有好多唔同既素食午餐选择，同埋见佢网上既评语都唔差，于是个日就拣左系到食晏啦。我个日既选择系鲜茄香菇杂菜焗三色糙米饭。由于呢个系LUNCH SET，系饮品个到我拣左餐汤跟薄饼。等左一阵，个餐汤同薄饼就黎到啦。我落单时问过侍应，个汤冇记错既话好似系甘荀苹果汤。一开头我听到汤个名，我以为会系一D比较清既汤，跟住入面有D甘荀同苹果粒咁。但个汤一上枱，我就知我完全错晒。佢应该系将D甘荀同苹果打成蓉，然后再落D粉落去，令到个汤变得较杰身。但我想讲既系，个汤杰得有少少离谱啰。我毕左一羹，个汤系"琼"住左系个羹到，唔识流落去。个种质感同以前睇"忍者乱太郎"时，新丁个条鼻涕一模一样，结挞挞咁系到条条FING，但系永远都流唔到出黎。见到咁核突，个汤我系冇饮过既。我家姐本著大无畏既精神试左一啖仔就面露痛苦神情同即刻放返低个羹。我就直接跳左去薄饼个到。我觉得个薄饼冇咩特别，因为佢只系一块咸既薄脆饼。口感系脆既，不过对我黎讲有少少偏咸。论到个主菜，一上枱既时候见到红当当咁，好似都几吸引。佢既杂菜就系面见到既西兰花、茄子、甘荀条、椰菜同蕃茄咁，当中好大部份都系椰菜黎，反而写落名既鲜茄得两三旧仔，满足唔到我一心想食蕃茄既欲望呢！而香菇部份唔知有冇认错呢，应该有鲜冬菇同鸡脾菇。对一心想食菜既人黎讲，我谂呢个饭应该都满足到佢地既。因为佢菜既种类同份量都算多，而且又唔会话焗得太耐，蔬菜仍然保留到佢地原有既爽口。不过若果想食得饱饱既话，我就唔太建议叫呢个啦。因为佢既碟都几浅，当放左大量杂菜之后，都冇咩空位俾佢放饭，所以呢个饭既饭量系偏少既。(所以我食完呢个饭系唔饱既！)虽然话系三色糙米饭，但系我觉得佢三色糙米既比例落得较少，若果比例上可以多返少少就好啦。仲有，对我黎讲，佢既汁落得相当多呢！(或者系我唔太钟意拎汁捞饭食)再加上佢既汁唔知系咪落左好多糖，我觉得好甜呢~甜到我系完全食唔到蕃茄既酸同甜，净系食到糖既甜。太多既汁捞落份量比平时更少既饭，令到D饭变得好湿呢，湿到有D似烂饭，冇左饭既口感。再加上个汁过甜，我觉得净以饭黎计，佢系唔好食既。(甚至愈食愈有种似受罪既感觉)若果以一个午餐黎讲，佢呢个饭要五十几再加一，我觉得系有D定价过高。(不过假日系沙田新城市广场又有边间系平)除非下次谂唔到食咩啦，如果唔系行过隔离食乌冬或者过返一期食超级三文治可能仲好。
继续阅读
新城市广场食肆众多，但想找一间价钱合理、环境又清静的餐厅就少之又少，这间菓一道诚意推荐给想吃得清淡、又想保持纤瘦身型的您!是日来到餐厅刚过了午饭时间，人流稀少，又刚开始下午茶时间，若果不太肚饿的可选下午茶餐，若想饱肚一点，午市套餐同样有供应的。下午餐选择也多，由轻巧的三文治以及饱肚的意粉饭类等都有供应，实有一款对胃的了。我选了都市茶餐，墨西哥薄饼、縠饲猪柳、煎蛋蔬菜上汤米粉配蜂蜜绿茶($33)~墨西哥薄饼:脆脆的一块少咸的薄饼，虽然味道清淡，但符合健康之选~縠饲猪柳、煎蛋蔬菜上汤米粉: 猪柳是有调味的但不会过咸，而且亦很嫩滑~蔬菜汤底清淡得来也喝到蔬菜的清甜味，如同家里煲的汤水味道，感觉得健康~蜂蜜绿茶:清润的蜂蜜绿茶味道不错，淡淡的绿茶配上蜂蜜不会苦涩，个人几喜欢~若果逛到倦，来这里吃点轻食也不错的选择!
继续阅读
最近食得太多油腻的西餐，系时候要食得健康d,平衡番。呢间餐厅不嬲间中都有黎食。最中意系佢每度菜都有个卡路里写埋系旁边，方便要健康同瘦身的女士我要左个黑醋 汁鸭胸肉红米饭 加二十五蚊跟餐。个汁甜甜地的鸭肉黎送食好好味。加埋杯黑豆浆，即使我无落糖已经好好味好有豆味。甜品要左南瓜西米^^好香的南瓜容又唔会太甜朋友要左龙脷柳红米饭加餐。有黑芝麻包(我的最爱)超香的黑芝麻味，仲会有一粒粒的黑芝麻粉系包内，囗感烟up.出面食唔番呢只味道的面包。朋友觉得个士多啤梨雪糕也不错。推介：好味又健康
继续阅读