莎樂美餐廳

营业中

休息中

尋日去左食lunch..呢間野我去第三次一直我都係去樓下o既toliet尋日樓上個toliet冇開佢叫我落樓下落到去要穿過個廚房先到toliet..沿途見到廚房d扒放晒晌地下去到廁所推門入去又污糟又臭...個水龍頭都好污糟，又肥淋淋o係香港從來未見過一個西餐廳係咁污糟正所謂寧俾人知莫俾人見簡直令人作嘔冇下次...

同老公去据扒, 9時過後有八折, 好多人吃. 我吃晚餐\\\T骨+帶子, 老公吃六成熟牛扒, 幾扺食, 又有鮮果SALAD+扒+湯+甜品(雪榚)+飲品

禽晚終於食o左，好開心。同暖暖講什扒餐係會好大份。所以兩個人share啦。跟飯，都有薯條比，真係大堆頭。最好味係腸仔同雞扒。個燒汁都好香。跟餐又雪糕送。餐湯羅宋湯好好飲，又唔會太鹹。環境和服務一般。暖暖話始終都係鍾情西式扒喎。呢度係港式，所以佢無太大驚喜。睇之前食評話九點後有八折。但無喎。本身精選晚餐會平d, $56,但係得一個餐選擇，對唔食牛o既我好無奈。

之前的食評提及過這裡的重量級鐵板晚餐，今次想寫一寫佢既下午茶。是日假期，一行三人在荃灣附近找下午茶餐吃。本有意思去悅來商場既TV30試試，去到才發覺是日沒有下午茶餐。於是大家都一致話去莎樂美，話時話，真係第一次去莎樂美食tea。三點幾，唔多人喎！我揀坐上樓上，因為未試過(當然地方是差不多，一樣懷舊)。下午茶餐都有差不多廿款，選擇幾多。我們三人分別要蕃茄烚蛋三文治、咖喱海鮮炒烏冬和我要的迷你公司治，飲品要兩杯雪糕紅豆冰和一杯什果賓治。雖然是下午茶，但我的迷你公司治就唔迷你，有牛脷、蛋、火腿、雞肉、蕃茄和生菜等餡料，口感十足。加埋杯什果賓治，有點在"呂奇"時代的感覺，總之好正！咖喱海鮮炒烏冬更加出色，配料有大大隻墨魚、帶子、好多隻蝦、魚等等，一句講晒，材料十足。試了一隻墨魚，爽口到不得了，又唔怕太辣，岩岩好。當然，吃的那位人兄也讚不絕口。三個餐加埋$75，下午茶唔收貼士，真係抵到唔知去邊度搵。

之前我家姐已經覺得呢間餐廳好神秘,因為出面既裝潢佈置得好靚,直到有一日我,家姐同媽咪一齊黎食下午茶可能係因為下午茶關係,所以冇乜人係到,個到d氣氛好優雅,好浪漫,樓下就唔係咁大冷氣,但係上面就真係好凍~個次我地3個叫左公司三文治,白汁青口焗薯蓉同埋黑椒雞球鳥冬,一上台既公司三文治真係眼前一亮,以前都冇乜食過公司三文治,但係個到既三文治真係好足料,好好食好好食,佢應該係調過味,因為實在係太好食啦,之後既白汁青口完來仲好味,加埋個薯蓉真係無得彈呀!之後既鳥冬就因為普通所以麻麻~仲有跟餐既紅豆冰都係好好味之後我地陸續食過好多次,食過午餐食過晚餐,都係好味同大件,我地一定會再去幫襯好多次架~

個到D伙記好似唔休做咁既. 但D餐就好平啦. 由其是午餐呀, 真係平到笑呀. 又係好佢形架喎. 個什扒餐, 有蝦,有雞扒, 有豬扒, 有火腿.真係食到你嘔都得呀. 又有舊喎. 一定係食唔哂呀. 而個味都幾好呀. 有個意粉係什菌, 雖然係無肉, 會個汁好味呀. 搞到碟意粉好味好多呀. 原個係晚上去, 個什扒餐仲勢利呀. 真係成坐山放左係到咁呀. 有排食呀. 真係驚食你唔食呀. 佰又算係幾好食呀. 又係雪糕食喎.

女友J 屋企d電腦又無故上唔到網，夜晚同肥仔死黨秘密趕修後去醫肚，女友講過沙樂美幾多人讚，所以就試一試佢。我叫左特價晚餐，牛扒鰻魚飯，跟餐湯餐包、沙津、餐飲同雪糕；餐湯都有幾多料，沙津就係火腿粒配什果，ok la，牛扒就好普通，鰻魚d味怪怪，但份量就幾大，$52算係咁。肥仔食什扒餐，份量超大，情侶叫一份應該都夠，有牛、豬、雞、雞翼、薯餅，雞翼賣相最吸引，其他肉肥仔就話一般，佢全部食哂。環境係傳統舊式西餐格局，有兩層，服務ok，但無禁煙區，一支煙足已令全店臭唒，女友一定唔鍾意呢度。九點後入座有八折，幾抵。

今日(星期日)同honey諗左好耐,終於決定來呢樹開餐!記得第一次來食,己被它的雜扖餐所嚇親,因為份量好大,足夠2個人食,所以果次食honey已經提醒叫一個餐就夠了^^而今次我哋就食焗豬扖飯($55)和吉列海鮮餐($75),首先有餐包和湯，包是熱騰騰的，honey即時食晒2個來送湯!!先講個豬扖飯,最鍾意佢o的汁不會太酸,炒飯底,一個字正,所以honey好快就已經清左佢喇..^^""跟住個吉列海鮮就有:大蝦一隻,炸蠔2隻,炸魚一塊,炸蟹鉗一隻配沙律,講真當然是雪藏貨,鮮果是罐頭雜果,中規中矩,而佢o的柞粉太厚喇,食到成口粉....= =""",飯完之後還有一人一個雪糕和餐荼...這餐真的很滿足呢!!!

有日一個唔係住荃灣既朋友話知道莎樂美好出名，問我點去。當時我雖然可以話俾佢知點去，但因為我未去食過，俾唔到comment佢。住了荃灣咁耐既我，直至今日才終於第一次去試，認真慚愧。聽爸爸講莎樂美既食物份量係超大，所以三個人只叫了兩個餐。一是洋蔥豬排鐵板餐，另一份則是雞扒拼大蝦。餐湯係周打魚湯，好大碗好足料；餐飽夠熱，幾好。雞扒餐仲有份沙律，係什果再加少許肉碎和nuts，好特別。之後既主菜只可用大件夾抵食去形容。雞扒拼大蝦有兩大塊雞扒，一隻炸大蝦和兩件小薯餅，就連配菜既黃芽白都大過人。雞扒幾淋幾好味，薯餅又夠脆，黃芽白都爽口，有水準。豬排更加唔可以講小，一送來時幾乎被嚇親。有三大塊，仲要塊塊都係好巨形個隻。當侍應倒汁時，"沙沙聲""沙沙聲"咁，ｄ煙係咁"標"上來，真係好耐未見過咁正既鐵板餐。我試了一塊豬排，好有味道，好鬆化。主菜之後係雪糕，雖然唔係好大杯，但有什果和涼粉相伴，一樣好得。餐飲都十分不錯，一定有下次，仲要晏晝都唔食留番個肚來。都想講講佢既環境。裝修幾舊式，但就係勝在那種懷舊感覺。再加上播放著張學友的吻別之類既舊歌，別有一番風味。

7時到就去到...唔使等就已經有上樓卡位雖然唔係好乾淨,但勝在有懷舊感...坐下不久已落order, 但係d waitress一般,講完又問...不下2, 3次, 但有個都幾好人^^叫了一個雜扒餐, 先上的餐飽及周打魚湯都好好食...麵包夠熱且鬆軟.鐵板好快就到,一見到就已經覺得好似成座山o甘,熱騰騰的好有滿足感, d扒又大又多, 所以要用多隻碟去盛, 攪到好似去左BBQo甘~~(有牛,雞,豬,紅腸,雞全翼,火腿及2塊薯寶)仲有一個好好味gei strawerry ice-cream timps 肉汁gei sauce好好味..但食完之後都幾thirsty... 一個人要食曬都有d難到 友人叫的牛柳size都幾大且肉厚 好在早d到...如果唔係就要係staircase到等位

星期五, 又係週未前夕, 呢間餐廳真係比我地想像多人得多, 我地己經未夠7:00去到, 都己經無卡位坐, 只有坐方枱...跟住叫餐啦, 老公叫左一個特餐, T-骨扖餐, 有個杧菓沙律, 餐湯同餐飽仲有雪糕, 除左個沙律之外(好似係冰格攞出黎咁, 涷到我震晒), 其他都OK,T-骨6成熟, 好有牛肉味,我見我老公都食得好滿意.我叫左三文魚伴牛柳, 三文魚扖好香(雖然係雪魚),但係好香口, 有2舊牛柳咁多, 好淋呀, 肉味就小左D, (我老公塊T-骨牛味重D!)2份餐都超級大!之后食埋柸雪糕就咩吾開心都吾記得晒啦~~~走的時候發現原來超多人排隊等位, 我同老公都話好彩早D 黎~ 哈哈哈

呢次第n次唻喇又, 上左樓上坐, 情調又好, 又自成一角, 個餐大大份, 扒肉厚且淋, 價錢又合理, 物有所值. 呢次惟一唔同就係叫左碟上既什扒餐. 適合怕熱氣既食事狗食. 當然如想鐘意炸炸聲感覺, 大把鐵板餐你揀. 價錢大約為55至125之間. 呢晚係閒日, 老牌餐廳依然食客如織, 尤其'掣'時間, 好易full house, 遲來客惟有一d係出面門口等, 一d係樓梯等. ps. '掣'者, 為個人形容既一種食店突然旺場之現象, 多數為正點peak hour晚飯時間, 如7點半, 7點9, 8點正, d人好似比'食神'遙控, call d 人咁'巧合地'於特定時間羊群式一齊搵食. 一齊等位. 一齊迫. 不過筆者從來就係異類, 例必早人一步. 避免peak hour去食.

好細個o個時食過, 咁啱前排男友個細佬o係荃灣睇傢俬提議再食... 的確... 個羅宋湯好飲哦, 因為我o係加拿大飲過類似o既羅宋湯, 我覺得好味, 估唔到返到o黎香港都仲搵到. 正! 哈~

同班好耐沒見既fd聚餐,佢地介紹呢間好味~~份量真係好大,因為我慣左食扒餐都係叫雜扒,咩都有得食~見到隔離位份扒餐好大份就知叫錯野,就算我幾大食都食唔晒lor~~結果真係晒曬d野食,個個都食唔晒,兩個女仔share一份就差唔多~~不過成$80,我就覺得貴左d~~因為裝修又唔靚,味又普通,不過我都會帶老公來試下,因為老公都幾鍾意鋸扒,同埋俾佢見識下咩叫巨型扒餐~~~~hahahaha

2006年一月一日同女朋友去左呢間老字號食飯叫左一個牛柳同雜扒..牛柳尚可,雖然淋左d, 但都可以接受.但係雜扒就好唔得,d扒好似bbq果d扒咁,醃得太犀利,同埋d野唔熱..不過女朋友就幾滿意,話好過金鳳,花園果d我去之前都唔期望d扒好得,係諗住去食下d懷舊氣氛姐,所以都食得幾開心.p.s 唔知係唔係假期d野貴d, 牛柳$90 同雜扒$83..