莎樂美餐廳

营业中

休息中

(1/5/08)樓上雅座的午餐。如果散叫menu的三文治、酥皮湯,都貴過一個午餐咯。慕住會好飽既準備,叫左兩個餐。試佢既鐵板 & 焗飯。首先來又大又軟的餐包,周打魚湯(只係有魚柳粒的忌廉湯),羅宋湯。鮮茄焗蝦飯,汁多,夠酸,且飯裡有芝士及熱辣辣的鐵板香,「蝦」當然只是急凍無味蝦啦。串燒大蝦皇伴莎地亞什排(配肉汁)。好大的睇頭,雞排、豬排、火腿、香腸、薯條。大蝦也大大隻,可惜燒到過火,又鞋又韌。奶茶如前食評說,奶較少,所以茶味重d,但佢既茶味唔香。最欣賞是球雪糕,一點也不馬虎,以為是「牛記」啦,又唔似噃,是朱古力碎朱古力雪糕,勁正!

I went to salami Restaurant in Tsuen Wan yesterday. I ordered T-bone Steak (medium) serving on the plate and my friend ordered Curry Seafood Rice.It came out with very rare T-bone Steak and Curry Fish with Spaghetti. I told the server that the steak was too rare and there was no seafood in the curry but just fish fillet. She told me that for the steak, she can ask the chef to cook it again, but for curry, fish fillet is seafood and then walked away. I complained to another staff and he took

在網上找荃灣有乜提介,見到這間舊式食排餐廳,就去試試.這餐廳的位置離地鐵站要十五分鐘路程都幾遠,鐘於找到這餐廳,真係幾舊式,好有童年時姑姐同我們去鋸排架feel,一入去已經好大陣啲油煙味,由於下層坐滿,我和女友就上了樓上,當時大約係七點鐘度啦,都己經幾多人,之後看看個煤煤舊舊menu就知呢間餐廳有番咁上下歷史,我點了個豬排餐,而女友就點了個雞排餐,當我們點完菜之後,冇耐就見到侍應攞住兩份雜排餐到隔離枱的人客,嘩,啲份量都幾驚人,見到人地個雜排餐,有蝦,有雞全翼,牛排,豬排......等,成座山咁真係唔係誇張.喝過餐湯後,過了一會啲排就上枱,先講講個豬排有三大塊,都幾厚,加埋有啲配菜如番茄,薯條.....等,感覺幾大堆頭,女友的雞排份量都唔少有兩大塊厚厚的,兩款排我都有試,本人喜愛雞排多啲,因為味比較濃,反而我啲豬排就比較肥,加埋啲黑椒汁,幾溜.食完無耐,啲侍應就馬上收咗啲餐具,轉頭就攞埋舊雪榚上黎,當我地邊食邊吹水之際,有個女侍應仲問我地轉唔轉枱,因為出面有六七個人等位,我話唔啦,之後食埋我就同女友講閃啦,出面好多人等位.如果有心想黎呢間餐廳食架朋友要有心理準備,服務就冇乜,因為當我埋

呢間都應該係荃灣老牌餐廳，裝修唔算好舊，不過就坐得好逼。見好耐都無食鐵板餐，就叫個大蝦併什扒($42)。羅宋湯夠濃夠酸又夠辣，估唔到又幾好。細個時好鍾意食鐵板餐，尤其係落汁時，見蒸氣升起，又期待又有快感，而家就最怕油煙，好驚D汁彈起，差D要將成塊餐巾遮著塊鐵板。隻蝦真係幾大，肉質就實D但都好過霉，什扒好大堆頭，豬扒同雞扒幾大塊，仲加絛香腸同火腿。雖然係雪藏貨但都醃得幾好味，可以收貨。甜品有朱古力雪糕，而奶茶就OK啦。整體唔錯，比花園同金鳳略勝一籌,怪唔得咁多人。

尋日day-off..約左男朋友食飯..之前一路都對莎樂美有興趣..所以決定一試..七點幾去到..上左二樓坐..當然都仲有幾多位..我地叫左兩個套餐\..有湯、沙律、餐\包、T骨牛扒、雪糕、餐\飲...睇落去好似野食好豐富..但其實份量唔算多..女仔會剛剛好..男仔未必夠..沙律我覺得ok..有獅子狗o係入面..餐\湯我要左忌簾湯..入面竟然有西米！我見到好驚訝...餐\包好似翻叮左好多次咁...一d都唔鬆軟..T骨牛扒係無鐵板..牛扒味道同肉質都幾鮮嫩..仲有幾條粗薯條同一隻魚手指..d薯條好油..每咬一啖都好似有d油bi左出黎咁..而雪糕、餐\飲都無乜特別..其實整體黎講可以一食..不過有比較之下我會揀飛鷹..飛鷹ge晚餐\同莎樂美ge晚餐\價錢都係差唔多..只係飛鷹無沙律同埋雪糕..但餐\湯、餐\包都比莎樂美好...飛鷹仲要係有鐵板上...呢層真係差好遠...

差唔多2點鐘來到...唔係好多人,好在樓上有位,咁就樓上雅坐吧!!朋友叫左個牛扒set lunch...我就叫左個芝士魚柳焗飯,都係lunch set...朋友叫左個牛扒加薯條...牛扒幾好,有2片...不過薯條就勁少...數得出...得7條...到朋友差唔多食完我個焗飯先到...嘩...好香芝士味...同埋好大個...我自己男仔都叫大食...都食唔哂...飯係炒飯低...差唔多有2大碗飯...魚柳有2大片...2個餐都有餐飲,我果個焗飯ice cream送tim~~芝士魚柳焗飯,餐飲,ice cream = $39牛扒加薯條,餐飲= $32同一般餐廳一樣收加一,不過學生餐好似28蚊,唔洗收加一

今日晚上去幫襯...嘩...先黎個湯...d油浮曬係個湯上面...個包唔熱的...比起平時差好遠...叫左個什扒...都ok la...同平時差唔多...叫餐飲個時叫左個侍應雪糕遲d先上...點知一齊黎...個雪糕硬到匙都整唔到...都唔知點食...質素平起平時差好遠...服務又唔好...

返左黎e度食,因為e間係我由細食到大,因為真係大件又好味,最近因為一d紀念日同埋我老婆未食過,嘩..一d都冇貴過,我就叫左個4成熟牛柳,而我老婆就叫左個平價餐\,我個個牛柳一黎到,因為鐵板,所以岩岩好,黎到4成都變6成,肉質十分好,同埋好大件,而我老婆個個就都ok,雖然冇我個個咁大件,但都好有肉味,仲要有個前菜沙律,又有湯,包,食完仲有雪糕...真係抵食...

= 是日晚餐=酥皮羅宋湯酥皮夠薄配羅宋湯感覺不太膩鐵板巴西牛扒配田螺薯蓉田螺薯蓉味道ok還有薯角+豆角+蕃茄配菜(好味過雪味雜豆)牛扒味道肉質也不錯(肯定好食過扒x之x)重點甜品- 朱古力雪糕灑上小小花生碎+朱古力醬感覺很貼心的跟餐甜品套餐價錢大約$88以這個價錢, 真是不分低食!

這裡的環境有少少懷舊式~燈光暗暗地~坐位比較迫~叫左個set~餐湯: 周打魚湯, 一般~冇咩特別~主菜: 黑椒牛柳, 牛柳幾腍and 有肉味~ 比起一般茶記已經好好多~仲有鮮橙汁+雪糕

聽人講好味就聽得多，今晚帶了敏敏去吃，入到去好有舊式餐\餐\廳感覺，我們無叫套餐\，叫了散餐\，T骨扒和牛柳，牛柳夠林，有肉味，無用鬆肉粉，個骨就麻麻地，骨多過肉。

記得第一次係朋友介紹，去到點左黑椒牛柳＊湯，好好飲，我好鍾意飲羅宋湯，個度既可說係上上　等＊麵包，鬆軟，唔洗多講＊黑椒牛柳．．．真係好大件，好香，食落絕無鬆肉粉　味，叫左五成就真係五成，薯條唔錯＊有點不足就係雪糕同環境：雪糕我就覺太甜，而環境　方面，第一次去Ｄ餐巾幾舊，不過後尾換左新既，幾　靚要為莎樂美講句，睇左食評後去，期望當然較高，或者會覺得冇咁好啦；但其實間餐廳真係唔錯的．

2007年11月11日，莎樂美。走麥里浩徑7段前來到筌灣，是我和另一半以前常來的地方。我提議到莎樂美懷舊一番。吃莎樂美，不要期待有很高的食物質素，但一定抵吃。叫了兩個套餐：1．串燒大蝦皇伴沙地亞雜扒（42元）：先看這個名字，哈哈哈。。。已經很有feel了吧！！（笑死我了）餐跟羅宋湯和牛油餐包：個湯好飲！餐包都新鮮。雜扒：大大份，有雞扒、豬扒、大蝦、火腿、香腸伴番茄雜菜。豬扒係梳打豬，唔好期待，雞扒OK，大蝦都唔好期待，但都算係咁啦，又大，“小小”黴啦，都好多蝦膏。不過個餐來時，唔見條香腸，好彩見到其他人有，於是便問侍應，佢話頭先跌，候補。喂！我唔問你你唔講？！扣分啦。喱雪糕：大蝦餐真係唔同D，甜品都多幾粒喱！哈哈。。。2．焗飯餐（38元）周打魚湯：經典懷舊忌廉湯（即豆粉忌廉湯），不過是很令人懷念的味道。焗鮮菇洋蔥薄牛柳飯：味道不錯，但牛柳是另一半最害怕的梳打牛。雪糕：朱古力味道，裝雪糕個鐵兜好令人懷念喔。當然以上還包餐飲兩杯。

跟女友都是在荃灣葵青這一帶長大的，來這裡吃飯，大概是出於一點情意結罷。說實話，這裡除了意粉做得較出色、扒餐大份、有古風外，我們貪的，還是那份情意結。在旁邊的東江，換了新的招牌，莎樂美則依舊我行我素的守舊，真的守得很不錯。這個守字其實用得不好，因為，這店其實挺旺場的。拖友可試點一份扒餐和一客肉醬意粉，加上昏暗的環境，足以讓你們風花雪月一頓浪漫的晚餐了。

我記得呢間有好多年啦,每次去都好多人,呢度D扖好大份,起碼有3-4塊,好味道!!!唔知係咪間有D迫,每次食完個身好大陣味....