莎樂美餐廳

营业中

休息中

莎樂美真係由細食到大, 我諗係佢教識我乜野為之一個扒餐, 熱黱黱鐵扒淋汁炸一聲個種感覺, 食完扒再嘆凍冰冰雲尼拿雪榚, 很是滿足應該講係廿年如一日, 到而家間唔中都會去食個LUNCH, 味道尚可, 都係個幾類, 再沒有細路仔時拿住塊餐巾檔住佢淋汁個時的衝動, 只不過係想保留那一份感覺

讀中學時, 同學介紹黎呢度食野, 食過第一次後, 我既感覺就係: 「份量好多, 味道好, 價錢合理」, 後來我帶屋企人黎食, 佢地食過一次後, 同我感覺一樣, 可以食到一餐又豐富, 又美味, 又不昂貴既食物, 食完之後感覺特別滿足!第一次幫襯已經係十年前既事, 莎樂美既菜式我食過唔少, 我主要都係揀佢既海鮮類食品, 因為我唔食其他肉類, 我試過焗海鮮飯, 海鮮種類都幾多, 有帶子, 大蝦, 細蝦, 青口, 墨魚, 魚肉等等, 唔會只係有蟹柳, 蝦仔咁少, 飯既份量唔使講梗係多啦, 若以我地平常食飯既飯碗作單位, 佢既份量有兩碗之多, 味道亦唔錯, 焗得又熱又香! 另外, 佢地有某d菜式會配鮮果沙律, 例如吉列石斑配鮮果沙律餐, 吉列石斑兩大塊, 炸得非常脆, 肉質都幾嫩, 唔「鞋」, 皮脆又唔厚, 即沒有撈左好多粉去炸, 上枱時石斑還熱騰騰的, 至於沙律我都好欣賞, 西芹薯仔甘荀, 再加新鮮既鮮橙, 奇異果, 有時會係火龍果, 新鮮菠蘿, 我欣賞佢材料新鮮, 並唔似其他餐廳所謂既鮮果沙律, 其實只係罐頭菠蘿, 水蜜桃, 什果等呢d 加工食品, 除此之外, 莎樂美既沙律係以薯仔甘荀作材料

我在荃灣出生、讀書、長大﹗現在好像此店的西餐廳經已所如無幾。此店曾經十分出名，因為從前有一所好景戲院在旁，所以好多人出出入入﹗回想孩時，聖誕節老媽帶三兄弟到此吃聖誕大餐﹗歡喜到不得了﹗今日再來都是好味的一店﹗

今日下午到此一遊.一定不會再遊!!一行五人試午餐,見到有幾多選擇,咪入去食LAW點知一入去,有陣怪味,算啦照試.叫左我地上閣樓,樓上亞姐照呼*一流*,好似欠佢咁,又惡又無禮貌叫左4個SET A( 雞扒),一個大蝦拚什扒<--我叫既落ORDER 時,勁唔耐煩,答野好似鬧人咁當佢PAT 條餐巾比我時,嘩,條巾D 漬,唔知幾耐無洗梗係唔用啦,仲叫我用黎擋鐵板彈油,仲同我講~比左你架啦,你唔用咋~,野食好大份,咁又點呀,抵食同好食兩樣野丫叫埋餐飲,^ D 小強又蕩失路,^黏係凍奶茶個杯度朋友叫杯熱飲,諗住落糖啦,明明係獨立包裝,又有漬又黏埋哂.包糖都睇怕擺左若干年LU.我就唔建議大家去食勒,要食既都唔好上閣樓.咪以為閣樓情調好呀

我如果上班時外出食午飯, 大多數都會去這間餐廳. 同區來比較, 面價這間餐廳似乎比較貴, 但查實佢D主菜份量比一般的多倍幾, 豬扒, 雞扒等是兩大塊疊在一起, 味道亦不錯, 午餐亦算做得有心機.

好久沒有去過的.叫了一份晚餐及一份什扒鐵板餐.O個餐包好正,好SOFT.而且D 紅湯好足料.我的晚餐是美式雞扒.仲有沙律.我GF的什扒鐵板餐真是好大份.而且好好食.可惜D 味精比較多.食完好口乾.最後有ICE CREAM. 好完美.SERVICE一般,O個年輕MANAGER比較好D.2人吃包包才133元P.S.他們播的張學友OLD SONGS真是好正.

我成日一家人去莎樂美,不過每次都係dinner今次試食lunch,$42有湯,薄牛扒,雪糕同餐\飲嘩,點知\'薄\'牛扒有成吋厚,有成3塊5cm X 5cm,真係好足料,又有肉汁,好開心的一餐\仲叫左什扒餐\,有腸仔火腿豬扒同雞扒,食完牛扒都飽到食唔曨!ps我媽媽好喜歡這店的芝士火腿焗意粉架!總括,莎樂美係伴我成長,又抵的老西餐\店

同老公食晚飯, 太夜冇乜選擇, 我建議去莎樂美食牛扒.一份西冷扒, 一份T骨. 我食T骨, 太鹹, d肉太淋, 不過都唔算比梳打粉"那"過果種, 只係唔多新鮮.老公的西冷好少少, 但我認為屋企樓下茶餐廳$35果個set塊西冷更好, 亦煎得更靚. 莎樂美輸左.最鍾意o既, 始終都係餐包, 紅湯, 鐵杯雪糕及收舖前四圍巡的斑點貓.

星期日晚在荃灣打完波要搵食, 本來去食米線, 不過好多人排隊咪轉軚去鋸扒. 我地第一次去, 見唔係好多人食野, 以為入左間黑店, 點知唔係, 我地叫左2個雜扒餐,1個豬扒餐and一個白汁火腿意粉. 份量好大, 我老公份豬扒餐有3大塊, 雜扒仲勁,好似山仔咁, 未見過雜扒d牛扒同豬扒會咁大塊. 黑椒汁好好味. 牛扒就一般la. 不過都好過花園or金鳳多多聲.不過d侍應阿姐就好唔掂, 成日打牙較, 白汁火腿意來了茄汁, 仲要落單時再三叮囑. 好彩個哥哥仔快手又醒目即刻換返先加返d分.

講親莎樂美,大家都會讚佢ge下午茶又平又好味,仲有激大份ge鐵板餐! 最勁係佢ge雜扒餐,每一塊扒勁大塊,層層疊咁上,面頭再加一隻火雞咁大ge雞翼..晚市仲會整暗燈光點蠟燭,係曾經叱吒一時ge鋸扒地方.今天再去,蠟燭冇了,巨型雞翼也冇了. 已經變為普通餐廳ge level la. 風光不再,可惜可惜.

以前返學個陣lunch成日黎食因為好近~~~~呢排考完a level突然間好掛住佢就同daddy mammy黎食~~我自己就食個晚餐，dad就食龍蝦拼t bone steakmum就食雜扒~~我個餐幾好~~~雞扒兩大件~~~，又有個沙律做前菜~正dad個要讚下d龍蝦，非常滑且味道鮮甜，絕mun個d雜扒真係超級巨型，有豬，牛，雞扒各一一隻燒全雞翼，腸仔加火褪，十分足料~~!!!，多~!又有雪膏食~~三個人都係22x~~正~~~總結黎講~味道依然出色~份量超班，環境恬靜，音樂柔和服務周到，價錢大眾化~~~~好~~!個人建議拍拖黎食都幾好

昔日我狗囡囡自細由狗老豆老母帶我去食扒, 食到長大成狗, 到今日自己親手帶狗老公認識呢間莎樂美, 食物水準依然都保持得好好.拍拖到晏一晏, 大約9點打後, 幫襯佢扒餐更加有折頭, 絕對係又平又抵食, 扒餐當然係大大份, 食物快趣, 但唔會係快餐感覺, 完完全全係一個set dinner你所享受, 前菜, 主菜, 飲品, 甜品.閣樓雅座係本小狗至佳選擇, 一種燈光柔和之下, 卡位一邊談心一邊鋸扒, 不知多少年頭有多少情侶/夫妻莎樂美共享多少個浪漫晚餐. 招呼好好伙計, 實在係呢幾代情侶見證人.某幾次食扒時, 經常餐廳內聞到煲中藥味, 唔知係咪樓上中醫診所攪作呢? 這樣不完美, 留待其他食家去領略吧.

今晚同2個朋友去左li間食..之前都食過一次,覺得都ok~~我地嗌左西冷同雜扒餐..有埋餐湯..周打魚湯..略嫌咸左少少..等左十幾分鐘到喇..主菜出場喇..真係分量十足..個西冷好大塊...我諗2個人share就差唔多..雜扒都係..結果我地食剩左好多..臨尾仲有埋ice cream同餐茶..平均每人80到喇..至於service..果度全部都係老伙記..語氣唔係咁好..

莎樂美係一間我由細食到大既扒房, 最深刻既當然係店內總係燈光昏暗, 幾有情調, 喜歡坐店內既卡位, 每張桌上都點著蠟燭, 充滿懷舊既感覺。晚餐通常都係套餐形式, 有湯(附送餐包一個), 主菜, 一杯Ice-cream 及一杯飲品先來湯及餐包, 於熱餐包內塗一層牛油, 再配上濃郁既羅宋湯, 為晚餐來一個前奏。跟住到主菜, 喜歡以下幾款:西冷牛扒---有份量, 厚而且大塊, 肉汁豐富T骨牛扒---不要以為只有骨無肉食焗海鮮飯---有芝士味而且有多種海鮮最後有一杯Ice-cream 及飲品價錢亦相宜, 不妨一試不過現在食物既水準大不如前, 真係有點可惜！

叫左雜扒餐..真係好抵食~好大份..d 雞扒+豬扒+雞翼都好好味但係牛扒就唔係好得..有d唔知咩味咁..d雪糕+湯都好好味~