莆田 (利舞臺廣場)

营业中

休息中

香港人真有口福， 咩類型餐廳都有突然好想食海鮮， 去左莆田晚餐 叫左紫菜扁肉湯 -原來個皮都系用肉做， 功夫菜 清清地但有肉香 蒜容獅蚶-我最愛 系度食就乾淨D 出面打冷都唔敢食蒜味加辣味配獅蚶好夾 蒜容蒸聖子-份量多 滿滿一碟只只都差不多大小 好好味四小拼-有豆腐、豬肉凍、紫菜伴蝦米、九轉小腸 小腸好特別 似香腸又似大腸 紫菜帶酸 好開胃其他兩款都不過不失紫菜燜飯-好食又多料 有d似煲仔飯 全部配料加埋令個飯好香順帶一提系服務一流 D 姐姐好好笑容 又醒目添茶添水

我幾喜歡主打福建菜的莆田，因為菜式特別，價錢相宜，另類細心位是在門口的自助薑茶機，既可安撫輪候的客人，亦可先替人暖胃，待會多點菜，真聰明！如此窩心，配合服務態度及環境，米芝蓮一星實至名歸。推廣哆頭蟶已經有一段時間，我相信非常成功，因為大部份食店皆供應蘇格蘭珍寶蟶子，是鮮甜大隻，但售價差不多$100/隻，冇呢度咁抵食，$198 任選兩款，每款份量約十只，體積當然細小啲，但同樣鮮美，而且有八種食法，唔會只有蒜蓉粉絲蒸咁悶。今晚我決定是兩款，一涼一辣，對比明顯一點。精美四小拼 - 蝦苗伴頭水紫菜、九轉小腸、水晶豬蹄凍、滷水嫩豆腐 想多嚐幾款前菜，所以點選精美四小拼。蝦苗伴頭水紫菜酸甜開胃，「頭水紫菜」是指每年首次採割的紫菜，當中的養生元素特別豐富，配蝦苗及香醋助提味。九轉小腸選用特級豬腸，以傳統「九摺式」穿套而成，真係有咩地方食得到！軟嫩不膩，爽口彈牙，味道香醇。滷水嫩豆腐是莆田自製的，味香嫩滑；水晶豬蹄晶瑩剔透，涼凍黏稠，骨膠原真豐富。冰爽酒糟蟶子  單點$99，$198 兩款如其菜名，肉質冰爽Q彈，更可吃出蟶子的鮮甜，質素差啲都唔得，輕輕的酒糟，作為前菜都適合。參巴爆蟶肉  單點$10

周末想帶父母食餐好D既lunch,可以黎利舞台,本身呢度已經好多餐廳選擇,而且環境都吾錯,又未去到超貴,所以幾適合想坐耐D既一家大細.第一次黎莆田,感覺環境好寬倘.我地仲有卡位坐添!呢個係四小拼,我最中意就係滷水豆腐,夠入味香滑.紫菜都吾錯,佢加左D蝦乾仔,食落鹹香,又酸酸地, 好開胃.由於我吾中意食九轉大腸同右下角JELLY狀既野,就吾多加評論啦不過父母話兩樣都吾錯呢個係扁肉湯,飲落酸酸地,好得意!蒜蓉蒸蟶子參巴爆蟶肉宜家佢地搞緊蟶子節, 因為宜家最新鮮.以上兩種食法,我偏好蒸, 會食到海鮮原味.不過炒既做法又非常惹味,而且都幾辣下紫菜飯入面有D蜆仔, 好香!加左份芋香鴨, 好大份,食兩舊已經滯左呢個係餐廳自家制辣醬,好似泰式辣醬甘,集酸甜辣於一身!

有點兒想念我好一輪無食既莆田，所以呢日就去左莆田度食晚餐🍲之前夜晚去尖沙咀分店都唔算好爆滿，估唔到閒日大概七點到黎到銅鑼灣分店就已經八九成滿座😱▪️ 蒜蓉蒸蟶子（7/10）💲109見到前後左右幾檯都係叫幾盤蟶子，原來莆田最近既主題係蟶子，鍾意海鮮既我又點會放過☺️呢度有一共八種既蟶子烹調方法，蒜蓉蒸蟶子當然係我首選，不過店員話揀多一種既話都係$198，所以就決定叫多一碟😛蒜蓉蒸蟶子感覺不過不失，蒜蓉味都足夠而且帶微鹹，係少量蟶子會有沙😳▪️ 叄芭爆蟶肉（7.5/10）💲109另外朋友揀左要叄芭汁，係餐牌度無辣椒仔以為唔會好辣，點知出到黎都係偏辣架🌶️不過叄芭汁比起蒜蓉更為香口惹味，而且蟶肉洗得比較乾淨，仲有啲帶油既韭菜係底▪️ 一品醉蚶（7.5/10）💲82螄蚶係蛤既一種，餐廳將佢地處理得幾乾淨，入口有微微既酒味，不過最主要都係生蒜同埋辣椒味，可以帶出到個鮮味▪️ 莆田扁肉湯（7.5/10）💲22/位店員仲推介左呢個湯比我地，個湯望落都幾清，應該係加左啲醋，飲落酸酸地幾開胃，亦加上唔少紫菜，同埋一啲好似魚皮餃，但係個皮透薄得多，包裹住啲扁肉餡，頗為彈牙😍▪️ 漁民紫菜燜飯（7/10）💲88燜既關係個

聽聞莆田的蟶子有很多種食法，所以星期日完教會後就和男朋友去了位於銅鑼灣的莆田食午餐。店內很寬敞又優雅，座位又整潔舒服，給人很舒適休閒的感覺！菜單上果然有很多蟶子的食法，可以8選2好正，讓我們可以試試其他野食！😆😆紫菜扁肉湯這湯鮮甜濕濕地，中間扁肉細細隻，內餡是軟腍口感，皮很薄又彈牙香口，口感很好！配上咸香紫菜，不知不覺間就全食完了！後來才知道這皮是由豬肉大力拍打而成，好厲害的功夫！一品醉蚶之前食過獅蚶就回味無窮！來到這裡我見這個醉蚶就立即點了，滿滿的蒜泥及辣椒粒，好野味香口又配上微微辣味，配搭這個半生熟的乾淨又鮮甜的獅蚶，食到好開胃！莆田鹵麵用上多種食材，包括：爽口的鮮蝦、甜美的蜆肉、層層肥瘦分明的豬肉及配上多款蔬菜，健康又入味；每條麵條都香軟又煙韌，湯底非常鮮甜，食完都回味無窮！參巴爆蟶肉用東南亞參巴醬再加上爽脆既韮菜來炒肥美鮮味彈牙的蟶子，辣得黎又鮮甜，非常開胃又野味！蒜蓉蒸蟶子蟶子又大隻又多肉加上滿滿的蒜蓉，香口得黎又甜美，這種食法無得頂喔！這間以一星級米芝蓮的餐廳，不單多款超級吸引的菜餚，服務員服務都好親切友善，主動送上菜及茶水，見佢地主動問客人食物如何及要否點甜品等，關心客人

朋友知道我最喜歡吃蟶子，所以多次向我推薦去莆田一試最近promote的蟶子菜式，今天去了一試！銅鑼灣的莆田就在利舞臺，想不到在晚上8點多到依然那麼多人。幸好也不是等了很久便有位了。吃了個前菜四小拼，裡面有筍、豆腐、豬肉凍、頭水紫菜。當中最好味一定是頭水紫菜，有很香的海水味與紫菜味，叫人胃口大開。點了個湯，名叫扁肉湯。整個湯都很鮮美，而小小的肉餃子更是鮮到不得了！想不到小小的扁肉餃竟如此美味。等了一陣，我們的蒜茸蒸蟶子來了！蟶子短短的和平常吃的樣子有點不一樣，但吃起來肉質厚厚的非常爽口，叫人一條接一條一直吃！蒜茸蒸這簡單的煮法已經很帶出蟶子的美味！最後有個漁民紫菜撈飯，有我最欣賞的紫菜在內，簡單的撈一起已經有種鮮味。

#莆田 (銅鑼灣)銅鑼灣波斯富街99號利舞臺廣場7樓A舖-----呢間黎自星加坡嘅過江龍🐲進駐香港已經有好幾年 主打香港唔多地方食得到嘅福建菜 B仔一家人已經光顧過好幾次 最近上網見到佢推出以哆頭蟶為主題嘅限定餐牌 B仔即刻迫不及待地拉朋友仔陪我去試下🤤呢度嘅蟶子一共有八種做法 （有薑蔥炒蟶子 鐵板鹽焗蟶子 花雕蒸蟶子 蒜蓉蒸蟶子 冰爽酒糟蟶子 蟶子炒蛋 紅菇鮮蟶湯）單叫1款要100蚊以上 而2款就抵D $198就可以食到～B仔今次就食咗兩種-叄芭爆蟶肉：韭菜花同紅椒絲條條新鮮又爽口 蟶子飽滿大隻 而且隻隻都剝晒殼 唔使自己剝 非常方便 叄芭醬係一種星馬菜常用嘅獨特辣椒醬 香港人愛食嘅喇沙入面都有呢種醬料 加入叄芭醬爆炒過嘅蟶肉非常有鑊氣 食落口辣得黎不帶勁 卻帶一絲鮮甜 唔食得辣嘅朋友都完全可以駕馭到😊-蒜蓉蒸蟶子：相比起上面嘅叄芭爆蟶肉 蒜蓉蒸出黎嘅蟶子 味道少左一分惹味 卻多左幾分清甜 鮮味更為突出 質感一樣係飽滿鮮嫩 令人不自覺咁食完一隻又一隻 整體黎講兩種蟶子嘅烹調方法各有春秋 叄芭爆適合佐酒 蒜蓉蒸就適合配飯 兩種都值得一試-土筍凍（$42)：係一種令人聞風喪膽嘅福建特色小

今日同朋友嚟到銅鑼灣利園嘅福建菜莆田食午餐，呢間餐廳主打福建口味嘅中式菜蟶子。店員好細心安排左我哋坐四人位，相當闊落，環境好舒適而且一坐低就幫我地酙左杯紅茶，茶嘅味道幾清香。一坐低就叫左佢哋嘅招牌菜冰爽酒糟蟶子，蟶子入口幾清甜，完全冇沙，雖然酒味唔算特別濃，但正正突出蟶子嘅鮮味👍🏻一碟份量都好足㗎 啖啖肉 而扁肉湯味道都好有鮮味，肉餡都十分足料，湯底夠哂濃味。滷麵嘅賣相相當吸引，有蝦 蜆 冬菇唔同嘅配料，鮮蝦大大隻，咬落爽口彈牙，麵嘅味道鮮得嚟又唔會太重剛剛好。係必試嘅福建特式菜。招牌菜鐵板鹽焗蟶子， 鐵板周邊都鋪滿鹽巴，令蟶子更入味，即使係用鹽焗但仍然可以保留到蟶子嘅鮮甜多汁,不錯不錯。最後一道菜芋香捧 外面炸得十分鬆脆，咬落去啖啖芋泥，好香口。整體來說， 呢間福建菜嘅水準很不錯，每碟份量足，適合同朋友聚餐。而且菜式都保留到福建菜嘅特色，色香味俱全👍🏻

平時成日都是我帶朋友去尋找美味的餐廳，，這一次就夜給朋友帶路指引，做一次懶惰的團友。莆田是新加坡過江龍，還有米芝蓮的加持！所以朋友說要跟我到銅鑼灣莆田當然二話不說贊成吧！土筍凍是涼菜，前菜，在悶熱的天氣就正好要來一個清新爽利的前菜，為之後的正餐refreshment一下。土筍切成條狀，放到冷凍了的土筍湯，底部有一點胡椒作調味，我和朋友不用數分鐘把整個KO掉了哈哈莆田扁肉湯是莆田的名物之一，即使是「小size」也很有份量，我和朋友足每人喝了2碗多，加上莆田紫菜和扁肉，是一款不錯的湯品聽說這是吃蟶子的好時節，既然有當季招牌菜式，又甚不能「朝蟶」一下？冰爽酒糟蟶子真是最喜歡的菜式，淡淡的酒香配上十多只肥厚飽滿的蟶子，只是品嚐這道菜已是大滿足了！品嚐貝類海鮮最怕就是沙石處理不乾淨，幸好莆田處理得宜，一整碟下來都沒有吃到細沙👍🏻鐵板鹽焗蟶子也是吸引，焗過的蟶子多了一份鹹香，也是很惹味。比較之下因為鹽焗的蟶子較乾，我會較喜歡酒糟蟶子的濕潤，但朋友則喜歡鹽焗，果然各有支持者呢！吃中菜果然還是要有飯，因為很喜歡莆田的紫菜，所以點了漁民紫菜燜飯，一大窩的爛飯有滿滿的紫菜和蠔鼓，濕潤的飯有著紫菜的香味，大

今晚相約左朋友食飯，朋友想食中式少少既野，但又唔想食酒樓，所以帶左佢黎呢間餐廳試下。由於星期五的關係，所以好多人，book左枱都要等一陣！這間餐廳出名食蟶子，而加又做緊優惠，$198任揀兩款做法，所以叫黎試下。冰爽酒槽蟶子，第一次食酒浸既蟶子，蟶子吸收了酒的味道，咬落去酒汁濺出，而且蟶子爽口，中意食酒槽食物的朋友不可以錯過！參巴爆蟶肉，這款菜式非常惹味，蟶子跟韮菜一齊炒，蟶子沒有爛，醬汁還要有少少辣，非常惹味！一品醉蚶($82)，朋友和我都喜歡食酒浸的食物，所以再點了這款試試。這款醉蚶味道有點似生蠔，加上酒和生蒜蓉，令整份蚶沒有了腥味！紫菜扁肉湯($22)，呢個湯又係餐廳出名既菜式，當然要叫黎品嚐下。湯底有啲酸酸地咁，有啲開胃既感覺，扁肉餃細細粒可以一啖食哂，有點似魚皮餃，但皮冇咁厚！興化炒米粉($88)，這款的米粉不是平時香港食那款，這裡較為幼身！米粉唔油，內裡有蝦、蜆肉等配料，再加上這餐廳出的辣醬一齊食，能夠刺激味蕾！夏天食下酒浸野唔熱又好味，下次再黎過！

連鎖店莆田最近推出左用蟶子做主題既晩餐用$198既價錢可以選擇兩道菜，今次揀左花雕蟶子同叁芭炒蟶肉前菜揀左未嘗試過既土荀凍，扁肉湯，另加左一個必食推介既興化炒米粉。土荀凍上網搵過土荀即係沙蟲，本身叫之前都有啲猶豫😂驚過唔到心理關口，不過講到咁出名既家鄉小食，人一世名一世試下啦！望落又唔係好蟲，連埋一碟酸酸甜甜既醬汁一齊食。食落啫喱好滑而且帶咸香，但單食味道會較淡，一定要撈埋醬汁，咸甜酸都有，味道又多左層次。土荀就有啲似切到好似紙咁薄既白灼象拔蚌口感，煙煙韌韌幾特别扁肉湯味道好似潮州紫菜湯，扁肉好似餃子咁係一層煙韌既皮包住餡，都幾好味叁芭炒蟶肉用叁芭醬爆，鑊氣好夠但唔會好油，都幾辣蟶肉大粒份量亦都唔少，無沙，而韮王都仍然keep到口感爽脆，算係一道出色既香口小菜！花雕蟶子呢道菜著重鮮味，只要蟶子新鮮同時間控制得好，唔需要太多花巧野。蟶子幾肥幾飽滿，花雕撈埋海水咸香，將蟶子既鮮甜帶哂出黎🤤一客都有十幾隻，美中不足係其中兩三隻食到有少少沙。興化炒米粉外貌平平無奇，但會為你帶黎驚喜！炒米粉本身已經考功夫，落得唔夠油會痴鑊，炒得大力又易斷，但呢個興粉米粉極幼細，仍然炒得好乾食又條條分明唔會碎哂

今日難得過海係銅鑼灣行街，順便食個晚飯，之前成日想試下莆田，係食福建菜嘅。因為都怕無book位要等好耐，所以都早小小上去，我地7點左右去到，唔算多人，一入到去就有位，坐低見到已經坐滿一半人，我地落完order已經滿座，真係好彩👍🏽餐牌推介食蟶子，話專門有個養殖場。我地就點左冰爽酒糟蟶子、鐵板鹽焗蟶子、百秒黃花魚同埋一個興化炒米粉。冰爽酒糟蟶子酒味香、夠晒鮮甜。鐵板鹽焗蟶子望落好似燒到乾晒咁，但一打開隻蟶子，完全唔乾，食落小小咸得來又好Juicy😋呢兩樣係一個8選2套餐，蟶子份量足夠，值得推薦！百秒黃花魚，聽個名就知佢係用100秒來蒸煮，出到來賣相幾吸引，佢既魚肉連埋佢入面既湯底一齊食，非常好味！雖然佢餐牌介紹話小骨，但我都見到有唔少細骨，建議大家要小心食用，但味道真係唔錯！都推薦既👍🏽最後就係興化炒米粉，本來唔諗住叫既，但肚餓，所以最後order左佢整體來講佢炒得唔乾身，岩岩好，而佢入面一齊炒既配料都好多，但食落無嘜味，可能我食開辣同濃味野，我要加佢地既秘裝辣媽醬先有番d味道。👌🏽👍🏽👍🏽

呢一間嘅連鎖福建菜其實我喺其他分店已經食過幾次因為味道實在太地道同價錢相宜所以我今次再嚟銅鑼灣既時候再食人家出面嘅福建菜我好少食到蟶子所以今次我就叫咗嘅嘢食都係關於海鮮為主咁前菜我哋有個一品醉蚶佢係一個涼菜嘅小食首先佢先將一啲蚶放低 , 再加埋一啲含有紹興酒嘅汁撈埋上面就放有辣椒蒜頭仲有適量蔥花蚶味道較香甜 而且無沙 酒味唔會好kang 都幾易入口 女仔都食到 而且辣辣地好開胃之後男朋友話見到隔離枱有個精美四小拼好似賣相唔錯我地都order左一個咁會有肴肉 紫菜 豆腐 同荀肴肉好出色 整得好分明 而且夠企身 細細粒咁紫菜豆腐同荀 都幾新鮮 屬於涼菜 味道都幾好 用黎配之後既野食都唔錯之後就有一個紫菜肉湯呢個好好飲阿 清清地唔錯有少少紫菜帶起個味另外有個小菜係參巴炒蟶肉參巴比起一較蔬菜爽口蟶子好大粒好香 有鑊氣我地覺得好好味另外再加埋另一個佢地著名既鹵麵佢既湯底比較濃但配合埋個麵都幾好好暖胃基本上價錢cwb 黎講真係好抵所以見到佢地全場都幾full !! 好彩我地早到

平時經開成日想試，今日放假終於嚟試👍🏽見到Menu話佢地專門有個養殖蟶子場，咁就要試下，有組合優惠價所以揀咗鹽焗同酒釀。酒釀屬於前菜，好快就黎到，蟶子好入味，雖然凍食但唔會過硬，平時鍾意食醉雞既朋友一定愛上。鹽焗蟶子係拎d粗鹽焗既，鐵板上，店員都好細心提醒鐵板邊好熱，蟶子味道鮮甜👍🏽另外點咗精美四小拼，四小拼係根據廚房出菜，而今日分別有水紫菜，燘筍乾，豬蹄凍，滷水嫩豆腐。水紫菜味道帶酸，燘筍乾好林好入味，豬蹄凍出乎預料地係辣辣地既，滷水嫩豆腐口感嫩滑。最後嗌多咗個興化炒米粉，米粉好幼，但食落同新竹米粉係2回事，而且配料多，有蝦，蜆，青菜，蛋。食米粉可以加莆田秘製辣媽醬，味道係酸酸辣辣好開胃😋總括來講今日食既都好味，會再黎食！唯一最想試既九轉大腸今日無🤢環境都好適合同屋企人聚餐呀👏🏽

老實說我對閩南菜既了解非常有限，但身邊幾位朋友都大讚莆田! 真係講到我好心動!心動不如行動! 店內環境好舒適、光線充足、座位亦寬敞，桌與桌既距離都唔錯，唔會互相干擾到。 精美四小拼盆拼盆係用左涼伴既方法，分別有紫菜、荀、豆腐、水晶肴肉，四種小食各有特色，非常開胃! 莆田扁肉湯望落係細細粒既餛飩，但入口似魚皮餃。口感實在太驚豔啦!湯底酸酸開胃，再加上配料一齊飲! 味道完全正中我下懷呀!!! 原來呢個湯係傳統福建手工菜，從皮到餡通通都係純手工!真心推! 鐵板鹽焗蟶蟶子肥美鮮嫩，原本以為會好咸，但反而呢一味會更能食出蟶子既鮮美原味! 而且唔好以為咁樣整d蟶子會好乾身! 係一D都唔會架!蟶子肉依然十分juicy!真係食到停唔到! 紅菇鮮蟶湯湯呈現出淡淡既玫瑰紅色，原來係源自於紅菇本身營養豐富既天然色素，湯越紅，味越鮮！蟶子同紅菇係兩大福建名產!每隻蟶子都吸收左飽滿既湯汁，最後同友人連湯飲埋!清光光! 漁民紫菜燜飯將珍珠米、海蠣乾同頭水紫菜一齊燜煮，味道雖然唔算濃郁但勝在夠鮮味，飯粒入味爽身，粒粒分明，入口有微微紫菜香味。 下次一定要試埋其他唔同煮法的蟶子菜式!