莆田 (荃灣廣場)

营业中

休息中

今日同朋友行完街跟住去食晚飯，之前有同事介紹過荃灣廣場有一間星加坡餐廳，在自己本土 曾拿下多年一星米芝蓮獎項，我哋兩個咁為食，一聽到已經滿心歡喜，一於唔好放過。我哋點了幾款小菜，價錢都好實惠。呢一款蝦苗拌頭水紫菜，聽個名都好骨子，蝦苗濃香味甜，非常鮮味，頭水紫菜手工精巧，一絲一絲的，嫩滑爽口。第二款九轉小腸一圈一圈，足足九轉，裹著食材非常入味，柔柔韌韌，又唔油膩，食完一件你好想食第二件。一上枱已經聞到鹹香黃花魚鮮味，呢款叫百味黃花魚，刀功非常美觀，原條靚靚的，放在你面前，魚肉鮮甜嫩滑，魚香撲鼻，還可以提供不同烹調給客人選擇。一碗傳統扁肉湯係經典製作，由遠古大師承傳下來的烹調秘方，由一塊薄薄嘅粉皮，鎖住鮮甜肉質，汁液體滿載整隻小餃子，再加上一個濃郁湯底，簡直係極高享受。一碟輕化米粉，質感非常幼細，夾起真是輕飄飄感覺，食落口中非常爽滑，呢家正宗嘅食材值得稱讚，同炒嘅配料非常均勻可口，米粉炒得非常乾爽，當你食完碟低都不留一點油漬。再試呢個酥炒芋芯，你就會感覺到大廚嘅用心烹調，佢係用手炒製作，唔會用猛火滾油烹調，大廚一雙巧手，酥炒得不油不膩，口感同樣鬆脆甜蜜，芋芯粉甜蜜味，高質素嘅手藝，必定能

差唔多有一年冇去感覺好似質素下降左啲。今日叫左：九轉小腸，爽口彈牙，味道適中，浸住濃濃嘅汁料味，不錯。糖醋皮蛋，未試過可以試吓但係感覺一般。莆田荔枝肉，菠蘿咕嚕肉嘅翻版，不過換左荔枝肉砂鍋紅糟雞，送飯唔錯既。興化米粉，米粉超柔細應該好難炒，仲要唔斷同夠旦牙，抵佢出名。衛生方便就真係要改善下啦隻碗未食已經有粒飯黐住係碗邊。唉話晒都係米之蓮呀，點解會出現咁嘅低級錯誤？係我心目中莆田都係高中上，點解會發生咁嘅問題呢？

成日經過荃灣廣場都見到莆田好多人今晚媽媽話想試下 好啦 入去開個餐啦原來係食褔建菜 店員大部份都講普通話的坐底無耐就送上菊花菜同埋餐前小食大大粒鮮甜帶微辣嘅菜甫經過店員推介 我地叫左九轉小腸的確無介紹錯 好好味 豬大腸嘅朋友 好乾淨加埋湯底 丄齊食 有口感之餘味道唔錯百味黃花魚 魚湯好鮮甜 黃花魚煮得非常嫩滑 輕化米粉 用上超幼米粉 係小妹至愛個米粉好多料 有蜆。腸。花生。紫菜。豬肉看似平淡 但又好好味 好快清晒最後一人一客扁肉湯 好好味嘅餃子 啖啖肉配埋上湯 完全大滿足

路過六點鐘，竟然冇人排隊，終於可以一試呢一間成日都聽到好多人話好食嘅福建菜價錢好相宜嘅，一啲都唔貴食物質素仲要好OK除咗個素鵝覺得太煎咋外，其餘所有食物嘅感覺都好好冇乜味精值得一試

同長輩食飯 我都係中意簡中菜食始於最緊要係岩口味之餘佢地又中意食今晚出左荃灣 試一試呢間食店龍與鳳先正直食飯時段 有一定人流呀 睇落幾受歡迎睇 我地野食叫左口口算多 不過勝在每樣都岩口味小食九轉小腸好特別同埋花心機既一個前菜卷左好多層 岩落去口感好有層次 味道亦好夠而為左令個小食保持温度 碟小腸下面放左個小火爐暖住佢 所以直到最後個舊都好夠暖百秒黃花魚黃花魚可以話係屋企人最愛利用煲仔去原條烹調 感覺有點新鮮上枱時個魚湯仲滾緊 熱辣辣傳統扁肉湯一個醋味比較濃既扁肉湯我地4個人 叫左兩個湯一齊試下阿媽話佢好夠味 好有水準 唔似一般既味精湯水扁肉份量不過不失 用個扁肉湯黎開開胃真係岩哂興化米粉一個配料非常夠既米粉 粉得乾身 雖然我地只係叫左個細既 但係一行4人既我地都夠食蝦苗伴頭水紫菜一個竹戈覺得今晚最好 最特別既菜式紫菜撈左d香醋 甜甜酸酸 識食既一定係配合個炒米粉一齊食令個米炒再升lv 大家可以咁樣試一試酥炒芋芯食完飯 點都要食食個甜點芋芯外層包住左層薄薄既糖醬外層脆脆地 唔會太甜 入面係熱辣辣既香芋唔油膩 為今晚畫上happy ending

一家人食飯 食中菜就最適合ga la! 係荃灣見到莆田好多人等 應該會係好野尼 見時間唔趕 就等一等入到去裝修好有格調 坐得好舒服我地簡左一輪 最後簡左下面幾款野食九轉小腸-係豬腸入面釀左肉 豬腸清哂入面d 肥膏 一尼係咁肥 二尼最污糟既部份都清左 好好食 小腸厚實 包得好靚好精緻百秒黃花魚-以煲上 有湯配上既魚 烹香左無左腥味 鮮味十足 傳統偏肉湯-係一粒粒好迷你既雲吞湯 好得意 加左湯令到個雲吞好juicy興化米粉-份量多 4個人一人一碗都仲有剩 有海鮮 非常有鮮味 米粉比較乾身 我地浸番偏肉湯就好好味 食唔停呀蝦苖拌頭水紫菜-賣相好特別 係一塊薄青瓜包住紫菜 紫菜用醋撈過 令人開胃酥炒芋芯-其實係反沙芋，用糖披上芋頭再炸 好正 又可以當甜品大家都大讚話下星期要再尼食多次！

世侄女說請我食好嘢、帶我來荃灣米芝蓮一星的莆田、我第一次食福建菜（以前只吃過福建炒面）覚得很特別。我們七個人叫了八人套餐、每碟份量很大吃不完。我覚得所有食物味道不錯，只有九轉小腸不敢試和覚得麥片蝦稍甜。聚寶盆很大份、材料也真的很十足，湯十份好味，喝完也不會覺得口渴，可能沒有落味精。真的冇改錯名值得一試。主食我們選了米粉、須然料不多但米粉炒得不錯不會黏在一起。

一直覺得莆田唔算抵食，但菜色勝在有特式，加上用餐環境清幽寬敞，而荃灣分店多數都唔洗等位，都係一個搵食好去處。閒日下晝嚟到，發現竟然有抵食套餐套餐選擇多，大部分推介菜式都包括在內，最後我揀咗二人B餐滷水自製豆腐：估唔到份量都幾多，豆腐好入味多汁，仲有火爐仔一邊慶住，夠熱蟹肉豆腐紫菜湯：雖然得好少蟹肉，但個湯都幾清甜莆田荔枝肉：初頭以為咩係荔枝肉⋯原來係荔枝煮嘅豬肉軟煎黃花魚：冇花冇假，原條黃花魚，肉地好嫩滑莆田滷麵：好多配料，兩個人食埋呢個麵都幾飽蓮子銀耳湯：呢個糖水比較失色，好淡，不過可能係真材實料冇加糖

星期日係荃灣搵食，搵到呢間星期日下午都有2人餐，望落餐牌都幾多嘢食，所以入咗黎試下。叫咗個2人餐C，本身一坐底就有一小碟前菜送嘅，每檯都唔同，而我哋呢檯，係陳醋木耳。醋味唔會好濃或太酸，有紅椒仔辣椒仔調味，唔辣但夠惹味。C餐入面有4個餸，首先係糖醋皮蛋、黃金包、豆丸肉湯同蒜茸炒荷蘭豆糖醋皮蛋粒粒都好大舊，表面輕輕炸過，加上糖醋汁酸酸甜甜，入面皮蛋白位好彈牙，皮蛋黃有少少溏心嘅感覺，好食。之後上檯嘅係黃金包，個包炸到好鬆化香口，再配埋呢個好似上海菜嘅炒肉絲好似食中式漢堡包咁，幾有趣，唯一就係炒肉絲唔算太熱。接住就係豆丸肉湯，豆丸其實係豆腐同豬肉丸Mix 埋一齊，入面有D 菜甫咁，另外仲有些少排骨，個湯偏油偏咸，唔算係最好食。之後就係蒜茸炒荷蘭豆，係好普通，但荷蘭豆好爽口，唔錯。之後主食方面叫咗個菜包飯，都好大盅。雖然睇唔出點樣菜包飯，但個飯底好似荷葉飯咁咸咸地都幾香又夠熱，都唔錯。但敗筆之處係之前已經食咗4大碟餸，根本食唔落咁大盅飯。最後甜品方面叫咗個蓮子銀耳湯，明明張單係寫熱嘅，上檯時已經係唔知邊到放到涼晒。負分。其實整體野食味道係好食，甚至連上檯嘅菊花菜都好香。而且價錢方面仲好抵食，

與友人既年度飯聚，機緣巧合下黎左呢間我次次行過望過都冇機會入既餐廳！夜晚七點半左右唔駛等好耐位就入得喇，間餐廳寫住如果等超過三十分鐘會有野食送，有趣！坐低就有水果黎做前菜，仲有碟小食 (雖然唔多岩口味，哈哈)經友人推薦，點左好幾款佢覺得好食既菜，其中我覺得肉絲包最好食！ (其實唔記得個名...) 個包好趣身，似炸饅頭，但薄身啲仲有唔少芝麻，幾香口，配上唔會太鹹既肉，係唔錯！另外個興化炒米粉都算有特色，口感特別，米粉好軟身，唔太識形容，入口會半溶，近似棉花糖。其中一款料係餐廳本身特別既紫菜，都幾好食。不過份量唔多。佢有個辣醬，望落似係有心機整既，偏酸既。椒鹽炸豬手都可以一試，似功夫菜，外脆內軟，軟既係筋同膏，唔怕三高就試試佢啦！香酥鴨都炸得唔錯，芥蘭豆皮味道都可以。總括而言點既菜都算有水準既，可以再黎！價錢唔算平但可接受，服務就冇咩好特別。

請指示哪兒有問題而不可刋登？我會配合修改食過幾次，今晚真係中大伏。食到尾聲，叫埋甜品，再食埋桌上既豬手凍，佢切到同圖片差得遠，俾你食果啲細粒到1cm x 1 cm 左右，二十粒左右，唔平囉。一咬落去有尖骨，有四粒，問主任hin，佢話無可能喎，用隔隔左才整既，軟骨黎既，然後佢用9牛二虎之力用佢手指甲質果舊骨，確認唔係軟骨，佢一手收左啲尖骨，話攞入廚房俾大廚睇出黎話，唔關佢店事，中央廚房喎，就走左去，骨就俾佢掉左，錢就要收足。兩個女人加bb一歲幾都收足三位茶錢，有個欄目是芥9元，隱形芥辣真第一次見。個hin主任話食豬梗係有豬骨架啦，食魚蛋都係可能會有魚骨，👏🏼👏🏼👏🏼👏🏼，經理話無得退。我帶住細路，所以無同佢嘈，唉。。。米芝連

去荃灣廣場逛街，經過呢間米芝蓮一星食店， 見午市套餐價錢相宜，就試吓吃福建菜。餐廳環境非常好，座位都算闊落，午市亦不多人，可以舒舒服服吃午餐。午市套餐有多款選擇 ：我選擇了二人套餐中的B餐紫菜蟹肉豆腐羹味道好，但蟹肉和豆腐肉太少。鹵水自製豆腐因為用酒精爐溫著，是唯一一個可以吃到熱騰騰的餸菜。莆田荔枝肉味道和咕嚕肉差不多，但不夠熱。煎煮黃花魚黃花魚不太新鮮，但味道尚可，只是不夠熱。興化米粉雖然材料不多，但米粉炒得乾爽，不油膩，亦是不夠熱。蓮子銀耳湯只得一粒蓮子， 一粒紅棗， 但銀耳很滑，亦不是太甜，只是不夠熱。這食肆環境很好，地方闊落，午市套餐價錢相宜，餸菜味道也不錯， 不過唯一的缺點是 幾乎所有餸菜都不夠熱， 溫溫吞吞，我不知道原因是什麼，但這是它必須改善的地方。

Nice selection of food, also suitable for vegetarians. I liked it. Maybe a bit pricy for what you get, especially a bit noisy (tables are very close to each other, a lot of staff running around, people come in and go out continuously). Food was served very quickly and tastes good, a bit too much oil used for my taste.

第一次食福建菜，响門口見倒下午茶餐五十幾蚊都幾抵食。選左下午茶小聚，小菜點左鹵水自製豆腐， 水晶豬蹄凍，主食點左芥菜粥，送精美甜品，仲有餐前水果送。小菜兩款份量啱啱好，平時冇乜食福建菜，好有新鮮感， 芥菜粥煮得好綿，不會太咸，味道唔錯，雪耳糖水唔會過甜。

今天晚餐超級開心經驗分享本來對米之蓮一星有保留但點了莆田幾個菜色都非常驚喜：莆田滷麵、九轉小腸(媽咪大愛)、黃金荷葉包、興化炒米粉、煎小黃魚👍🏻👍🏻👍🏻 更驚喜的是飯前有水果送經理送上特色菜興化米粉試食冬天細心送上一小杯薑茶(非常好喝，很窩心)最後更有服務員為囡囡送上扭波波一個(一隻狗仔🐶）囡囡勁開心😍😍😍😍超級推薦有小朋友的一家大小👍🏻在香港非常難得有一個不但菜做得好，而且服務非常好的一間餐廳可惜從來不寫食評，一開始沒有拍照🤣