茶餐廳2.0 (已結業)

Happy Friday 約左媽媽食晚餐，放工近近地揀左愉景新城新開既茶餐廳2.0～個個staff都好好笑容，更加堅定我地入去食既決定☺️美國安格斯肉眼扒（8安士）$148鐵板燒咁熱辣辣上黎，配埋黑椒汁，夠曬juicy,冬天食最岩🤤薯菜d薯塊份量多，四季豆就揀曬幼身既，唔驚會食落去有生味，仲好綠，抵讚！媽媽叫左扇貝大蝦意大利飯$88石鍋裝住risotto,令d飯唔會太淋太過濕，配龍蝦汁好好食🥰d海鮮仲大大隻，蝦好鮮甜，扇貝上配左蒜蓉，夠曬滋味～野飲叫左雪糕姐豆冰同雙層朱古力，杯朱古力既雪糕仲有chocolate chips😳飲落好有層次🥰最後叫左個甜品，雪糕雜果雞蛋仔$58，你無聽錯，茶餐廳甜點係有雞蛋仔！而且雞蛋仔整得好有水準，唔似某d街邊檔，食完無苦尾，煙煙韌韌👍🏻

荃灣是我的地盤之一愉景新城也是我們常去的地方最近一次去的時候發現有一家新開的餐廳茶餐廳2.0餐廳名字雖是簡單的2.0可是裝潢上就非常明亮大氣了我怎麼覺得連這個餐具桶都好像是他們設計的一樣我點了個英式all day breakfast 份量比想像中多了許多那個培根好吃到我都要跪下了我搭配的是鴛鴦TerrGor點的是鐵板豬扒先說說鐵板吧是不一般常見的而是大理石板燒TerrGor拍胸脯保證這塊豬扒很有驚喜而且娜娜也認證過的茶餐廳2.0的其中一款招牌是雞蛋仔窩夫我們選擇的是香蕉口味雞蛋仔跟我想像的味道有點落差是屬於冷的有點偏硬我個人覺得如果可以新鮮出爐那在味覺上呈現的層次就會更分明一點不過總題來說茶餐廳2.0是個又經濟實惠味道不錯的餐廳

年尾，公司要我哋清年假，所以今天放了一天假。今朝一早送完囡囡返學，便去食個靚早餐。 餐廳是新開張無幾耐，好好生意，一早就有咁多人食早餐。 職員招呼我去搭檯，一個人來食，無所謂啦。 叫咗個A餐沙嗲牛肉麵配煎蛋和熱奶茶，三十八蚊。雖然貴過連鎖快餐店，但係唔使排隊，仲有專人拎埋嘢俾你食，OK啦。 用手機上網睇下報紙，無幾耐，個靚早餐就到。 啲餐具幾特別，有毛主席個樣，唔通餐廳老闆係佢粉絲? 沙嗲牛肉麵都好大碗，牛肉都好腍，不過沙嗲略嫌唔夠重。 太陽蛋的邊係煎到脆的，好難得，在連鎖快餐店一定食唔到。 熱奶茶香夾滑，好飲! 搵晚得閒，帶埋囡囡來食早餐，又或者食晚餐都好喎。

無幾耐之前，來過食晚餐，覺得呢間茶記啲嘢食都唔錯。趁今日得閒，來食埋個早餐先。一早來到，人流未多，清清靜靜食個早餐都幾好喔!揀咗食個全日早餐，兩個人一齊share，再補加一杯熱咖啡。咖啡係即磨，好香濃。一般茶記都唔會有即磨咖啡的，呢度有，算特別。全日早餐份量好大，一個人一定食唔晒，兩個人share，就啱啱好。有香草牛油多士、炒香菇、火腿、煙肉、炒蛋、茄豆、香腸。分一半，份量都多過平時食一個普通早餐好多。味道都OK 㗎，最緊要啲嘢食係熱的，唔似其他啲快餐店。

做完運動出左汗後又係吸引蛋白既好時機啦，去左愉景新城新開張餐廳， 商場一如概往，係小朋友嘅遊樂世界所以餐廳都特設咗小童餐，店舖係大家樂旁邊，今日就冇叫小童餐，但就係中式餐廳食西餐，order左一份素沙律+兩份扒套餐。<美國安格斯西冷扒 (黑椒汁)8安士 138hkd加十蚊有套餐（湯及飲品）>西冷扒上枱時，有7成熟，店員不停提住要睇熱，好驚訝，塊鐵板真係熱到似係煎住黎食，慢慢咁由7成到8成/9成熟，想熟多d/少d都係可以自己決定，要一讚薯條，可能一直係鐵板上加熱，每條薯條都可以做到外脆內鬆，啖啖都係薯蓉質地。美國安格斯肉眼扒(蒜蓉汁)8安士 148hkd加十蚊有套餐（湯及飲品）呢塊扒好巨型，仲大片過美國安格斯西冷扒，扒煎左一陣，上層係半熟，下層就全熟。烤大啡茹露筍火箭菜沙律 58hkd羅宋湯熱口，有牛肉香味<menu>

今日下午到訪的這間餐廳，門面設計簡潔鮮明，裡面環境闊落，冷氣充足，坐下來不會很擠迫。這家餐廳位於TSUENWAN，從地鐵站來非常便利，適合上班一族。😘😊最令我印象深刻是餐廳內佈置了很多加上後現代設計,富有時代感，但亦可以保留中國傳統氣派。各位食家可以一邊享受食物一邊欣賞藝術, 都市的浪漫!餐牌相對其他食店而言，簡單直接，看後令人有舒服的感覺。從各種細微處可以看出店主的心思。這次點了非常出名的lasagne。意大利文即千層麵。1.這款意式雜菜千層麵，生熟度剛好，入味又嫩滑，芝士味慢慢滲出，不但野味, 而且保留濃厚 鮮味彈牙，趁熱食最好。2. 蘆筍火箭菜沙律。用料新鮮，味道一流。無論如何忙碌，這個聖誕必須一試!😊菜式品種雖然不多，但絕不欺場，食物質量十分高，份量也不少，個人吃到最後實在因為太飽而吃不下，覺得可惜……食店方面亦挺貼心，見客人想喝飲料，會主動問客人是否需要喝茶或其它凍飲品。服務員態度非常友善，令到食客賓至如歸。綜上所述，十分推薦這間用心經營的食店per la vita dolce! 😘😊

又貴又份量小又難食，名叫茶餐廳。同經理反映。佢都好似模凌兩可咁。大家樂相同價錢都會有飽肚感。我食完好似無食过。貴過翠x(上市嗰間)。只此一次。海南雞飯只有雞搥部份。飯都只有三分二碗。個三文魚沙律得一小塊。上碟時以為有人偷食過。餐牌寫有車厘茄同扁豆。得一粒車厘茄(切開)同少量豆角(少過一條)。我同呀媽食完都抛下一句只幫趁佢一次。員工仲問隔壁的牛腩飯味道如何。點知都係負評語。說牛腩太乾大un...剛開業就好心做好d啦。

小妹一直對茶餐廳不太感冒因為好多茶餐廳既質素都比較參差但係今次位於愉景新城既呢間茶餐廳2.0完全顛覆左我呢個睇法---我就點左個石燒系列既美國安格斯西冷石燒比起鐵板燒既優勝之處就係佢唔會過熱,而令牛扒過熟甚至燒焦加上石既傳熱能力較慢同較平均所以發熱時間都會較長淨係少少一塊石板都可以睇到鋪頭幾有心思塊安格斯西冷好有牛味而且咬落去啖啖肉之餘又唔會韌岩晒我呢D牛魔王男友就點左個咖哩安格斯肉眼扒肉眼扒牛味依然香濃而比起西冷,肉眼就多左份牛脂香令人一食再食不過可以見到只有一邊係特別熟如果係兩面平均D煎的話就更好啦不得不提既就係佢D港式咖哩係超級好味辣度唔會太辣,但好食得到咖哩既辣同香最緊要係辣得黎好有層次估唔到用黎點薯角都可以撈晒D咖哩汁因為真係太好味極力推薦就係呢到連D杯杯碟碟都好有心思好有趣另外呢到仲有好多好吸引好有水準既甜品我就點左個日本柚子芝士蛋糕真係估唔到茶餐廳既蛋糕可以做到咁高水準呢個cheese cake既柚子味非常之香濃而且清香而佢清爽既味道令到食完成個咁芝士味濃厚既cheese cake都唔會覺得膩非常之好食男友就點左佢最鍾意既石板街我最鍾意既棉花糖又大粒又足料而且下面既朱古力

lunch hours不包飲料叉燒煎双蛋飯:指明要肥叉，但半肥瘦也稱不上！叉燒厚切．味冇特別，普通.不太juicy and tasty．如下次想食叉燒飯一定不來這裏吃。飯比較硬。海南雞飯:差到極点! 雞冇味、「鞋」、不嫩、難食！只有飯比較香。用甘既design 擺放，好怪。食白飯也比較難進食。冇包湯差D 野甘。總之難食到，一路食一路汶！服務:waiters/waitress 夠多， ok 見到門口有cakes 賣，$38 件，細件又貴！比我感覺想行西歺路線，但入到去又似想行茶歺廳路線。打開menu ，又似全東南亞又做no next time

又到Happy Friday放工約左朋友去荃灣食飯,見到餐廳門口有雞蛋仔,加上裝飾好有香港舊情懷嘅璧晝,就好想入去試下. 餐廳仲要好貼心,有舒適嘅梳化做等位區,可以一邊坐住等位,一邊睇食咩.煎豬扒比煎牛扒難度高,加上見到係石燒,想試下有咩特別,於是我地就叫左香煎慢煮厚切豬扒配薯菜,加10蚊有粉葛豬骨湯or羅宋湯選,仲包熱飲.都好超值.羅宋湯酸酸甜甜,帶D辣,蕃茄味好濃,蔬菜份量又多,用料十足.主角出場,一試上口,豬扒出奇地嫩滑,咬落好多肉汁,調味岩岩好,唔會太咸,豬扒係厚切,有口感,唔難切,煎得火喉岩岩好,唔會韌.仲有厚肉薯條,外脆內軟.另外仲有健康配菜,豆角和紅蘿蔔,朋友一試愛上.食完肉,見到有素食系列,我地叫左扒雜菜漢堡配粉葛豬骨湯. 粉葛豬骨湯清清甜甜,唔會油,好有住家湯感覺.漢堡賣相十分之靚,又健康,材料豐富,有菇, 紅蘿蔔,洋蔥,紅椒,翠玉瓜,口感清新.素食者可以試下,好特別嘅漢堡.扇貝大蝦意大利飯,意大利飯配上龍蝦汁加芝士,令飯有種煙煙韌韌咁,每粒飯都有香濃蝦汁, 扇貝同蝦都好大隻,食落新鮮,彈牙鮮甜.雪糕鮮果雞蛋仔,成個賣相好吸睛,雪糕好香滑,配合香脆嘅雞蛋仔,一冷一熱,

真係生來一條辛苦命，打工打到要幫老細做臨記。事原係，老細喺佢母校做咗委員會主席，今日要搞家長日，小學生們會上台表演朗誦及材藝表演，老細驚到時場面唔夠墟撼，所以要我哋幫手做臨記充撐場面。 今朝日早出門，早餐都未食，好彩周日朝早交通暢通，好快來到學校附近。趁還有時間，先食個靚早餐先。 餐廳位於愉景新城裡面，是新開的，因為我見到啲仲有幾個花牌在門口。 可能係新開張，有好多人貪新鮮，來幫蠅。 不過，呢啲唔係重點。重點係，我食咗個以前未食過的早餐。個早餐叫做 “法式洋蔥湯”，可以配搭米粉、公仔麵或通粉，甚至加錢轉配烏冬或丁麵，再有多士和煎蛋，餐茶跟餐。 我選擇咗食米粉、太陽蛋和咖啡。 兩隻太陽蛋高質素，蛋味香。 多士搽咗牛油，而牛油是混有香草，所以覺得特別香。 最後，係食個法式洋蔥湯米粉。侍應話個湯係可以洋蔥湯，係可以飲晒的。飲落好有洋蔥香蔥香味，侍應果然無老點。 咖啡係即磨的，味道香濃。 剛放低隻杯，老細就call 我咩位置，叫我去停車場集合，一齊去佢母校做 “妹”。呢份工唔易做，不過人工係包咗的。

記等董伯伯做特首時話過要與時並進，呢句話算係佢金句之一，我成日都記住。做餐廳都一樣，改革一下，就可以做到客似雲來。我想講嘅係，今晚我哋去食咗的一間茶記。佢嘅位置在於愉景新城，裝修比一般的茶記都豪。雖然佢嘅隔籬和對面都有大食肆，不過，今晚似乎都輸咗俾佢，原因好可能係職員的服務、食物質素和價錢吧。呢度選擇多，扒餐、鍋飯、喇沙、素食、咖喱、碟頭都有，連甜品都有，價錢親民，又唔收加一。套餐有湯送，如叫特飲可按原價減10蚊。餐湯有中、西湯揀，我哋揀咗羅宋湯。材料足，味道濃郁。喇沙湯金邊粉大大碗，52蚊乍。喇沙湯底好味，配料有烤肉腸、豆卜、蛋、魚蛋，金邊粉爽滑。烤大啡菇、露筍火箭菜沙律隻菇超大，肉厚，好似食扒咁。露筍、火箭菜都好新鮮，不過，沙律汁較少。紐西蘭肉眼扒配薯菜塊扒好大塊。要咗6成熟，切嘅時候已經感受到佢好腍嫩。食落果然好腍，而且肉味濃。青檸梳打、柚子梳打，味道OK，不過嫌冰多了一點。食完，見仲有時間，就叫多杯奶茶，同埋雞蛋仔。奶茶，茶味好good。估唔到茶記都有雞蛋仔食，呢啲咪係改革囉，質素跟街邊檔有得比。碟底嘅口號同公仔，已經寓意咗，改革就會進步。

好開心有間茶餐喺愉景， 唔駛去到荃灣巿中心， 我喺茶餐迷， 最愛常餐， 經常去澳牛， 華星， 香港地 (早餐）， 民華， 覺得簡單炒旦， 厚多，仲有通粉或嗲牛麵加杯茶， 食完好滿足。 估唔到咁簡單一餐， 可以咁難整， 2.0 真喺比我覺得佢喺進化版， 唔喺好食的 2.O 而喺難食嗰種.... 先談佢的多士， 乾而凍， 未溶化牛油， 睇得出多士應該被人烤過幾次， 揾唔到鬆軟，多士大忌。奄列， 旦乾， 好似旦皮加磨菇、 味道一般， 茄牛通， 先唔講茄牛腩， 講湯底、 冇蕃茄， 得兩片紅蘿蔔， 有紅色牛腩油， 湯底冇味， 名正言順水加油， 主菜牛腩， 可能新開， 未炆林巳經上枱， 所以食到我， 滿口牛腩絲。 最後決定放棄。 後來去咗老麥叫雞翼餐， 來填滿胃的空虛。講真， 睇得出店主有心經營， 但食物素質， 如果唔改變， 難以維持。

真係唔可以唔幫手留下負評。。。接近四十蚊嘅價錢嘅一個早餐，你竟然提供一個連連鎖快餐店都好過你嘅早餐俾食客？本人冇心針對，但首先見到價錢本身都已經領人卻步，但一心期待會有高質素嘅早餐黎呼應返貴餐廳嘅收費。先唔講你嗰啲七十幾蚊得嗰幾樣嘢嘅早餐2.0，你哋連平一般茶餐廳早餐set都未做好就收咁貴，似乎有點兒.....今朝食個餐肉烏冬...得一塊煎燶左嘅0.5cm厚嘅餐肉咁大把？太X都有兩塊啦！個烏冬湯...根本清水黎煎蛋🍳充滿鑊撈杯奶茶...淡到水一樣再加上貴餐廳嘅餐具....大部分用上淘寶假搪瓷貨，老實講....簡體字加上餐具上嘅質感真係好反感。我哋一行幾人，冇一個滿意個早餐。同行友人都表示..咁簡單嘅早餐都做唔好，仲點俾機會試佢啲百幾蚊嘅午餐晚餐呀⋯⋯總結，冇下次。

叫了一個常餐, 內有火腿磨菇奄列, 牛油多士和鮮茄牛腩通粉, 先談談那個火腿奄列, 隻奄列邊係脆的, 佢比我感覺係煎過唔知幾多次先做到咁, 至多塊牛油多士, 真心覺得塊麵包好硬, 唔脆口, 好了, 輪到主菜上場, 成碗通粉無茄味的, 係見到有少少紅色的感覺, 而入面的牛腩絕對係精萃, 我會勸喻有牙力的朋友才去食, 因為真係又韌又黐牙.....我只能讚一讚這裡的裝修幾好, 隻杯重好有特色...至於食物....我自己就唔會再去