茶餐廳2.0 (已結業)

今天下班過後，相約了朋友前往荃灣逛街，放鬆一下。過去的一個星期，太辛苦了，真的很擔心自己的情緒會爆炸，我不想呀。逛街過後，選擇了一家位於商場內的餐廳，它位於荃灣的購物中心地帶。餐廳位於商場內，環境舒適，座位很寬敞，十分空擴，裝橫方面，以香港為主題， 作為香港人，充滿感覺， 內裏更有香港特色的擺設， 外國人來到，也會目不暇給。餐廳廚房香港美食，是香港的味道，有很多不同的選擇， 沒想到簡簡單單的雞蛋仔， 配搭香蕉起來，有如此驚喜的效果。

非一般茶餐廳, 呢到係中西甜品都有! 而且MENU仲有純素系列, 岩曬不同需要的朋友~ 有小朋友仲岩, 有兒童餐!香草醬雜菜意粉 - 純素系列, 賣相已經吸引, 有松子, 不同顏色的瓜, 蕃茄仔等等, 香草味道夠濃!紐西蘭西冷扒 - 西冷扒十分大件, 有1寸厚, 石板夠熱, 薯仔亦係新鮮炸的西冷扒有肉味亦唔韌, 十分抵食!!海南雞飯 - 雞肉夠厚多肉, 可惜只有2個醬汁, 油飯亦中規中矩跟餐的中西湯都好足料, 西湯有大量不同的蔬菜, 中湯真係有豬骨!咖啡亦好好飲!最後一定要食埋甜品 - 蘋果金寶雞蛋仔!雞蛋仔香脆, 仲加埋大量的CREAM, 雪糕及蘋果金寶做TOPPING.每一啖都食到脆脆, 食一份都飽曬!餐廳坐得舒服, 大量卡位, 唔錯!

上次想來食海南雞飯點知食唔到，今次特登約咗朋友嚟愉景新城，諗住順便一齊食埋晚飯。我就叫咗個海南雞飯，而朋友就叫咗個紅酒燴牛尾飯。我叫咗個餐湯係羅宋湯，味道好鮮味，整得好濃郁，入面仲有菜同埋豬肉。呢個就係我叫嘅海南雞飯啦，分量都有唔少㗎。我好怕食雞會有好多毛，好在呢個海南雞飯都冇乜毛。整得好有雞味，而且雞肉好滑，仲有啲薑蔥好香。呢個就係朋友叫嘅紅酒燴牛尾飯，重用個鐵鍋上可以保持熱度，真係熱辣辣。估唔到牛尾都有好多肉，而且味道仲整得好濃郁。

市面很多茶餐廳都刻意走懷舊風格、玩集體回憶，偏偏這間茶餐廳背道而馳，玩進化版。門面很濶落，視覺上空間感十足，不會逼逼劫劫。新派裝修配上傳統格調磁磚，感覺依然諧和。西冷牛扒好多肉汁，medium是最有魅力的。我鐘意自己動手落汁，睇住佢熱騰騰的蒸發很有滿足感。雞扒湯烏冬用上石碢盛載，感覺截然不同。好耐都冇飲可樂加雪糕 (ie.黑牛)，如果唔係餐牌有此飲品，幾乎忘了它的存在。雪糕紅豆冰是我兒時最愛，要默書/測驗/考試攞到高分才有的獎勵。

我由細到大都係住舊區，所以成日去茶餐廳用膳，它給我的印像是傳統兼有點殘舊。今日嚮愉景新城的"茶餐廳2.0"食飯，感受郤是另一番滋味。扇貝大蝦意大利石碢飯的飯質煙靭，好有嚼頭。除非戒牛肉，否則這美國安格斯肉眼扒相信無人不喜歡的。很多餐廳都會忽略看似簡單的羅宋湯，很多時因放得太久，水份被蒸發而變得太鹹 。這裡則keep到有人鐘意juicy一點，我就覺得紐西蘭西冷扒七成熟是最好的。我是第一次嚮餐廳食雞蛋仔，懷舊感覺即劇刻返晒黎。

我同老公之前都食過呢間2.0，諗住新開，地方又幾乾淨，諗住以後呢間都會係飯堂，點知入面有個似主持人束馬尾既呀姐態度惡劣，我地想坐卡位，明明都無人等，佢都係要我地坐二人位，仲大聲話我地。我地之前去食有個似老闆都幾好人，我星期日黎食個早餐係想hea下享受下個早餐，我就比佢搞到超級嬲。我地未落單，你地趕客，我地亦有權選擇，我地咪去左隔離果間茶餐廳，人地一樣咁爆咁多人，我地一樣有卡位，我唔係打手，我係附近住客，我以後都會black list 呢間茶餐廳。

早前聽朋友講話愉景新城開左間茶記，我唔信，我反問佢邊有可能啊！點知，真係事實黎。原來佢係進化版既茶記，唔係一般香港人認知既茶記。環境非常衛生乾淨，燈火通明，坐位亦相當舒適。店面更設有即場雞蛋仔，香味撲鼻，非常吸引。與朋友看了餐牌，覺得價錢適合便選擇入坐。恰好避過了午飯繁忙時間，可以坐卡位。我也想不到茶記也會有不同種類的餐飲選擇，港式有，西式有，日式也有，萬應俱全。我點了日式的石窩日式雞扒烏冬，朋友就點了西式的牛尾意大利飯，配了港式獨有的黑牛和白牛。相映成趣。石窩上果然有石窩上的吸引，當遇上天氣寒冷時，吃上一碗熱騰騰的烏冬，實在非常感恩。石窩保持了食物的熱度和鮮味，讚。牛尾意大利飯就份量十足，果然是茶餐廳的進化版，連份量也一同進化，味道也切合港人口味。黑牛和白牛就是小時侯的回憶，相信也不用多說。

新正頭，梗係要食番個豐富既開年飯啦！今日得我地班細既番工，無得有大食大，唯有係茶餐廳尋找點慰藉。約埋一班同事去試新開既茶餐廳2.0，既然要豐富d，同事叫左牛尾意大利飯、日式照燒雞扒漢堡，我就叫左石窩日式雞扒湯烏冬。牛尾意大利飯，好大碟，大碟到我地呆左，個位大食男同事食極都仲有，食到食唔落仲有一半，睇黎今年佢橫財就手到一個點，好好運喎。日式照燒雞扒漢堡連薯條，薯條非常脆口，好有茶餐廳1.0既既味道。好有小時候既味。至於我個個烏冬，不過不失，上菜時，可窩超熱，d湯仲滾下滾下，好癡線。臨走，我地仲叫左雞蛋仔外賣。今年一定可以過一個好年。

一直都好鍾意食港式茶餐廳，但但又覺得大部份茶餐廳環境比較迫，想坐得舒服啲食個lunch亦未必會選擇。但係呢間茶餐廳2.0就滿足晒我嘅要求，既有經典港式食物，環境闊落，又坐得舒服。👍🏻👍🏻👍🏻一於食返個叉燒煎雙蛋飯先，蛋黃真係撈飯一流，叉燒都算淋 半肥瘦幾好味！🍳🐷另外叫咗個港式咖喱肉眼扒配意粉，咖哩好惹味，牛扒好大塊，但肉質唔算好好。咖哩好味既，可試配其實肉類。可能新開張人手未算好夠，期待下次再光臨會有進步!

同朋友們嚟愉景新城行買我地朋友小朋友生日禮物同我地買韓衫！行到盡頭禁錢見有個滋味市集，就入嚟食個飯。紐西蘭肉眼扒 (8oz) 包餐茶 $98 配薯菜，擇飯or意粉都得。一件大塊一件中型，不得了。上枱時熱火火石板上，沙沙聲上。放黑椒汁後係狂沙，全場焦點！牛扒要翻身多d，有件無做，老左d。另一件保得住，香口有林位唔錯啦以依個價位。以下兩個餐就要可以加$10有餐湯，飲品，凍飲加$3羅宋湯都幾多菜料。凍朱古力比熱檸水大杯，加3蚊係份量都多左，哈哈。一開始以為比錯杯，之後杯凍檸水到就印正無比錯，哈哈！卡邦尼烏冬配日式溫泉蛋 $68熱辣芝芝煮，雞蛋好快熟。除左比較咸，整體好cream多汁又多雞花。烏冬保持到硬度又唔痴底，依個抵讚！香煎慢煮厚切豬扒 (12oz) $72 配薯菜，擇飯or意粉都得。4款咖哩汁擇：港式咖喱、泰式咖喱、日式咖喱、和越式咖喱。情歸港式咖哩，茶餐廳係香港特式，有薯仔。薯條係大個隻，正，至愛薯條！外軟脆，一咬有薯蓉咁。點辣辣地既港式咖喱都係第一次。豬扒粉嫩厚切都爆！怪唔到係粉嫩。咁厚應該要煮好耐，肉會老。慢煮真係唔同d，近年都好鐘意慢煮個隻好補住肉汁既做法，係可以成件唔過火。最

Weekend 每次行經都大排長龍, 今晚終於都有機會試下呢間茶餐廳 2.0晚市時段有套餐, 但其實散叫主食都可以加錢轉套餐｡餐湯有中湯同西湯揀, 西湯當然係羅宋湯啦, 材料用上大量蔬菜, 味道酸酸辣辣, 非常開胃｡焗豬扒飯焗豬扒飯用個煲仔上, 好有食煲仔飯嘅感覺, 夠晒特別｡一打開, 香濃蕃茄味即刻撲出, 面頭有大量焗到溶晒嘅芝士, 塊豬扒非常厚身, 而個飯仲係炒飯底 !! 正 !!紅酒燴牛尾石窩飯個石窩夠晒熱辣辣, 上到黎時仲係炸炸聲, 牛尾份量超多, 而且已經炆到淋晒, 入晒味, 底下仲有好多紅蘿蔔, 呢道餸用黎撈飯食真係無得頂呀 !

今日的午餐來到愉景新城的茶餐廳2.0，見到非常多人，好在都不至於要等位。慢煮牛腩$66，配飲品熱鮮牛奶。慢煮牛腩內配港式咖哩，裡面有車喱茄，洋蔥及薯條，牛腩非常大件，煮得很腍，令牛腩帶著淡淡的港式咖喱味。隨碟有薯條及西蘭花，令食大大條的薯條都不覺滯。薯條大大條，雖不脆，但入口很香及比較有薯仔味。再配上熱鮮牛奶暖暖淡淡的鮮奶味，令現在比較凍的天氣飲完覺得很是舒服。生炸雞髀配鮮雜果沙律$55。炸雞髀外皮帶少少脆，肉質比較嫩。鮮雜果沙律食得出很新鮮，配上帶甜味的沙律醤，可以省去食炸雞髀的滯。

經過見到寫住2.0 而且格局又靚過一般茶餐廳 所以決定一試呢度既餐具都好特別 充滿濃厚既中國風唔通茶餐廳+中國風=2.0？男朋友叫左鐵板肉眼扒配意粉 一嚟到個板係沸騰地熱 啱啱嚟既肉係大概5成熟左右 如果本身食開7成以上 可能要等一等先食！蒜茸汁都幾濃 然後重點係塊肉好鬆軟而且熱辣辣 性價比都ok而我試左日式咖哩西冷扒配薯條 我幾中意個咖哩汁 甜甜地 薯條份量都夠多同香脆 唯獨略嫌塊扒熟得濟 有少少un！如果指明可以要幾成熟就更佳最後必試雞蛋仔甜品 呢個係香蕉雪呢哪雪糕雞蛋仔 雞蛋仔即叫即整 勁香脆！熱辣辣既餅底加埋凍冰冰雪糕 一熱一凍既組口👍🏻👍🏻唔錯整體嚟講 茶餐廳但係有高於一般茶餐廳質素！都值得一試

平時食開既茶記, 都可能係食黎食去果幾味唔係話唔好食, 但真係有D悶囉, 但D間茶餐廳2.0就唔同啦, 係一間有新意既茶記環境光猛, 整體感覺乾淨, 唔怪得咁多人黎食卡邦尼烏冬配日式温泉蛋-$68卡邦尼既味滲晒落烏冬度, 好香口, 好惹味, 而且配料都有唔少, 唔錯紐西蘭肉眼扒(8安士)-$98上台就已經比佢既熱氣征服左啦, 好正咁, 食落舊牛都幾嫩口, 岩岩熟, 幾有牛味, D個價係性價比超高!我地配黑牛同鮮奶, 唔洗只係再飲凍奶茶凍檸茶咁悶!總結我地都幾滿意D個茶餐廳進化版, 好味又有創意, 正呀!

情人節餐廳都爆滿, 遲少少都已經訂唔到位, 其實只要同情人過, 食咩都開心~剛好SPAO大減價, 所以決定去愉景新城行。在二樓實惠行了一陣, 發現旁邊是一條路去759及有間茶餐廳2.0好似發現新大陸咁!從來都唔知有呢個位置! 當然試下食新餐廳啦~茶餐廳2.0, 應該是新款式的茶餐廳?情人節當然要點扒餐! 另外也點了烏冬餐湯是羅宋湯, 是我拍得差, 湯還不錯, 份量多, 湯內的蔬菜也挺多的紐西蘭肉眼扒: 有8安士, 可以選白飯/意粉/薯菜, 我要了黑椒汁薯菜職員說牛扒是5成熟後放上鐵板再出餐的,黑椒汁淋在牛扒上滋滋聲, 入口應該是8,9成熟剛剛好!青檸梳打: 跟餐減十蚊, 青檸味十足! 梳打水啱晒食完肥美牛扒的我~ 石窩日式雞扒湯鳥冬: 石窩堅熱!!!!一直滾住鳥冬至少5分鐘! 雞扒厚厚的一塊切成幾條, 要小心燙~跟餐加5蚊有我最愛的熱鮮奶跟餐還有甜品 - 迷你雞蛋仔雪糕!!so mini and cute! 份量剛剛好食完8點幾, 餐廳外已經好多人等緊位, 可以只有我覺得茶餐廳2.0位置很神秘, 跟本人人都識得去搵野食情人節有扒, 有甜品, 有情人~ 滿足晒3個要求~