茶舍 (北帝街)

营业中

休息中

茶舍位於土瓜灣，估唔到呢個地段咁多新建豪宅都有咁貼地抵食嘅餐廳～食物質素仲唔錯添！先講吓個咖啡，非常香濃提神，不過怕苦嘅朋友就可能未必飲到。推介大家試吓軟殼蟹蜆意大利麵，軟殼蟹煮得好好食，本身作為一個海鮮控即刻愛上，估唔到係平民餐廳呢啲高級食材，而且仲整得幾好食～龍蝦湯海鮮飯又係超好味😋飯吸收晒湯同蜆嘅鮮味，仲有大大隻元貝同埋蝦，非常豐富鮮甜美味！最後講吓個雞翼，叫餐追加超抵食，外皮燒得好脆，裏面仍然鎖住雞嘅肉汁好juicy，食材都唔錯肉質彈牙，推介大家一定要追加埋～總括而言，茶舍性價比高，貼地cafe有西餐鋸扒又有海鮮食，推介大家大陸都唔使返可以留港消費😍

門口有咪錶，幾方便。早餐價錢算平，尤其是扒餐，比其他茶餐廳平。豬扒，加豬柳炒蛋，丹麥多士，仲有啲沙律菜，才$40。豬扒大塊，好食，炒蛋都OK。咖啡係即磨咖啡，都算OK 。衛生一般般，唔算話特別乾淨，裝修都比較殘舊，同埋坐得幾迫，啲枱好細張，兩份早餐擺完成張枱滿晒。食早餐快快脆就冇乜所謂。侍應姐姐好熱情，招呼幾好，冷氣凍又幫我換位，同埋人手落單，唔使自己QR code ，仲方便又快脆。因為抵食味道OK，下次經過都應該會再幫襯

茶舍位於土瓜灣，呢個地段都有唔少新起嘅樓宇同埋豪宅，但係估唔到今日都搵到咁抵食嘅cafe~ 餐廳主打一啲西餐，例如意粉鐵板燒等等，食物質素都唔錯，性價比相當高！首先講吓濃蝦湯海鮮湯飯，個汁非常之香濃，撈飯食一流！海鮮飯仲有好多款唔同嘅海鮮，包括青口、蝦、帶子、蜆同埋魷魚等等。海鮮份量多，同飯一齊吸收晒湯嘅鮮味，特別好食😋叫咗一個小食椒鹽雞翼，追加價錢特別平，抵食之餘炸得香脆，裏面雞肉仍然保持嫩滑鎖住肉汁，廚師功架一流😋最後講講鐵板燒，塊肉大大塊，呢個份量去西餐廳食起碼都要三百幾四百蚊，加少少汁炸落鐵板即刻噴晒煙，香氣撲鼻，正！整體而言，呢間餐廳價錢非常貼地，令學生哥或者想平平哋食一餐嘅朋友都可以享用到鐵板牛扒、海鮮飯呢啲高級菜式，良心小店值得支持😍

😡差評。唔會再幫襯。沙嗲牛肉麵酸嘅，食完連續兩日肚屙同嘔，同埋頭暈，你哋有冇認真處理食材 ，答案呼之欲出。南瓜雞肉意大利飯，食食吓有牙籤喺入面，可見衞生情況令人擔憂。如果嗰陣冇小心睇到，可以想象到後果係幾可怕。

It offers a diverse menu that showcases both hits and misses. The Baked Rice with Tomato Sauce is a comforting and satisfying dish, the rice cooked to a fluffy perfection and the tomato sauce providing a bright, acidic balance. The Seafood Spaghetti is a delightful affair, with tender noodles and a medley of fresh, briny seafood. The Side Salad is a refreshing palate cleanser, the greens crisp and the dressing well-balanced. And the Lobster Soup is a creamy, indulgent treat, the rich lobster fla

之前喺大埔都食過呢間餐廳，原來土瓜灣都有，咁就直接買返去朋友屋企食😎今次去食覺得個職員真係好有禮貌，會簡單介紹吓有咩好食，又唔會提我哋嘢飲飲唔晒，可以放雪櫃魚子三文魚蛋炒飯 $60炒得好香😍好多料三文魚夠足料，愛蛋夠碎夠香口，整體好夾味！日式特製蒲燒鰻魚丼飯 $64超大片燒汁鰻魚好好味😌😌亦都好厚身，唔會一夾就散，味道很不錯👍🏻👍🏻👍🏻鰻魚上面仲有啲木耳絲飯份量唔細，男仔都會夠食，口痕想食鰻魚飯，冇諗過茶餐廳都可以做得唔錯！蒜蓉汁香草雞扒滑蛋包飯 $48超級推介呢個飯，因為真係好抵食，雞扒有兩塊超大塊，唔使擔心係好薄嗰種，厚度正常，雞皮煎得香脆。蛋炒得好靚、色澤鮮黃蛋味香，呢個飯性價比真係好高！

茶舍 (北帝街) (土瓜灣)📍土瓜灣北帝街15號地舖🌟 **原條魚柳包 配薯條 🐟🍟**- 呢個魚柳包真係超抵食！🐟 魚柳大到好似一塊滑浪板咁，去衝浪 🏄‍♂️🌊，一口咬落去，外脆內嫩，魚肉鮮甜多汁，真係好滿足！🤤 配埋香脆的薯條🍟，一齊食真係絕配！👍🌟 **柑橘炸雞件 🍗🍊**- 呢個柑橘炸雞真係一試難忘！🔥 外脆內軟，咬下去嗰陣陣柑橘香味🍊，真係令人食完仲想再食！ 😍 炸得啱啱好，唔會太油膩，味道清新又有層次，真係超好味！🤩🌟 **白汁芝士焗西蘭花 🧀🥦**- 白汁芝士焗西蘭花真係健康又美味！💚🥦 西蘭花焗得啱啱好，口感鮮嫩，加上濃郁的芝士🧀，一啖落肚，健康同時又有罪惡感🥰，真係好滿足！ 芝士香濃但唔會太膩，真係正！😋🌟 **星級特飲: 紅菜頭芒果梳打真的是一種讓人無法抗拒的飲品！🍹✨這款飲料將紅菜頭的自然甜味和芒果的熱帶風味完美結合，每一口都讓人感受到滿滿的清新與活力。🍷🥭🫧🫧讓整個飲品變得更加有層次感。✨🧊冰涼的感覺立刻撲面而來，讓你在炎熱的天氣中感到無比清爽。🌞❄️推薦俾所有鍾意美食嘅朋友！🙌💖 食物質素高，價錢合理！👍🍽️

工作後經過又見到這一間茶舍就，就買個外賣返屋企食有一排冇食過這間餐廳，掛住佢個濃蝦湯海鮮 湯飯 同埋南瓜野菌王烤雞意大利飯好彩餐牌仲有呢兩個食品可以選擇外賣自取仲有九折可以試下咁耐冇食食物有冇退步上次就食過柚子芝士蛋糕今次就試下朱古力芝士蛋糕外賣份量都幾足，溫度都夠熱返到屋企仲係熱嘅心念念不忘嘅濃蝦湯海鮮意大利飯正足料因為返到屋企仲係熱嘅所以冇腥味 蝦湯夠濃，將飯倒入去之後唔會覺得淡味帆立貝都幾大隻蝦都仍然有爽口南瓜野菌皇烤雞意大利飯好大份，成兜飯一個人完全食唔曬飯好掛汁，但係又唔會過濕白汁芝士焗西蘭花芝士 因為除咗芝士仲有白汁所以西蘭花食落唔會太寡仲可以拉絲，西蘭花爽口知真係好少有餐廳有芝士蛋糕，仲要係做得好食 ，質地比較硬身，但係又唔會太硬，仲有少少批底，朱古力味都夠濃鬱， 係感覺有啲似生朱古力一樣好好食成餐飯都覺得好滿足，份量好多另外餐廳服務態度良好，等外賣期間就叫我喺入面坐低慢慢等，感覺都幾貼心

茶舍樓面不大, 座位之間空間不足, 略有壓迫感。早餐選擇不少, 價格相當親民。早餐 $381) 炒蛋火腿丹麥酥包2) 鮮茄午餐肉扁意粉3) 熱華田炒蛋火腿丹麥酥包質感鬆軟, 蛋炒得滑溜, 火腿雖然沒有煎得很香口, 但保留火腿原有味道, 一口有齊三種質感, 感覺滿足。鮮茄午餐肉扁意粉材料豐富, 有大量午餐肉和少量鮮茄西芹, 灑上香草, 把簡單的早餐提升層次。午餐肉切丁, 大大粒, 毫不吝嗇, 煎炒至乾身, 入口香濃, 有點邪惡。扁意粉份量不少, 唯略略偏腍。鮮茄味道濃郁, 西芹清爽, 喝一口番茄湯, 味道不錯, 喝後不渴。阿華田味道略淡, 雖然點了熱的, 但凍得快, 炎熱的天氣也不怕會喝到冒汗。

土瓜灣北帝街一向多野食，呢間轉角嘅茶舍，menu好多野食揀，有扒，有西餐，有pizza，又焗飯，蛋包飯等，就決定一試。我揀左三個餐，分別係蒜蓉汁雞扒滑蛋包飯，鮮茄汁香煎豬扒滑蛋包飯，呢兩個都只係52元，仲有，忌廉野菌皇烤雞扁意粉，這個就56元，呢d餐仲包左熱飲，堂食都吾洗加一，真係好抵食，正呀。兩碗滑蛋飯都好有水準，是買外賣，但回到家，蛋都仲好滑，一點都不老，豬扒雞扒大大塊，肉質仲好嫩，好食。忌廉野菌皇烤雞扁意粉，這個很好味，意粉軟硬適中，喜歡佢汁岩岩好，不會太少很乾又不會太多很水，忌廉味濃，野菌很多，很香菇味，食落很飽又好食。最後點多份火腿滑炒蛋三文治，大大份，厚炒蛋正呀，簡單食物都造很很出色，好美味，水準之食店。

今晚屋企無煮野，決定出街食晚飯，呢間餐廳嘅餐牌有多元化菜式同裝修別緻，好搶眼，附近比較少呢類餐廳，於是決定食呢間。一坐低，員工親切有禮幫我哋點餐，我哋叫左燒肉汁白切肉滑蛋飯，升級左配有餐湯同沙律。一放上枱見到白切肉大塊又夠香，每啖肉都充滿燒肉汁味，甜甜鹹鹹，滑蛋又夠香滑，配上飯一齊食一流！生煎豚肉斧頭扒可以配蒜茸汁或者黑淑汁，我哋選左蒜茸汁同配飯，呢個餐已包括餐湯及沙律。豚肉斧頭扒份量十足同厚身，食落去肉質嫩滑，夠鬆軟，味道好濃郁。沙律份量夠，餐湯係龍蝦湯，味道都啱啱好。總括而言，今日食得好滿足，餐廳環境坐得舒服，食物好味，性價比高。

在OR找附近的北帝街找食，天氣乾燥喉嚨有點亁的，見到茶舍有海鮮湯飯，正合我意過了午飯時間，附近都是住宅，但仍然差不多滿座，看來街坊都偏愛這店；早午晚下午茶晚餐也有幾款套餐，比其他茶餐廳來得豐富；眼見有不少長者客人，侍應都很友善招待，像舊街坊的閑聊幾句，沒有其他茶餐廳的趕頭趕命海鮮濃蝦湯泡飯，大蝦帶子魷魚青口蜆一應摳全，配料也不少；最重要是濃湯果如其名，湯底厚，味道足，不是稀淡的狀態，配合熱飯更加對胃口

茶舍（北帝街）喺成條街嘅角落頭位置唔係幾起眼，佢都算係一間連鎖店。有啲人話佢係茶餐廳，我又唔覺得完全係茶餐廳。佢嘅食物款式真係好多。茶舍提供日式蛋包飯、意粉、意大利飯、港式焗飯、牛扒仲有蛋糕糖水，乜都有d。鮮蜆白酒煙肉蒜香天使麵賣相就一般，望落去呢好混亂呀，不過可能臨上碟嘅時候大兜亂炒一炒，所以都明白嘅。料就非常足夠，煙肉同蜆都多。味道方面呢，明顯有落白酒煮，有好獨特嘅白酒香。但係呢碟意粉嘅精髓我必須要提嘅，就係羅勒葉，又稱九層塔。呢塊羅勒葉嘅香味再加埋白酒蒜香，令到呢碟意粉係值得一試！咖哩牛腩焗飯就極之邪惡，咖哩夠辣夠香，而且有唔少芝士喺面，牛腩同牛筋嘅份量都唔算少。都係一個令人滿意嘅港式咖哩焗牛腩飯。

I got scammed! I went to buy a cup of tea, and the lady initially said it was 32 HKD. As I was preparing the cash, I placed 42 HKD on the table but was also searching for 2 HKD coins in my pocket. When I found the coins, the lady demanded more money. Not realizing at the time, I handed over the extra cash she asked for. It wasn't until I got home that I realized I was shortchanged by 20 HKD. The lady must have pocketed the 20 HKD while I was searching for the coins. This behavior is unacceptable

呢度近屋企，所以成日都會去。超中意佢個米粉係透透地明，夠滑，唔係間間餐廳識用好味既米粉！雪菜係自己輕輕醃，不過鹹，仍保留爽脆口感。跟餐有千層多士同滑蛋，半片火腿，唔要滑蛋火腿可轉兩隻太陽蛋。佢呢度既奶茶又好好飲，用左黑白淡奶，茶膽夠濃，所以夠醇夠香滑！佢既沙律都幾大兜，加左胡麻醬幾好食。牛角麵包有烘過，好有牛油香，鹹牛肉炒蛋係你想像到既味道，炒蛋滑身。家人叫左餐肉米粉，餐肉夠厚切，大滿足，湯底都夠濃味。之前試過粟米忌廉雞絲湯底，覺得偏淡，榨菜肉絲湯就好惹味辣辣地，不過略嫌味精重。