茶舍 (北帝街)

营业中

休息中

新開時就時常幫襯，自從擴張後愈來愈差。食物當然達不到食好西的水準，但只當茶記便飯，有多點選擇就可以。餐具不太清潔有跡，最好係唔係都浸水抹乾淨。近年職員態度很差，吉位根本多過一半的時候，也會不斷要求你攝邊位，但男士單人坐全枱就不會不斷多說，不只一次。所以已經唔會再有下次。以前還拍下食物來介紹給朋友，而家當然唔會再幫襯。坐位是2023年9月拍下來，私訊向該公司反映，完全沒有回覆。本來隔了幾個月再試試，都仲係咁。週圍都係街坊茶記，比呢度更有人情味。

呢日係土瓜灣諗打完波見到呢間餐廳餐牌幾吸引，有得鋸扒，有日式西式，仲可以打邊爐，價錢又唔貴，就入黎試下。因為想咩都試下，就嗌咗個二人餐兩個人share佢個餐跟咗個餐湯同沙律,佢個羅宋湯比起平時果d辣, 冬天黎講暖下個胃都唔錯。之後個set果度我就叫咗個紐西蘭肉眼扒，一上到黎見到個份量十足既牛扒山，比想像中大份，岩晒超肚餓的我。三大塊牛扒放係個鐵板上面個，好香！另外我地仲揀咗個蒲燒鰻魚炒珍珠飯, 佢鋪滿d木魚碎係面，口感唔錯👍🏻個飯炒到粒粒分明，每一啖既口感都好滿足。最後配菜揀左白汁芝士焗西蘭花，有肉有菜食到好滿足，不過佢既份量比想像中多，應該3個人都食得晒，我地最後都冇浪費打包帶走

龍豬情侶黎到土瓜灣區覓食，見到有間冰室個樣幾新，就行埋去望望menu，發現冰室以西餐為主，決定一試。午餐1.咖哩雞焗飯 $56雞是以雞扒切件而成，炒飯底，咖哩汁足夠，香而濃，屬於一般茶餐廳質素。2.千島海鮮披薩 $68披薩底一般，餅底較硬，未有脆口感覺。披薩配料有菠蘿、火腿，芝士足夠，不過不失。餐廳的坐位較狹窄，如坐4人卡位會需要與他人同坐，服務態度一般，龍豬情侶認為不需特地去試。推薦指數：5/10好味指數：6/10環境指數：4/10服務指數：5/10------------------‐------------------------------To Kwa Wan Hong-Kong style restaurantJL couple foodie go to To kwa Wan and have a lunch at a Hong-Kong style restaurant. The restaurant is special as it do not just provide Chinese food but also western food.Lunch1. Curry C

今日朋友坐完月出關我哋就帶禮物同埋買外賣上去探佢同BB。喺佢屋企附近搵咗呢間餐廳估唔到食物好味之餘，份量都好多。叫咗個慢煮咖哩牛腩飯，黑松露野菌意大利飯同埋鮮茄菠蘿焗豬扒飯套餐配搭有幾種可以連埋沙律同埋餐湯要及飲品或者甜品鮮茄菠蘿焗豬扒飯首先必讚佢係炒飯底，另外用上新鮮蕃茄同菠蘿，加埋濃郁嘅芝士非常惹味，再配埋啖啖嘅厚切豬扒，好開胃之後就食過黑松露野菌蠔仔意大利飯，一開外賣盒，估唔到嗰份量咁多，而且嗰種黑松露香氣係喺個外賣盒跑出嚟，令人食指大動，意大利飯煮得啱啱好時間，食落夠曬煙韌有咬口，而且好多野菌，意大利飯吸收曬黑松露忌廉汁嘅香氣，好味道。呢到仲會加埋唔少蠔仔，食落嫩嫩新鮮，價錢比起出面好多餐廳要平，但又落足料，唔會似出面就咁單野菌意大利飯，值得一讚。最後食埋最濃味嘅咖哩牛腩，咖哩牛腩用慢煮方式煮得夠淋又入味，食落啖啖肉之餘咖哩汁亦都係好好餸飯，咖哩汁食落嘅層次好豐富，，仲有連皮薯仔，三款都令人好滿意，朋友食到停唔到口。另外加錢配套餐嘅野菌蘑菇湯都好好飲，夠稠身，沙律新鮮又開胃，$12有沙律同湯，外賣仲有9折，真係超超超值!

興趣班後來到附近的餐廳吃過午餐才繼續這天的行程。這餐廳面積不大，但食物選擇也很多，午市套餐均配送飲品，所以光顧的食客也很多。～鮮茄汁香煎豬扒滑蛋包飯（配熱杏霜）賣相不俗，一大塊豬扒放在蛋包飯上非常觸目。雞蛋煎得尚算香滑，豬扒煎得恰到好處，一點也不會韌。個人認為如果鮮茄汁的份量加多一點，那便理想了。飯後來一杯味道不錯的熱杏霜滋潤一下，非常滿足。～菠蘿鮮茄三層焗豬扒飯（配熱檸檬茶）熱騰的焗豬扒飯確實惹來好感，菠蘿鮮茄醒胃好味。切開滿佈芝士的豬扒後，發覺份量也不少，味道也不錯。友人不經不覺就吃完整個焗飯。飯後的那杯熱檸茶完全能解去膩的感覺。第一次幫襯這店，感覺也不錯。

經開土瓜灣，見呢間茶餐廳評價幾好，本身吾太餓，但見下午茶餐性價比好高，就叫左炸雞髀薯條配凍檸茶($42+3)，再加多份煉奶杏霜一口西多配茶走($32) 雞脾薯條都係新鮮炸起，雞脾好似係生炸，好脆，內裡juicy , 炸得好好，一d都吾硬，好正😂薯條都系，好食過快餐店好多x3煉奶杏霜一口西多好特別，一口西多最正係一啖放哂落口，外脆內軟，吾會太甜可能野食太好味，又叫多份雪菜肉絲米配熱檸茶 ($42) ，呢碗米粉系近年食過茶餐廳最好食嘅雪菜肉絲米🥹湯底食到系蒜頭炒過，好惹味，份量又好多，飽到飛起😂個人覺得熱檸茶有茶味過凍檸茶餐廳既姐姐都好nice 值得支持

📍茶舍 (北帝街)呢間係屋企附近，之前已經試過叫外賣。今次就到樓下試堂食，無論堂食定外賣，個份量都好大份☺️午餐呢個價錢就已經包埋一杯熱飲，凍飲+$3🫶🏻$68 鮮蜆白酒煙肉蒜香天使麵份量係相當大份，用嘅係新鮮蜆唔似出面有時用冰鮮蜆。而且唔會太乾身，有小小醬汁係底$72 - 濃蝦湯海鮮飯蝦湯好濃厚，海鮮味都好入味，入面有蝦🦐、魷魚圈、鮮蜆同青口。職員仲好友善，提醒我地唔好等咁耐先食，耐左食食無咁好食😽+$28 至尊套裝就包餐湯、沙律🥗同蛋糕🍰😋羅宋牛尾湯 - 飲至最尾會有啲牛尾肉係到胡麻醬沙律🥗 - 啲沙律菜都好新鮮朱古力芝士蛋糕🍰 - 用嘅芝士係偏酸嘅個種季節限定 - 栗子蛋糕🌰+$18 星級特飲 - 朱古力棉花糖生椰乳特調

黑松露 鮮野菌 炒蛋 牛角酥包 配沙律菜：一上枱就聞到香噴噴嘅黑松露，炒蛋口感嫩滑，鮮野菌味濃，3樣食材份量都好多，而且味道絕配，而牛角酥外層酥化，裏面鬆軟。朋友話好味！餐飲：熱奶茶美式早餐：香煎牛扒，肉質軟淋，size 大過好多連鎖店。煎焗流心蛋，炒滑蛋，丹麥酥包口感軟熟。餐飲（升級）：樽裝桂圓紅棗茶美式全餐：黑松露份量好多，滑蛋真係嫩滑。大啡菇 juicy，充滿菇味。煙三文魚口感唔會乾硬。法蘭克福腸 同鮮茄 都正常。丹麥酥包口感軟熟。餐飲（升級）：樽裝桂圓紅棗茶職員服務殷勤、快捷食物 CP 值高

茶舍係一間位於土瓜環嘅港式餐廳，而家周圍都有好多分店。我個人最鍾意嘅就係佢嘅咖喱焗牛腩飯。咖喱焗牛腩飯呢道菜以咖喱焗牛腩同飯為主，非常受歡迎。牛腩經過煎烹調，變得軟嫩多汁，配合濃郁嘅咖喱醬汁，味道香濃。特別係佢入邊有牛筋同埋薯仔，佢地唔單止係烚熟咗就焗，而係煎熟先再焗，顯示出餐廳對細節嘅細心處理。茄汁焗豬扒飯呢道菜以茄汁焗豬扒同飯為主，係一個經典嘅港式菜式。豬扒經過煎烹調，表面煎至金黃酥脆，內裡嫩滑多汁。配合茄汁醬汁，味道酸甜可口。飯同豬扒一齊焗熱，令味道更加融合。黑松露蠔仔意大利燴飯呢道菜以意大利燴飯為主，配上新鮮嘅蠔仔同黑松露。意大利燴飯煮得香濃，每粒飯粒都吸收咗湯汁嘅味道。蠔仔鮮甜，黑松露帶嚮豐富嘅香氣。呢個菜式結合咗東方同西方嘅元素，味道獨特。茶舍嘅特色就係提供傳統港式菜式，而我最推薦嘅咖喱焗牛腩飯，味道濃郁香辣，牛腩軟嫩多汁。茄汁焗豬扒飯同黑松露蠔仔意大利燴飯都係菜單上嘅經典菜式，味道豐富鮮美。如果你鍾意港式菜，茶舍絕對係一個值得一試嘅餐廳。

今日經土瓜灣，見到呢間餐廳裝修幾特別，睇餐牌食物性價比都唔錯🤣 就去試吓佢嘅西餐！ 魚籽三文魚蛋炒飯裏面嘅食材好豐富 用咗好多魚籽 所以咬落去都好有口感 ！三文魚就似係煙三文魚 因為有少少鹹香 仲加咗啲紅蔥頭去炒 咬落去好fresh 同埋好香 中和左本身炒飯嘅油膩鮮蜆白酒煙肉蒜香天使麵份量十足，蜆都好多隻 ！ 除此之外佢仲有煙肉，洋蔥同埋蘑菇，炒埋一齊嘅香口！ 蒜香🧄 味 唔會太過重整體個味道調得唔錯 亦唔會炒得油膩 星級套餐+$12 有龍蝦餐湯，沙律🥗見到係龍蝦餐湯所以就嗌咗一個套餐龍蝦餐湯幾 creamy 仲真係有龍蝦味 性價比超級高😍😍蒜香雞中翼 同出邊一般嘅雞中翼好唔同！ 食得出佢有花心機醃製雞翼 😍除咗好似出邊餐廳嘅炸雞翼外皮金黃色 好脆口之外 咬入去雞翼juicy 同埋有蒜香味 💯值得推介！環境幾舒適裏面大部份都係卡位個侍應態度都幾好 🤣可能見我睇得耐餐牌 所以就問我使唔使佢推介下 PS: 餐廳食物份量真係好大 🤪所以試唔到門口嘅甜品 🤣下次經過再試吓

經常來吃早餐，每次小朋友叫吉列豬扒，都起碼講三次話要走沙律醬，小朋友食咗沙律醬皮膚會敏感，但係呢間餐廳每次都忘記，今次個體驗就更加差，第一次落咗單俾錯咗蒜蓉豬扒，第二次仍然係忘記照加沙律醬，第三次佢抹咗佢叫我接受，第四次佢攞入去炸完扮係一塊新嘅，但係角落位仍然有沙律醬痕跡，完全唔知道咩叫食物敏感，講咗又唔聽扮冇事發生，一個咁簡單嘅要求都做唔到，仲要求其抹咗佢勉強要客人接受，仲要當客人傻嘅炸完扮新，佢哋新請嘅員工真係越嚟越垃圾。食完今次都唔想再幫襯佢哋。

今日放工想食下西餐，見到呢間餐廳嘅環境舒適，裝修別緻，於是決定晚餐食呢間，一打開餐牌發現原來中日西餐都有，好多選擇，我哋最後叫左一個二人套餐。套餐跟左沙律同餐湯，沙律份量夠，餐湯飲到龍蝦味，味道同稠度都啱啱好。主菜穀飼安格斯牛叫左五成熟，配扁意粉蒜茸汁，安格斯牛肉身厚同好鮮嫩，食落外脆內軟，每啖都好有牛味，配上翠玉瓜、粟米、蕃茄仔，可以解膩。千島海鮮Pizza好足料同皮好脆，Pizza上面平均鋪好海鮮、粟米料、煙肉、洋蔥、菇，連埋芝士食，口感豐富又好味。白汁芝士焗西蘭花入面仲有好多煙肉，融化左嘅芝士配上西蘭花一齊食，味道好香，健康得黎又好味。總括而言，餐廳坐得舒服同性價比高，得閒可以再黎食。

夜收工經過土瓜灣嘅茶舍，二次encore 佢哋嘅香焗咖喱牛腩飯同蒲燒鰻魚炒珍珠飯。香焗咖喱牛腩飯牛腩經過烤焗後，肉質變得軟嫩，咖喱醬汁濃郁而香辣，令人食過翻尋味。炒飯底蓬鬆，厚而微焦嘅芝士同咖喱牛腩完美結合，絕對係一道令人大感滿足嘅焗飯。蒲燒鰻魚炒珍珠飯鰻魚經過燒烤處理後，肉質變得嫩滑。珍珠飯粒飽滿，經過炒後粒粒分明散發著香氣。鰻魚和珍珠飯既結合，帶來獨特嘅口感，而且份量非常多，夠女士們2人share👍😀細看menu原來茶舍仲有好多新式餐點，鍾意食肉嘅你可以揀鐵板餐，佢哋有好多選擇，如果鍾意西式食物，佢哋都各種西式意大利飯，唔同配搭嘅意大利粉、Pizza，真係好多選擇，每次試一種，可能要試2個月先試得完😆 下次決定試佢哋嘅南瓜汁野菌烤雞意大利飯同、魚籽三文魚蛋炒飯😛

又到3點3下午茶時間 突然好想食邪惡西多😈 🔸奶油厚多士 $28非常厚 應該有成2吋厚📏 表面炸至金黃色 上面有片薄薄嘅口油牛油🧈 內餡嘅花生醬有埋花生粒🥜 更有口感 🍯糖漿比起一般冇咁甜🍅鮮茄午餐肉通粉 $38配 炒蛋丹麥酥包🇩🇰羅宋湯味道可以更加濃郁👉🏻👈🏻午餐肉好厚好大粒 通粉頗有咬口 炒蛋好滑好嫩 6-7成熟啱啱好 好好味👍🏻 火腿唔會太鹹 但有少少偏油 🍞方包好香牛油味 味道似甜餐包 如果再大塊啲就好啦🤩不過茶餐廳嚟講 飲品就平較普通 🫖茶底唔夠濃郁 奶茶唔太似港式奶茶 飲落有啲似麥噹噹奶茶 所以都OK嘅 但如果檸檬茶嘅話茶底唔夠濃郁嘅情況就比較明顯🍋本身無抱任何期望 隨便入嘅一間茶餐廳 食落又唔算太差喎 而且價錢都算相宜

這家設計獨特的餐廳正要攻佔連鎖餐廳的一席位，很多區都有它的足跡土瓜環店相當方便，從A出口走5分鐘便到了店員相當有禮貌，我為了避免阻他們做生意站在店外，她還叮囑我不用在店外曬著等呢出品慢煮咖喱牛腩飯56.00問過店員這跟貴幾蚊的焗飯有什麼分別，原來這咖哩飯只是少了芝士，我就試了試這個咖哩汁超濃，牛腩牛筋超多又極稔，也有幾塊很粉的薯仔🥔，幾乎比飯的分量還要多，口味鹹中帶辣，超惹味極好吃，而且還有夠大！飽足感滿滿！熱檸檬茶吃完咖喱🍛喝杯熱檸茶解膩，茶底相當濃，不俗魚籽三文魚蛋炒飯65.00飯量充足，裏面還帶有不少蛋碎，加上帶鹹鮮的魚籽跟煙三文魚🍣口味不滯，有夠健康蒲燒鰻魚炒珍珠飯65.00有燒汁的飯底很夠多，鰻魚肉緊實不腥，木魚的味道令人想起日本居酒屋🏮，令人一口接着一口！大男人也飽的份量，正點！茶舍 (北帝街) (土瓜灣)土瓜灣北帝街15號地舖