茶舍 (北帝街)

营业中

休息中

叫咗嗰早餐外賣，包括煙肉餐肉，但打開外賣盒發現裏面沒有煙肉餐肉，有諗過打電話去，預咗補救方法應該係叫我去攞返，天氣咁熱仲要走過去攞，食咗都補唔返，算數！所以係評語留言算啦，希望餐廳多多注意。

今日繼續在土瓜灣試食店，比起早餐，午餐的選擇多很多，大部分食店都會開，只要你是一個人而非一班人去，通常都可以插針式入座。這間hi tea就是，我一個人入去，安排我坐最入的吧檯，與員工同檯食飯。這裡大部分都是4人位，幸好有些單人位可以坐，看menu鰻魚滑蛋飯才$60，當然點啦。鰻魚是很少失敗，很安全的點餐食物，因為鰻魚都是叫貨，有order時再翻熱，味道好穩陣。這個滑蛋鰻魚飯就是如此，正常的鰻魚+滑蛋+飯。都幻想到是甚至味道。這個地方；這個價格；這個味道；沒投訴了。

今日放工去北帝街搵食，喺街頭見到呢間餐廳裝修幾靚就揀左佢。餐廳名叫茶舍，以為係賣台式飲品嘅餐廳，入到去望一望個格局再睇埋餐牌先發現係茶餐廳。食物選擇都幾多，有鐵板、蛋包飯、芝士焗飯、意粉等等。嗌左3個餐，分別係焗豬扒飯，薄餅同軟殼蟹吐司，另外加錢叫左兩杯沙冰。食物一黎到就已經驚食唔曬，全部都好大份。↘菠蘿鮮茄三層芝士焗豬扒飯 $56首先嗌個飯黎醫肚。寫住「三層芝士」就被佢吸引，真係好多芝士。茄汁偏酸，好開胃。豬扒有煎過，香口，唔會過薄或鞋口。↘脆炸軟殼蟹芥末醬吐司選配薯條  $72一睇menu就俾佢吸引左啦！  一上枱就「嘩」一聲，吐司同薯條都好大份！軟殼蟹好大隻，好香脆。吐司都唔係白麵包，有煎/炸過，都係脆口。蕃茄片、生菜，加埋芥末醬，食落唔會感覺得膩。最鍾意佢用芥末醬而唔係普通沙律醬。由於個吐司太豐富，要擘大個口先會食到，初相識嘅男女或情侶進食呢樣食物時要注意下儀容啦↘千島海鮮比薩 $68都有好多芝士，仲可以做到拉芝效果。↘鮮草莓冰沙  和 鮮芒果冰沙 各加配$18飲品叫左草莓同芒果冰沙，芒果味比較淡，草莓香甜啲，會推介草莓冰沙。另外叫左杯熱朱古力都好夠濃。所有食物價錢唔貴，好大份

雖然餐廳有提供預定座位服務，但到達餐廳後都要在櫃檯取籌號等位入座。如果吃快餐來說，大家都會快快吃飽了就走，都不會坐超過45分鐘，座位空間也比較狹窄，職員安排二人一邊坐，桌面中間有一塊透明膠版阻隔，會望到對面適合比較尷尬，擺放食物不太方便。上菜時間合理，大概需時8分鐘。食物夠熱，軟殼蟹炸得夠脆，但多士沒烤得夠，不夠香口，感覺像吃普通甜麵包，口感不配合。凍檸檬茶甜度適中，下單時選了少冰，茶底清，感覺清新。午餐整體滿意。

收工外賣左土瓜灣北帝街嘅一間新式冰室-茶舍，同老公2人真係食到好滿足啊！等外賣時留意到佢地嘅裝修同氣氛好舒服，落單時店員都幾親切。我叫咗幾道菜，其中包括日式特製蒲燒鰻魚丼飯，咖哩牛腩焗飯，煙三文魚沙律同濃蝦湯。先嚟講下日式特製蒲燒鰻魚丼飯，真係好正啊！鰻魚煮得岩岩好，肉質仲幾嫩，蒲燒醬汁嘅香甜味道好搭鰻魚，真係好味。啲飯都煮得岩岩，食落有口感。如果你係鰻魚愛好者，真係唔可以錯過。咖哩牛腩焗飯焗得非常出色，咖哩味估唔到咁濃郁，牛腩肉煮得好軟冧，焗飯上面嘅芝士令整個飯更豐富邪惡。如果你平時食開咖哩，一定要試下佢地嘅咖哩。煙三文魚沙律係一道清新嘅開胃菜，三文魚煙好唔錯亦唔會太咸，配上新鮮嘅生菜同埋沙律醬，真係好開胃。成日去街食都要食下菜保持健康，呢個會係一個好嘅選擇。最後，蝦湯一入口幾鮮甜，湯底濃郁，有濃濃嘅蝦味，令人食完之後都暖好飽足。茶舍係一個好就腳既新穎港式餐廳，位於土瓜灣美食街-北帝街既街頭，座位設計舒服，食物都非常多選擇，質素出色。如果你係土瓜灣附近，而又想食親民款式多啲嘅餐廳，茶舍係一個唔錯嘅選擇。

📍今日嚟到位於土瓜灣嘅茶社，正正就係喺街口角落。🔻餐牌款式多多，有扒類、焗飯、Pizza、意粉等。雖然地方唔太大但係人流好多。🔻1. 蒲燒鰻魚炒飯呢樣嘢好多人都有推介，佢哋採用珍珠米再加入鰻魚汁，鰻魚嘅份量亦都好足夠！配埋木魚、香菇粟米粒，入味得來好fresh! 🔻2. 黑松露野菌蠔仔意大利飯黑松露味偏淡，但係蠔仔量極其多，幾乎淡淡都有！🔻3. Oreo碎片沙冰的而且確裝到好滿，頂頂有Oreo餅碎舖上表層，賣相不錯🔻4. 原味芝士蛋糕芝士蛋糕唔會好膩好甜🔻5. 朱古力芝士蛋糕芝士味較朱古力味重🔻總括來講，呢間分店份量好多，價錢確係相宜；但可能地區關係，餐廳裏面有少少烏蠅飛飛下，而且店員嘅服務態度如果可以友善少少就💯

以茶舍做今晚的晚餐，去到門口都好多人排緊隊，好彩等咗唔係好耐，就有位啦，餐廳內裏環境其實唔大，大家其實好快食完就走。在門口睇過餐牌：坐低睇下放大版餐牌附有相，可以睇到食物既樣，呢點幾好，方便選擇。我哋點咗三個：一飯、一意粉、一Pizza，兩個人絕對夠食。菠蘿鮮茄三層芝士焗豬扒飯雖然要等，但上果時就熱氣騰騰，香噴噴。煙三文魚火箭菜pizza，唔細個，雖然無相煙三文魚露出嚟比較生嘅樣，但在pizza入面焗熟都係好香，pizza上面都鋪左好多火箭菜。忌廉野菌蘑菇烤雞扁意粉料多，正常size, 烤雞粒香。最後見佢個牛角包好靚仔，最後都點咗，食落係冇令我失望。牛角包好酥軟我覺得好好，出乎預期，無諗過在茶餐廳食到呢個口感，兩個字‘酥軟’，推薦可以叫，如果係下午茶配奶茶正👍🏻 雖然今餐係食緊晚餐飲品就叫了凍奶茶、熱朱古力，香滑，標準茶餐廳水準。結帳合計：

叫左個 Hi + Tea 焗肉醬意粉+ 吉列豬扒. 之前食過好幾次，但係今次個肉醬意粉，裏面有塊硬嘅東西. 問咗職員佢拎入廚房，再拎返出嚟話係雞皮.之前食過好多次都冇, 雞皮可以咁硬咁黑嘅…唔通係烏雞？Ordered the afternoon tea-set “Hi+Tea” oven baked spaghetti with pork katsu. Had no issues before, but this time there was a hard wood like piece in the spaghetti which is a potential choking hazard. Asked the waiter whom she brought back to the kitchen and came back telling me it’s chicken skin… how can the chicken skin be so dark and black. weird..as I have eaten it multiple times and never had

今日去朋友屋企玩，咁啱佢屋企附近都有茶舍，之前已經食過九龍灣嗰間，覺得味道同cp值都唔錯，所以決定買外賣上佢屋企食！我哋比較多人，所以都係叫主食為主，分別有蒜蓉汁香草雞扒滑蛋包飯、蒲燒鰻魚炒珍珠飯同菠蘿鮮茄三層芝士焗豬扒飯，每一個飯都包一杯嘢飲，只要五，六十蚊就有一個飯加嘢飲，真係超值！蒜蓉汁香草雞扒滑蛋包飯$48雞扒鮮嫩多汁，而且仲好大塊，仲有啲蛋都煮得好好，好滑！飯嘅底部仲有好多蒜蓉汁，食落去唔會好乾👍🏻蒲燒鰻魚炒珍珠飯$68呢個飯好足料，有好多鰻魚！而且仲有好多配料，有蘑菇粒，洋蔥，粟米，面頭仲有啲木魚絲做裝飾，睇得又食得🤩菠蘿鮮茄三層芝士焗豬扒飯$56焗嘅時間啱啱好，豬扒唔會太乾，而且有大量嘅菠蘿同埋蕃茄，酸酸甜甜，好開胃！

食物都可以，份量多，都是大大份，飲品就一般，還有可惜員工態度不好，收銀員態度差到好似我殺左佢全家咁，我只是問有冇得付八達通，唔比人問唔好做收銀，永不再光顧今時今日仲有啲咁既人

土瓜灣不嬲都多茶餐廳，今日係天光道轉角位，見到呢間嘅光猛，地方唔大但好多人食，就入去試下。餐單睇落都幾多選擇，例如天牛扒、焗飯、蛋包飯、pizza、軟殼蟹吐司等。嘢食嘅份量都幾多，岩晒好飯一族。軟殼蟹白酒海鮮天使麵（$78）軟殼蟹好大隻，炸出嚟外型幾堅挺👍🏻食落都脆口，粉醬偏厚身。如果可以處理埋啲鰓，食落就更無後顧之憂。天使麵整體不過不失，為左隻蟹可以一試冬陰功雞肉pizza （$68）呢個pizza幾有驚喜。聞落有冬陰功味，食落辣味唔重。用料簡單而充足，菠蘿、雞肉、千島&冬蔭功醬，加埋大量芝士😋熱辣辣食好唔錯三文魚沙律（$48）食左咁多肉都想食啲沙律，醬比較多，而份量都okay凍檸茶（+$3）凍奶茶（+$3）😆作為奶茶控，唔係間間凍奶茶我都會收貨。呢間茶舍奶茶都唔錯，可以嗌下👍🏻

今日嚟到土瓜灣北帝街呢度，土瓜灣真係一個變得好快嘅地方，自從呢度附近起咗身樓盤之後，舖頭亦都煥然一新，開咗好多新嘅餐廳同埋商舖，今日就試吓呢間叫茶嘅餐廳。點咗兩樣嘢，分別係龍蝦湯意粉同埋南瓜意大利飯。先嚟咗南瓜意大利飯先，唔會似一般茶餐廳，煮得太淋，食得出係即叫即做 ，而且材料亦都非常豐富，唔會無聊，除咗南三瓜之外，仲有蘑菇同埋各種蔬菜等等，調味亦都10分適中，也唔會太重口味。重頭戲可以話係龍蝦湯意粉，一碗有半隻大大隻嘅波士頓龍蝦 ，肉質爽，蝦味極濃。連個湯都可以成碗飲埋。而且除咗龍蝦之外，裏面仲有青口，魷魚同埋蜆等等嘅海鮮，非常豐富。最難能可貴嘅係咁多種海鮮生熟程度都係啱啱好，可以睇得出廚師嘅心機唔係全部一鑊熟。

今晚屋企冇人想煮飯, 有咩好得過叫外賣, 我地成日都食既茶舍中意佢地食品選擇夠多, 中西食品都有, 而且味道好唔錯價錢為經濟!! 我地今次就買左三個餐🙊1/ 蒜蓉汁香草雞扒滑蛋包飯🍛 $48雞肉鮮嫩多汁而黃黃既滑蛋炒得好靚! 蒜蓉汁香草味道濃郁，撈埋飯黎食一流!!2/ 魚籽三文魚蛋炒飯🍛 $60呢個炒飯口感豐富，魚籽同三文魚搭配好惹味，而用珍珠米既炒飯都好有咬口!!3/ 蒲燒鰻魚炒珍珠飯🍛 $68鰻魚烤得入味，同樣搭配珍珠飯既口感也很好。4/ 凍檸檬茶🍹 跟餐$3甜度岩岩好, 茶味夠5/ 咸檸檬七喜🍹 跟餐$10半個咸檸跟埋, 跟餐飲呢個抵!6/ 熱檸檬茶☕ 跟餐檸檬味濃郁，因為有成三片咁多, 落足本!!

裝潢真係靚到爆！坐得都好舒服，真係好想留低嚟坐下飲杯茶。但係份量就有啲失望啦，特別係軟殼蟹炒意粉，油油地，食落好濟，唔太掂。魚柳Burger就更加一般，冇咩驚喜，而且魚柳冇味，真係有啲失望。另外，我試咗焗豬排飯，但個汁好淺色，都冇味，感覺好失落。總括而言，呢間餐廳嘅裝潢同坐位真係好出色，但係食物方面就有啲令人失望。如果你想搵個地方坐下休息，飲個茶，呢度係一個不錯嘅選擇，但如果想食好嘅食物，就要再考慮下啦。

今日難得來土瓜灣工作，買啲下午茶俾同事，意外坊幫襯了幾高質的茶餐廳「茶舍」😋2點至6點都係下午茶時段，平均$42就已經有主食加小食，仲包埋飲品添🥳叫左三份下午茶HI TEA 套餐 ($42@)分別有：迷你卡邦尼意粉+吉列魚柳迷你肉醬意粉+香煎雞扒一口西多士+香煎豬扒雖然係迷你，但份量我覺得配埋小食係剛剛好🥳食物都係想像中既水準，外賣都keep 到👍🏽而焗左既食物都有芝士鋪面，更加香口😋另外再叫左個煙三文魚沙律 ($45)🥗三文魚份量多，沙律用酸酸味味既柚子醋幾refresh! 見店舖有個甜品櫃，每件cake $16一於試埋 柚子芝士蛋糕啦芝士幾香～唔會太甜👍🏽另外想讚一下外賣飲品，用左tray裝，拎得好隱陣👍🏽