茶舍 (北帝街)

营业中

休息中

今晚屋企無煮野，決定出街食晚飯，呢間餐廳嘅餐牌有多元化菜式同裝修別緻，好搶眼，附近比較少呢類餐廳，於是決定食呢間。一坐低，員工親切有禮幫我哋點餐，我哋叫左燒肉汁白切肉滑蛋飯，升級左配有餐湯同沙律。一放上枱見到白切肉大塊又夠香，每啖肉都充滿燒肉汁味，甜甜鹹鹹，滑蛋又夠香滑，配上飯一齊食一流！生煎豚肉斧頭扒可以配蒜茸汁或者黑淑汁，我哋選左蒜茸汁同配飯，呢個餐已包括餐湯及沙律。豚肉斧頭扒份量十足同厚身，食落去肉質嫩滑，夠鬆軟，味道好濃郁。沙律份量夠，餐湯係龍蝦湯，味道都啱啱好。總括而言，今日食得好滿足，餐廳環境坐得舒服，食物好味，性價比高。