影片
开饭介绍
走年轻路线的冰室，装潢简约舒适。主打西式料理，另亦供应港式及日式口味，选择多元化，分量十足且价格相宜。
继续阅读
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
-
网上订座服务暂停
影片
相片
Soda juice
+1.8K
+256
食家推介
今次发掘到一间超有惊喜嘅茶舍✨，唔系普通茶记咁简单，菜式带点各国嘅fusion，环境chill得嚟又唔贵，绝对系街坊隐藏版好店！ **🍴 法式野菌牛柳粒** 👉🏻 **牛肉粒超嫩滑！** 一入口就知系靓货，咬落去juicy到爆💦，完全唔会韧！野菌香气超级浓郁🍄，黑胡椒调味啱啱好，带微微辛辣感，同牛肉嘅油脂香完美融合～呢个配搭真系无得输！😍 **🐮 慢煮牛脷配粟米汁饭** 👉🏻 牛脷**慢煮到超软嫩**，一啲都唔腥，仲有淡淡嘅炭烧香🔥！粟米汁香甜creamy🌽，捞饭食真系停唔到口～份量仲要好足，大胃王都够饱！ **🦑 焗墨鱼彩椒扁意粉** 👉🏻 墨鱼份量多到吓亲人🦑，弹牙又鲜甜！彩椒嘅清爽中和咗芝士嘅浓郁🧀，扁意粉煮得al dente，每一啖都挂满酱汁～呢个真心推荐！ **☕ 热咖啡 / 热奶茶** 👉🏻 茶记灵魂饮品！咖啡香浓唔苦涩☕，奶茶茶底够厚，滑溜得嚟带少少回甘～完美ending！ 呢间真系平靓正之选！环境舒服，食物有水准，仲要唔使排长龙～绝对会encore！❤️
继续阅读
「土瓜湾」嘅「北帝街」可以讲喺一条食街，两旁食肆林立，街坊啲有三𩠌饭，高级啲又有地中海菜，讲到香港人嘅日常非茶记莫属，今晚老婆自己有局，所以，又约咗老友出嚟食餐便饭、倾吓偈，拣「茶舍」，都喺在地老友嘅介绍，当然要实地查证吓啦，始终食嘢好讲个人口味。睇外观都知佢属于新派啲嘅茶记，装修简约，仲喺好新簇簇，够晒光猛，主要都喺啲卡位同四人座。依家好多茶记嘅设定都差唔多，餐具、纸巾、基本调味料都放晒喺枱侧嘅抽柜里面。但值得一提喺呢度摆放充足，又整齐，唔喺间间都做到架。好少茶记嘅餐牌都有自我介绍，佢嘅餐牌第一版就有一篇营运理念，原来呢家土瓜湾店喺「元祖店」嚟，发现到家下都已经有好几间分店。主餐牌就无影，因为太厚太多页，反而，有一个「必吃推介」餐牌，睇睇有无嘢啱食，睇落OK㖞，最后拣咗一份串标同一份蛋包饭。值得一提，8:30pm入座有九折优惠，本身已经无加一，仲要九折，可以又悭啲。不过，埋单时店长补充话只喺佢哋分店有此优惠咋！饮品方面，唔好谂住茶记就只喺啡茶、柠水、华田……𠮶啲，店长推介我试试新出嘅「苏爆」梳打系列，标明用上100%果汁加泰国梳打水，跟餐有优惠，小弟都喜欢试吓新嘢，试一杯都好㖞。梳打芒果 +$18、冻奶茶 +$3个梳打芒果卖相已经好有型，原枝大针筒内嘅喺纯芒果汁，因为唧咗少少出嚟试，果然100%，童叟无欺，沟埋啲相打水，入口又清甜，又凉爽，配食羊肉真喺夹㖞。此外，一份梳打芒果其实可以冲到两大杯。而友人就喜欢奶茶，佢话杯奶茶茶底几香，又无过甜。罗宋汤我哋叫𠮶两个餐都只喺包基本餐饮，店长好好人，送多个餐汤俾我哋饮。虽然都喺大大路嘅罗宋汤，但饮得出好足料，而且，味道酸活，够晒浓郁。茴香纽西兰羊肉串标 $98串标先登场，够晒霸气，一大串烧羊肉都有好多件，而且，肉质软腍，又有羊肉嘅膻香，只喺个别一、两件有少少筋。而伴碟仲有焗薯、烤菠萝、烚甜粟同娃娃菜，仲加多一兜炸薯条添，非常丰富，让人满足。照烧安格斯纯牛汉堡蛋包饭 $78依家讲开汉堡牛肉都唔会有样低档感，有时反而唔喺平价嘢添，呢一道蛋包饭更以安格斯嚟做件汉堡牛肉，食落肉味浓香，又富肉汁，口感松化，配上照烧汁，好有和风感；而蛋皮做得亦够嫩滑，跟蟹籽、饭粒一齐食，别具美味。一向都话做饮食唔容易，就算茶记都要推陈出新，搞搞新点子，这回所试嘅几样嘢都好唔错，加上啲招呼又好，环境舒服，嚟茶记都可以食得称心，唔再喺单单填饱肚而已。
继续阅读
17/5在土瓜湾分店, 落单过程已非常不愉快, 店员没有听清楚我落单, 我用积分换了特饮, 跟店员说要用coupon, 店员只跟我说同出面讲,我话咁我照落左先,佢都系话同出面讲。落了单, 等了30分钟没有上菜, 只见店员不断出外卖单, 忍了一阵追单, 店员问我叫左咩, 我问系咪即系冇落到单, 店员问另一个食紧饭听唔清楚我落单个位员工, 再问我, 即系冇落单啦。食饭位员工拎住部机同我落单, 而且我讲了几次食咩都冇落到。白等了半个钟。冇落单位店员有得食饭, 我食北风。
继续阅读
🌸茴香纽西兰羊肉串标，摆盘好靓，一长条羊肉串标上枱，感觉好豪迈！厚厚嘅羊肉，份量都唔少，肥瘦适中，羊膻味唔会太重，黑椒汁都几浓郁！配菜都好丰富！包括有烧薯仔、烧粟米、烧菠萝、菜、同埋薯条，都几饱肚！🌸照烧安格斯纯牛汉堡蛋包饭大大碟，嫩滑嘅蛋包住暖暖嘅照烧汁饭，上面舖满蟹籽同埋一大块安格斯纯牛汉堡，厚厚嘅汉堡仍然保留到肉汁🌸梳打芒果造型好特别，大针筒入面系芒果汁，芒果味道好清香，倒入梳打一齐饮，特别清爽解渴，消暑一流！🌸热朱古力🎀餐厅舒适宽敞，餐厅店员服务态度好友善，抵赞
继续阅读
店员自己落错单，同我讲过路坏咗整唔到西多士，之后叫我食佢落错咗嘅意粉，但隔篱枱叫西多士系有，乜应该咁样对客人嘅咩？其实你落错咗俾客人转返俾客人都好应该，之后净系饮咗杯嘢就走咗
继续阅读