茶房別天神

营业中

休息中

每逢星期三就aeon超市就會做減價，媽媽就會叫埋我一齊去掃貨，血拼完媽媽話想食拉麵我地就入去食，門口仲有得叫可麗餅，可以食完拉麵再食甜品。我地叫左兩個套餐，別天神套餐同蝦味噌豬骨拉麵，套餐可以跟餃子同小龍蝦蟹籽沙律，我地各叫一樣。蝦味噌豬骨拉麵湯底用大量蝦頭同豬骨去熬成，好濃郁，粟米同櫻花蝦都大量，好足料。別天神套餐相對地淡少少，但佢都用左好多豬骨整成，可見湯底呈奶白色，温泉蛋十分出色。餃子熱辣辣，煎得香脆，小龍蝦蟹籽沙律係大量小龍蝦，好鮮甜，可配紫菜食用

自從之前試過別天神既其他分店之後，就對依間拉麵店情有獨鍾。雖然佢提供既選擇無咁多，但係佢個2種拉麵都有過人之處。而且，我好欣賞佢既湯真係好濃郁。依一間同其他分店有啲吾同，依一間有埋日式班㦸同埋日式咖哩系列。我地見個餐都幾抵食，有麵、小食仲有糖心蛋，所以就叫咗2個吾同既餐嚟試下。小龍蝦沙律沙律令人好開胃，加埋紫菜包嚟食真係好夾。而且，入面仲有好多龍蝦肉，真係好足料。餃子個日式餃子好特別，我食到韭菜味，但又吾係好留意到有，淨係見到啲白菜係入面。豚骨湯麵依個個湯好重豬骨湯味，而且個味都好濃。麵質雖然無得自己揀硬度，但係都適中，幾岩我地。我地見到可以加調味料，就加咗芝麻粒同埋蒜蓉，個味道真係出乎意料之外，濃郁既豬骨湯加上淡淡既蒜味。蝦味噌湯豚骨湯麵一嚟到就見到有好多細細隻既蝦乾，而且個湯仲好重蝦味。一啖麵加少少蝦乾真係絕配。個糖必蛋浸咗係個湯度都染上淡淡的蝦湯味。

這間食店在aeon style入面，今次是第一次來食飯。環境狹窄，繁忙時間要搭枱，店員有禮貌。檯面有水，可以自由斟。餐牌簡單，只有飯和麵類，可散叫或跟餐。咖哩吉列豬扒飯豬扒肉質鬆軟，脆漿亦都唔會太厚，開始吃幾口咖哩時，都唔覺辣，但過左一陣，塊面開始熱，雖然未至於出汗，但咖哩很辣， 越食越過癮，飯比較黏身，唔夠熱。頂唔順叫左可樂飲。豚骨湯麵這個我試咗一啖湯，發覺湯底好似平時飲到的豬骨湯，拉麵幼身又滑，叉燒就一般。

今日在太古睇完戲後便打算食埋晚飯，見到康怡廣場有一間小小的日式拉麵店，被其推介的濃郁湯底吸引，便入來食下。座位不算多，都坐满客人，人來人往。別天神套餐，有䐁⻣拉麵連溏心蛋，加一款小食。拉麵麵條幼身乾爽，食得出係自家手打而製，香甜麵粉和蛋黃味，較為掛湯，爽滑彈牙。湯底濃郁香甜，夠稠厚，豬肉味香濃，呈奶白色，叉燒切得薄身而份量多。流心蛋半熟，蛋黃汁香甜可口。蝦味味噌套餐，有流心蛋，蝦乾，粟米，紫菜等，蝦味和味噌湯味道好夾。小龍蝦蟹籽沙律，蝦肉嫩滑香甜，蟹籽爽口。煎餃子，即叫即煎，皮滑餡多，豬肉多汁鮮甜。

同類型的拉麵我也試過不少， 別天神這個名稱我也早已聽聞， 之前也曾經吃過其他分店， 這間店舖的名稱叫做茶房別天神， 我相信一定有他的特別之處。這間店舖位於 商場入面， 環境相對比較光先和摩登。我點了一碗豬骨湯叉燒拉麵， 湯底 非常濃厚， 充滿油香。 而味道方面偏向清淡， 這點果然和 其他拉麵店有所分別。這裏的龍蝦沙律是我個人極力推薦的， 首先你會吃到啖啖龍蝦肉， 真正真材實料， 另外再調味方面也做得非常出色， 完全令龍蝦這個食材昇華。

星期日在太古行街，想來一碗拉麵，就走入呢間個名好特別既「茶房別天神」，上網search 咩係別天神，原來係日本既一個character. 蝦🦐拉面料勁多，多到鋪滿成碗面🍜，係見唔到個面底，蝦湯一啲都唔腥，好鮮味，鍾意食較濃味絕對係好選擇豬骨湯拉面叉燒好味，糖心蛋做得很出色，令人想一食再食。前菜餃子🥟皮得薄但不至於會一夾就穿，饀很豐富，肉菜比例平均蟹子沙律🥗非常開胃除左食物質素ok, 店內仲有不同指引用調味料，令拉麵🍜味道更上一層樓

今日係太古同屋企人行街，行到晚飯時間，就入咗依間拉面店食野。我地叫左一個套餐之後再外加一碗拉麵。首先黎左小龍蝦沙律，外形美觀特別。味道方面，小龍蝦味道清香，加上其他沙律配料令味道多變但又唔會雜亂。沙律整體感覺入口清香，令人開胃。呢個沙律仲附有紫菜，用紫菜包裹住沙律，外層香脆嘅紫菜令口感唔同，更具層次。拉面方面，我哋有豚骨湯麵同蝦味噌豚骨拉麵兩款。豚骨湯麵湯底濃郁，未飲已聞到豚肉嘅鮮味，飲落雖然香濃但唔肥膩。別天神係黎自九州既拉麵店，所以麵嘅粗幼偏向幼麵，硬度適中。麵吸收咗湯底濃郁嘅香味，令人一吃再吃。豚肉選用半肥瘦，有油香之餘唔會太膩，香味十足。配料就有黑木耳， 蔥同紫菜，令成碗麵味道同口感進一步提升。至於蝦味噌豚骨湯麵湯底除咗豚肉味之外，蝦味都非常出眾，唔會比豚肉味掩蓋，好鮮味。配料就有粟米，蔥，柴菜同櫻花蝦乾，進一步帶出蝦味。我哋仲有一份餃子。餃子外皮煎得啱啱好，香脆但唔會過焦，而且夠薄皮，唔會成口麵粉。餃子入面嘅豬肉餡料香味撲鼻，流出淡淡鮮香肉汁。加咗少少醬油，用鹹味更加帶出豬肉油香。其實別天神仲有唔少分店係香港，大家可以去食下。

最近想去太古Aeon買野作戰前點都要填一填個肚先行行下見到位於2樓角落位置嘅拉麵店見到個自行調製隱藏口味幾有趣同媽咪一人叫左一個套餐小龍蝦肉蟹子沙律啖啖小龍蝦肉仲要佈滿蟹子食到好微芥末味好鮮好好食🤩好味到用最後一塊紫菜將碗底嘅蟹子沙律都清乾淨埋🤭煎餃子充滿肉汁好香蔥味。唔駛點餃子醋都夠哂味🤤蝦味噌豚骨。佈滿櫻花蝦同我最愛嘅蔥同粟米麵條用左幼麵，煮麵條時間掌握得非常好入口彈牙，每一啖都掛滿湯汁，蔥同櫻花蝦加埋蒜蓉成個湯又增加左另一種香味最欣賞係叉燒用火槍燒過。增添一種燒烤香味豚骨拉麵湯底一樣濃郁媽咪好辣所以跟左第二方法去調製特辣口味母親大人話實在好食，下次會再黎

係依附近返工，成日經過但我覺得有啲貴所以冇食😂😂但依家餐廳做緊學生優惠，全場半價。所以今日決定去試吓🤪🤪入到去員工態度好好，環境非常地道，👍🏻亦有不同嘅調味料，👍🏻我就叫咗一個$105嘅套餐，有豚骨拉麵和四件餃子。豚骨拉麵份量很大，糖心蛋好香，湯底香，但嫌油多得滯。豚肉都好多舊，都算厚。餃子🥟就有啲失望，皮太淋，肉冇咩味。總結嚟講，我覺得$105正價會有啲貴😂但佢嘅拉麵真係好味嘅😋下次可能會再食拉麵但唔會食套餐👍🏻

收工約睇戲之前想食下野附近既餐廳都試過哂都唔知食咩好突然醒起aeon有間食拉麵既就入黎試下啦拉麵就只有兩款一係就豚骨拉麵一係就係蝦味噌拉麵翻咗成日工好好善待一下自己我哋就一人叫一碗配唔同既小食豚骨拉麵蔥花超級多平時我食粉一定會要求多蔥所以呢個拉麵啱哂我啦麵既軟硬度適中 煮得啱啱好蝦味噌拉麵櫻花蝦真係好多好多蝦湯底亦都好濃味最值得讚下每一碗都會有兩隻溏心蛋㗎跟餐餃子只有4隻餃子皮係薄身所以好好食肉汁都好足夠餃子個底亦煎得好香口最後就要咗個小龍蝦蟹子沙律龍蝦味道好重㗎配埋紫菜食就一流啦👍🏻回頭度:8/10

早兩日去太古城Aeon行街，咁啱撞正大減價，行左幾個鐘好攰好攰，見到有間拉麵店好多人，等左3張枱左右就入得座，呢間拉麵店主要係食豚骨湯面，即係原味另一隻係加咗櫻花蝦。可以叫單麵或者套餐，套餐就可以選擇四隻餃子或小龍蝦沙律。我哋兩個人每種湯麵叫咗一款，再加各一小食。面嘅質感係比較硬身，爽爽加煙UN，湯底值得一讚，豬骨味夠重但又唔會太傑身，感覺湯底坳左好耐豚骨味湯麵 （有兩片豬肉加流心蛋）蝦味蹭豚骨味湯麵（很多櫻花蝦、加粟米嘅味道好清新，都係兩片豚肉同流心蛋）小龍蝦沙律餃子4隻

嗰日同朋友睇完戲喺附近好多餐廳圖排到隊唯一呢間繁忙時間唔係太多人所以就嚟試咗呢一間日式餐廳店一入到去店員態度親切服務有禮嘢食好快都送到黎唔怪得知得唔駛等位啦價錢來講套餐係呢一個Area啊來講算正常我哋帶咗個豚肉湯麵同埋蝦味噌豚肉湯套戲值得一讚嘅係兩個湯面嘅湯底都好濃郁好入味分量來講算幾多有一隻蛋肉片分量正常麵質唔算太硬 係我鍾意食嘅質地如果鍾意食蝦米嘅朋友一定要試蝦米呢碗麵佢嘅蝦米份量真係好多啖啖蝦米同埋食得出同個豚肉湯好夾餃子唔算好太炸或者太油口感啱啱好同埋最鍾意嘅小食莫過於呢一個小龍蝦蟹子沙律佢個味唔會太鹹而佢嘅孩子都幾新鮮Conclusion 佢上菜嘅速度真係好快差唔多20分鐘就可以入座都食完值得一讚嘅係佢個湯底真係好好飲可以一試

咁岩今日aeon行是九五折的日子，就去左逛逛aeon，行行下有點餓就上去別天神食拉麵🍜，簡簡單單別天神套餐好濃郁的豬骨湯底很滋味，拉麵質感軟硬適中，再配上兩片叉燒很美滿😋😋😋蝦味噌套餐都是以豬骨濃湯作湯底再添上櫻花蝦，拉麵同樣麵是軟硬適中，很多配料，滋味十足👍🏻👍🏻👍🏻餃子我地點左套餐選左兩款小食，餃子熱辣辣煎出黎，美味可口😋😋小龍蝦蟹子沙律新鮮小龍蝦蟹子，包住紫菜一齊食十分美味😋👍🏻

今日突然想食拉麵，去左康宜呢間！平時lunch 時見到好多人排，所以今日過晒lunch 既時間，終於可以一試揀左蝦味噌套餐配餃子見到餐廳有教調製隱藏口味，檯面亦有一盤調味料正！啱晒重口味既我餃子先上檯，新鮮整好熱辣辣配個餃子醬汁個拉面係學就落extra 調味前試左一啖湯！非常好味，有豬骨湯既味道加味噌既味道mix 埋一齊！到月配合埋櫻花蝦既香味👍🏻但嗜重口味既我，又點會放過落蒜蓉呢落左兩匙蒜蓉！更加香👍🏻👍🏻個唐心旦入口即溶，跟小小湯一齊食冇得彈呀麵質又啱啱好，唔會太硬又唔會太淋！最後當然清晒

日本拉麵文化根深蒂固，而且每一個地方都各自有代表當區拉麵特色🍜🍜「博多拉麵」豚骨湯頭聞名，香港博多拉麵品牌多不勝數，當中來自日本歷史猶久既「茶房別天神😍」（日本叫別天神）確實出色，豚骨白湯頭更是難忘😎😎是日來到「茶房別天神」，餐牌選擇比較簡單，拉麵一共兩款：蝦味噌豚骨湯麵及豚骨湯麵🍜🍜小食就有小龍蝦蟹子沙律及餃子6隻🥟🥟🥟小龍蝦🦞蟹子沙律份量不算大，內裡有一份份細細隻蝦肉，沙律醬非常濃郁，蝦肉幾爽口🥰🦞🦞餃子即叫即煎，豚肉餡料亦多，外脆內軟，別天神餃子絕對一流😎😎😎主角當然係呢碗「茶房別天神」主打「蝦味噌豚骨湯麵🍜🍜」，湯底以自家制作豬筒骨熬成既白湯，加入味噌醬，增添咸香及橙紅色面上灑上一大匙櫻花蝦🦐🦐🦐，細細隻脆仆仆，連同湯面入口，感覺更有層次質感☺️☺️叉燒亦夠厚身，而且不會太鞋口，咬開有肉及焦香🥓🥓糖心蛋是用日本本地雞蛋🥚，質素當然毋庸致疑，蛋黃呈半流心狀態，夠滑及蛋味濃郁。日本本土蛋確質素確是令人有絕對信心😊😊而面條是直面，入口彈牙不會太淋身。別致神旗下拉麵店大多位於aeon食街內，相信此日本品牌質素一定夠實力及信心😍😍😍