茶房別天神

营业中

休息中

運動完翻到嚟太古晚餐，今日揀左茶房別天神🥳.7點幾都幾爆，要排一陣隊咁，不過都快嘅🤓 我地就揀左個2人餐，有小食同拉麵🍜 .先上明太子蟹籽沙律，跟埋紫菜嘅！可以包一齊食，口感會更豐富！而明太子都落得幾多，咸香味四溢🤩.煎餃子🥟 皮薄多汁，不俗！.櫻花蝦湯拉麵 😛 湯好濃郁，蝦味足！上面亦有好多櫻花蝦干，有得咬下🦐🦐 溏心蛋做得幾好，蛋黃係夠溏心的！叉燒肥瘦適中⭐️⭐️.豚骨湯就有d木耳絲同蔥心，湯底係豬骨味嘅，可以自行加d薑絲或芽菜去豐富翻個味🤤麵係幼身d個款，都煮得ok，唔會太淋☝️☝️.另外仲可以買take away嘅pancake, 會平過堂食10蚊🥳 雪糕要試朱古力嘅，有濃濃可可味🥰🥰

係太古睇完戲就直接係呢度食埋飯，平時都係超市買壽司食，但今日lunch食左所以就試下呢間拉麵。❤️蝦味噌拉麵湯底好濃郁，蝦味好重！偏向重口味，但食唒飲完d湯係唔會口渴，所以都幾正！麵質偏幼身，又彈牙，份量中規中矩。仲有2片肉，不過就偏薄身，如果厚d/多幾片會好d🤣🤣❤️別天神拉麵呢個係普通豚骨湯，同蝦相比就偏淡味，所以就岩我多d。呢個仲有溏心蛋食呢個就加左五味粉同芝麻，令湯底更香，好正！❤️餃子有成5隻，煎得個皮好脆，有小小肉汁，同菜算多所以好爽脆！❤️小龍蝦沙律呢個十級推薦！入面有一粒粒既蝦肉，蟹籽配埋紫菜包住食真係一流！

自懂事以來，吃過的第一碗「拉麵」，就是在 —— 別天神。偶爾還是會再來吃拉麵。店內很簡單的只售兩款拉麵🍜🍜豚骨湯麵，或，蝦味味噌豚骨湯麵。感覺跟想當年一樣，不過多了配套餐的選擇。套餐是多配一份小食，餃子🥟，或，小龍蝦蟹子沙律🦞🥗這回，選了後者，蝦味味噌豚骨湯麵的套餐。小龍蝦蟹子沙律，伴上紫菜。夏日之選，清涼透心。小龍蝦🦞肉質鮮嫩爽口，乍看以為是薯仔沙律，原來是真蟹籽。紫菜夠新鮮，很脆口，夾著沙律吃，很搭配。主角來了。蝦味味噌豚骨湯麵湯底有光澤，微微泛油，帶鹹鹹蝦味，入口順滑。配料份量並不吝嗇，櫻花蝦、香蔥、粟米足以蓋面。粟米香甜夾口，櫻花蝦酥香。麵條煮得偏硬，正好合心意。個人較喜歡吃煮得偏硬的拉麵，口感較有嚼勁、彈牙，能慢慢細味品嚐拉麵。叉燒是半肥瘦偏瘦入口即融，很軟稔，這感覺真好。溏心蛋的熟度拿捏得宜，蛋黃呈流心狀態，蛋白很完整，很入味。不得不說的是，別天神桌上的辣芽菜了。很有日本拉麵店的風格，微辣芽菜，開胃美味。

別天神拉麵是我倆其中一間喜愛的拉麵店, 銅鑼灣旺角尖沙咀的分店也吃過。麵的選擇不多,店面也是細細地, 但就是更有日本當地的風味。這次行街行到太古發現竟然有一間又大又有甜品的別天神茶房, 價錢仍是很親民,  當然要入內吃返碗拉麵啦~雖然這兒多了咖喱飯等選擇, 但我們還是點上豚骨湯拉麵和蝦味噌豚骨湯拉麵, 這次兩個也加錢要了套餐, 多一款小吃。身邊那位試"新東西"選了小龍蝦蟹子沙律, 還有幾片紫菜附上。原來用紫菜包着小龍蝦蟹子沙律又真的幾好吃, 紫菜香脆, 小龍蝦帶點咸鮮, 又有蝦肉的甜。而混在沙律中的蟹子提供了脆卜卜的口感, 吃起來層次豐富, 是個幾惹味的小吃。這兒的日式煎餃是真正日本貨, 皮薄餡多, 菜和肉的比例很好。加上餃子醋和少少辣油, 煎得香香的餃子就更為誘人, 不用幾分鐘就可以清碟。別天神豚骨湯拉麵的湯底用上豬骨等材料煮製超過八小時, 奶白色的湯頭滋味十足, 每口都是濃濃的肉香, 濃而不俗。拉麵的主角-- 叉燒厚切好有口感, 而且煮得軟諗, 一咬即開, 亦不會太肥, 很合我的口味。近期越來越喜愛吃溏心蛋, 這兒的沒有令我失望。蛋煮的時間剛好, 蛋黃仍是半凝結的, 蛋白軟滑。咬下

是日收工約咗朋友係太古食飯，諗住好耐冇食拉麵就搵到嚟呢間拉麵店拉麵有兩款，仲有咖喱飯同估佢唔到嘅班戟添蝦味噌豚骨湯麵-一遞上嚟見到個樣就覺得好豐富，味噌豚骨湯入味得嚟唔會好鹹，將拉麵加上蝦仔同湯一齊食好香口，仲有粒粒粟米滋味又健康別天神豚骨湯麵-奶白色嘅湯底好香濃豚骨味，拉麵軟硬適中，豚肉夠曬腍，食埋個流心蛋好滿足小龍蝦蟹子沙律-有粒粒彈牙龍蝦肉同細細粒嘅蟹子口感好正，用紫菜包住食又有另一番風味餃子-煎得香脆，餡料清清地沾餃子汁食唔錯

假期老豆話好想食牛扒🥩就叫咗我去Aeon度買，剛好係下午趁呢段時間我就係Aeon睇下有啲咩好食就食返個lunch，本身打算喺最底層食個food court，但係唔知係唔係星期日關係好多人逼都逼唔到入去，於是我就走上樓上睇下有啲咩餐廳好食，去到二樓發現側邊角落頭位置有間食日式餐廳，門外都有放住啲大型餐牌寫住有咖哩飯🍛拉麵🍜同埋餃子🥟等等小食，仲有日式班戟🥞！ 見啲餐牌show啲菜式都唔錯賣相都唔錯，餐廳飲品方面：有🍵紅茶同🍵綠茶系列多種口味選擇，最特別係☕咖啡佢標明係用expresso當中有一般傳統咖啡 鮮奶咖啡 泡沫咖啡. 🍛咖哩系列都有分三種吉列豬扒🐖炸蝦🍤帶子🐔炸雞💋炸雞咖喱飯其實賣相嚟講都算一般，勝在🐔炸雞外皮香脆鬆化食落去熱辣辣，雞肉質嫩滑多汁至於咖哩汁🍛就真係一般齋汁冇乜材料淨係得一兩嚿細牛肉點綴一下，仲有極少紅薑配襯望落去碟飯有啲顏色就冇咁單調，味道大致上還可以接受但係價錢方面覺得略有少少貴一碟咖哩飯要$95💰，如果呢個價錢我會選擇去大型連鎖店食佢哋嘅咖哩雞飯會仲更加低食不過值得一讚就係有個女侍應禮貌非常好，樓面得佢一個做嘢又要收銀又要捧餐收碗碟，來到我面前嘅時候仲好客氣同

今天晚上不在家煑食，就在康怡廣場Aeon 百貨二樓果間茶府別天神食個拉麵套餐！這裡廿多個座位，也算舒適，兩人各點一個蝦味噌拉麵套餐和一個別天神拉麵套餐！各另選一個小龍蝦蟹子沙律和四隻煎餃子（一個套餐可二揀一款）上桌的拉麵用一個很大的湯碗盛著，食材份量不少！先吃那兩個小食，蟹子沙侓，混和小龍蝦肉碎，幾片紫菜點綴，吃來可口！另一個煎日式餃，內面豬肉饀料，也算鮮味！主食那碗豚骨湯麵的湯底，非常濃厚，又有义燒、溫泉蛋，木耳和香蔥，好食又可囗，拉麵夠咬囗，吸收了豬骨濃湯的精華，令到味道更佳！蝦味噌豬骨湯拉麵上鋪蓋了鮮橙色的櫻花蝦干，顏色奪目，义燒加軟滑流心的溫泉蛋，令人垂涎三尺！一碗拉麵加一個小食，這個套餐非常超值！

作為專賣九州博多風拉麵既拉麵店，我耐唔耐都會光臨一次。別天神既拉麵幼麵身加豬骨湯底點，再配點木耳，紫菜同豬肉片。食完不肥膩，水準穩定。呢間係吉之島既店，星期六真係幾多人排隊，排隊入去食甜品或外賣買甜品都同樣地多人。計過叫set比較抵，因為多隻蛋同小食。小食就係餃子好美味，多汁即煮皮薄。而另一個小龍蝦沙律既雪藏味有點勁。枱上有多種醬料，我最愛胡椒粉，其次係醃芽菜，都真係幾辣。覺得個set應該要包埋飲品先夠完整，雖然枱上已有無限凍水。值得一提既係，店員好熱心好可愛。

趁假期和老公來康怡睇戲，開場前先去附近找個地方醫肚。本來老公提議去鋸扒，不過見時間有點緊迫，最後都係決定改去吃拉麵。選了「AEON STYLE」2 樓的「茶房別天神」，記得店子地方不大，所以初頭都有點擔心要等位，幸好來到時，時間尚早，不用排隊就可以直接入座。拿起桌上的餐牌細看，拉麵的口味很簡單，只得兩款，分別為豚骨湯麵和蝦味噌豚骨湯麵，另外客人亦可以把湯麵轉為套餐，配餃子或小龍蝦蟹子沙律。既然一心來吃拉麵，就一於每款口味各選一客，再配埋兩款小食。先吃跟餐的兩款小吃，分別有小龍蝦蟹子沙律同餃子。小龍蝦蟹子沙律驟眼看有點似薯仔沙律，但其實內裡藏著不少結實嘅小龍蝦肉和卜卜脆的蟹子；用紫菜捲著來吃，香脆嘅紫菜配上清甜嘅沙律造成鮮明對比，入口外脆內爽彈，吃罷完全不會有飽滯感，唯一就是稍嫌芥末味有點重。另外餃子方面，據說係來貨，雖然驚喜不大，但隻隻都煎得外皮香脆，入面 Juicy，絕對交足功課。至於兩款麵食，先吃豚骨湯麵，舀起呈奶白色的湯頭一嘗，味道雖然不算很濃稠，但飲落非常順喉，入口帶豚骨香，而且油份不高，絕對沒有膩口的感覺，水準的確唔錯。麵條以日本麵粉製成，麵質很幼細，食落煙韌有咬口，掛湯力不

行完AEON順便搵嘢食醫下肚。我哋兩個人分別叫咗一個兩個套餐別天神豚骨湯麵套餐，我揀左一個小龍蝦蟹子沙律，沙律份量都幾多，本身以為細細舊兩啖就食完，但係其實是實的的的，可以用紫菜包嚟食。豚骨湯面味道幾香濃，同濃濃嘅香蔥味好夾蝦味增豚骨湯麵套餐，我配咗個四隻餃子，餃子好juice，如果煎得香脆啲會更好食。蝦味增拉麵味道頗香，加了蝦味增，豚骨湯底完全變了另一種口味本身仲諗住食個班戟，但對女仔黎講，拉麵的份量頗大，食完之後食唔落甜品😔下次可以試吓三個人叫兩個餐再一個班戟，咁就Perfect啦喇🤤

拉面，味道很棒，總使人心如鹿撞，每天都想吃它也*這店拉面很簡單，味道卻使人難忘，看著這店師傅用心地在廚房弄一碗櫻花蝦湯拉面和特製豚骨拉面🙊感覺快樂。拉面湯底要濃郁，面條彈牙，跟湯底要非常配，配料亦要好吃，朋友非常熱愛那些叉燒，既嫩又有充滿味道呢，好像入口會融化一樣。重要再次一提的小食，也不可不吃，龍蝦沙拉及餃子，也充滿了很有水準之感覺也。豬骨湯味拉面湯底加入了滿滿豬排骨等熬製，份外香滑，未入口已聞到芳香濃郁的豬骨。不夠飽的朋友，記得要吃多小食。不可忘記，便是師傅細心之煮食使人感到窩心也~愛吃拉面的人也必會非常喜愛店內所有的美食，溏心蛋是很有日本地道味道也，日本師傅一樣，貼心湯底，細心享用呢。

難得去行太古，行完太古城去康怡行aeon, 原來都幾大，行左半日肚又咕咕叫，見到呢間拉麵店，就入去試下啦！入座得仲見到來自日本的客人。我地叫左兩個套餐，試晒佢兩款湯底，豬骨湯同蝦味噌湯，再加兩款小食，對自己好啲！店員先上前菜，小龍蝦蟹子沙律望落好似紫菜雪糕咁，但食落口先不得了！基采一上個「雪糕球」全是用小龍蝦肉、蟹肉、蟹子整成，無花無假，啖啖海鮮。餐廳仲比左成塊紫菜我地包住沙律來食，味道更好！另一款小食係煎餃子，有4大隻，即叫即煎，熱辣辣脆脆地，好味道！豬骨湯拉麵的湯底，店裡寫住係用100%豚骨用壓力鍋長時間熬制，唔怪得咁濃咁好味啦！雖然顏色好似奶咁白，但內裡就無味精無乳制品成分。拉麵附有叉燒兩熆，好林易入口+溫泉旦一隻，都整得好味。拉麵軟硬適中，啱我口味。蝦味噌拉麵個湯底由於有蝦，味道比豬骨湯更濃更鮮味，啱晒重口味的我。我不旦食晒作碗麵，就連湯都就快飲晒！配料同豬骨湯的有少許不同，但叉燒同溫泉旦係一樣有的！

收工陪友人去aeon買嘢，行上二樓發現呢間拉麵店未試過就試吓。餐廳主要有拉麵、咖哩飯同班戟食，嚟拉麵店梗係要試下招牌拉麵啦！拉麵有兩種，我哋各點一款。每款套餐都有一款小食，沙律或餃子。沙律撈咗小龍蝦肉同蟹籽，味道甜甜地唔錯，包埋紫菜食似食緊零食。而餃子就有四隻，外皮煎到金黃色好香脆，肉汁好juicy。麵底係個人最鍾意嘅幼拉麵，麵質軟中帶韌。蝦味噌豚骨湯麵加咗好多櫻花蝦乾，湯底好濃味。配料有粟米粒同日式叉燒，叉燒大大塊，肥瘦均勻。溏心蛋都合格。別天神豚骨湯麵湯底奶白，跟咗教學用拉面汁、蒜蓉同埋辣芽菜調製隱藏湯汁，增添少量辣味同蒜香，令湯底味道更突出！雖然間拉麵店位置唔起眼，但食物出眾，令我會想再試。

係吉之島行街行到攰，坐低食嘢休息下，見到有別天神，佢哋嘅拉麵好出名，而且我好鍾意配上佢哋辣辣嘅芽菜，入到去，見到佢哋小餐牌交顧客點樣調製口味，我點了一個櫻花蝦拉麵套餐，一份套餐可以一份套餐除咗有拉麵之外，你仲可以選擇要餃子四隻或者要小龍蝦蟹子沙律，我選擇咗要餃子，因為餐廳供應有蒜泥，蒜加餃子從來都是天下無敵的組合。櫻花蝦味增拉麵套餐 $115坐係位，侍應就會端上枱，佈滿了滿滿的櫻花蝦，湯底濃郁，配料充足，加上糖心蛋。別天神拉麵一直保持佢一貫嘅水準。熱辣辣嘅餃子，配上蒜泥以及餃子汁。天下一絕，我忍不住一口氣便把四個都吃掉了。地點方便，最適合帶小朋友玩完，或者去超市買完野，想繼續行程但係又想醫肚，係依度食最好啦。—————————————如果喜歡我嘅文章，請幫幫忙follow 我，俾個like我。鼓勵下我繼續寫食評。多謝你。❤️

別天神喺香港開咗唔少分店, 其中呢一間設於太古康怡商場內, 行街行到攰攰哋, 一於入嚟充充電。別天神套餐 $105招牌套餐用嘅係豬骨湯底, 湯色奶白, 掛上直身幼麵, 入口味道濃郁, 但又唔會太膩。叉燒切成薄片, 質感十分軟熟, 油脂分佈平均 。 半熟蛋 帶點酒香, 蛋黃流心。套餐小食可選小龍蝦蟹籽沙律 或 日式煎餃子, 我同朋友不約而同都揀咗餃子。餃子皮夠薄, 煎得焦香, 餡料係椰菜豬肉。朋友點嘅蝦味噌套餐 ($115), 分別就在於豬骨湯底加咗蝦味噌同櫻花蝦, 鮮味提升之餘, 味道亦更有層次。