茶房別天神

营业中

休息中

冇錢去日本旅行行吓Aeon都係開心嘅最平七十零蚊有個拉麵冇錢嘅選擇不過我點捨得唔食小食蟹籽沙律食得多呢碟有埋小龍蝦肉包埋紫菜好好食唔想share俾個friend日式煎餃一人嗌咗一碗麵麵底係幼身嘅麵我覺得咁樣都幾襯佢濃郁嘅湯朋友嗌咗豚骨湯底我就揀蝦味噌豚骨湯底貪佢有櫻花蝦味噌豚骨個味比豚骨複雜啲啲香口少少雖然豚骨個湯單一啲 但豬骨味就會出啲各有各好最好食係啲叉燒好嫩之餘個面焊得有少少脆喺我食哂啲餸時我frd已經連湯都飲埋了

收咗工之後、想搵間餐廳放鬆下食個飯，發現公司附近原來有間茶房別天神的拉麵，知道佢分店都幾多，之前亦都有喺尖沙咀同銅鑼灣食過，好記掛着他的豬骨湯底！同樣地，同朋友叫咗一個餐加一碗味噌豚骨湯拉麵🍜，份量剛剛好，拉麵仍然保持爽口彈牙，前菜沙律非常爽脆，配合埋紫菜，捲着吃，非常滋味。餃子煎得好香，豬肉新鮮吃拉麵的時候，總會配上有店舖提供的菜譜，喜歡多少便落多少。這樣便完結了簡簡單單的一頓晚餐🥣。#茶房別天神

經過康怡一個角落餐廳不算大平日經過總是滿座這晚6時左右只有數台客人便挑了一個近廚房嘅吧枱位置坐下這裡拉麵的選擇不多就只有兩款可追加餃子或小龍蝦沙律看見了期間限定的字眼便忍不住點了蝦味噌豚骨拉麵小龍蝦蟹子沙律🥗除咗食到脆卜卜既蟹籽仲有好多小龍蝦肉十分足料附送的紫菜仲可以要黎包住沙律一齊食添食完個沙律，拉麵就岩岩好送到蝦的香氣隨即撲鼻而來兩片焦香的日式叉燒肥瘦適中拉麵麵質彈牙湯底用壓力鍋長時間熬制豬骨味特別濃厚如果你重口味如我可以試下隱藏口味加大量蒜蓉配以拉麵汁和辣芽菜溫馨提示如果同朋友一齊黎小心食完生蒜果陣口氣啊🤪結帳前一望身後驚覺原來不知不覺已坐滿人了早到不用等位的好處

一直都喜歡別天神，唔太貴又幾好食，今次係太古再食，其實平時行過都唔知係別天神，因為門面同其他不一樣，有甜品可麗餅選擇，另外今日仲見到，只要惠顧就送卡片保護套，真係真心愛香港人蟹子小龍蝦沙律平時都係食餃子，今次試下沙律，望落唔多，其實食下食下又幾夠，而且有埋紫菜中和味道，咁就唔會覺得太咸，蟹子同小龍蝦肉其實都幾多別天神豚骨拉麵基本上係原點，雪白的豬骨湯，不帶一點味精，喪飲d湯都唔會覺得咸，證明真材實料，唔知係咪錯覺，感覺叉燒好似比蝦味噌那款更多，燒香過的叉燒，十分好食，大家應該繼續支持一間屬於香港人的拉麵店

我同朋友係太古食飯，不約而同地想食別天神，點解？因為夠黃。蝦味噌豚骨拉麵一直係我最喜愛，叉燒幾厚，蝦乾令湯底更香濃，溏心蛋係整隻蛋，份量好足。別天神既拉麵比較幼身，掛湯能力尚可。朋友叫左豚骨拉麵，叉燒同樣大片厚身，溏心蛋亦係非常性感。湯底香而不膩，加上大量配菜，食完真係非常滿足。小龍蝦蟹子沙律認真不錯。小龍蝦肉彈牙鮮甜，混合左薯蓉沙律醬真係停唔到口。每個月我都要支持下別天神，因為要互相支持，希望別天神長做長有。

去左太古康怡AEON行街,見到佢都幾大間,座位睇落闊落,於是就搵左呢間拉麵店醫肚1.小龍蝦蟹子沙律薯蓉好綿密,而且食到啖啖小龍蝦肉,配埋蟹子同紫菜一齊食好有口感.2.豚骨拉麵熱辣辣送到面前,擺得又靚,一我既習慣係飲湯先,再食麵. 燈光照射湯有油光,但飲落唔會太油,適中,麵既軟硬度亦都好好(有糖心蛋,叉燒,同埋木耳)3.蝦味增豚骨拉麵拉麵既decoration好靚, 有d類似櫻花蝦既蝦仔係中間,唔會香檳奪主,反而好有特色 , 佢既湯頭好鮮甜,好正4.餃子六隻煎到金黃色好香脆,一咬開就有湯汁流出來,仲好有肉味

It was not my first time to try 別天神 ramen. Last time I tried the small ramen bar at CWB which pleased me so much in terms of quality of food and hospitality. This time we passed by this one at Aeonstyle and came for an early dinner before the crowds. It wasn't full at around 5:45p.m. on Sunday. There was no ramen machine and you had to pay at the cashier first before getting your seats. Choices were limited so we had the same ramen sets to share. I had to admit that they did quite well in mainta

拉麵～ 經常食，但一個較有水準而且算抵食拉麵舖，實在不是多。這間位於康山的拉麵店，絕對一試。這𥚃有套餐，一碗拉麵加餃子沙律的餐 $105-$115 👍🏼超值，已經足夠一個大食份量。這次同朋友點了蝦味增湯套餐，首先到嘅係小龍蝦沙律，側邊有紫菜，可以夾住食，好特別同埋好甜。再嚟就係蝦味增拉麵，湯底十分之重蝦味，差點想把湯飲曬，叉燒總共有7，八片，拉麵之中算是十分多餸。麵的質地爽，仲之麵連湯一碗食曬。餃子煎得夠脆，味道也不錯。

康怡廣場食肆林立，肚子餓的時候往往很難決擇去那一間餐廳醫肚，但我還是一而再再而三的選擇這間吃過幾次的拉麵店---茶房別天神 。這間拉麵店的拉麵款式只有兩款選擇，雖然款式不多，但這也代表它對這兩款拉麵有足夠的信心。別天神豚骨拉麵，它的特濃豚骨白湯令我念念不忘，它標榜是用100%豚骨和純水去長時間熬制而成，並且不落任何味精和乳制品。湯喝下來香香甜甜的，濃滑的豚骨味突出之餘又不會覺得太咸，也不會覺得太油膩。 麵條偏幼，麵質偏硬，吃起來爽口十足。 爽口的麵條與豚骨濃湯十分配合，麵條在湯匙上把豚骨湯間隔出不同的區段，再把整支湯匙送進口中，一層又一層的豚骨湯衝擊著味蕾，厚實的叉燒與烹調時間剛好的溏心蛋都淪為配角。蝦味拉麵，在濃湯的基礎上加上入大量蝦料而成，別有一番風味。隨著每一口，都會感受到蝦的鮮甜味。煎餃子，皮薄餡靚，餃子煎至金黃色，餡料保留充足水分，菜味肉味鮮明。小龍蝦蟹子沙律，另人喜出望外。賣相像一球粉紅色的雪糕，十分可愛。用紫菜捲起來吃，脆脆的紫菜、甜甜的龍蝦肉、彈牙的蟹子，三種配起來口感一絕。

講到日本拉麵 不得不提來到香港屬始祖的別天神，初初只有一間小小店在灣仔，後來人氣旺開了幾間分店。這晚再嚐我最喜愛的蝦味噌湯拉麵，套餐包括餃子或龍蝦沙律二選一，我選了沙律。啖啖龍蝦肉，混了龍蝦膠及沙律醬，味道鮮味，配紫菜吃別有一番風味！而主角材料非常豐富，最得人心便是紅粉菲菲的櫻花蝦，味道即時提升咸鮮味濃。义燒有四片好足料，厚薄適中味豐腴不膩亦不韌，經秘製燒得好香。還有一隻流緊心的溏心蛋，味道好香入口即溶，令人回味！拉麵粗幼適中，軟硬度屬中間爽口，很合口味。湯底富濃濃櫻花蝦及味噌味，但不會太咸，連湯底都飲埋。如想味道再豐富d，可加調味如蒜蓉，芝麻，已醃製好的蘿蔔絲，味道入味很獨突。整個拉麵好足份量，有誠意，吃到正宗日本風味。

茶房別天神-Aeon中的豚骨濃湯拉麵別天神是每次經過銅鑼灣時拉麵癮發作時的好地方，今天在太古城逛Aeon時發現這裡有分店，還多了茶房二字，原來有甜品提供，一於解解拉麵癮！豚骨拉麵濃濃豚骨湯底，幼身的拉麵，充分把湯汁索滿，火炙的日本叉燒、蔥花加上溏心蛋，非常完整的拉麵。蝦味噌豚骨拉麵大量的櫻花蝦乾，蝦味噌的豚骨湯底，蝦乾的脆口感和蝦味噌濃底味，雙重的蝦鮮味。小龍蝦蟹子沙律小龍蝦肉和蟹子伴著而成的餡包，加上紫菜包著一拼吃，又脆又鮮。日式餃子金黃色熱騰騰日式餃子。

茶房別天神🍜-其實呢間同博多拉麵別天神係一樣只不過呢間係有埋飯🍛同甜品食🍧-別天神豚骨套餐(2選1小食) $105原始豬骨湯底🍜湯底奶白色食落有濃厚既豬骨味😋叉燒炆得入面而且好林👍重口味既朋友就未必岩🤣-蝦味噌豚骨套餐(2選1小食) $115櫻花蝦好香而且湯底用左味噌味道濃厚👍比較岩重口味人食😋加埋芝麻碎更好食❗-煎餃子🥟(4隻) 套餐小食呢個無得頂‼️推介👍大大碟好足料個醬汁底整到好入味香中帶小辣😋呢個一定要配白飯❗食到停唔到好開胃👍-小龍蝦蟹子沙律🦞 套餐小食酒味香醇而且味道剛好唔會太重手👍岩D唔太食醉雞既人🤣雞件外面俾醺蹄包住幾特別👍-餐廳得分: ⭐⭐⭐⭐

前日和家人去康怡行街，見到這間拉麵店很多人排隊，就試下係咪咁好食😚——————————🔸豚骨湯麵套餐 $105這個豚骨湯麵，充滿豚骨香味，奶白色湯底，不會太濃太鹹☺️叉燒稍微燒過，軟腍香口👍🏼配上溏心蛋、粟米、香蔥、木耳，正😍 🔹蝦味噌豚骨湯麵套餐 $115這個湯底好濃郁，麵上舖滿鮮味的櫻花蝦，配上軟硬適中的拉麵，越食越鹹🥺媽媽不好重口味，所以比較喜歡豚骨拉麵🍜🔸餃子🥟套餐揀咗四隻餃子，皮薄餡靚，還有些肉汁，好食😋🔹小龍蝦蟹子沙律 龍蝦肉混合蟹子，再加入沙律醬和少少芥末，整體鮮甜～包埋脆卜卜紫菜，一脆一軟，口感特別😋

今晚無人煮飯，但又唔想食外賣，就去吉之島搵食（始終都係改唔到口叫Aeon，哈～）平日晚上吉之島人不多，所以搵位都容易好多！ 別天神除左有拉麵之外，仲有幾款咖哩飯選擇；我點左別天神豚骨湯面套餐，配餃子。一人份量4隻餃子剛剛好！豚骨湯面賣相超吸引，仲要有原隻流心蛋，未食已流晒口水！加上豚肉係烤過而唔係白灼，香味四溢！湯底濃郁好味道，若喜歡重口味的更可自行調配！枱面有調味架，包括蒜蓉 七味粉 芽菜 芝麻等等，特濃定等辣自己話事～

今次係太古睇之前，竟然發現有別天神喺康怡度！價錢同我之前食過嘅別天神一樣，亦都係只有兩款套餐，不過個餐廳大小就更舒適! 而且有更多拉麵和小食的配料放在枱面上， 10分方便！值得一讚嘅係員工還推介我們可以食一個飯後甜品的日式pancake~~至於食物方面，可能因為服務較為好所以令我覺得更好食，和用心製作的拉麵套餐! 特別係我根竹他的芝麻三部曲把芝麻醬加入拉麵中，發覺味道更加濃郁和有層次，吃下去的時候有更吸引的味道。 之前係冇見過呢個芝麻三部曲😁😁😁另外佢仲提供左好多隱藏口味，十分有趣令到整長簡單的拉麵套餐咁多風格！鑒於有這些隱藏配方，整個拉麵的味道也10分複雜和有趣，零整次食飯的環境10分愉快。😆😆😆