茜廊餐廳 (德福廣場1期)

营业中

休息中

依間茜廊係九龍灣都開左一段時間，但之前一直太忙無時間試。今日終於有機會早啲收工，即刻去試。去到可能仲早，即刻有位。入面已8、9成滿。環境都唔錯，唔會太迫。同埋已經有聖誕佈置，幾好氣氛。睇完個menu，見到個set幾正。就唔諗啦，即叫!!!!仲有個牛尾湯無影個湯幾濃，足料!!個沙律好Fresh!!個Dressing辣辣地好開胃依個羊膝好正，夠淋又有羊味跟住最後到甜品，Cheese Cake都正。芝士味濃又夠滑！！而且依度服務超好，so nice!!!

話說老公小時候經常一家大小到茜廊晚膳到今日我倆間吾中都會去呢度食野環境不錯，以往食物水準都幾好老公叫左一份燒羊架配牛尾湯羊架味道不錯！上面有好多蒜一齊煮所以都無乜羶味4件羊架當中，有d比較林有d就「un」d都ok起碼無落鬆肉粉拿到d肉「梅」我就叫左個卡邦尼烟三文魚意粉配羅宋湯其實我每次去都幾乎係食呢個因為餐牌好少轉新野，大同少異烟三文魚份量覺得比以往多了但意粉味道就欠佳，幾乎可以用無咩味形容甜品則叫了一個紐約芝士蛋糕反而全晚最讚係甜品！好香滑好好食我見而家好少蛋糕店有紐約芝士蛋糕我見到今次有所以點了，有驚喜值得一讚！但發生左件小插曲令到餐飯不歡而散侍應俾左一支爛左既甜品叉我食蛋糕其實吾細心睇係吾發覺崩左點知我一食，條脷因為支叉整損左流少少血我都無追究無打算投訴老公只係講左一句，吾該幫我換左支叉，支叉爛左點知個侍應幫我換過支叉，走既時候拋下一句「甜品叉係咁，俾支大支既叉你」我頓時火起！一句吾好意思都無！我並無鬧你追究你投訴你更加無大大聲話你俾支爛叉我言下之意係咪去茜廊食甜品你會俾支爛叉客人？定你所有甜品叉都係通通爛哂？我整損都無出聲點解侍應要攞番個尾彩呢？係咪見我地年輕人好恰d？我地無同

好耐無來德福，突然想食西餐就入左茜廊餐廳食。環境尚可唔算迫，侍應服務都ok。望住餐牌揀左一陣，都係忍唔住叫左葡國炸乳豬伴田園沙律個餐食，我最愛的乳豬，諗起都興奮😍😍。餐湯同餐飽好快就來左，麵包焗到好脆，蘿宋湯就味道剛剛好夠哂足料👍🏼。前菜仲有個香芒有機沙律，本人就唔係咁鍾意千島醬，如果可以選換黑醋就好Lu 😏，不過好在芒果夠清甜，所以都清哂碟沙律。等左一陣主菜終於登場，望住乳豬仔燒得咁靚已經忍唔住流哂口水😍😍。食落去都不得了，好味、有肉汁、夠滑、加上份量適中唔會太膩😋😋。美中不足係伴菜太多醬，食幾啖已經太膩唔想食。好在臨尾來左個燉蛋，好滑好好味，如果份量可以再大啲就仲好了。食哂成份餐埋單百五蚊有找都算底食，下次會來試下個和牛先^_^。

朋友話好耐冇食茜廊，禁就即刻book位，當晚就去食！一入到去，發現已經充滿住聖誕氣氛，連枱紙都有聖誕老人，勁呀！諗左好耐食咩好，最後決定豪一豪佢，每人叫一個Set，再加沙律頭盤同甜品！叫完坐左陣就黎個湯同麵包，麵包熱拿拿，讚！湯就普普通通啦，忌廉湯一碗！跟手黎個沙律頭盤，超多沙律菜，好新鮮，其實真係冇諗到係茜廊可以食到沙律菜！我叫個個主菜係芝士焗龍蝦伴雜菌意大利飯，雖然唔係用正宗意大利飯，但係個味道都幾好，好多cream！朋友就叫左BB豬、和牛定食同羊仔三文魚，我地Share黎食，都食唔晒，真係幾大份。我就覺得個BB豬同意大利飯係最好食！好啦，最後上甜品啦，明明已經好飽，但係都可以食晒d甜品，就知甜品係冇得輸！燉蛋OK，個焦糖有少少苦，如果係法式糖脆係面會正d；Tiramisu唔錯；Cheese Cake正呀，好濃芝士味！另外，值得一讚既係，服務員成日幫我地加水同換碟，唔錯唔錯！愉快既一晚！

同老公&仔仔到九龍灣shopping…行到腳仔軟就諗住搵間餐廳食飯。見到茜廊menu幾吸引就決定試試…等咗一陣有位。 個waiter好細心，見到我地帶住bb同埋有bb車就安排我地坐窗口位冇咁迫，仲唔洗出聲就拎張bb high chair過嚟。其實我對呢啲西餐廳冇咩要求，但結果俾我預期好好多，真係要對西餐改觀 😜叫咗兩個set dinner, 有湯，沙律，主菜同嘢飲。最令我驚起係個熱辣辣嘅餐包，唔係出面西餐廳嗰啲法包咁簡單，係自己焗嘅蒜蓉豬仔包(有芝麻嗰隻)! 好好味呀！配埋佢地舊蒜蓉牛油，正！嗰時已經令我對呢間餐廳有興趣，期待佢下一樣菜。之後嚟咗碟三文魚沙律，好正！可能因為碟沙律有西瓜，好清甜同埋新鮮。主菜我地叫咗個和牛帶子定食同埋羊膝拼三文魚扒。 個和牛買相唔錯，都幾好味，尤其係個汁。 我唔食羊嘅，但老公就一路食一路話好好味…笑死我,主菜啲份量好大，我地兩個都食到飽飽。原本諗住只叫埋杯餐飲就算，但見到隔離枱食甜品好似好吸引，所以我地都唔執輸叫咗兩份：燉蛋同雪糕新地…冇諗過個新地咁大(心心眼), bb見到都流晒口水今餐真係好滿足，下次一定會再嚟試其他！(寫緊嗰時仲係好懷念個蒜蓉豬仔包)

今日晚飯約左朋友去九龍灣食飯友人約左係茜廊餐廳等0係呢區住一段日子都未試過食佢今日有機會試下入到去安排坐係卡位我地4個人坐得好鬆動唔錯咁我地各自己左唔同野食主意係西式為主夾雜D 日式頭盤 - 香芒有機沙律湯 - 羅宋湯主菜 - 燒和牛肉 配 澳洲帶子定食飲品 - 秋冬特飲甜品 - 藍莓芝士餅先黎上左個湯同蒜容包湯好足料好夠茄蕃味而個包呢... 就好脆好香蒜容味 同埋係熱既到沙律喇佢個西瓜好好食呀~~佢D 菜都好新鮮份量都好夠不過個沙律就用左千島醬個人就唔係咁鐘意如果可以揀黑醋就 prefect 喇~~好到我地個主菜喇佢用左日式定食盒上一開~~~~ 好似好多野食咁排到好整齊我梗係試食左和牛先啦好有牛肉味 ( 唔好笑我.... 唔係牛有牛味, 雞有雞味咁嫁, 我真係食過牛肉係無牛肉味嫁 )不過就好似過左少少火可能我本身食得好生嫁.. 嘩哈哈帶子好鮮甜佢個傻仔沙律呢... 個醬好特別應該沙律醬加左 wasabi甜甜酸酸中... 帶左D 刺激...其他配菜就無特別正正常常咁黎到我最愛既甜品喇事關我地4個人都鐘意食甜品我地就 share 食紐約芝士蛋糕 ~ 好濃芝士味 但 佢面頭淋左D 芒果醬

公司搬去九龍灣對於我來講又去到個新地方啦~要再從頭搵過食有個識路同事介紹呢間有三十幾年的餐廳做飲食做到三十幾年就一定係好食啦(因為價錢唔平)聽說三十年前都係同而家個價錢咁上下咁真係勁貴呀~~~~好一於就去豪一次吧!!!茜廊午飯時間坐滿，不需要等太耐就會有位待應亦都不會催落單餐湯有幾款，羅宋湯，忌廉湯，牛尾湯三款湯，同事話忌廉湯一般我既牛尾湯就抵讚湯夠濃，肉，薯仔，紅蘿蔔，蕃茄打蓉一食入口就覺得正呀!!!雖然對我來講就鹹咗少少，但配上蒜蓉包就完全有種可唔可以再來一碗既感覺如果佢可以熱到燙咀就更好啦~~~到主菜啦~~~呢度有個好，唔知係咁啱得咁橋，定真係咁呢呢度係會等你飲完湯先上你既主菜變咗唔會放到枱都係野之餘，個主菜凍曬蘑菇意大利飯呢個睇落好似唔係好大碟食下食下都會食唔曬架廚師有加黑椒同鹽去調味，令到菇的味道可以散發出來加上有芝士令到多一種味道更香不過意大利飯就有少少硬~~~~~最後的餐飲有紅莓茶點後先醒起，如果餐廳整得唔好會變藥水咁味好彩~~~~~紅莓茶係值得一試唔係藥水味，真正的紅莓味真正的果茶~~~~

茜廊餐廳，個名同門面都ok，但入到去就知中伏了。本來想同朋友靜靜地傾下計，不過裡面勁嘈，環境仲差過快餐店，而家食物選擇少，真係好難食。餐湯牛尾湯，味道還可以，蒜蓉包係咁多樣中最好味。恐怖野來了。。。真係未食過咁難食同貌相咁恐怖嘅千層麵，根本係一pat野，完全無層次，而且好淋，味道怪怪地，係食唔落口。呢個類似糯米飯嘅食物，其實係咖哩炒飯，超級油，見到都唔想食

諗著同媽咪吃一餐西餐，選擇了附近這間店坐下來看餐牌選了一個二人餐餐有沙律，味道正常忌廉湯不夠熱頭盤是炸蝦伴薯，好燶⋯⋯看了已吃不下主菜是豬仔骨和意粉，味道吃一口巳不想再吃還有甜品是奶凍⋯⋯味道是細佬也騙不到這個餐份量絕對足夠俾兩至三人食但真的很難吃我們都知道價錢便宜不期望食物水準很高但加一後的250元，我地很後悔沒有去附近的快餐店填肚。'不會再來'是我們推門離去時的共同念頭

這次選了G.肉眼牛扒和A.千層麵~~由於6點10分九龍灣德福到處也需要排隊，所以看到這間剛好有小許空位就直接進了...這邊的餐包原個芝麻軟包開邊，配上蒜蓉醬焗到外脆內軟不錯湯類"白湯"比較張嘴，味道也比較淡，"牛尾湯"味道也是比較淡汁比較少，味道不過不失。賣相不錯，不過煮得比較熟，口感淡+零口感。準確的7成熟，侍應細心地幫忙在面前倒汁，又不會彈到客人。味道也是淡的....最後...2位$292結帳總結：全部都是淡口味侍應細心甜品選2款都沒貨，才6點已經無貨...

今日過咗九龍灣，就去咗呢間餐廳食lunch, 睇下佢本menu, 原來佢係1981年開既，仲要係西餐既始祖~心諗今次仲唔俾我搵到好野， 即刻order咗3樣野,千層肉醬面睇落好正，但食到1半已經食唔落，因為太“漏”~而且佢個汁黃黃橙橙，根本食唔出咩汁，只知好難食，到個肉眼扒，竟然漏單再漏單~等咗大半個鐘先黎到，仲要由鐵板變咗碟上已經無耐性再等，朋友們都已經食哂~照食算數，個扒不過不失，蒜蓉汁味道好怪~最好食都算係個燒豬腩仔，皮脆肉嫩有肉汁~個沙律好新鮮，味道唔錯~到餐飲又再出事，等咗10分鐘都未有，點知原來落單個阿姐仲袋住張單囉服務1個字“差”~!難怪星期五既lunch時間完全唔爆場啦～再1次證明“食肆唔使等位，啲食物差到無眼睇~”

德福的商店和食肆選擇皆多元化，所以週末有時會特地過來消費。茜廊已在此開業多年，我爸爸最喜歡這餐廳的羅宋湯，以前一起行IKEA前會帶我們在這裡吃飯，所以對這餐廳有特別的回憶和感情。這星期六去德福找旅行社買旅行package時經過茜廊，見肚子有點餓就先進去吃午飯。當時是12:20，由於過了12:30就沒有特價午餐，我們很快就著店員落單。餐湯我們點了比較少見的鮮牛尾湯，濃郁有肉香，配外脆內軟的蒜蓉飽最好。湯的份量多，喝光了之後我已經飽了一大半！主菜選了芝士焗藍青口龍脷柳意粉($72 set)，份量之大看來要兩個人才能吃光，芝士白汁creamy，藍青口和龍脷柳煮得剛好，不會很鞋口，意粉則比較軟身，個人喜歡有點彈牙的al dante口感，但或許家庭餐廳要照顧老人家和小朋友的口味，煮軟一點其實是貼心的。茜廊咖喱雞扒配中東包($69 set)香氣撲鼻，不算很辣，雞扒醃得入味又煎得香口，覺得配飯會更合襯。港式咖喱雖沒有傳統印度咖喱的強烈香料或是日式咖喱的甜味，卻有說不出的特色，可能因為那是自小吃慣的味道，覺得港式的咖喱也不俗。特價午餐選擇不是太多但勝在價錢平，全部$80元有找，以茜廊的食物品質和份量來

茜廊我通常去据扒，因為地點方便，係九龍灣德福廣場入面，裝修都唔錯，舒服光線足，但人流多，好難坐得耐傾下偈，而今次難得夾埋一家人去食，本身想試牛尾湯，因為成日都話賣晒，所以滿心期待，但入口覺得有少少咸，希望茜廊可以改善食物水平，保持水準，而個扒都唔錯，夠厚度又腍，唔會好似一般餐廳咁薄切切，黑椒汁上枱先淋，所以我一般叫四成熟，淋埋汁就剛剛好，由於厚度足，一咬落肉汁四溢，又有濃濃黑椒味，不錯的扒扒 

上次食飯, 餐廳送了几張週年刮刮咭,(原來餐廳成立於1981, 衣家搞週年誌慶)刮中了<免費牛扒一客>.再看清楚條件是: 惠顧滿100元, 方可使用此優惠.剛好與朋友BOOK了今晚8PM做FACIAL,大家到此晚餐, 順便享用這個著數.由於6點半到達, 尚未到黃金時間, 餐廳座位充足.就座後, 看看MENU.每個餐大約80-90元, 都有部份過百元.而我們看中千層麵套餐HKD95, 點計都不超過100元.有諗過追加12元甜品, 咁咪湊夠數囉.職員知道我們有免費牛扒刮刮咭,建議加HKD28變套餐, 牛扒可配餐湯及餐飲.真係計落都抵喎!本身牛扒是送的, 加多廿幾蚊,即刻變成2個晚餐, 大家都有餐湯及餐飲.(唔洗計住邊個負責餐湯, 邊個負責飲品了)牛油餐包表面有黑籽, 是雲呢拿籽嗎?牛油表面烤至香脆, 但下面則是鬆軟的包包.因為太肚餓, 覺得這個包好香, 好好味.餐湯 : 牛尾湯上次家人話牛尾湯好正, 今次要試下!橙紅色的牛尾湯呈上了,不見牛尾, 但見到好多配料: 薏米, 肉碎,眼見細細的肉碎及配料平均浮於湯中 << 没有沉底呢!湯底要有足夠密度, 才能載起各

因上次擦得一張FREE 西冷牛扒的COUPON, 趁未過期前就盡快使用；正所謂"不用白不用，過左期就實冇用" 所以與媽媽再戰茜廊 這次只需選擇一個菜式就OK了，便在廚師推介裏挑選吧！因已送了西冷牛扒，所以就可以剔除B, C, D 及F。結果 A 巴黎鐡塔千層麵 vs E 明太子蟹粉三文魚炒飯，A 巴黎鐡塔千層麵 因有"必食推介" 及有"圖", 所以勝出了由於COUPON要惠顧滿$100才能使用，所以多加一個甜品(+$12)就夠數了~~這次配了鮮牛尾湯 (配蒜蓉包)一看便知這牛尾湯有多足料，味道濃郁當中加了一些薏米，很有口感我想日後我來這裏的餐湯應該都會只選牛尾湯了 先上來的是巴黎鐡塔千層麵嗯.....何解會是這種顏色的汁醬莫非巴黎鐡塔其實是指巴黎汁?這個醬汁應該是用薯仔、南瓜等蔬菜類來煮的吧，因為能食得出蔬菜的青甜。個人認為這汁配搭千層麵好像有點不太協調，令整道菜偏膩了，如果配蕃茄汁大概較開胃吧而送的西冷牛扒配黑椒汁即使是FREE的，份量也很大呢~~當然牛扒的質素就一定跟扒類餐牌上的有分別牛扒也是挺厚的，因此在熱鐡板上也不會弄至過熟；中間還是粉紅色的牛味甚濃，不錯不錯甜品的法式焦