茜廊餐廳 (德福廣場1期)

营业中

休息中

今日星期五晚上見店鋪好多人，見菜單上的千層麵好吸引於是諗住一試。食完後，評價是1.千層麵水準極差，賣相唔好，肉醬好難食，完全唔值。食完有d驚><2. 豬肋骨太酸，肉有d霉3.環境好似快餐店，好吵。上菜慢。結論性價比低！

今天家人約在德福食生日午餐，順道去Mega Box看傢俱！妹妹建議Sidewalk, 很久以前曾試過這家（大約2006/2007）印象中几ok！大家都入去了。今日原來有午市套餐，仲有兒童餐呢。最後選了三個午餐及一個兒餐，職員推介沙嗲串燒拼盤, 特價40元，價錢聽落已經好吸引,剛好有職員端著一碟沙嗲串燒拼盤走過,SIZE真係几大喎!當然不會放過這優惠啦.沙嗲串燒拼盤上來了！！有六串牛雞串燒及沙律， 配沙嗲醬。40元/6串≈7元串 <<<平過好多餐廳了。還可在這家咁靚的西餐廳裡享受喎，真係好抵！先把牛肉，雞肉拆下，方便以叉取食。（教小朋友食串燒要有儀態！！！）雞肉牛肉是雪藏肉，真係無任何鮮味可言！香港地好少餐廳會使用新鮮肉，這點我理解！好在有沙嗲醬搭夠，醬汁濃濃的花生味及甜味，唔太辣，適合大人及小朋友享用呢！還有伴碟的沙律，有椰果嫁。之後是大大份的兒童套餐配橙汁；肉醬意粉，茄汁腸，雞翼，薯條，啫喱糖，沙律以多間格的日式餐盤呈上，一目了然。單是意粉份量已經很大，足以令女生飽飽，小朋友食得津津有味呢！雞翼二隻，小朋友話咬得唔方便，唯有將其去骨，咁就啖啖肉啦！最有趣的是薯

平日工作繁忙，難得找到機會享受西餐，來到茜廊。想吃薯菜，但餐牌上的一款配搭着我不會點的牛扒，幸好餐廳問過廚師可轉雞扒，謝謝。點了豬扒拼雞扒配薯菜及凍紅莓茶，還有餐包和忌廉湯，再加配藍莓芝士蛋糕($12)。先來餐包和忌廉湯，餐包是微烘的芝麻包，有些蒜蓉牛油，挺香。忌廉湯有creamy之感不過濃，屬好味之作。等了約十分鐘，主菜來到，兩款扒類放在一些薯角和什菜的上面，碟旁有少許沙律。豬扒和雞扒肉厚鮮嫩，有醬汁的味道，十分好吃。先前提到的薯角和什菜，頗有特色，當中有茄子，做得美味；而沙律菜亦乾爽鮮甜。紅莓茶相信是沖調製品，濃度適中，亦有果味。而藍莓芝士蛋糕的芝士味香濃，蛋糕吃下有豐厚之感，讓人感到用料充足，味道不錯。的確可說是一頓用心製作，讓人享受的午餐。

是晚跟媽媽來九龍灣睇戲, 所以便在德福覓食德福的餐廳選擇很多, 中西日韓咩都有一般如沒有事先決定哪間餐廳的話, 我通常都會選擇茜廊因十多年前從學生時代起, 已經有幫襯茜廊雖然不算常客, 但每次來都不會令人失望媽媽7點左右便到步, 先進內取位她選了清湯牛腩煲餐 (配湯, 餐包, 白飯, 餐飲) $95第一次在茜廊吃中菜 , 仲要原鍋上,侍應上菜時溫馨提示了 鍋很熱,湯很清甜, 內有很多白蘿蔔及大大舊牛腩牛腩很冧身, 是齒頰留香的牛味, 白蘿蔔不打渣, YUMMY沒想到西餐廳的中菜也能煮得這麼美味睇返個煲...一睇就知係有好耐歷史了我比媽媽遲15分鐘才進餐廳由於我當日差不多3點才食午餐, 所以到7點都未肚餓。所以打算 簡單食沙律餐便算了怎料一打開餐牌, 發現套餐的選擇少了很多 以往套餐都有不少於20款可揀, 而且價錢範圍很廣, 從$7X - $1XX 都有但現在只有可能3頁左右, 選擇減少了很多很多價錢起步是$9X, 不再大眾化了, 實在有點失望也沒有沙律餐....結果要單點黑醋汁煙三文魚沙律  $86 這個黑醋汁是大大令媽媽對沙律的印象改觀, 最初媽媽認為 沙律醬是只有白色的, 對黑

第一次食野食到急不及待寫食評每人平均消費都要一百蚊但係野食質素完全唔得個意粉同我學校canteen 味道差唔多但係果度只係賣緊廿幾蚊碟個咖哩飯...講真大家樂既都好食過佢囉最少牛腩係入到口待應更加臭串非常竟然識得打斷我講野佢以為自己做緊澳牛？咁既食物質素 竟然仲咁串得起總結：「真是荒謬，把自己看得那麼高。」

首先多謝我嘅朋友同我提早慶祝生日，我好中意Lee間餐廳。餐廳環境很好，装修優雅，服務員有禮，做事有效率，態度好，唔會讓客人等很久。上菜速度很快，而且外貌吸引，温度適中，味道一流。 下次會再光顧👍👍👍之後談談食物方面，外觀吸引，温度適中。千層麵的味道層次豐富，有點像肉醬意粉。不過份量有點多，吃到一半已經很飽了，細食的人可以與人share。之於和風牛肉炒飯，穫氣十足，侍應上菜時陣陣的香味已經漂進鼻子來。米飯的軟硬適中，加上牛肉的油脂滲透每一粒的米飯，簡直是一流！飯後再配上一杯紅莓茶，幫助消化，就這樣吃了一頓完美又豐盛的晚餐😋

好懷念茜廊西餐廳已有多年沒有來了.所以都抱住興奮的心情來.唉~餐廳內,地方都滿大可惜的是,超少服務員的.當一位服務員經過,見他手上滿是餐碗剛收拾好餐桌.忙忙碌碌的走過,我只好叫住他要下單.他就立即回我很兇惡的表情,叫我們等>>>等陣啦~對我們的客人發悔氣真的等多一陣.有位店員來幫我們下order看了餐牌後,有不同款的套餐收費合理.我們決定要幾款餐來SHARE那就可以吃不同的食品蒜香包很快送到餐桌蒜味很少,麵包暖暖的有3款湯可以選擇穌皮湯很不錯,內是忌廉加少許洋蔥碎.超失望的雞肉沙津除了雞肉好老和無味外,羅馬生菜是壞了,是臭味道來的,立即由口吐出來,大家都不再吃這個沙津了.清酒煮蜆不錯,湯味清鮮,蜆沒有沙,份量就剛好.幸好這柸熱檸茶給我口腔清新感~豬肋骨肋骨比較細件,味道不太夠,可能是醃肉時間不太夠的影響肉質都還OK~心太軟,另加15元的甜品.好像是由微波爐叮過時,拎到在我們桌上時,心太軟已經開了口,沒有流心的朱古力,味道朱古力很甜當晚用了這張優惠卷可以更優惠一個餐.可惜的是,餐廳內的食品水準,再買一送一的都不太吸引.

so bad 。black list forever.....very trouble!! no next time!有張coupon先去食，但實在太失望，汁冇味，扒叫左七成變十成。永遠唔會再幫襯。

聖誕節節目停不了，睇戲前一個鐘想食啲嘢！肥髀話要鋸扒！ 真係高難度！因為時間唔充足，未必食得切，好在記得平台有間西餐廳！應該比美式餐廳快啲！去到要等位！5分鐘比到枱！望出去對住平台幾開揚，但枱櫈幾迫，坐得舒服但好嘈雜！店員好爽手，超快set好枱！比水比餐牌，居然有茶餐廳嘅茶餐，不過亦有扒類茶餐，如果要食著普通茶餐，唔使來呢度喇！所以叫個「羊髀配廚師豬扒」（$76）加$6配意粉，汁有3種（黑椒、蒜茸、蘑菇）我揀蘑菇！仲有湯同餐飲！食物好快到，一次過到！所以飲緊湯就到晒所有食物（要快真係幫到手 ）羅宋湯配蒜茸芝麻豬仔包，個包真係好好味，外面脆入面鬆軟，蒜茸仲好香！羅宋湯好濃！足料有蔬菜加牛腩，但比較濁！羊髀配廚師豬扒：鐵板上，汁另上，可以自己決定淋幾多，幾細心，我無即刻淋汁，因為飲緊湯，加上唔鍾意炸起晒啲油煙！羊髀扒好薄，有骨，少少韌，但唔羶，豬扒有驚喜，煎香完仲淋，唔會乾，唔錯！薯角皮脆肉淋，唔點茄汁都好味！茄子比較差，煮唔透，唔好味！意粉都另上，但係港式全淋意粉！一啲都無咬口！軟叭叭！蘑菇汁有蘑菇粒但無蘑菇味，只係啡色有咸味嘅汁，一般！早知唔加個意粉！ 熱檸茶正常！店員好快，打仗

夜晚九龍灣唔知去邊食野好,行下行下到左茜廊餐廳間野好似好耐架喇, 試下都無妨叫左個魚扒拼脆皮腸原本係鐵板, 不過呢排熱氣, 叫佢唔用鐵板算喇來左個湯先, 真材實料好濃, 包都幾脆未飲完湯主菜就來喇, 效率高, 可能因為仲中唔多人魚好味, 腸皮亦都好脆薯仔食落唔係成舊粉, 不過薯仔個汁就少左d, 都唔錯燒茄子就一般, 不過都幾健康個沙律好靚, 汁酸酸甜甜, 幾新穎清爽最後就係凍奶茶, 冇咩特別成餐埋單唔使$100, 都幾扺

中午食飯同朋友試下呢間，估唔到正午入到去竟然無乜人一入到去侍應就安排枱比我地，其實唔洗安排，因為真係好空。坐低左settle好之後，我地就研究餐牌，因為我地都係第一次黎食，揀餐時間都耐d，但d waiter就企定定係隔離望住我地，等我地點餐，個感覺真係好唔舒服，而且講左一陣先點，waiter行開左一陣又行返黎企住朋友最終點左墨汁意粉，而我就揀左千層麵。先來蒜蓉包，唔熱又唔暖，凍晒，食落唔脆，又韌，好難食朋友食的一般，無乜可講。我點左既千層麵，我係第一次食，賣相100分，外熱內暖，但麵條超濕，好似食緊糊仔咁爛，完全唔覺自己係食緊麵，而且麵條本無味道，沾咖哩汁食都掩蓋唔到，完全係麵還麵，汁還汁但芝士夠大塊，食落似車打芝士。野飲就係我地食左一半先送到黎，我叫既係好立克，但淡味如水絕對不會再光顧午市，浪費我的時間與金錢，換來這個不愉快經驗

黃昏,想吃點東西, 走進了九龍灣的茜廊餐廳餐牌看到鐵板雞球炒麵,好像挻吸引, 所以點了約5分鍾雞球炒麵便到了, 熱氣騰騰, 非常吸引可能因為用圓鐵板關係, 炒麵份量顯得格外多先嚐一口, 十分鬆脆可能是平日吃得清淡的原故, 豉汁有點過鹹另外豉汁份量太少, 不足以撈均至全個麵, 可能因為麵太大而侍應亦非常樂意提供額外的豉汁, 服務不錯餐茶是奶茶, 正常出品抵食又好食, 吃得飽飽的, 回家後晚餐險些吃不下

以前食開葵芳戈間印象都唔錯,今日專登過黎呢到試試,係門口出面望入去好好似幾好氣氛,好彩入到去都冇中伏,俾個個大叔帶去個卡位到坐低跟住就問我要唔要介紹,哈哈我笑左笑,即刻點番賣飛弗7成熟"安格斯牛扒"钜扒前先食個餐包同飲淡羅宋湯先,餐包送過黎既時候我覺得有D奇怪,因為葵芳冇餐包食既,不過我都冇乜所謂,送到埋黎咪試一試,咬落去幾鬆軟同埋個熱到令到D牛油同個餐包容為一體,可能我少食餐包喇,覺得真係唔錯,不過個羅宋湯就酸左少少同埋落左檸檬覺得麻麻地又或者我唔太識食喇.等左陣我至愛既安格斯黎喇,本身喜歡自己落汁既,所以就叫個靚女侍應放低個黑椒汁,享受一下淋落去既炸炸聲,好香既牛味傳入我的鼻,慢慢將安格斯分開,果然7成熟岩岩好,一D都唔韌,放落口既時候咬第一淡,D肉汁真係BI曬出黎同葵芳戈間比有過之面無不及,加埋D薯仔中和,一流!可惜呢到既價錢竟然貴過葵芳5/60蚊,不過一分錢一分貨.整體都算OK.

環境氣氛幾好，唔會太嘈，可惜同格黎枱太近啦，希望呢方面可以有改善😯😯先上餐湯，牛尾湯，yummy，味道濃郁，始終係肉湯，所以的確係有啲油，整體黎講都好中意😄😄酸味味既沙律，唔錯，仲有塊火腿，配合生菜，真係幾好食，又算健康，因為唔多醬汁，而且份量都好多👍👍肉眼扒，5成，上碟時的確係生生地，整體個感覺好正，而且扒既size都岩岩好，唔會話食左等於無食咁，配埋芥末汁😃，正呀，推介其實食完以上既食物已經飽左，但眼見呢個串燒好平，所以忍唔住叫左😏😏，結果真係無失望過，燒得岩岩好，唔會油，而且好易就咬得開，1d都唔un，正👍👍最後買單仲送禮券，扒餐買一送一，實再太好，所以下次我一定要再食😍😍😍😍

前幾日探朋友經過九龍灣,就順便同佢地一齊去左sidewalk食個lunch,咁間野其實都幾易搵。咁我地一行四人都只係等左五分鐘就有位,效率相當之快。咁我就叫左個焗豬飯,賣相唔錯,上面鋪左層芝士,令成個飯都入哂味。成個飯都只係40幾蚊,絕對係抵食。