茜廊餐廳 (德福廣場1期)

营业中

休息中

中學時期至剛剛出黎做嘢，呢間餐都會係同朋友嘅聚腳點。到而加開業都已經有四十幾年，今日就同老公食緬懷一下。餐廳地點方便，裝修簡潔鮮明，餐枱闊落，坐得幾舒服。值得一讚係職員非常有善，對每枱客人都細心講解，感覺好好。餐牌選擇非常多，好多套餐價錢都好抵，而我哋就睇中一個鐵板特級西冷配薯菜套餐，套餐包餐湯、蒜蓉包同飲品，加配小食同升級飲品都需比優惠價，重點係呢個限時優惠，買一送一。另外我哋叫左一個小食同埋甜品，然後升級一杯特飲。白酒煮藍青口：有一打青口，醬汁調味調得幾好，鹹鹹地幾creamy，整體幾好味。餐湯：羅宋湯配料多，每口都食到蔬菜；忌廉湯濃稠適中，裡面有火腿同粟米等，幾有層次感。蒜蓉包：大大塊，焗得好香好脆，幾好食。鐵板特級西冷配薯菜：西冷扒瘦均勻，口感厚實，牛味濃，分別叫左5成同7成。醬汁有5款選擇，我哋就覺得黑椒汁最好食。薯菜有椰菜花同薯蓉，食完都幾飽。蜂蜜合桃蛋糕：蛋糕質感軟棉，合桃碎脆脆，忌廉味重，甜度剛好，都幾好食。椰乳雪糕紅豆冰：椰汁味濃，紅豆幾淋，唔太甜，仲有雲呢拿雪糕，當飯後甜品食都幾好。凍檸茶：凍飲唔駛加錢，茶味可以，糖水自己加，消滯最好。

基本上早餐都會黎茜廊買麵包，貪佢地點近公司又順路。是晚加完班，同同事傾下野，近近地就黎呢度食晚餐。晚餐主要係扒餐為主，仲好多特價餐添，買一送一嘅鐵板牛扒超抵喎，可惜同事無興一齊叫，最後各自叫左份晚餐，再加下小食share啦。⭐羅宋湯 & ⭐忌廉湯 & ⭐蒜蓉包跟餐餐湯有紅白湯選，各樣要左一客，仲有蒜蓉包添，塊包烘得香脆好食😋⭐法式焗田螺田螺肥美，仲有一大盤薯蓉，上面放左蛋液，金黃色的好睇又好味。⭐炸馬介休球原本以為得炸球，點知上枱時仲有薯條同沙律伴碟，成份小食即刻升級左，炸得好香口，一絲絲嘅魚肉好鮮味。⭐煎蛋手打牛肉漢堡肉醬飯同事主菜點了肉醬飯，塊漢堡扒雖然唔靚仔，但味道唔錯有肉香，個肉醬酸酸甜甜幾好味，仲好大碟飯，跟本食不完😆⭐特級肉眼配薯菜自己點了肉眼扒配黑松露洋蔥汁，個汁幾香口，肉眼大大塊入口軟嫩，下層有幾件薯仔同椰菜，吸左牛油好味。⭐熱檸茶 & ⭐凍檸菜凍飲唔使加錢仲好大杯，正。加埋一三舊水左右，抵食啦。

德福商場嘅「茜廊餐廳✨」真係街坊嘅摯愛，餐廳早午晚三餐，連下午茶都有，真係好方便！而且價廉物美，抵食又好味😋 餐廳環境幾靚，座位寬敞，想食咩都可以搵到合適嘅選擇「特色雜扒🍖」包括煎漢堡扒、炸魚柳、雞扒同法蘭克福腸，樣樣都唔錯「特級西冷牛扒🥩」牛扒煎得啱啱好，肉質鮮嫩，搭配薯仔一齊食，真係好滿足，而且扒餐仲包括蒜蓉包、餐湯同飲品，性價比十分高「兒童餐🍤」有吉列炸蝦、炸薯餅同白汁吞拿魚通粉，啲小朋友一定會鐘意，份量又夠仲有配埋橙汁👍🏻「茜廊」定時有不同嘅特價菜式，真係豐富又抵食🥐

茜廊餐廳地點好方便，一出商場就見到。 🚶‍♀️ 九龍灣居民常去嘅餐廳！ 👨‍👩‍👧‍👦 12點中午時間都坐左7-8成人，就知一定無問題！ 👍📍 地址：九龍灣偉業街33號德福廣場1期平台P8號舖我地叫左兩個餐：🍣 慢煮三文魚配薯菜 三文魚好粉紅，真係慢煮，仲好多汁，唔錯！ 😋 配埋佢哋嘅酸辣汁，又幾開胃！ 🌶️ 對得住個價錢。 💰 而佢哋薯菜真係薯仔加菜，唔係平時嘅薯條，呢度要留意下！ 🥔🐔 燒春雞拼薯角隻春雞比我哋想像中大好多，兩個人都夠食，最後我哋食唔哂要打包走 🥡 最正係皮脆肉嫩，無誇張，燒得好出色！ 💯 呢個價錢有咁嘅質素，唔錯！ 👍整體係一間合格嘅街坊餐廳！ 🏘️ 老字號嚟講D味道同菜式都算keep到，呢個就難能可貴啦！ 💖@chillchill_aloye @茜廊餐廳 Sidewalk Café- 九龍灣店 #九龍灣美食 #街坊食堂 #foodie #燒春雞

「細個覺得高級，而家變街坊價！」這間開業40年的老字號西餐廳，滿載德福人的集體回憶。下午茶餐$43就有，店員親切笑容依舊，瞬間穿越回童年！ 先點最愛公司三文治，多士烘得金黃香脆，層層疊起火腿、炒蛋、番茄，夾着開胃酸青瓜，色彩繽紛又飽足。 拉絲芝士焗肉醬意粉，即叫即焗上桌還在冒泡！甜香肉醬配軟腍紅腰豆，濃郁芝士拉絲效果十足，重現經典港式西餐風味。 $39雙享受 邪惡懷舊套餐，厚切午餐肉芝士多士+童年最愛「黑牛」——可樂配朱古力雪糕，冰火甜鹹交織，瞬間回到學生時代！

茜廊餐廳店內裝潢系西式茶餐廳升級版✨仿皮卡座、暖黃燈光、牆上掛著幾幅歐洲風景畫複製品🍴鐵板薄牛扒拼雞扒配薯菜牛扒的確薄，但醃得入味淋上黑椒汁更滋味～雞扒外皮煎得微脆，肉質不柴配半個薯仔烚熟加香草🌿🥣西西里蝦肉燴煙鬥粉煙鬥粉口感偏軟，裹著橘紅色嘅茄汁味道酸甜開胃😌蝦仁爽份量足夠🐽焗鮮茄菠蘿豬扒豬扒厚度適中，表面微焦茄汁酸甜平衡，茄汁超多，淡淡白飯都浸住茄汁超級開胃！每個餐加$14 可配麵包同餐湯！

好友話《 茜廊餐廳》二人餐抵食，餐廳環境舒適，坐滿九成食客，店員服務不錯。我們點左超值2人餐$298餐湯：蘿宋湯&忌廉湯配餐包馬介休球（2件）配薯角外脆內嫩的馬介休球香又滑，配炸得香脆薯角，香脆可口。特級西冷牛扒配薯菜牛扒肉質鮮嫩味濃，配薯菜美味又滿足。黑松露雞肉燴飯煎得香脆雞扒，燴飯滑順，黑松露味清香好食。雜莓蛋糕雜莓蛋糕酸甜適中，口感綿密，美味的甜品，值得推介👍蜂蜜合桃蛋糕蛋糕香甜可口，合桃脆脆，口感豐富，是我的至愛甜點。凍好立克清爽的凍好立克，口感冰涼。凍朱古力濃郁的凍朱古力，甜而不膩。椒鹽雞中翼配沙律雞翼外脆內嫩，配清新沙律，豐富美味。

九龍灣德福廣場的茜廊餐廳，營業了數十年嘅港式扒房，相信大部分人都會認識。喺德福行到唔知食咩好，不如就去茜廊回味一下，支持一下這間老字號西餐廳。作為港式扒房，夜晚一定要食吓茜廊嘅肉扒。🎏 香煎三文魚扒拼香煎鰽魚扒三文魚扒魚皮煎得好脆，一刀切落去，粉橙色魚肉爆出魚油。鰽魚扒亦都煎到微焦邊，魚肉卻保持嫩滑。雙拼滋味夠晒超值。🥩 特級西冷牛扒西冷扒夠晒重量，五成熟切開粉紅色肉芯仲滲緊肉汁，牛味夠晒香濃。點一點黑松露汁，會有另一番滋味。滋味分享，牛扒油香滴落薯菜上，會份外好食！
🥣🥖 紅白餐湯配蒜蓉包
紅湯羅宋酸甜蕃茄配牛肉粒；白湯忌廉就有蘑菇碎混奶香，配上蒜蓉包浸1秒，索盡精華。🍋 凍檸茶港式西餐，唔要咖啡要杯檸檬茶，檸茶篤到出汁先夠地道。喺九龍灣想平平哋鋸扒，回到基本步，過嚟德福廣場平台「茜廊餐廳」啦。

昨日我去咗九龍灣一間新開的西式餐廳，位置在德福廣場的平台，環境頗為寬敞，裝修都幾靚，坐得相當舒服！餐廳的價錢也非常親民，真係好方便😄。我哋點咗一個牛柳套餐，只需$138，兩大塊厚厚的牛柳，真係唔少！我們選了三成熟，但我建議大家可以試下五成熟，因為牛柳厚身，三成熟可能會略為生啲🥩。不過，勝在夠牛味，配上嘅薯菜也做得幾好味還有香脆的蒜蓉包同埋餐湯，真係唔錯！我們叫咗羅宋湯，甜中帶辣，幾刺激，飲落過癮👍。另外，我們仲叫咗海蝦燴飯有四隻蝦，蝦好新鮮，彈牙得嚟，燴飯就有點煮得唔夠熟，有啲會咬到硬硬地😅，不過味道都幾好！最後，我們還試咗青口做小食，份量唔少，青口雖然唔算大粒，但夠入味，總體來講都滿意！

今日午餐時間，我哋去咗一間選擇好多嘅餐廳，可以滿足唔同人嘅口味。我哋最後叫咗咖喱雞飯、煙三文魚黑松露醬燴天使面、法式焗田螺，飲品就叫咗熱紅莓茶同凍檸茶。咖喱雞飯嘅咖喱汁香濃惹味，雞肉夠腍，份量都幾多，配埋白飯真系好滿足。煙三文魚黑松露醬燴天使面就比較西式，黑松露醬嘅香味好突出，同煙三文魚嘅咸香味好夾，天使面嘅口感亦都al dente，整體味道唔錯。法式焗田螺作為前菜，味道都唔錯，田螺配上蒜蓉牛油汁，非常香口。熱紅莓茶酸酸甜甜，好開胃，而且熱辣辣，飲落好舒服。凍檸茶就系香港嘅經典飲品，茶味夠濃，夠曬 refreshing。呢間餐廳嘅午餐選擇真系好多，而且食物質素都唔錯，價錢合理，系一個唔錯嘅午餐選擇。

✿╮❤╭✿✿雜感女生   好味日記✿˚*•✰。茜廊．$298二人餐超值！馬介休球正宗葡國風味。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤今次同朋友去咗德福廣場嘅茜廊，試吓佢哋個$298超值二人餐，真心覺得抵食到爆！套餐包齊湯、小食、主食、甜品同飲品，份量仲要夠晒大，兩個人都食到捧住個肚走！   餐湯：羅宋湯 vs 忌廉湯，香蒜包脆到「索索聲」套餐可以揀羅宋湯或者忌廉湯，我同朋友一人一款試勻晒。羅宋湯夠晒濃郁，蔬菜煮到軟腍但唔會爛，酸甜度平衡得啱啱好，仲有少少牛肉碎增添口感，開胃度滿分！而忌廉湯就滑溜得嚟唔會太膩，奶香突出，飲落去暖笠笠，好適合鍾意creamy口感嘅人。重點係跟湯嘅香蒜脆脆餐包，一上枱就聞到超香蒜蓉牛油味，咬落去「索索聲」，外脆內軟，點湯食簡直係絕配！小食：馬介休球配薯角｜葡國風味還原度高小食係馬介休球（2件）配薯角，馬介休球炸得金黃酥脆，一咬開入面係滿滿嘅鱈魚蓉，鹹香得嚟帶少少薯仔嘅綿密，正宗葡式風味！薯角亦炸得外脆內粉，灑咗少少香草同鹽，簡單但好食，唔會油淋淋，值

位於九龍灣德福廣場❣︎茜廊餐廳❣︎由1981年開業至今，主打食西餐，我記得我細個成日經過🤭可以屹立至今真係好犀利👏🏻今晚去晚飯，全場full晒🤩呢到服務非常好，而且款式選擇多，難怪噤多年來都深受街坊歡迎👏🏻❣︎香煎特級牛柳配薯菜❣︎$138呢到晚餐全部都會跟埋蒜蓉包同餐湯😋👍🏻蒜蓉包上枱時仲熱架，外脆內軟，啖啖蒜蓉香超好食🤤餐湯羅宋湯酸甜濃郁，我食西餐一定飲佢。香煎牛柳非常軟腍多汁😋👍🏻唔使沾醬汁已經非常夠味，薯菜份量非常多，薯條即叫即炸，非常香脆。❣︎特式雜扒❣︎$98內有香煎龍脷魚柳，雞扒，法蘭克腸福同豬柳漢堡扒，食肉獸必食之選😋❣︎茜廊咖喱牛腩飯❣︎$92咖喱味濃郁豐富😋👍🏻牛腩肉質軟腍，索晒咖喱嘅精華，份量大碟夠晒飽肚。

呢間茜廊超有回憶 斷續有9個月嘅早餐同下午茶都喺呢度搞掂今日難得出九龍灣 就想搵番回憶的味道餐牌相比6 7年前多咗好多選擇🐷焗鮮茄菠蘿豬扒飯🍅豬扒鋪滿焗飯面頭咁制 超足料蕃茄差不多有半個嘅份量茄汁夠濃 芝士亦都焗到啱啱好一上枱出晒煙 一拮嚿豬扒食嘅時候拉晒絲🐟脆脆吉列魚柳包配薯仔沙律🥔另外加14蚊配忌廉湯 + 蒜茸包蒜蓉包烘得夠鬆脆而忌廉湯夠杰身 唔會稀😋 (最怕忌廉湯係水質狀態)主角吉列魚柳包更出色魚柳大過個包 請留意俯瞰圖 魚柳出晒界🤣最緊要係炸得脆卜卜 即叫即炸沙律都有半碟 青瓜 紅蘿蔔唔少得如果少番啲醬會更出色🧊凍華田🍋凍檸茶

前幾日喺九龍灣同朋友食咗茜廊，主打西餐同鐵板餐，成間餐廳感覺幾輕鬆，服務親切，坐得舒服，餐廳生意都唔錯，入座率都有九成。鐵板特級肉眼配薯菜，如果要鐵板上枱就要$168，普通碟上只係$98。我叫咗鐵板嗰款，想要熱辣辣嘅感覺。肉眼扒上枱嗰陣真係仲 sizzling 緊，香氣十足。扒本身都算厚切，肉質幾嫩，唔會太韌，叫咗五成熟，切開都見到粉嫩粉嫩，入口有肉汁，配埋個黑椒汁好惹味。朋友叫咗普通碟上嗰款，基本上一樣材料，但冇咗鐵板嗰種熱辣感覺，不過平成$70，其實都幾抵食。法式焗田螺，一碟有六粒，焗到啲蒜蓉牛油香味好出，田螺唔會太細粒，入口滑，幾正。所有套餐都跟餐湯，蒜蓉包同飲品。羅宋湯好開胃，蒜蓉包夠香脆椰乳雪糕紅豆冰雲呢拿雪糕幾香滑，配埋紅豆，食落唔會太甜，食完熱辣辣嘅嘢之後嚟個冰凍紅豆冰真係好正。

餐廳位於德福商場平台上蓋，經地鐵可方便到達。餐廳佈置得好溫馨，座位舒服而且寬闊，好適合情侶和家庭聚會。套餐含有忌廉湯及蒜蓉包，忌廉湯味道香濃，蒜蓉包口感香脆，可以浸落湯配搭食用。板燒特級肉眼扒配薯菜以松露黑椒汁為主調，配菜有香菜、燴雜菜和薯仔。肉眼肉質鮮嫩多汁，用牙可輕易咬開，熟度剛剛好，中間色澤粉嫩，口感軟熟可口，用鐵板可保持其溫度。芝士焗龍蝦意粉經典西式懷舊菜式，龍蝦開咗邊，用芝士醬鋪滿左表面，有拉絲效果，龍蝦肉可輕易取出食用，意粉爽口彈牙，整體味道豐富。凍紅莓茶熱檸檬水