英記油渣麵 (已搬遷) 新店位置

本想去車品品, 點知去到仲未開門, 唯有係大角咀遊蕩一下. 行下行下見到英記, 咁就入左黎食碗油渣面. 面身比較淋, 無咩咬口, 豬油渣同冬茹都有好幾件. 味度一般. 湯就夠熱又夠味. 辣油都好味. 比較以前係觀塘某豆付鋪食過既油渣面($8)好味一D. 但以10幾蚊一細碗的價錢又似乎不值.

早幾日等朋友仔收工後陪佢食消夜住左大角咀咁耐都無試過咁出名既油渣麵決定番歸前買碗試下D麵外表似烏冬或者粗上海麵但食落太淋好粉配料份量少冬菇係幾淋但仍然好有咬口,ok油渣仲只係得三兩條雖然係好有豬肉味但我覺得又唔係想像中咁好食真係諗唔出有乜必要專登黎食人多不特止服務又混亂俾晒錢等佢裝碗外賣走明明差我地一碗都唔理要裝左差唔多十碗堂食後再追問阿姐先俾番我地

其實我覺得唔係佢d麵好食, 係d秘製辣椒油好唧!

好鍾意食ｄ度ｄ辣，佢\\\\\\\地ｄ面都好好食，正呀

醉住去食,兩碗都唔夠.麵條時淋時恰好,飄忽.辣油夠勁!偏貴.

上2個星期五放工約咗bf去食興記煲仔飯之前落咗奧海城睇戲之後大家話好耐冇食過英記咁咪試吓囉麵條同以前冇乜分別都係上海麵條細細哋一碗細食嘅女仔lunch time都ok嘅男仔就未必夠飽而且一碗成$17好似貴咗少少喎湯-尚算鮮甜而且味精唔多油渣-冇乜特別,可能唔係我嘅favourite面頭有少少芫西,蔥同菜甫帶出麵嘅香味總括嚟講味道唔錯好過深水埗間周記但值唔值專登嚟食就見仁見智啦

有一晚經朋友介紹后開始黎呢度食宵夜!!! 收工時間1點, 過到黎都成2點, 仲好旺!!! 不過唔使驚無位, 因為佢地有成3/4間相連舖!! 食過3/4 次, 如果唔係有車, 都幾難搵!!! 一碗好似係$16, 唔好期望有雲吞麵咁大豌!!! 宵夜黎講, 呢個size就fit晒!! 加大好似20, 但唔晒加啦, 都唔係大好多!!! 同唔夠食可以叫多豌同人share~~ 飲品好似係$8 /can !!!順帶一1提, 可以過對面買餃子食, 一蚊一隻, 好抵食!!! 唔使

眾多高危食物中, 我最喜歡吃動物脂肪。素聞大角咀英記油渣好good, 特地坐車來試其虛實。一坐低, 老闆娘就問"兩碗"? 我自動波答"係", 原來係獨沽一味的。一上桌, 有兩件冬菇, 少量油渣以及大量切到好細的蔥, 菜甫同冬菜。見到如此detail的蔥, 先生好感。量是少的, 對我而言就麵太多, 渣太少。呷一口湯, 好香冬菇味, 幾好。麵煮得較淋身, 正合本人口味; 反而主角油渣呢, 又唔覺得咁特別。食食下, 對面的食客叫了淨渣... 賣相超吸引。叫了一碗兩份分, 方才吃得滿足。反而唯一有標價的辣椒油, 水準只是一般。大把潮式粉麵舖的辣油都係咁嘅味的。走先發現原來有三個連舖! 淨渣30大洋, 渣麵14蚊, 而且衛生算做打理得幾好, 算值得。惜位置十分隔涉, 有緣千里能相會罷。

睇戲前先嚟呢度醫肚。風聞佢哋嘅油渣麵獨步天下，食得多深水埗周記嗰D所謂嘅油渣，當然想試吓呢度嘅又如何...屁股都未坐定，阿姐就問係咪要一碗。枱上亦唔見有餐牌，可見佢哋獨沽二味只賣油渣麵及冬菇麵...份量頗細，兩啖就食完。湯底出乎意料唔油唔膩。油渣邊位微脆，明顯有炸過，比周記出色；冬菇就冇乜特別；上海麵麵質就爭D，唔夠煙靱...總括嚟講水準當然比周記出色，但未致完美...仍然找尋心中最好嘅油渣麵...

人人都話正,雖然我住得近,但一直無試過,直至為食既大口仔話專登入黎試,我先陪下佢食…我感覺係…可能我唔太鐘意都卦,唔覺得好特別或者特別好味囉,只係覺得好細碗,好少料,好似唔係幾抵咁囉!同埋原來係無選擇既,我想要唔同送又唔得,要粉又無…大家真係覺得咁好食?我都唔知喇…

先在此說明，豬油渣麵本是街邊小食，因此，請各位食友別寄望可以在一個舒適高檔的環境吃到這款食品。仍記得小時候，母親最喜歡帶我到旺角街市食一位嬸嬸弄的豬油渣麵，當時，母親叫這款食品為豬油渣粉仔，當她一說要去吃「粉仔」，我便會開開心心的換好衣服等出門了！老實說我是從不吃豬油渣，但是，我卻十分喜歡吃裡面的「粉仔」，湯甜味美。到我長大之後，得知在旺角街市賣豬油渣粉仔的嬸嬸只在上午擺賣，因此也只是抽空吃過一次便沒有再去了，後來，有朋友告訴我，現在大家都叫這食品為豬油渣麵，在大角咀有一間食店很出名的油渣麵店，於是，跟朋友在一個晚上到這裡來，地方是小一點，地方也不算得上乾淨，但是，都比我想像中好的了。我點了一碗冬菇麵，一上桌熱騰騰的，香味四溢，食慾也被挑起來呢！由於家母不太吃得辣，因此，小時候吃豬油渣麵時，都沒有下辣椒油，但人大了，也就越來越嗜辣，聽朋友推介這裡的辣椒油十分美味，於是，也在麵中放一湯匙，麵一入口，麵的口感尚算不錯，湯底既香且鮮甜，相信是老闆娘用大量豬骨來弄湯底，才會有這樣的效果吧！之後，辣味漸漸發揮，而且還帶有一股辣椒特有的香味，老實說，這裡的麵和冬菇已是不錯，但是，這裡的湯底和辣椒油

已是零晨一時多, 但大角咀依然有不少食店燈火通明. 英記雖獨沽一味油渣麵,但也不乏捧場客,可見其江湖之地位. 記憶中兩年前黎過, 那次對英記是頗失望的,但事別兩年後會否有所轉變呢? 答案是有的. 油渣的份量頗多,香口但不油膩, 冬菇煙韌有口感,麵質彈牙,冬菜及蔥料更是不可或缺,而辣椒油更是靈魂所在,香辣兼備, 幾滴已可把成碗麵提昇至另一層次(咪就係由唔辣變好辣囉!), 這個顯然是好的轉變!兩年前後的分別竟有這麼大, 究竟是英姐的轉變還是我的轉變呢?

　　上個禮拜一行四人，特登搭的士去食油渣麵，對於油渣麵我有一份情意結，源於廿年前油麻地廣東道街市，用火水爐煮油渣麵嗰個婆婆，嗰種獨特嘅香氣，到而家我都仲記得！　　而家嘅油渣麵，食味同以前真係相差好遠，好難搵到一間有水準，今次呢間英記，算係接近我回憶中嘅味道，所以$14一碗，我覺得非常值得，我哋食咗六碗油渣麵加一碗淨渣，好滿足！一定會再幫襯！！　　

還記得初中時代,經常性在高登一帶流連,除黃金對外一字長蛇陣的熟食小販,有魚蛋魷魚,煎餃子等必吃之選外,尚有一檔由外江佬主理的炒螺車仔檔.一路炒一路喊住好石曼泥.)到今日,依然不明所以.與此同時,今天黃金門外,只見一些網絡商推銷員等你無限任上,和貌不驚人,死纏爛打的保險姐姐,身手比後衛敏捷,左右包抄,要用到"超必"才能脫身,討厭至極.昔日少年踢拖在黃金抄game後,留連門外掃街的好年華,一早離棄我們而去.附近街舖,劉森記,維記係要成人禮後才光顧,由細吃到大的,只得周記油渣麵.當年少不更事,並無深究油渣麵是什麼東西.唯一一個反應,係覺得好好吃.闊別多年偶然去光顧,已經失卻昔日的風味,何出此言?不知道,感覺上已失去.在現今社會眾人要吃得健康,少油等大前題之下.這等頻臨絕種的港式食物,差不多要在博物館見.其實這些也是老香港文化之一呀,為何不去好好珍惜呢?健康與否都係睇個人,凡係一個人吃什麼也要左度右度,吃少少肥膩就疑神疑鬼的話,這個人一定比吃得的人來得更不健康,心病比身體出現毛病,分分鐘來得更可怕.既然買少見少,當一旦遇上,便毫不猶疑地前往,食友之間一致對只做晚市,大角咀英記油渣麵推崇備致.日

尋晚同我個FD係大角咀打完機後，我FD話請我食麵．．．（食麵？我係大角咀玩甘耐都未食過）之後行左去一間麵店（我無留意叫咩名），佢就大叫：２碗！我好好奇，咩２碗啊？得一樣野咋？之後來左２碗細細碗既麵，上面有冬菇，蔥，冬菜，豬肉，原來係油渣麵．．．我FD話呢間店D麵好好食，叫我試下！睇落碗麵就好似幾好食，點知一食落去，味道好正啊！（之前我食過一次油渣麵，食完之後就後悔，點解甘難食架！？）D麵似烏冬（唔知係埋），"林林"地又唔斷，飲啖湯，味道唔錯，配埋D配料一齊食，滋味啊！！！加埋佢間店自製既辣椒油，又辣又香口，對於我呢D無辣不歡既人黎講，正啊！之後我同我FD每人食左２碗後就走人，趕住番歸嘛．．．雖然D麵真係好好食，但１４蚊得果細細碗，唔襟食！不過真係一試難忘，唯有再接再厲啊！！