英記油渣麵 (已搬遷) 新店位置

三月十八日星期二約下午六時五十分到，仲開緊舖，但已可坐低叫野食。例牌大油渣麵一碗加可樂一罐，好味依舊。又加價，大油渣麵一碗$22+可樂一罐$7，合共$29。地點不就腳，我住旺角黎呢度，行都行鑊金，又無瓦遮頭。P.S.睇過YaXoo!去邊度同問過英記呀姐，營業時間為星期日至五晚上7:00至翌日下午3:00，星期六晚上7:00至翌日上午7:00。

小時候的英記是推著車仔，油渣麵是放在鐵筒裡，只需五元就有一碗，而母親多數會以可愛的小飯盒盛裝油渣給我們當早餐，當然老闆仍是至今的兩位大嬸喇，佢哋嗰樣都冇咩點變，可惜油渣的質數都越來越差，麵的質地太淋，湯亦太油，價錢又越來越貴，但粉量就越來越少，衛生就....看到有"米奇"在店舖內，而且鄰旁的店舖原先是修車鋪，但晚間會用作油渣店舖已供客人食用，那陣機油味跟油渣味一點都不合。人怕出名豬怕肥，一出了名言過虛實，很難再為持本來的質數，大的買$21小的買$15，相比其他買油渣的店鋪，如深水埗的周記油渣都比佢好，$15一碗的份量已經多過英記的大碗號，湯不會油淋淋，食完都不覺口乾，價錢亦公度。

聞說這間英記油渣麵很出名,又聞說這間英記以前是車仔檔,聞說我住在大角咀,但都未幫襯過,慚愧.今天終於一試.很香,麵很有口感,豬油很可口,還有兩塊大冬菇,很香冬菇味.湯底很好味,幾乎比我飲晒咁制.今次食完之後,發覺其他地方的油渣麵無得比,唔怪得之夜晚十一點都要排隊買外賣.

1.湯好咸2.係肥豬肉, 唔係肥油渣.3.d面基本上就係面粉, 唔好食.

心癢難耐，一個人打的來，2130到。叫了一碗大油渣麵加罐可樂(得原裝，無coke light或coke zero，有待改善)。油渣唔夠脆、冬菇幾好味、冬菜分量足、味精分量唔多，放心。緊記辣椒油落少少已很辣，小心添加分量。店面裝修零分，但令我想起兒時的屋風味；不過尚算乾淨衛生。放心。見隔離檯個男仔叫碗細麵唔夠食加多碗。男仕去到記得要嗌大碗。油渣麵不分大細每碗加價1元。整體黎講食味和感覺良好，有下次。大油渣麵一碗+可樂一罐=$27。

其實佢只係一碗好平凡的麵，外貌可以說完全不吸引，又細碗，料又唔多，初嘗的時候只覺麵條淋淋，油渣不是特別好味，但唔知點解又好想食多d，個湯又ok喎，清清甜甜配上淡淡的冬菇及冬菜味，再加佢地的辣椒醬，咁就不得了喇，又香又辣，真係辣到冒汗兼鼻水直流，最後連湯都飲清光，味道也吸引我遠道也再光顧。但我最鍾意的都係佢夠性格，獨沽一味，又冇裝修，你鍾意就嚟幫趁，服佢！

個日同男朋友去到大角咀想食英記,但係就揾極都搵唔到, 真係好失敗,最後都係要問人, 唔甘心架嘛,一場嚟到又冇得食=_="...最終最終都比我地揾呢...入到去雖然知道只係有豬油渣面食, 但係又冇價錢又冇餐牌...果然真係做熟客呢..每人叫左一碗...不過唔係好夠飽..再叫多碗大既..細既好似16, 大既就20..不過真係好正好好味..食緊既時候聽d人叫又多菇多渣咁....咁下次食唔知可唔可以多菇多渣多冬菜呢...呵呵呵

星期六晚老公特登車我去食英記,原來有分大碗和細碗,我要左碗大,老公要左碗細,碗麵來到都幾足料下,又冬茹又冬菜又蔥,麵都好咬囗下,chilli oil勁辣落得多左,食唔到碗麵,同阿姐講加少少湯沖淡de,阿姐好好人比多碗湯我,唔錯!!PS:見有客系对面嗰間買小吃過嚟英記食,自己又走過去買,但de阿姐勁唔掂明明系我排隊先架麻,當我透明比左其它人先如果唔系老公鍾意食餃子都廢事買,吃了一个之后,完全唔掂lor,雖然五元五隻好平,但唔掂lor!>.<

似乎靚仔時代的油渣麵味道已經消失了！據聞這裡的出名油渣麵，比起深水步的正宗及冶味多倍，見週末過來這帶探老友前有空檔，就專誠過來一試。坐低後店員跑來邊招呼邊沫檯邊說，全店只賣一款油渣麵，只有大細之分；果然名不虛傳，只做一款獨步單方，怎差都有個譜吧，就來碗細油渣，小麵多渣多青！預左細油渣大極有譜，不過這份量剛好治療牙痕症；上海粗麵不過腍及糊，都算幾可口，油渣炸得不夠透徹，故怎樣用上湯煨之亦吃不到炸透的油渣獨有香味，跟靚仔時代街邊車仔檔的仍差多倍，怎說以往的油渣是經歷多重炸透，裡面一點一滴的脂肪都被炸出，跟現在的純為做油渣而作油渣的已經不可同日而諭！還有，上湯裡的冬茹只能起點綴之用，茹的香味未能發揮出來，不過湯頭沒有味精的就絕對，這點可算油渣麵的小有。另外，這裡的辣椒油果然利害，丁點的已經辣味非常，跟大埔的海達勁辣油有得揮，小心添加。

已吃過英記多次,早上吃油渣麵,還是首次.早上九點多路過,竟然見到英記已經開門營業,本來已吃了早餐,敵不過心癮,來一碗油渣麵才踏上歸途."多渣唔該!"雖然已經吃不到昔日油渣味,冬菜,荵,冬菇,加上主角油渣,連同清甜湯底,毫不猶疑"雪"一聲吃光.如果連油渣也是昔日的味道,那就真真正正"古早味".對著一些觸不到的舊物,只能在回憶中緬懷一番,夢中吃著炸得香脆的豬油渣,一口渣一口粗麵.再來支青島啤,你會發覺醒過來的枕頭,已被口水浸濕.波鞋也有復刻版,舊唱片也有環球復刻王,傳統的油渣麵呢?

早幾晚陪朋友仔食只係少少半茶匙既辣油都辣到入喉嚨即刻要大量飲水麵條比上次食無咁淋油渣同冬菇差唔多但16蚊一碗真係貴左d

i try many other shop n this is the best one . noodle GOOD soup GOOD mushroom GOOD 油渣重要係半肥瘦邊度揾呀.順便一堤d chilli oil is very nice ar

今日慕名而來坐低只能選擇"大"或"細", 因為根本獨枯一味..........如果同周記比, 可以講各有長短麵比較"淋", 周記挺啲但油渣就佢好過周記, 可能帶少少瘦肉, 食起黎有咬口, 感覺無咁肥, 差不多食晒. 去周記我基本淨係食麵最可惜係份量細(=貴)同埋望勻成間舖都無價錢牌??兩個人食咗2細1大, 埋單$46我估應該係$14同$18掛

由細食到大,食0左廿幾年,由細細個0向天橋底食,食到有自己0既鋪位,味道一d都冇變過^^依家每個星期都會扭老公揸車落去食返碗大0既!

初七同老公仔收工後，原先想去食煲仔粥，點知大部分店都係初九開市，向朋友求救推介我去食油渣面。一向對油渣面都無咩好感，以前試過深水間好出名油渣面店，結果覺得只係成口油淋淋，之後唔敢再試。但今次老公仔又話好想食wor，唯有捨命陪君子啦，結果喜出望外，都幾好食呀! 個湯夠熱，面條好特別之前都未見過，唔係彈牙種但同d油渣好配合。冬菇細細粒，不過索埋d汁好好味，當然仲有主角油渣啦，最正的地方係有部份油渣是炸過的，好香口，較乾身但又唔會油淋淋!最難得係店面細細但都十分乾淨，完全唔係咋面，食完兩碗細之後我地再加碼多一round，每豌都係十幾蚊，超抵，一定有下次!