英記油渣麵 (已搬遷) 新店位置

睇戲前先嚟呢度醫肚。風聞佢哋嘅油渣麵獨步天下，食得多深水埗周記嗰D所謂嘅油渣，當然想試吓呢度嘅又如何...屁股都未坐定，阿姐就問係咪要一碗。枱上亦唔見有餐牌，可見佢哋獨沽二味只賣油渣麵及冬菇麵...份量頗細，兩啖就食完。湯底出乎意料唔油唔膩。油渣邊位微脆，明顯有炸過，比周記出色；冬菇就冇乜特別；上海麵麵質就爭D，唔夠煙靱...總括嚟講水準當然比周記出色，但未致完美...仍然找尋心中最好嘅油渣麵...