英記油渣麵 (已搬遷) 新店位置

英記開了大約有20年. 最初係擺街邊, 只做上午; 後來搬上鋪頭, 只有5-6座位(現時鋪位的後面街某位置), 都係做上午; 到而家3個鋪位, 開差不多24小時(只休3-4個鐘). 佩服佩服..........而事頭婆頭咁多年都係咁”型”, 好好.難怪油渣麵咁多年都可以Keep到咁好食,"正”. 食過其它地方發覺唔掂(麵煮到好淋; 油渣好似未炸透) 唔知英記係唔係因為用”鐵罐”分開煮, 容易掌握”火候”,令到上海麵無咁易淋???而冬菇可能吸了豬油後, 食落去很”正”. 女士唔喜歡油渣的話, 可以叫冬菇麵.

我以前返工日日經過都會食一碗，佢D辣椒油好辣，我落一羹個頭都食到標汗。至於貴唔貴就見人見致啦，深水涉周記就大碗過佢，又多其他配料選揀，但我覺得英記個湯底同麵質都好食過周記，所以有時間都會黎食。不過佢D開檔時間好騎黎，由晚上七點開到第二日下午三點。

好食, 真的好食, 幾乎每晚夜了收工都過去怒隊兩碗渣麵一碗淨渣. 每碗都落六至八匙辣椒貴, 要五六十元才食得過癮是貴. 但, 物有所值啊.

味道普通, 碗麵超級細碗(份量只有酒樓普通食飯碗平碗),我自己要食3碗先覺得有野到肚;賣成$14蚊一碗絕對唔抵食,物非所值,所以不建議別人來這裡吃麵.

To everybody, for god's sake, this unhealthy food is harmful to our health. Please don't try it anymore. I also went there but didn't try anything. I found the place is very dirty. Can't imagine how come we can eat put this food into our month. But it's my own opinion.

上星期的一個晚上早了食飯,11時許肚空空,食得多又怕肥喎,忽然很懷念此店的油渣麵,順路叫朋友陪我去食夜宵。地點其實都幾偏僻,只在晚上才開舖,揸車比較方便,可泊在門口。朋友叫了油渣麵,我叫了冬菇麵。碗麵只比飯碗大少少,若當飯吃一定不夠,需叫多一、兩碗。麵條很粗,幾有靭度,夠滑。冬菇很香很淋,油渣炸得乾身,肥瘦適中。加上大量葱粒、冬菜及勁辣辣椒油,滋味無窮!原本想過對面街小店買很美味的煎餃子,但店主休息,有點失望。在此亦想提提食家,不要對此處的服務,環境及份量抱太高期望,其實此店只有麵賣,選擇並不多。若純粹抱着食好味油渣麵的心態,一定會有驚喜的。

近日打算搵D平嘅又好味嘅嘢試，於是走咗去個網頁東抄西翻，搵咗呢間食豬油渣麵嘅舖，都係想尋回一D回憶。碗麵超級細碗，D麵過淋同埋有D"次"牙，豬油渣應該都有3-4舊嘅，但要賣14蚊，一定係發過豬頭炳。應該都無下次，因為地點唔就腳，仲好似只係開夜晚，出面都應該可以搵倒差唔多味道。回憶真係未必可以用錢買回來的!

之前在openrice見到這間舖子的評價不俗, 今天lunch心血來潮走去試試. 店子很小, 只有一名女子在弄麵, 我進舖後, 她問我係咪要一碗, 我話諗吓食乜先, 佢話:呢度只係賣一樣野, 就係油渣麵...於是我要了一碗...碗子小小的, 味道亦只是一般, 不過都幾特別丫.

只賣油渣同麵，無其他配料，但即使肚子還沒有餓，那十四元一碗的招牌貨還是可以盡數吞下，油渣可能未渣乾渣淨，但總算洗得乾乾淨淨，不像別家那些總是帶點污黑，吃下肚子裡麵是好咬口又入味，加兩滴辣油更添色彩，不枉每次酒後逛過來吃，絕對是夜宵佳品！

14蚊一碗唔係好大既油渣麵, 我老公一定要食3碗先夠飽.但絕對值得去, 我由細食到大, 由街邊食到入鋪. 絕對唔係深水步dx記可以比美. 油渣香, 肥瘦相間, 冬菇味濃.辣椒油勁, 麵好味.(起碼唔會淋啤啤. )仲有阿姐好好人, 一碗麵可以多渣多蔥多冬菜都係14. 可能係情意結, 這是我覺得係最好味既油渣麵.

好老實講，我真係唔知點解呢間野會咁出名，我今晚久仰大名特登山長水遠走入去食，但結果令我大失所望；佢Ｄ油渣麵雖然幾好味(我覺得原因只不過係佢既湯有冬菇既香味)，但係咁既地方收人$14蚊一碗粉，實在極之唔抵食；唔知係咪用料"名貴" 既關係，嗰碗麵既份量之少實在非筆墨所能形容，一位普通食量既女性閒閒地都要食兩碗先夠飽．反而佢對面有間賣抄粉麵小食既鋪頭仔就出奇地抵食(e.g.$12蚊一碟即抄乾抄牛河)，要求不高者絕對可以一試．如果一定要食油渣麵的話，倒不如去琛水埗好過，價錢一樣但大碗Ｄ，附近又有商場行......

英記可以話係我食過最好食既油渣麵.雖然地方勁隔涉.如果由奧海城過嚟,都有排行言歸正傳,佢啲油渣麵,唔係用一般嘅上海麵嚟煮,亦唔似出而咁,淋pat pat,呢度果d,好有口感,好彈牙.我試過外賣番屋企(天水圍),個半鍾時間,都冇淋到.佢啲油渣真係好甘香,好正.再加啲冬菜同辣油,yummy yummy~另外,佢d冬菇麵都一樣咁正.如果想食得清清哋,冬菇麵就最arm~

我好鍾意食英記既油渣麵, 不過佢既開舖時間就怪d, 好多人都特登開車去佢度食野, 或好多的士or 全職伺機, 都會特登開車去食, 奧海城開佐之後lunch time 多佐好多西裝友同OL 去食野, 佢d辣椒油勁正, 係自己整既, 佢d辣椒油有得買架, 我好多朋友食過, 唔洗我帶路, 都自己開車去食, 有一次我去食, 個女人住大埔, 佢食完買佐一碗番去俾個仔食, 因為個仔好鍾意食, 我同佢講, 我都係住大埔, 係好遠黎食既佢地有三間相連舖, 平時你地去食, 就係中間舖叫野食, 跟住自己鍾意坐邊間舖都得, 每間舖都有一個雪櫃, 想飲野自己去拿, 佢做街坊生意, 都係講過信字, 唔怕你地走數, 當然我地個個都好誠實佢D野食真係好正, 如果而家有一碗俾我食就好啦

整體OK，但我去過幾次，佢油渣係用面青來炸，不過面青底部的淋巴(即口內腔的「銀」)清除不凈，也可能是成本關係罷！另外油渣跟湯如果可再先煮久一點讓油渣全焾與湯味合而為一就更好。其實油渣並不是不健康，只是要賣的一方成本問題.....油渣是指脂肪的油全數炸走才真算是「渣」，落肚根本冇油，只食餘下的甘香和質感，所以要先與湯同煮，這是以前香港的窮人物盡其用的食法，阿媽留D油來炒其他餸，以前油好貴，油渣點會有油剩？

其實油渣麵呢d 食品,就咁睇個食品名稱都知係又肥又唔健康啦..不過我就認為咩都應該試下喇..唔健康,都知點樣唔健康;肥,都知係肥成點..做得經典食品都應該係有d賣點既..正所謂一次半次,何足掛齒呢..學蔡先生所言,試下無所謂,任何東西食過量都係唔好架啦~只要適量就可以了~