英記油渣麵 (已搬遷) 新店位置

師傅都有好一段時間冇專登去食宵夜, 是日興之所緻, 單人匹馬山長水遠咁搭尾班車出去, 目的就淨係想黎呢間食店食個宵夜; 呢一間都算係一間老點, 加上師傅都已經好多年都冇黎過呢間食店喇, 所以對是次宵放都甚為期待!行到入食店, 一坐底侍應就淨係問左句 『大定細』, 師傅都未黎得切反應, 原來係問大碗定細碗, 最後都講左要 『細』, 轉個頭一碗熱辣辣嘅油渣麵就擺左喺師傅面前! 豬油渣切成絲狀, 加埋冬菜, 冬菇同油麵, 賣相真的不錯; 師傅第一時間試下個湯底, 湯底甚為鮮甜, 加上冬菇味頗濃, 不錯; 再試下個油麵, 麵身爽口彈牙, 口感一流呀; 而炸過的油渣好香, 冬菜同冬菇份量洽到好處, 夾埋真係好味; 再加埋呢度嘅自制辣椒油, 又香又辣真係超正, 師傅一共落左三匙辣椒油, 食到最尾連湯都飲埋, 真係極其惹味, 不過就食到連眼水都標埋!總括黎講油渣麵水準出色, 地方都清潔乾淨, 服務一般啦, 價錢都唔算貴, 十五蚊細碗, 作為宵夜都幾抵食; 呢間食店選擇唔多, 但淨係賣油渣麵可以賣到咁多年, 一d都唔少野! 而是次嘅油渣宵夜令師傅回味無窮, 雖然唔係健康食品, 但偶爾一次亦不為過,

成日都好想試英記油渣麵, 今次終於可以試到喇, 買左一碗大既外賣, 要$21, 加送小辣油, 講真都幾貴!!返到屋企打開個蓋, 好香, 但係唔係我想像中超好味囉, 只係覺得佢合格, 油渣都算多, 冬菇唔係薄片, 唯一覺得佢最出色係辣椒油

再次愛上油渣麵，因為這間是新鋪,在剛開張時有試過,但十分難食,而且佢d客好明顯是少了很多,不過近期我地鐘意唱完歌就想食下宵夜,所以又試番佢啦,但唔知道係未因為飲咗酒關係,又覺得好好食呵,所有現在又再次愛上油渣麵油渣麵（$15細碗），油渣比以前少咗,但都多冬菜,蔥等,而且加了辣油真是好味道升級十倍呀................

在蔡生的書上看到這家油渣麵，介紹得幾吸引。從未試過食油渣麵，是日便專登去試。叫左細碗油渣麵（$15），油渣的肥肉比想像中少，冬菜、冬菇份量也不欺場，麵有d似烏冬。而最驚喜係d湯好好味，不是淨係味精，而有多種食材的滋味。加了一匙辣油，d辣油不會太鹹，微辣，也讓這碗麵更添美味。又叫左盤腐乳通菜（$12），份量好大，但勁鍾意佢微辣ge腐乳，最後也全部食晒！這第一次嘗試油渣麵印象極佳，鋪頭寬敞也坐得舒服，有機會會再來！

和朋友誤打誤撞，找到英記油渣麵的確比深水步起那間周記油渣麵，原來呢間真係好味好多，油渣好乾淨，都好瘦食完還有點不夠不過就有d貴，亦好細碗，另外雞翼都唔錯，更有香茅味

晚上12 點幾, 去左一間越夜越旺既油渣麵店.食過4-5次..都係冬天食好味d食左:油渣麵: 不論麵 , 湯底和油渣都讚不絕口腸: $10 得4條..仲要係得4粒芝士腸, 不值, 不會再叫油菜: 好多油, 不過都可以還有, 這裡的辣椒油好辣, 但我好鐘意

英記搬左新鋪, 成個格局都好左好多。d 面都仍然係好好味。每一次都要加兩大匙辣油先覺滿足。d油渣真係好軟熟, 好夠味。食完一碗多渣大面後, 總要買一碗留待之後個日食。

自從公司搬離大角咀後，並不常回來，今晚和老婆到鱻吃完米線後，意由未盡，於是打算到英記買外賣油渣麵吃。去到舊舖才知搬了，新舖大了許多，買了兩碗油渣麵，一樽辣油回家，麵還是很爽口，湯底亦很清甜，加了辣油好吃很多，雖然價錢加了不少，還是我最喜愛的油渣麵店。

之前一直都聽聞英記油渣麵 , 可惜未有機會試今日好得閒 , 於是特地到大角咀一試 我叫左 油渣麵 + 可樂嘩...好多油渣呀好爽好好咬 , 半肥半瘦 , 唔會話食到成口油有成5 粒冬菇 , 好多蔥花 好多冬菜試左少少辣油.....wa 真係好辣 , 好彩冇落多ja唯一缺點就係偏左d , 平時根本唔會去大角咀 ~anyway , 真係幾好味 ~

今日同朋友去試朋友口中非常好食的油渣麵去到後見到高朋座連两個位都冇(可能係食晏時間啩)等了多分鐘後終於有位坐啦,一坐低有位阿姐就行來問"大定細"好奇問乜嘢係"大定細"啊,原來係大碗同細碗.當麵來到時我見到碗裹有七八块肥瘦相隔的油渣和四块冬茹下面就係一條條好似上海麵的粗麵,我食了一啖發覺哋麵有咬口好食呢湯底以為會好點知飲落口好甜好清,完全油,油渣好爽口,食落整口油冬茹又够味,我食到連湯都飲晒,因為我吾食辣所以食吾到他們最出名的辣椒油但走時我朋支買了一支返屋企.我個覺得非常好食間鋪又干淨冷氣又够凍阿姐態度又好.非常值得推介.

我吔點咗兩碗油渣麵-多渣，個湯底好好味，夠味之餘亦睇得出係用心調較過既！除咗油渣之外，仲有幾朵冬菇添！個辣椒油好勁，少少就夠啦！ 細細碗，好快就食晒，下次要叫大碗先得！仲有呀，個厠所好乾淨，完全估佢唔到呀！

今晚唔係好餓,所以去英記食油渣麵, 首先去咗餃子店買咗5隻煎雞翼,原本英記係餃子店對面,現在搬咗去後一條街, 都唔算難搵。原來依家英記都有煎雞翼,不過10元只有4隻, 都係餃子店平D。最後叫咗碗細油渣麵, 其實都唔知點解咁多人食, 因為實在沒什麼特別, 唔知會唔會係D辣椒油好食呢, 但因為我唔食辣, 所以我相信呢世我都唔會明白架嘞。

星期二,同班朋友唱完K落左去英記食宵夜,點知一去到搬左舖我地問餃子檔佢話搬左後面街,我地终於見到,門口好光猛,新鋪當然市正過舊鋪好多喇,我叫左一碗大油渣麵多冬菜加一觀可樂D麵ok,油渣我叫左瘦都唔算肥,湯底我覺得冇變,我落左少少辣油勁辣我仲叫左英姐比多碗湯我,佢仲叫我下次唔好落禁多,我好鐘意佢笑容

自從三月中幫襯外賣時唔見左以前瘦瘦的英姐，已經感覺應該會走樣；返去食完就發覺，麵質唔再彈口、油渣變哂肥羔、湯底亦無咁清同香，唯獨是個辣油重保持到。星期六同個好朋友在旺角宵夜，諗住去食多次，點知發現原來上次的失準並非隅然，下次真係唔駛再幫襯了。

我地好耐無去啦...我諗差唔多有半年lu~ 今日大約9.00pm去到舊址先知佢搬咗, o係舊舖轉角就會見到新舖o係而家既福全街, 間舖大咗好多, 光猛咗... 多咗好多張台.見到菜牌都多咗d 油菜, 雞翼...而我地就照舊一人一碗, 一大一細, 我要多冬菜!!! 不過d 面好似有d 唔同, 係d 面既質地唔同咗, 又林咗無咁彈牙.....d 冬菜都無咁香~豬油渣好多肥膏呀!!~ 無果陣咁炸到又dry dry 地岩岩好....有d 失望, 食咗都唔夠半碗, 我就停晒口lu~ d 風味又唔同晒, 無晒d 舊既木筷子, 無咗果個好串既疑似"英姐", 無咗d 人o係門口等外賣, b/c 間舖大咗, 門口就有一排好似大排檔feel 既一行板, 就好似sham shui po 舊時d 大排檔, 個個圍住排檔嚟食, 又方便d 人睇車....不過又多咗d 餐牌, 有d 唔慣....果陣我地食完埋單都唔知幾$$, 果陣跟本就唔會有人問幾$, 個個食完就行去埋單~ 佢地up 幾多就幾多, 我食完都唔知幾$$ 一碗既! 而家人手多咗, 笑容多咗, 不過我既胃口都相對少咗....都係果陣細細間分幾間車房仔地痞