花火洋食 (已結業)

花火洋食係屯門哥爾夫球場入面，環境清靜用黎談心真係一流﹗當時正值下午茶時間，我叫左一份鰻魚輕怡丼$38，加杯玫瑰蘋果冰茶$15。丼飯舖上一層滿滿柴魚片，仲有少少紫菜撒係面上面。加上半條鰻魚係入面，加埋少少醬汁，賣相幾靚，仲幾好送飯﹗杯玫瑰蘋果冰茶幾好飲，上面有四片蘋果，外加幾片玫瑰~呢度食物好平，同埋環境好清靜，冇人騷亂，同朋友係度吹足成個晏畫都冇問題﹗只係餐廳略為比較偏遠地方，黎開租哥爾夫球場玩，可以順便黎呢間隠世餐廳﹗

第一次去屯門呢個康文署核下嘅哥爾夫球場度玩，租一支哥爾夫球干，加上提供無限哥爾夫球俾你打一個鐘，都只需$60港幣真係抵玩玩完去佢樓下嗰間《花火洋食》餐廳晚飯呢個價錢呢個質素，我寧願去食outback(同outback最平果D差唔多價錢），牛肉嘅質感認真差啲肉質散散地，好似用滾水淥完塊牛扒咁嘅感覺上邊呢件芝士蛋糕，竟然入口每一啖都有雪粒究竟佢係點樣存放蛋糕㗎圖入邊嗰件鵝肝多士味道對比其他食物來講算係唔錯多士夠脆，但鵝肝本身嘅「鵝油」香味唔夠濃，至於我叫咗嘅其他菜式我都唔多講，普遍都一般水平唯一推薦：炸生蠔配黑松露醬總括而言，唔會再去第二次

2019年1月1日🥂新一年出去與家人行個大🏃🏻‍♀️共聚時光其實都係搵個借口出去食下野😜黎左呢到係高爾夫球場入面嘅餐廳🍽坐係到食野望住綠悠悠嘅草地🍀睇人打波🏌🏻‍♀️幾寫意幾好feel食物質素都唔錯😊平均一個set幾十蚊🤑價錢相宜小妹點左明太子忌廉意粉$48🍝每條意粉夠彈牙且掛哂汁🤤微微辣有少少菇菌🍄增添口感包餐湯🥣是日係忌廉湯再有咖啡/茶☕️加多$8轉左Cappuccino😋嘻嘻

呢個餐廳其實係golf centre 裡面既cafe .. 輕鐵車廠輕鐵站行上去2-3分鐘到.. 幾方便！我同朋友同左個2人dinner set .. 頭盤 無黑醋汁蕃茄 同椰菜花湯。本身我都覺得個湯怪怪地 .. 但飲落原來都幾好飲.. 好椰菜花個個味！主菜我揀左食羊扒 我第一次食羊扒係會有人問我幾成熟 .. 我地揀左5成熟 個羊架一啲都唔硬 好軟 好juicy .. 好正😍😍😍反而呢個spicy clam pasta 就有啲失望。啲clam 唔新鮮 同埋好細隻.. 一食落去就知道係用水烚熟佢。 不得不讚一讚個意粉 好有咬口 好好味.. 成碟意粉比我一個食哂咁制。另外佢重送左兩個甜品 同咖啡 甜品就好普通 無特別。整睇泥講我都幾推薦！ 人又唔多 又靜 。我下次會再泥試下佢既下午茶！

星期日吾知去邊到食好，上openrice search可泊車有呢間，同亞女去試下，環境舒適，服務好，食物質素高。叫左3個set lunch，加多一份雞亦！除了明太子汁果個淡d外，其他都有水準，下次再來試晚餐！

論政府場地的餐廳的食物質素，一般都是獨市生意，通常是令毫無期望既普通茶記貨色，甚至列為頹飯級別的垃圾。然而，這間位於屯門高爾夫球練習場裡面的餐廳，居然供應日式定食，日式西餐，仲有all-day breakfast!  高爾夫球場？！要會藉才能來嗎？不打球也可以來嗎？唔使怕！話明政府場地，誰都可以來。我也是只是來餐廳吃午餐。依小弟愚見，這家餐廳才是真真正正的隱世小店，因為如你不鐘情高球，以往也未必會知道有這個地方。就算你來了，看到餐廳上面的牌匾，你會發現居然看不到店名，只寫著"普通食肆"！😆外觀和裝修普通，乾淨企埋，用餐環境闊落，兩層樓高的樓底，感覺開揚舒暢。食物又如何呢？上次到訪試過all day breakfast，不錯的。今次試和食，先來東京風燒汁牛肉煮。基於價錢不高，和外面的茶記午餐一樣，我抱著一試無妨的心態點了這個，那知上菜後發現有驚喜。只是普通價錢菜式，擺盤卻已經這樣認真用心。沙律菜和漬物開胃前菜賣相吸引之餘，好戲還是在牛肉。對，才賣52元，牛肉不可能是和牛。我平日也常會去連鎖店吃牛肉飯，也接受了他們的味道和質素，但今天我吃下牛肉後才醒覺，平日我在連鎖店吃的，不應叫牛肉，而是

打完Golf, 見到golf場開返間餐廳，夠方便就腳，就試下啦，環境一般但都叫舒適，食物以日式為主，都有西式意粉，價錢正常，食物質素有驚喜，我們一行三人都把食物吃光了，真心推介！

平時係到打完波 就會係呢間到食飯！午餐，下午茶，晚餐都試過真係不得不比個大讚 寫返個食評因為不論價錢，食物質素同服務態度都非常好！起初見晚餐一個鰻魚丼只係1百頭 心諗應該唔會有驚喜但野食一到 成個前臂咁長既鰻魚 而且味道比得上高級餐廳 真係好有驚喜！下午茶40蚊一個日式拉麵 大阪燒餅又一啲都唔輸！早餐既All day breakfast 亦都非常好味！真心要比個讚個廚房！ 希望會食物質素同價錢都會Keep住咁抵食咁好味！

最近留意facebook, 屯門高爾夫中心呢度開咗間新餐廳, 主打日式洋食, 亦有all-day breakfast, 一於黎試試。晚餐選擇有10款, 另外都有日式小食選擇, 亦有兩款all-day breakfast揀, 種類都算多。裝修簡單, 有種去咗日本食堂風味。吉列炸蝦好好食, 唔油唔溜, 個人好怕食吉列物好溜, 但呢個就算食多幾件都唔會溜。主食叫咗沖繩風海塩燒鯖魚定食, $68。呢個價錢絕對平民化, 而且份量唔算少, 個人應為抵食。

以前係屯門讀書，到左一年一度re u時間就約返以前班書友仔返屯門食飯見到有間新開餐廳，食物選擇好似幾多，有西餐有小小日本野好啦，就試試佢😋不過餐廳地方有d難搵，要問保安先搵到😅我地一行四個人夜晚7:30pm去到，餐廳都不多人，有3-4檯客人，環境安靜，適合聊天和聚餐，仲望到少少高爾夫球場景😍環境我比80分🤩餐廳裝修以簡約為主，餐廳可以用屏風遮擋，自成一角，不怕被騷擾，或大聲講嘢嘈到其他客人，正！☝🏽原條京都風蒲燒鰻魚定食 $128魚身燒得均勻，鰻魚肉不會肥膩，加上甜甜地既醬汁，令魚肉的層次更分明，在口中留香。味增湯不會過鹹，飲完一口想接著飲下口，香味濃郁。美中不足的碗飯，飯在餐牌上寫是珍珠米，但食落只係普通的白米☝🏽美國安格斯12oz肉眼扒$188☝🏽香煎紐西蘭羊扒 $158試左小小友人點的羊架，羊肉不騷，肉質鬆軟，薯角熱辣辣，夠新鮮總括來說食物新鮮，環境舒服，好適合一班朋友聚會傾計，野飲都算平缺點係8點9就last order，營業時間短，如果九龍收工入去食就未必趕到。地點不便都係另一個問題