花火洋食 (已結業)

不知大家知不知道屯門有個高爾夫球場，幾十元就可以打場golf消磨一個下午。這天玩樂過後，就留意到球場的一間西餐廳；又剛好飢腸轆轆就入來醫醫肚。說實話，「花火洋食」的地點位置有一點輸蝕，畢竟高爾夫球場人流不多。門面來說，「花火洋食」並沒有花巧裝潢，可能是位處政府建築物，可動刀範圍有限。但餐廳內還是有一點小佈置營造氣氛。豬鞍架非常厚，大約2cm，大份足料。以烤爐烤焗，能夠把香味鎖在豬鞍內；吃進口頗為香口，肉質偏實。豬鞍架配以味噌醬，食法頗特別，但略嫌有過咸之感。底下還有附上一團薯蓉，混合了味噌醬，同樣咸度略高。意粉伴以香蒜一起炒香，麵條入口頗為煙韌。而且帶有絲絲微辣，非常合筆者的口味。意粉上有不少蟹肉和菇菌，增加口感。份量不少，一碟絕對可以飽肚。每份套餐都附有餐湯餐茶。當天奉上的是南瓜湯。每一口都是南瓜蓉，忌廉味不重，反更突出南瓜天然鮮味。飲品選了普通的餐飲，不什特別。

朋友新屋入夥， 梗係要去賀一下啦🤩龍門居 聽就聽得多今次係第一次入嚟， 由於比較晏得滯，咁就喺附近食埋晚餐，就帶我去佢屋企對面嘅高爾夫球中心餐廳食飯餐廳在球場隔離 ，個名叫(花火洋食) 十分有東 瀛味道😚餐廳 選擇種類 有扒有pizza， 有意粉有cake日本西京味噌醬焗豬鞍架， 塊扒好厚肉同埋一啲都唔韌， 味噌 醬薯蓉， 十分之好味😋紐西蘭一級肉眼扒十安士五成熟， 肉汁豐富， 冇 筋 火候啱啱好👍🏾和風明太子海鮮薄餅， 一啲都唔孤寒， 餅皮薄而鬆脆值得一讚，這裏環境幽靜， 唔知己 飯局， 不失為一個很好的地方😄

位於屯門哥爾夫球場旁的一個cafe呢度環境都較寧靜食完飯睇下人打高爾夫球都幾好「周打魚雜菜湯」初初以為好羅宋湯咁既色🤣「黑松露忌廉汁煙三文魚扁意粉」我唔係好食到有黑松露味煙三文魚比較少同切得比較碎「日本西京味噌醬焗豬鞍架」味噌醬焗豬架呢個組合幾特別「奇趣薯條」表面有d辣粉灑上都幾香口如果多d粉更好餐飲：熱檸茶個杯比較細飲幾啖就無叫職員加熱水都ok加左兩次如果轉大少少個杯飲多幾啖會更好

今天希望遠離塵囂，第一次到屯門高爾夫球中心，餐廳裝潢簡約，感覺寧靜舒適。加上今天是平日，人流不多，我要享受寧靜的晚餐。日本西京味噌醬焗豬鞚架 $168豬鞍架煮得剛剛好，豬肉濃，肉質軟滑多肉汁，擺碟精緻，食得又睇得紐西蘭一級肉眼牛扒10oz $198牛扒牛肉味濃，厚身，肉香，肉汁不錯，有咬口，擺碟一樣有心機，蔬菜爽甜新鮮，食肉獸的我表示啖啖肉，夠滋味又滿足另外2人晚餐還有頭盤和甜品選擇，；輕食者可以選擇三文治或件裝蛋糕，優閒一番！

今日朋友帶咗我嚟屯門嘅高爾夫球場，住咗屯門咁多年，真係未嚟過呢個高爾夫球場，呢度環境優雅，而且夜晚燈光都十足，有機會真係要同朋友嚟呢度，返場波先。原來呢度除咗有高爾夫球打，仲有晚餐食㗎喎，雖然四周唔算好熱鬧，呢間餐廳，就有如，沙漠裏嘅泉水，可以為各位球員，醫下肚。餐廳雖然唔係好大，裝修亦都唔算好華麗，但係勝在地方寬敞，環境清幽寧靜，而且望落去好乾淨，坐得好舒服。朋友叫咗個晚餐，豬𩣑架，佢絕對唔係一件普通嘅豬扒，因為佢嘅厚度有普通豬扒嘅兩兩倍十分之厚身，而且咬落爽脆無比，充滿鮮肉味，而且佢嘅伴碟都好豐富架，有翠玉瓜，仲有我最鍾意食嘅豆。仲有呢個卡邦尼意粉，佢嘅意粉有別於一般嘅茶餐廳，十分之硬身，唔會好似茶餐廳咁煮咗好耐又放咗好耐，佢嘅意粉十分之有咬口，而且淡淡的卡邦尼汁，十分之濃烈，入口又滑，又香，上面嘅火腿，入口濃烈，係我最愛，簡直食到停唔到口呀。原來佢呢度嘅咖啡都好出名架，我今日就叫咗一杯cappuccino ,仲有拉花架，入口香濃，誘滑，估唔到一間咁平凡嘅餐廳，都可以有咁高嘅水準，平凡嘅價錢，高品質嘅享受，咁都比我遇到。

今日做孝女
陪同媽咪去打golf原來康文署有golf場個場就係龍門居對面 係輕鐵車廠站格離就係了不過因為我得個陪字 睇睇下唔知做緊乜所以就去左格離食野高爾夫球場入面有野食其實幾好因為黎到都唔會點想行返出去餐廳幾舒服幾靜我叫左個晚餐係西京味噌燒豬鞍骨佢自動就會upgrade埋做套餐餐湯係蕃茄湯 之後主菜黎啦！好surprise估唔到呢d隱世餐廳會有咁高水準既擺盤主菜既豬鞍雖然好厚 但一d都唔會好柴好un個汁比較濃味 重口味既朋友應該會岩食我幾欣賞佢伴碟既菜都用蒜油焗香過 無咁dull食完正餐因為媽咪仲未打完
就加多左件tiramisu佢係屬於正宗個種入面有coffee liqueur同手指餅 18蚊件相比起好多出面既蛋糕店
其實好抵屯門人／去打開golf可以去試下

男朋友無啦啦提議要去打GOIF做運動🤦‍♀️近近地就去左屯門卓彌夫球場講真，住左屯門咁耐都去未去過🤣最後我地一打就打左幾個鐘，吾經吾覺都到左夜晚本黎諗住出番去填肚，點知比我發現左呢間「花火洋食」🙆‍♀️.餐廳環境清幽，乾淨企理樓底有兩層樓咁高，座位闊敞做完運動黎呢到HEA下食餐飯又幾舒服☺️.餐廳款式吾多，但MAIN COURSE，意大利粉意大利飯，PIZZA，小食同沙律樣樣有齊💕晚餐時段仲免費配送是日餐湯同飲品添～.🔸是日餐湯-甘荀湯甘荀湯入口軟綿幼滑，味道濃中帶甘稠度高，口感十足👍.🔸日本西京味噌醬焗豬鞍架 ($168)約有成2cm厚嘅豬鞍扒，以慢火煎熟後味道比一般豬鞍更入味，肉質鬆軟彈牙最重要係肉味重又不帶豬臊味做到鎖汁效果，肉汁豐富，仲有少少紅酒香添🥰.🔸香辣蒜味野菌蟹肉意粉 ($98)用左辣椒同蒜片爆炒過條條都沾滿蒜香又帶香辣啱晒我呢啲無辣不歡嘅我，大滿足呀☺️可以加D小辣椒，味道更加豐富😘.🔸玫瑰鮮奶咖啡 既有拿鐵咖啡嘅濃郁鮮奶香又有淡淡既玫瑰甜香，真係叫人欲罷不能啊🥰

這間餐廳的位置以前曾經是一間中菜，因為鄰近閨蜜屋企，所以有時都會去吃飯加打高爾夫。經過數輪轉手後，現在是一間西餐廳，這天便相約閨蜜運動一下試試新餐廳。一推門進去，職員超級有善地招待我們入座，老實說餐廳在高爾夫球場內裝修就不要求太fancy了，但看見也有加添心思的小裝飾，餐牌也有點設計，比起之前的中菜即時感覺生色不少。而且菜式種類選擇不少， 鱸魚、羊架、牛扒、數款意粉以及飯， 令人花多眼亂。最後我跟朋友選了一個泰式青咖哩蝦扁意粉，和一份日式西京味噌醬焗豬鞍架，味噌醬配豬還有青咖哩配意粉又比較特別，所以就儘管試試吧。豬鞍架是即叫即焗，非常新鮮，第一口咬落去的時候，質感不像街外一般落了鬆肉粉，而變得很軟淋的豬排；這間餐的豬鞍架感覺非常天然，像無添加的質感，另外份量也不少。另外青咖哩扁意粉的青咖哩是淡淡微辣，非常惹味，蝦又沒有雪藏味，我跟朋友吃完一口又一口！每一個餐還配上西蘭花餐湯以及甜品，甜品是芝士蛋糕，一點都不馬虎，為我們的晚餐劃上完美句點。大概因為地點關係，這間餐廳認真隱世，人流不算多，希望屯門區朋友有機會也支持一下小店啦。

今日友人話佢要先去練波🏌️‍♀️，練完就一齊食飯，差唔多時間我就去到屯門高爾夫球中心練習場內搵佢。原來練習場內有一間西日餐廳🏡，冇豪華別緻嘅裝修，只有簡單嘅佈置，但乾淨企埋，用餐地方都好闊落㗎，枱與枱有一定距離👌🏻。點佐兩份主菜：🔸日本西京味噌醬焗豬鞍架$168豬鞍厚身但肉質鬆軟，味噌醬味濃郁，🥔薯蓉味道及顏色有ｄ特別，唔知加左乜野係裏面呢🧐，不錯🎉🔸香煎紐西蘭羊架配燒汁$188七成熟羊架啱啱好，鬆軟好juicy💦 ，一d都唔嚡、又冇《穌》味，滿意👍🏻晚餐惠顧主菜、意大利粉或薄餅仲可免費升級至套餐，配餐湯及餐飲🔸周打魚湯魚肉份量都幾多，🥣濃稠程度適中，熱辣辣👅🔸拉🌼泡沫咖啡☕️及凍檸茶🍋整體來講比我想像中更好、 職員又有禮貌、食物質素又高、環境又實敞、仲可以一邊食野一邉欣賞人們練習😘

朋友今日約我去屯門打哥爾夫球，打完之後見到附近有間餐廳，裝修唔算好華麗，但係勝在寬躺簡潔，而且樓底又夠高，俾人一種心曠神怡嘅感覺。我哋叫咗放晚餐首先嚟咗嘅係忌廉湯，濃濃嘅忌廉湯香氣，味道唔算好鹹，亦都唔覺得有味精，做完運動飲番個忌廉湯，好舒暢。明太子海鮮薄餅，有別於一般嘅pizza,佢個底十分之房，而且好脆口，上面鋪圓滿嘅名太子醬，仲有口口嘅芝士同好多海鮮，材料十分之豐富，而且佢嘅芝士仲可以拉絲嫁，入口唔算好難，反而好香嘅氣味，海鮮唔會有雪藏嘅味道，爽口又彈牙，而且灑上木魚，好似變魔術咁呀。之後嚟嘅係豬扒，口口嘅豬扒，好似人哋出邊兩塊野噤口啊，最緊要嘅係入口爽口彈牙，而且裏面仲保留左肉汁嘅鮮味，唔會好乾身，然後故事，下面仲配上薯蓉，伴碟仲有翠玉瓜，簡直係誠意推介呀。佢哋嘅咖啡都唔錯㗎，今日我叫咗一杯給泡沫咖啡，估唔到仲可以拉晒花㗎果然唔可以睇小啊，搵日過嚟打哥爾夫球要再嚟食多次呀。

意大利麵食 (Pasta) 😍鄙人喜歡品嚐各式意大利麵條，尤其是那些烹調得較為煙韌(Al dente)的煮法。一般的餐廳難以吃到合心意的製作，幸運地讓本人找到一間"普通餐廳"，她的出品衛生乾淨，配料簡單，味道出色，只能用三個字來形容「平靚正」。餐廳座落在屯門高爾夫球中心(Tuen Mun Recreation & Sports Centre)內，交通方便，巴士和輕鐵可以直達上址，中心內設有停車位。喜歡吃意大利麵條

住係附近知道練習場內開左間和洋餐廳，星期日下午12點半時段黎試下，價錢比附近餐廳貴 啲 不過和洋餐廳真係無咩。叫左午餐 炸蝦鰻魚汁意粉同 燒鯖魚飯 轉左 特飲。上菜速度都幾快 坐低一陣就黎左個熱既南瓜湯，意粉同燒魚都好快上。意粉個汁比較乾唔夠濃，但個鯖魚飯燒得好好唔錯。特飲方面咖啡有拉花味道可以，但杯凍薄荷朱古力唔夠薄荷。下次會想試all day breakfast 因為都有3款揀由78，98到138。唔知會唔會有漢堡扒同咖哩因為和洋食主打，希望下次食到。食客多數係打波既朋友，希望佢繼續努力 吸引下周邊住客食午飯同晚飯。

昨日放假，想和一班朋友去間休閒咖啡店坐坐，但現在屯門市中心都很多人，而且食完就要馬上離開餐廳的！朋友有兩個小朋友，還有BB車，於是決定去屯門高爾夫球那間咖啡店，說實話地點真的較偏，在輕鐵車廠的！去到剛好是下午茶，我們叫了煙三文魚三文治（有4件），炸雞翼薯條（有4隻），吉列豬排拉麵，都是$40有找，已跟餐飲，我叫了即磨咖啡，朋友就叫了鮮奶咖啡都是+$8，味道中規中矩啦，但整體來說性價高！特別要提的是服務不錯，我們吃剩下2隻蜜糖雞翼，覺得不夠蜜糖，向職員索取，他們都有禮貌的，而且給了很多！😋吃完東西後，就坐了出去外面，小朋友可以在草地上玩，大朋友可以坐在沙發🛋️聊天，幾小時都沒有趕我們走，很不錯！題外話，有免費泊車的

見到附近新開的餐廳，想試了一排，結果享週年紀念晚餐試一試我原本於open rice訂了位，在早於用餐的時間，我先到了餐廳，詢問了店員能否於甜品上寫祝福字句讓另一半驚喜，店員也答應了，十分nice！當晚，我叫了小食主菜及咖啡原隻軟殼蟹泡菜意大利飯軟殼蟹炸得可口，泡菜意大利飯很特別，味道很好蘇梅醬焗豬鞍架豬鞍肉質鬆軟，醬汁亦與豬肉很夾，薯蓉味道特別炸蠔配黑松露醬炸蠔內十分juicy,  十分推薦！！Vanilla Latte即磨咖啡的香味很香醇，拉花亦很美，很合我口味雲石蛋糕店員貼心的寫上字句是次晚餐性價比極高，價錢亦很經濟，環境舒適，適合聊天，那次後我也常光顧😂十分推薦！

屯門高爾夫球場戈間餐廳原本係中式餐廳黎，月頭行過去見到轉左西餐就想試試。裝修其實一般，因為佢應該就咁用番上一手既傢俬，不過好彩位置都算闊落，唔算坐得辛苦。同屋企人一人叫左一種意粉食，個份量唔大，唔多夠飽。不過見到有all day breakfast，下次如果有機會會想試戈個。🤔🤔