花火洋食 (已結業)

今晚到屯門哥爾夫球場找個朋友，太肚餓懶得再搵食，晚餐就在球場餐場解決。以為是普通canteen，來到才發現是和風西餐廳！看menu，感覺食物幾有誠意，叫了個豬鞍＆risotto share。熱奶茶：小小一杯用了兩個茶包，幾慷慨，哈周打雜菜湯：通常雜菜湯都是紅湯，今次第一次試到雜菜白湯，質地很濃稠但飲落清爽，好快KO左一碗。日式西京味噌醬焗豬鞍架：擺盤幾精美！厚厚的一塊豬鞍架，煎得剛剛好，肉味濃，沒有豬騷味，味噌醬味道很獨特。豬鞍下的薯蓉(影唔到🤣)紅紅地，有點蕃茄味，又是好特別的味道！吉列花虎蝦配蘋果咖喱汁意大利飯：吉列蝦剛炸起，熱辣辣，粉漿厚度適中，很脆，切落去唔會散，亦唔會油淋淋，超有水準！咖喱意大利飯也是第一次食，很有趣的組合，味道近似日式咖喱，充滿蘋果的香甜，好味呀！今餐的食物水準都幾喜出望外，Yummy！

球場初開放時，曾經到此試玩和吃晚餐，當時仍是中菜館，經轉手後，現今是一間簡約小餐廳了。經開飯預訂了座位，有八八折扣優惠。昨晚與朋友到此進餐，當時氣氛寧靜，好舒服。門外可以看到哥爾夫球場，一片草地感覺好清新。order了吃照燒雞肉薄餅，味道咸了些。吉列花虎虾咖哩汁意大利飯，飯硬了些，配計恰當。熱朱古力咖啡，調味不會太甜，有拉花。熱菠蘿柚子茶，味道適中。脆洋蔥圈，太厚粉了。到了七時半後，客人多了，嘈音亦多了。服務亦不錯。

餐廳位於高爾夫球場內，進出餐廳都可以睇下人地打golf!環境清靜食物種類不算太多，選主菜可包飲料，我地3人，由於pizza size 不是好大，放棄試，主菜選了煙三文魚意粉及帶子意大利飯，另外叫了3款小食，蜜糖雞翼，洋蔥圈，芝士魷魚餅整體食物味道不錯，雞翼外皮脆，內裡肉質軟滑。芝士餅咬落去有少許拉絲，唯一係洋蔥圈，由於炸得過火，偏硬！食完要飲好多水。意粉醬汁平均咁沾上每條意粉，好好味，意大利利飯就比較正中，飯是帶點生那種，個人口味不太歡，而且味道好淡，食落一般！可能用餐人數不多，計埋我地只得3枱客，食物好快就上！

泰式青咖哩鮮蝦扁意粉第一啖咬落去，d扁意粉煮得啱啱好，彈牙得黎又中間又唔會乾硬。新鮮煮好剝殼嘅蝦爽口，加上青咖哩汁煮得比較乾身，可以均勻咁沾上蝦身同扁意粉上，每一啖都食到微辣帶清新椰香嘅青咖哩味。香煎紐西蘭羊架配燒汁配菜脆玉瓜同椰菜花都煎香左，仲有嫩口嘅幼豆角同栗米仔，唔似一般鹽水白灼兩棵菜就算數。羊架煎到五成熟，中間肉嫩多汁外層焦香，淋上嘅燒汁令佢更香口惹味。羊架底下由一球薯蓉承托，切開羊肉時吸收左肉汁同羊油，淨係食薯蓉都食到羊肉嘅精華。凍奶茶同凍檸茶凍檸茶嘅茶味濃度適中，檸檬味清香比較突出。凍奶茶就比較淡。

星期日，朋友約我們來這裡打Golf, 原來這裡有一間餐廳打完波便可以醫肚非常方便，食完可以再打。餐廳座位設有露天及室內，座位數目也不少，坐在露天可以遙望高球場美麗的夜景。現在餐廳做晚市二人套餐優惠(已包含餐湯、 頭盤丶自選蛋糕及餐飲各兩份）餐湯是甘筍番茄濃湯， 用新鮮紅蘿蔔及蕃茄打製而成，香濃而且甜酸度剛剛好。我點了紐西蘭一級肉眼扒，肉眼扒非常厚切，足有10安士，肉質鮮嫩多汁， 下面的薯蓉吸收著肉汁的精華，美味無比。另外，點了一份黑松露忌廉煙三文魚扁意粉，黑松露香氣四溢，煙三文魚配上鮮忌廉汁炒得十分惹味。

「花火洋食」位於屯門龍門路54號屯門高爾夫球中心餐廳， 打完高爾夫球順便食晚飯， 好方便呀！ 1我哋叫咗主菜同小食開心Share ! 🎉餐湯有香濃南瓜湯， 味道清甜，加上忌廉， 特別香滑！小食係《脆脆咖喱角》， 炸得黃金香脆， 咖喱惹味， 好食！ 主菜有《意式煎盲鰽魚配香草忌廉汁》，外觀已經十分討好， 外皮煎得香脆，肉質滑嫩， 肥美可口， 配上蔬菜作伴碟，口感更加豐富！ 另一道主菜係《香烤大啡菇黑松露忌廉汁意大利飯》，烤大啡菇超級好食， 菇味香濃，仲要好大隻，配上香噴噴嘅黑松露忌廉汁，味道超夾， 意大利飯吸收哂醬汁同香菇嘅味道， 好食呀！ 最後叫咗兩杯餐飲， 環境舒適， 可以慢慢享受一吓！ 爽呀！

最近和兒子練習遊泳，附近就有這一家餐廳，位置在高爾夫球場內，免費泊車是重點，適合駕車的朋友。地方闊大，散發著文青氣味。店名為花火洋食，大概是日式西餐廳吧？游水後大人累不堪言（但小朋友依然hyper...）晚餐主食附餐湯餐茶，是日是南瓜湯，濃厚不俗。如果能配上一片餐包，會更有誠意。味噌焗豬鞍架，厚厚的一塊，份量取勝。以味噌調味我是第一次試，感覺偏鹹，有點喧賓奪主（因為我覺得這件豬鞍的質素其實不差，無須過份調味的）吃下去就不太感受到味噌味，一邊吃一邊覺得像南乳（笑）下面伴有薯蓉（？）不過可能是放在豬鞍之下，變成粉紅色一團，不太吃到牛油味或薯仔味，心裡一直想著是不是南乳蓉...雜菌意粉比較對胃，忌廉汁香而不膩，意粉亦夠彈牙，性價比高。見食客多數點意粉，也許老馬識途的都知道這裡的意粉高質吧？奉送餐茶，咖啡真心不行（苦笑）作為這一帶唯一的餐廳，環境和服務都達標了，但食物方面有改善空間。不過，如果我是在這裡附近的話，我覺得還是值得一試的，尤其是天氣好的日子，望著外面綠悠悠的草地，真的有一種世外桃源的感覺。其實香港很美，要守護的東西還有很多，絕對不能忘記人性和公義。香港人加油！

朋友話黎打golf先知屯門有高爾夫球場，入面仲有餐廳添，叫花火洋食，個餐廳名咁特別，一於試一試佢先。環境唔錯，如果秋天坐outside應該會好舒服。店員先送上水及餐牌，食物選擇不算太多，決定點一人一份晚餐好了。跟餐送的餐湯，是日係南瓜甘筍湯，味道偏鹹了點話，但也喝到濃濃的南瓜同紅蘿蔔味。煙三文魚蟹籽野菌忌廉汁扁意粉（$88）份量正常，賣相也不錯，忌廉汁杰身，每條意粉也沾到醬汁，好味呢。香舊紐西蘭羊架配燒汁（$188）一客有三件，羊架要了七成熟，煎得剛好，脂肪位甘香肉嫩滑。羊架下層有一堆甘筍薯蓉，第一次食咁樣配撘的混合物，味道新奇。餐茶附送咖啡或茶，亦可加錢轉特飲，是日無乜要求就要杯熱檸茶就夠了。地方偏遠了點，環境實屬不錯，食完仲可以帶小朋友去歷奇公園添。

放工後來到屯門高爾夫球場，發現一間隠世餐廳「花火洋食」。地點位置有少許偏僻，餐廳有小佈置營造氣氛，如有打卡花牆，而窗外可以看到高爾夫球場草地。餐廳後面更有書架 ，可供客人閱讀。點了日本西京味噌醬焗豬鞍架$168:晚市(6:00-8:45pm)可以免費升級至套餐，配是日餐湯及餐飲。是日餐湯:瓜菜湯，湯味濃郁，飲完曖笠笠，温暖我的心﹗到主角日本西京味噌醬焗豬鞍架出場，豬鞍架非常厚，大約有2cm，十分足料大份。豬鞍架以烤爐烤焗，所以能夠把香味鎖在豬鞍內；第一口咬落去的時，肉質偏實，頗為香口，不像街外一般落了鬆肉粉，感覺這件較天然和新鮮。豬鞍架配以味噌醬，有薯蓉墊底，食法頗特別，配上旁邊的蔬果去吃，頗有驚喜﹗熱洋甘菊茶:香濃洋甘菊從後面書架中取出一本書，靜靜地品茶和看書，悠遊自在。餐廳環境悠閒，少了速食感覺，多了一份慢活感，望住綠油油的草地食飯看書十分之chill~

-周末好天氣☀，當然要揸駕車🚗周圍搵食，於是約咗屯門友去玩，去高爾夫球場做下運動先🏌🏼‍♀🏌🏻‍♂，$20 多啲玩一個鐘，認真抵玩😘。玩咗成個下晝，到咗開餐時間啦，球場內有間餐廳，雖然裝修唔算好華麗，但勝在乾淨舒適👍。有齊晒輕食如三文治🥪、主食、飲品如咖啡、茶、蛋糕🍰、小食🥗我地兩條友仔揀左2款香煎紐西蘭羊架🐏配燒汁（$188）三塊羊架，我地點左7成熟，肉質比想像中嫩口，口感好好，配埋翠肉瓜🥒好鮮甜😋佢仲有薯蓉🥔墊底，吸晒羊架肉汁意大利巴馬火腿🥓卡邦尼意粉🍝（$78）濃味parma ham🥓配合好creamy嘅卡邦尼醬，食落都幾夾，入面仲有菇🍄，而且意粉硬度適中👍🏻個餐本身包🍞左餐湯，平時飲雜菜湯多，呢日係椰菜花湯，幾特別，入面有好多椰菜花粒😄仲有兩杯野飲熱洋甘菊茶🍵同凍玫瑰朱古力☕，本身餐廳有個二人套餐包多兩件cake🍰🥧，不過已經好滿足，下次留定肚再食過==========花火洋食地址：屯門龍門路54號屯門高爾夫球中心餐廳

一兩年前和同事去過哥爾夫球場隔離嘅餐廳，當時係一間茶餐廳，仲和同事食小菜。今日諗住同老公去食，點知原來已經轉咗做另一間餐廳，而且仲有少少意外驚喜。餐廳是做西餐，我和老公點了香烤大啡菇黑松露忌廉汁意大利飯、日本西京味噌醬焗豬鞍。而點主菜仲會升級至套餐，包南瓜湯和餐飲，都幾抵食。香烤大啡菇黑松露忌廉汁意大利飯大啡菇好多汁，我老公讚好味，相信係食材質素高的關係。意大利飯煮得軟硬適中，煙煙韌韌。黑松露味不太重，口感清新，沒有濃膩之感。日本西京味噌醬焗豬鞍對我來說挺有新鮮感，我通常整西京味噌焗銀雪魚或味噌湯，焗豬鞍真係第一次，味道幾特別。豬鞍非常厚，但唔會焗到過熟，既有肉味，亦充滿肉汁。估唔到味噌和豬鞍都幾夾。而薯蓉加左蕃茄，酸酸地，好開胃，和一般餐廳不一樣。最後點了兩杯朱古力，朱古力味香濃，他們還拉了心心呢，好有心思。

原來屯門哥爾夫球場入面竟然有間咁大間餐廳，而且食物水準高，侍應服務非常有禮貌！泰式青咖哩海鮮扁意粉： 清咖哩配飯就食得多，諗唔到今次意粉都好惹味，少少辛辣，一啖將蝦連意粉食風味一流！.紐西蘭一級肉眼牛扒(10安士) : 呢塊肉眼扒肉質非常新鮮，一食就算係高級食材， 7成熟岩岩好keep 到juicy 又唔會太熟！~~~~~~~~😋味道: 8/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$150⏪回頭率：80%~~~~~📍花火洋食屯門龍門路54號屯門高爾夫球中心餐廳~~~~~

記得中學時期 因為學校在球場附近所以經常都會來球場餐廳食lunch估唔到而家已由茶餐廳變左西餐廳🍽餐湯-蕃茄湯用新鮮蕃茄煮成蕃茄味濃 少少酸味 十分醒胃🍽意式煎盲曹魚配香草忌廉汁魚皮煎得香脆 魚肉嫩滑 沒有過老香草忌廉汁較淡底下的薯蓉已加入香草和蕃茄調味加埋魚肉一齊食 味道岩岩好🍽黑松露忌廉汁煙三文魚扁意粉淡淡黑松露香 用料充足 配上大量煙三文魚 洋蔥 和本菇意粉煮得剛好 煙韌彈牙 🍽脆炸洋蔥圈剛炸好就立刻上枱熱辣辣即刻食 外脆內軟外層粉漿略嫌少少過厚

早前墊屋翻出封咗塵嘅高爾夫球棒，挑起條筋，今日就去咗新屯門中心對面嘅高爾夫球中心，打咗兩個鐘，雖然輪流打都好攰，太耐無打喇。打完就去高爾夫中心內嘅餐廳休息吓，食啲嘢。以前妹子响對面新屯中學完琴，都會過嚟呢度食嘢嘅，太耐無嚟，餐廳都轉咗手，而家改咗名叫花火洋食。洋食，究竟係東洋定西洋呢？原來係東西洋都有嘅混合菜。本來想飲杯嘢休息吓就算，但發現6:00後有晚市優惠，叫主菜、意粉或薄餅，就有餐湯同餐飲送，既然價錢又唔係貴，橫掂都要搵地方食晚飯，一於係度食，唔想走來走去啦。餐湯係甘筍南瓜湯，有好香甘筍味，食到有南瓜蓉，清新好味又健康。和風明太子海鮮薄餅$108薄餅係香脆嘅薄底嚟，上面蝦肉色嘅係明太子沙律醬，餡料係迷你版青口、蜆肉、魷魚、蝦仁...，仲有紫菜絲同木魚絲，加埋照燒醬，口感豐富，味道咸咸香香又幾好食喎日本西京味噌醬焗豬鞍架$168又係一款東西洋的混合菜，擺盤同顏色唔錯都幾靚，配菜有椰菜花、刀豆同翠玉瓜，豬鞍架好厚又大件，肉質唔韌又有肉香，估唔到點味噌醬又夾喎，對我呢啲淡口味食客就咸咗啲，同行就覺得啱啱好，讚！追加咗個小食，吉列芝士魷魚餅$48魷魚餅外脆內軟又彈牙，食到一粒粒嘅魷魚肉架

聽人講話呢到好好食 咁住開附近當然要一試啦不過其他唔係住咁近既人都可以黎架 呢到係政府GOLF場黎 配食晚飯就岩 未黎過既輕鐵 輕鐵車廠站落呢到裝潢雖然簡單，但都有一種溫馨小店既感覺架。黎到叫左兩樣野食第一樣係黑松露三文魚籽意粉呢到既意粉好creamy 而且黑松露都好多 好大陣既香味 配合埋三文魚籽 好好味另一樣就係澳洲牛扒喇 佢既牛扒有10OZ 都好厚我叫左5成熟 CUT開真係煎得岩岩好 食落成塊都好腍 不得不讚廚師手勢其他配菜燒左都好好食 我覺得都值回票價啦