花斑茶社 (樂道)

营业中

休息中

花班茶社已經係第二次幫趁，上次飲過佢嘅黑糖珍珠可可同鳳梨冰茶都幾好飲，今日行過見佢新出左個益力多系列，又忍唔住買杯黎試下。因為疲情關係，店內都有提供酒精搓手液。另外，佢地最近亦有寄賣啲本土手作仔，大賣集體回憶，有啲似G.O.D，不過就平好多。益力多系列係將益力多配四款唔同嘅水果。草莓多多($26)揀左少甜少冰，益力多味都好足夠，乳酸味加埋草莓酸甜味，都幾好飲，少甜甜度啱啱好,我仲另外加左$3加蜂蜜珍珠，珍珠口感好Q彈。黑糖珍珠烏龍奶茶($26)同樣揀左少甜少冰，唔會過甜，不過奶味唔算突出，哩杯珍珠口感較腍，比較普通。總結，黑糖珍珠冇乜特別，反而益力多系列幾好飲，值得try try．

飲第3次，覺得真心好飲，花少少時間寫返個食評。外賣點餐介面好方便，可以選擇冰度,甜度同加配料；點左黑糖珍珠鮮奶$30同黑糖珍珠烏龍奶茶原價$26，依家做緊外賣自取半價優惠$13一杯！！抵上加抵！！入埋優惠碼兩杯先$23蚊，真係超級抵雖然外賣自取寫要30分鐘內取，但其實去到比佢睇返自取碼都即時做比你，抵讚！兩杯都好好飲，特別奶茶既茶味好出色，略嫌美中不足既係珍珠唔夠Q彈。順帶一提，Openrice外賣自取優惠，輸入優惠價TST2020減$20，超抵！唔知幾時開始要寫夠200字先可以比好評建議改做100字以上，唔係有排寫

小編見到呢杯喺台式飲品店少有嘅白桃烏龍就點左黎試。  花斑既烏龍茶味帶清新、香滑，一啲都唔苦澀。最令小編驚訝嘅係入面竟然有一粒粒嘅桃肉仲要係新鮮白桃。冰凍嘅烏龍茶連埋帶少少甜嘅白桃粒，感覺好清爽。小編點左正常甜，飲落去都冇糖水味，亦唔會有糖水癡粒粒嘅感覺，好健康呀！呢幾日天氣熱辣辣，點呢杯嘢飲就絕對解渴啦！下次再去都會繼續叫呢杯白桃烏龍❤  而我朋友就點左益力多系列嘅草莓多多。未飲已經聞到好香甜嘅士多啤梨味，飲落去就有益力多酸酸甜甜嘅味道，最後就滲出淡淡的綠茶味。呢個多多冇平時益力多果種厚實嘅感覺，可能係落咗乳酸掛。朋友已經叫咗少甜，但係都過甜，下次應該叫微糖或者無糖。

間中去尖沙咀都會經過見到呢間鋪，一直無機會試今日終於去買黎飲嚕星期六晏晝黎，有幾個人等緊Counter 旁邊有好多小物寄賣，等緊拎野飲既時候可以睇下～原來近期有個新飲品推出-純茶奶蓋不過最近腸胃唔係幾好，唔飲奶住睇完餐牌之後，我哋最後揀咗呢兩杯左邊係：名間四季春/熱/無糖（$18）茶味甘香，好香醇嘅感覺，好喜歡這種茶味😊😊 怕胖的女生可以點無糖，味道已經很好喝～右邊係：葡萄柚冰茶（綠茶）走冰/微甜（$24 ）這杯冰茶底層有一絲絲葡萄柚絲，佩上少許甜味，味道好Fresh~

雖然自幾個月前定下每日幫襯下D有良心既餐廳~ 但係疫情關係, 呢排都冇乜點出街, 所以難得呢日出尖沙咀, 口渴想買野飲~就係apps搵到呢間小店support下!!收銀前有賣好多本地創作既產品~ 有鎖匙扣、環保袋、明信片等等~ 幾鬼有趣精緻!店舖唔大, 但有好多日式手繪卡通佈置~ 除左珍珠奶茶同原茶之外, 水果茶都有好多選擇!! 白桃烏龍 ($26) 加蜂蜜珍珠 ($3) (少甜)白桃味好香甜~ 唔係D好假既糖水桃味, 飲落仲有一絲絲果肉,烏龍茶底亦好甘香! 飲落唔會有苦澀味,兩樣野溝埋一齊味道都好夾! 蜂蜜珍珠口感幾Q彈, 味道亦唔會過甜, 不過略嫌唔係好夠蜂蜜味~ 但Overall黎講呢杯我覺得唔錯! 可以encore~ 個fd叫左一杯葡萄柚四季春 ($24) (少甜)佢話四季春茶底都好清香, 葡萄柚唔會好酸, 加埋一齊味道好fresh, 飲到底都仲有少少葡萄柚果肉! 幾正~整體黎講呢間小店質素都唔錯~ 我諗我下次再去尖沙咀都會再幫襯呢間, 繼續大大力支持!

又來花斑茶社，又有新飲品出！真是開心🥳最近心情好，想著請同事喝奶茶🥤花斑絕對是首選😍😍贈人玫瑰🌹手有餘香，請人喝奶茶🥤自己也會超級開心🥳！.黑糖珍珠奶茶☕️$25經典中的經典，也是我的最愛！奶香濃郁，茶味🍵香濃，最愛的是那一粒粒的珍珠，Q彈爽口，深得朋友的喜愛！.柳丁綠茶🍵$26如果不喜歡奶茶，想要減低罪惡感的朋友，可以嘗試一下這一款綠茶🍵口味清爽，橙汁的鮮美多汁，提升了茶的清甜，令你讚不絕口！.下次來嘗試新菜單，溢利多打底的飲品，應該味道也一樣甜美😍

近排好多人推介呢一間茶飲，鍾意佢主打不同茶香味嘅飲品。當然要叫呢個黑糖珍珠烏龍奶茶。黑糖珍珠烏龍奶茶夠香，黑糖珍珠甜甜地，但又唔會過甜。黑糖珍珠有咬口，用咗烏龍茶茶底，幾香！微甜來講，茶味更加突出。因為我都怕肥，所以通常都會叫微甜。呢度嘅茶飲價錢合理，唔會太貴，有好多唔同嘅茶飲品。另外，叫左杯葡萄柚綠茶。葡萄柚酸酸地，幾開胃。而且都帶有茶香。店內嘅裝修，牆上嘅畫都幾得意、仲有一啲產品寄賣。餐廳係良心店值得支持。

剛叫左兩杯黑糖珍珠烏龍茶少冰正常甜及少冰少甜，但出黎變左無糖走冰同埋無糖微冰，攪到杯野淡而無味，點解可以錯成咁！！重要當時無乜客，這個服務真的很差，請下次不要錯到咁吧

係尖沙咀呢間台式手搖店嘅天下，要揀一間好睇又好飲其實都唔容易架。但係今次飲嘅呢間花斑茶社，真係perfect 呀。地鐵站行過去都係兩三分鐘，仲要係黃店，點樣唔正先？！店舖嘅牆身都好啱打卡架！！黑糖珍珠可可鮮奶我叫左無糖少冰，可可味超級濃郁，真係飲到停唔口呀。配埋黑糖珍珠嘅甜味，成杯野真係好好飲呀，珍珠煙韌又大粒，好味！宇治抹茶紅豆鮮奶呢一杯嘅分層好明顯呀，影相真係好靚呀。一飲落口，就飲到好濃嘅茶味，啱晒一班抹茶控。配埋粒粒紅豆，我個friend飲左5分鐘就飲完啦，睇得出有幾正啦！開胃！

因為外出次數減少，飲用珍珠奶茶的次數也跟著變少了。這天剛巧有事出尖沙咀一趟，心思思下就忍不住來一杯肥仔水。筆者就是被店面的卡通壁畫吸引入內。沒想到這杯可可鮮奶做出了漸層效果，上面是深啡色的可可奶，下面就是黑糖紋鮮奶層。黑糖掛杯的紋路不算明顯，但黑糖味挺重的。牛奶用上明治鮮奶，質感柔滑又有奶香，配上可可粉就是超濃郁的朱古力味。不過黑糖本身就有一定甜度，加上可可粉後就變得有一點過甜。珍珠是微暖的溫度，帶有黑糖味，蠻有咬口。

呢間茶飲店平時經過都會有人買，因為佢嘅茶飲茶味比較香，茶底做得唔錯。香港都有幾間分店。我最鍾意飲珍珠奶茶所以叫咗呢度推薦嘅黑糖珍珠烏龍奶茶。黑糖珍珠夠彈牙，而且黑糖味好濃又夠甜。而且就算黑糖珍珠奶茶都有得揀甜度，就唔怕會太甜。呢度嘅奶味唔會太濃，因為茶香較突出。烏龍好香，都幾好飲。鳳梨冰茶，我揀綠茶或紅茶，我揀咗紅茶。茶味幾香，鳳梨味好濃，叫咗微甜，對我來講就剛剛好。花斑茶社嘅茶底真係做得幾好呀！

花斑茶社用台灣南投名間鄉原片茶葉要沖一杯好茶 茶葉重要 做出鮮香醇靚茶花斑茶社飲過返尋味啊！.柳丁綠茶 $26綠茶底係黎自台灣架水果茶比較健康 叫咗少甜 飲得出原本水果嘅味道少甜可以令到綠茶味更加突出香橙味清甜 香氣四溢 唔會俾柳丁橙嘅香甜甜度遮蓋好Fresh!!.宇治抹茶紅豆鮮奶 $34花斑茶社用上明治鮮牛乳 牛奶味道濃厚 口感順滑同樣叫左少糖 抹茶配紅豆 紅豆香甜 而且份量好多 紅豆大大粒 紅豆起沙 口感豐富多層次.下次再飲黑糖珍珠系列花斑茶社尖沙咀樂道32-34號地舖

為左一杯珠珍奶茶，你會去到幾盡？我相信我同任何大部份人香港人一樣，如果對果樣野鍾情既話，就算要我排隊都在所不辭呀。上次係西環試過呢間「花斑茶社」，就覺得自己搵到生命中果杯"茶"。趁呢段時間唔洗排隊，拿拿聲整返兩杯止下癮至得！👇📌B R O W N · S U G A R · B U B B L E -▪ 黑糖珍珠厚鮮奶 - $34(凍)▫ 永遠既邪惡之最非佢莫屬啦，珍珠控難以抗拒果種，熬煮到入哂味既質感，呢個就係令人上癮既關鍵之處。一杯簡單既珍珠、鮮奶、黑糖已經成功俘虜我個心。呢杯一入口已經感受到奶味濃郁，質感夠順滑；黑糖無果份死甜，甜到割喉果種感覺，對我黎講岩岩好；而珍珠咬落特別有口感，唔軟爛，屬於Q彈果隻，認真大讚！📌M I L K -▪ 宇治抹茶紅豆鮮奶 - $34(凍)▫ 另一主打既紅豆鮮奶，就咁睇都知道份量十足，每粒紅豆粒粒分明，口感軟身少少起沙，入口相當香甜綿密；配上宇治抹茶，更加無得輸啦，兩者配合有果帶出清新感覺；而滑溜既鮮奶，中和返成個層次，甜度亦都較得岩岩好，唔錯。

又食又拎有韓星的台式茶飲店～～～餐廳地址：花斑茶社 (尖沙咀)餐廳地址：尖沙咀樂道32-34號地舖～～～最近因為出面疫情的關係 我和大舊都改為在街上較少人的時間約會 這天早上在尖東海旁散完步之後我們便步行到iSquare隔離的小街買東西喝～～～這間花斑茶社店面佈滿韓星的照片 售賣的卻是台式茶飲引起了我們的好奇上網搜尋底下才知道他們的茶葉大部分都由台中茶園直送 而很多韓星海報並不是只因為店長的個人喜好 而是因為他們有與不同的韓星後援會合作甚有創意～～～我和大舊一人叫了一杯茶飲 第一杯是葡萄柚冰茶 我們選了四季春作茶底 另外再加了蜂蜜珍珠 清清甜甜的四季春葡萄油冰茶很有春日氣息 而蜂蜜珍珠亦很特別 和平時珍珠的味道不一樣～～～我們第二杯就叫了黑糖珍珠可可鮮奶 黑糖珍珠鮮奶或黑糖珍珠鮮奶茶 我們都經常喝 但是第一次見到有黑糖珍珠可可鮮奶 由於黑糖本身就有甜味 所以我們叫了無糖 喝著可可味道好濃郁 黑糖味道變得不太明顯 但亦與黑糖珍珠鮮奶一樣 同樣很美味～～～另外買茶飲時 店員更為我們送上韓星的照片和貼紙 雖然平時沒有追星的習慣 但突然有帥哥的照片和貼紙收 還是感覺很開心呢（大舊話佢都影一輯俾

經過見到這店聚集了不少人在買台式飲品，令到我們又心思思湊熱鬧，買番杯邊喝邊逛街。看看Menu，想不到有我喜愛的宇治抹茶，這不是間間手搖飲品店都有的啊，也就沒有不喝的理由吧！友人則選了人氣招牌黑糖珍珠奶茶。店員服務都很不錯，很有禮貌也好有效率，不像一般台式飲品店要等良久才拿到飲料。黑糖珍珠烏龍奶茶，茶味非常香濃，散發獨特的醇茶香味。奶茶入口順滑，喝起來除了有奶香味外，還多了黑糖的甜味，整個味道香甜不會膩口，黑糖味不會過重，整個比例剛好，同時可以品嘗到黑糖、奶茶的滋味與珍珠的咬勁，而且珍珠分量蠻多的，一杯吃下來也有點飽足感。宇治抹茶紅豆鮮奶，墨綠色與鮮奶的漸層美美的。抹茶獨有的甘醇苦澀與濃厚香氣，倒入絲滑的明治4.3特濃鮮奶，醇濃奶香與抹茶甘苦滋味，融合在一起的味道很完美。再加入大量大大粒的紅豆，多一番天然甜味，起沙的紅豆帶出多層次豐富的味道，像喝紅豆冰般滿足！