花斑茶社 (樂道)

营业中

休息中

2️⃣旺角站花斑茶社平時飲品飲得多，除咗宇治抹茶鮮奶好好飲之外， @abouteahk 新出嘅芋圓勁高質！材料豐富，紅豆芋圓仙草珍珠配埋香濃奶茶底，冰涼糖水胃大滿足🤤

呢間 #良心少店 最近搞搞新意思, 推出新品 - 三色芋圓, 口號為「五大配料。茶底不缺」❗️配料有仙草、寒天、芋頭、紅豆、珍珠, 茶底可以揀醇香烏龍奶茶或清爽薰衣花綠茶。我揀咗少甜, 甜度就啱啱好, 烏龍奶茶味香, 仙草份量好多, 滑嘟嘟, 芋圓同珍珠都好有咬口。

好耐冇飲花斑茶社，突然心血來潮好想飲杯黑糖珍珠鮮奶，咁岩係ISQAURE食完飯，就同朋友行過去買返杯先，我本人都幾鍾意呢間飲品店🥰因為佢地茶葉由台中茶園直送，茶味特別濃，會令人想再試.1. 黑糖珍珠厚鮮奶招牌黑糖珍珠系列限量供應，好受歡迎，第一眼就比黑糖掛杯吸引住，雖然效果維持得唔耐，但佢地黑糖掛杯係整得幾靚，飲落奶香濃郁🤤無顆粒感，珍珠煙韌，有黑糖焦香味道. 2. 黃金烏龍茶第一次試烏龍茶，其他茶飲品店多數都係棕色，但呢杯茶湯色澤係金黃湯色，非常特別🤣生產加工地都係台灣，飲落有明顯茶香，順滑而不澀，餘韻濃厚，不錯既選擇

黑糖珍奶開到周圍都係但我唔鍾意飲奶既真係冇咩選擇今日試左依一間，叫左個黑糖珍珠烏龍奶茶 微糖 少冰 少奶佢有d 黑糖紋掛杯叫左少奶既關係 飲落去 茶味好出有d 店既黑糖珍珠冇得較糖度，估唔到依間都俾到微糖我，飲起上黎甜度岩岩好，唔會好甜。飲落一d 罪惡感都冇！珍珠都彈牙，唔錯，但佢唔係岩岩煮好熱既珍珠，食起上黎有微微既黑糖味我記得好耐之前第一次飲幸福堂既黑糖珍珠有好大驚喜，但反而依間就覺得普通。遲d 飲哂咁多間再黎一次比較啦

🐾 花斑茶社 (尖沙咀) 🐾-白桃烏龍(花斑茶社)✔️$36-白桃烏龍:平時小編都好中意飲白桃烏龍🙈覺得甜甜地但係有種清新嘅感覺，飲到花斑茶社有用新鮮嘅桃，入面有啲桃容🙈好好飲 (圖中嘅檸檬茶係當文歴飯店買)———————————————(非專業,完全跟據個人口味☺)食物:8/10環境:7/10服務:8/10人均消費:$50———————————————▪店舖名稱: 花斑茶社 (尖沙咀)▪店舖地址:🔸 尖沙咀樂道32-34號地舖-----------------------

唔知幾耐無飲Starbucks，但熱起上黎都想搵間手調野飲解下渴。小妹鍾情花斑茶社，成日番工都會撩下d同事一齊叫外賣。有時Lunch食沙律，但又覺得太寡，就會突登行去樂道買杯過下口癮，肥妹就係咁練成架啦！1）白桃烏龍茶加寒天 $29本身白桃都偏甜，唔想甜到漏，可選擇叫微糖。哩到係用鮮桃整，所以會飲到絲絲桃肉！烏龍茶既清新濃香味同白桃簡直係絕配，加上超有口感既寒天（蒟蒻製成既晶球），係我既消暑必選！ 仲有openrice 外賣自取有時都有著數，試過飲野平一半價錢，又或者張單減$30

🔖花豹泰茶💰24茶味香濃，入口好香滑☺️由於泰式奶茶一般嚟講都會比較甜，所以揀咗少甜之後，甜度啱啱好😋同埋飲完之後唔會有濁喉嘅感覺😇呢個價錢係一間台式飲品店飲到一杯咁出色嘅泰式奶茶，值得試下啊🙌🏼💫推薦指數: 8.5/10

食完飯又未好飽 於是想飲杯野 呢個花斑茶社係isquare樓下個條街好易搵 原來條街又有幸福堂又有老虎堂 不過呢2間都飲過所以試下新野先 睇下有咩飲 我見佢有重點推介 朋友叫左杯宇治抺茶紅豆 飲之前記得搖一搖先 綠茶味好濃呀 真係有驚喜 叫左少甜少冰 味道剛剛好 飲到底仲有紅豆 真係好飽 如果成日飲黑糖鮮奶飲到悶可以試下呢杯 我叫左杯白桃烏龍 唔知點解隻杯唔係透明 睇唔到入面添 叫左少冰 微糖 唔知係咪少糖得濟 所以飲落去好重茶味 仲酸酸地 不過食到佢有d白桃肉 如果甜d應該會好飲d 下次要叫正常甜先

經過尖沙咀樂道的花斑茶社，就想飲黑糖珍珠飲品，小店仲有益力多系列，好岩夏天飲。之前都去過荃灣分店，但大甲芋飲品售罄而無飲到，所以今次就點來飲。當然黑糖珍珠系列係吸引又好飲，仲鮮果茶、奶茶、抹茶、原味茶類……選擇好多。大甲芋頭鮮奶+蜂蜜珍珠 $35大甲芋肉質細膩且黏滑，粉質較高，所以口感鬆軟綿密，入口即化，加上香氣濃郁，配合鮮奶更加有香、濃、滑。另外加了蜂蜜珍珠，令整個飲品增添口感層次，甜思思的蜂蜜有細膩的香味，珍珠好彈好煙韌。黑糖珍珠抹茶鮮奶 $32顏色很靚，由最頂的抹茶綠色至中間鮮奶，再到最底的黑糖珍珠，搞勻才品嚐。先飲到濃濃的黑糖味，香甜且不膩，珍珠好煙韌好咬，煮得入味，口感亦剛好，配合濃厚的明治4.3鮮奶，令口感更香滑。最後慢慢出抹茶味，茶味甘香回味，也中和黑糖的甜度，令味道更溫和順喉。

🎈花斑茶社 (尖沙咀)🔍尖沙咀樂道32-34號地舖-----夏日炎炎，加埋個口罩，日日都有種焗桑拿嘅感覺，搞到最近出街都特別想飲凍野😆，前一排就試咗尖沙咀嘅呢間💛茶社，店內牆身可愛嘅壁畫非常吸精，細問之下先知原來近日佢哋同左本地插畫師合作，設計左全新嘅店舖裝飾。-#柳丁綠茶（$26）🍊柳丁嘅果香幾天然，唔係人工味，飲落帶微微酸，甜而不膩，同甘醇嘅茶底好夾，比多$4加個仙草，更係消暑一流。-#白桃烏龍（$26）烏龍茶底幽香細膩，🍑白桃香甜誘人，但最估唔到嘅係白桃烏龍入面竟然真係有白桃粒！非常足料～（白桃本身有甜味，建議叫少糖或走糖）-----👶🏻B仔整體評價：8.3/10個👍🏻👶🏻B仔抵食程度：7.5/10個👍🏻👶🏻B仔環境評分：外賣yo👶🏻B仔味道評分：8.5/10個👍🏻👶🏻B仔回頭機會：9/10個👍🏻-----#swallowhongkong☺️快D跟住B仔一齊吞食香港啦！🤤#swallowtst

芋頭鮮奶，芋泥兩淡就冇嗮😣——大甲芋頭鮮奶($32)味道係好嘅，個樣都好掂好靚，但其實芋泥真係唔多😢得杯邊痴住d，但入面其實冇乜芋泥同芋頭粒🙈.可能呢間真係飲返黑糖珍珠奶茶or茶類飲品會好d！.Overall: 6.5/10Value for money: 4/5——📍花斑茶社尖沙咀樂道32-34號地舖.

天氣已是很炎熱，行街又是少不了買凍飲，今次在尖沙咀經過見到花斑茶社，一於去試試先。裝潢好可愛吸引，除了茶飲，還有不少精品售賣，重點是黃店！一定要大大力支持！是台式飲品，點了奶類飲品宇治抹茶紅豆鮮奶 $34是精選推介，紅豆、鮮奶、抹茶好有層次紅豆、鮮奶有甜度，所以抹茶選了無糖，對我來就剛剛好，甜中帶點茶味。大甲芋頭鮮奶 $32是新出的，超多芋泥~~~與鮮奶一齊飲飽肚感十足水果冰茶都見到不少人買，下次要買來試試！

黑糖珍珠抺茶鮮奶（少甜)$32第一啖飲落去已感覺到淡淡的綠茶味，牛奶的比例好平均，唔會搶咗是但一邊的味道,，最主要係糖的濃度唔會太甜，因為本人唔太偏好甜食，再配上黑糖珍珠好有嚼口，軟適中，口感剛剛好，值得推介!黑糖珍珠厚鮮奶（岩鹽）$32每日限量的飲品，開始落單時見到這一杯飲品，第一感覺會覺得味道應該會好奇怪🧐因為應該會又咸又甜，但飲落去又覺得唔錯喎！有驚喜😋味道同珍珠都幾夾,，雖然自定好甜度，無得選擇少甜，但因為有岩鹽既咸味同奶茶既甜味互相配合，飲落都唔會覺太甜同太"漏" ，唔錯👍

為了防疫，長時間戴口罩，在街上就飲喝點飲料也感到吃力，最近難得疫情緩和了，終於可以稍為透透氣。這天天氣熱得要命，就到了「花斑茶社」買飲品。喜歡這裏的原因，是因為飲品除了可選可選甜度及冰量，還有就是鮮奶用上明治4.3特濃，當然，嫌脂肪重可脫脂鮮奶~我點了宇治抹茶紅豆鮮奶及大甲芋頭鮮奶兩款。宇治抹茶紅豆鮮奶入口帶有抺茶獨有的甘醇苦澀香味，配明治4.3特濃鮮奶，既有抹茶的甘苦味，亦不鮮奶的醇濃，加上粒粒飽滿紅豆，非常美味，口感層次豐富~大甲芋頭鮮奶感覺真材實料，入口有滿滿奶香，攪拌後芋頭泥口感綿密滑順，芋香味濃郁，不會死甜，給人甜而不膩的感覺，芋頭控必試。

這間台式茶店，我差唔多每次出尖沙咀，我都會行過去買一杯茶飲，因為我喜歡佢哋啲茶係茶味濃啲，叫走甜不會淡謀謀。葡萄柚冰茶 (HK$24)這款茶飲可以揀配四季春茶或綠茶。今次我揀咗四季春茶，因為其茶味比較清香一啲，但比綠茶較清淡一啲，我覺得這個配搭能夠帶出葡萄柚的酸甜味。我這杯無糖和走冰，所以會比較酸一啲喔💛