花斑茶社 (樂道)

营业中

休息中

今日係尖沙咀，有朋友介紹花斑茶社嘅飲品加岩鹽好特別，食完飯咁岩係附近就去左試。叫左一杯黑糖珍珠厚鮮奶（岩鹽）（$32）同大甲芋頭鮮奶（$32）。本身已經鐘意鮮奶飲品，加左岩鹽夾埋黑糖珍珠飲落一開始咸咸地，然後慢慢咬d珍珠就開始d甜味，入口幾有層次，不過個人覺得冇咁咸會再好飲啲🤪至於芋頭鮮奶就岩岩好，正常糖甜度適中嘅鮮奶加埋芋頭粒，個人一路都好鐘意有芋頭嘅野飲，咬芋頭唔洗好似呀珍珠咁攰。不過如果呢杯入面嘅芋頭再多少少就完美啦。飲晒呢杯大甲芋頭鮮奶亦唔會因為太甜而飲完有罪惡感😌

放假諗住去尖沙咀剪頭髮，經過花斑茶社，見到大排長龍人頭湧湧，又勾起我對佢獨特嘅台南茶葉心癮！上次品嚐過四季春，今次要試下其他先！尖沙咀店 鋪頭較細為處樂道 isquare旁邊，交通非常方便，所以十分多人流！ 但店員親切友善 效率很高，我們只等了五分鐘，值得一讚！白桃烏龍熱賣必試茶飲，在場大部分顧客都點這個。白桃鮮甜清香，配黃金烏龍茶，餘韻濃厚，茶味在口腔盪漾，回甘明顯，少冰正常甜，解渴怡人！黑糖珍珠可可奶茶採用日本及台灣鍊制黑糖，優質可靠，珍珠爽口Q彈，朱古力味香濃醇厚稠身，稍嫌蓋過奶茶底味！

今日同朋友係尖沙咀行街行下行下佢話想飲台式飲品我就Google map搵下附近有咩舖頭見到依間花斑茶社個名幾好聽就決定飲依間本來我哋都想飲啲refreshing 啲嘅嘢但係最後兩個都揀左黑糖珍珠烏龍奶茶 ($26) 佢依選飲品可以揀少甜架厚鮮奶個隻就唔得我自己唔係太鐘意太甜嘅野飲叫左半甜覺得岩岩好因為珍珠本身都甜嘅~佢嘅奶茶真心好有茶味!!!!!係我鐘意個款茶味多過奶味珍珠都幾彈牙會再encore~~

見到wolipay話佢告急🥂經過附近就特登黎支持下!! 其實人流真係少.. 可能係係內街果條街都好冷清我去既時候都係得一個人買緊同埋除口罩飲野好麻煩 自己最近都買少左但後尾見到有人懲罰佢叫左17杯外賣🥰我叫左最為人熟悉既黑糖珍珠厚鮮奶💛我覺得同大路既茶飲店不相伯仲都係咁好飲所以睇下你想將啲錢比邊個賺啦非黃不飲🥂🥂🥂佢啲黑糖爆多!!飲落去好重奶味 真係厚奶🥰啲珍珠都有用心煮爛!而且唔算好甜 可接受

一向都喜歡四圍試吓茶飲，去到尖沙咀行緊街當然要飲番杯野，經過一間門面好開陽吸引-花斑茶社，就停下來休息一下。下單以自助形式，而且可以選擇少甜小冰，能夠迎合客人的需要！飲品款式味道分門別類列明清楚，我就比較喜歡每日限定系列。當然要試一試這裏的招牌飲品黑糖珍珠厚鮮奶，賣相像豹紋一樣那麼吸引，估唔到佢嘅珍珠一樣Q彈，而且鮮奶香醇滑溜，簡直能夠爽一爽喉嚨。朋友還叫了賣相也非常吸引的黑糖珍珠抹茶鮮奶，他也大贊抹茶帶點苦澀，配襯鮮奶非常match的口感。難怪這裏那麼多客人幫襯呢，相信下次經過會再試其他飲品。

上回說到，我嚐了這家花斑茶社的奶茶，發現他們用的奶很正點，不久之後我又回來了。疫情好像對他們影響滿大的，這條樂道幾乎沒幾個人，不過這家飲品很好喝，所以我又來了選擇跟上次差不多加了新品大甲芋泥烏龍奶茶，雖然對茶的分類不多，但已經很足夠，因為每款都是該系列比較有名的台茶，每款的發酵度都不同。而烏龍就是半發的。芋泥烏龍奶茶預設微糖，熱，半熟的茶香跟甘香平衡，不會太濃烈，甜茶香跟熟茶味中性，我就很喜歡這個味道。奶的甜度適中，令人越喝越想喝，芋泥不是完全的泥，而是一塊塊的薄芋頭泥，本身已經帶甜，跟奶茶同喝非常好玩！黑糖珍珠岩鹽厚鮮奶絕對要試，賣相一流，吃起來更佳，奶味濃厚，淡淡咸香調和了黑糖的甜，ＣＲＥＡＭＹ的口感非常正

飲品店周圍開過不停，一條街可以有幾間，總有一間係你附近，但講都好飲，呢間花斑茶係唔錯既選擇。喺尖沙咀樂道呢間花斑茶社，是全新本地品牌，標榜台中茶園直送茶葉。花斑茶社由香港人主理，本地薑誓不讓過江龍專美。我地叫左黑糖珍珠烏龍奶茶同埋大甲芋鮮奶。黑糖珍珠烏龍奶茶($26)，烏龍茶底係店長推介，採來自台南的烏龍茶葉，茶香厚，配上Q彈珍珠，甜度亦由我話事，啱哂我口味。偷飲左朋友既大甲芋鮮奶($32)幾啖，口感綿密、香醇濃郁，最啱係芋頭控既朋友。

花斑茶社🍵中午休息時間過來買一杯熱騰騰的奶茶☕️又是星期一，大家打起精神，新的一週新的開始！都多人在門口排隊，看來不僅僅是我自己的心頭最愛！.宇治抹茶🍵紅豆鮮嫩$34 少糖抹茶🍵配上少糖紅豆鮮嫩，清爽口感，又有紅豆的香甜和滿足感，一杯茶🍵捧在手心裡，一整個下午都是開心🥳愉快的。優質的鮮奶，上等的茶🍵身體健康是一切的前提條件。大甲芋頭鮮奶$32芋頭打碎了，融化在鮮奶裡面，喝到嘴裡滿足在心裡！我的最愛，沒有之一❤️❤️❤️🖼

今日熱左好多🔥，明明上星期一只得10度❄，今日就23度☀，所以今日都忍唔住要飲返杯野飲！剛好係尖沙咀，所以就搵返間良心舖頭幫襯下。原來呢間舖既用料都唔差，，所有茶葉都來自台中。除左茶葉，黑糖珍珠飲品更係限量供應，以人手炒製台灣同日本黑糖而製成。因為我本身唔太飲得奶，但見到佢黑糖珍珠系列，都忍唔住想試試，唯有試下佢烏龍奶茶🥤！一嚟到，賣相都幾吸引✨。味道上，黑糖嘅味道都非常濃厚，而珍珠幾煙韌，都幾入味！意外地，烏龍茶個味道都幾濃厚，有點甘香，好飲過小男的茶好多（雖然都執左🤨），雖然轉左做烏龍，估唔到佢做到同黑糖都幾夾，岩哂我呢D鐘意飲茶既人。Btw呢杯野飲我都覺得偏甜，怕甜既朋友記得要同我一樣，落單叫轉少糖少冰。我覺得$26一杯野飲算唔錯，雖然未係話最常好飲，但就個價錢、味道都唔錯！不過我覺得最緊要係支持返D有良心既商戶，加上最近疫情，希望大家經過都可以撐下佢地度過下呢個難關！

呢間本地品牌嘅台式飲品，真係抵飲又高質！難得經過尖沙咀元祖店，梗係要買杯嘆嘆喇🤪🍑白桃烏龍茶（$26）香桃果味濃郁香甜剛好中和烏龍茶嘅甘味👍🏻兩者絕對係完美嘅配搭呀！清香回甘，解渴消滯一流💯🍵宇治抹茶鮮奶 （$30，+$3蜂蜜珍珠）抹茶鮮奶有不同組合，包括黑糖/紅豆前者港女已經飲過，而個人又對紅豆興趣不大...所以就揀咗呢款最基礎嘅口味，再另加蜂蜜珍珠喔😆蜂蜜珍珠圓渾煙韌食到珍珠表面有蜂蜜味，但唔算非常濃郁茶底入口順滑，富抹茶奶香，正喔🥰

2020年2月25日 星期二雖然係放假嘅日子，不過仍然要為婚禮做準備，而今日就同女朋友出去尖沙咀度戒指尺寸，搞掂晒啲嘢之後就諗住喺附近食晚餐，不過由於時間尚早，所以就喺附近行吓先行到呢間鋪頭，見之前未試過呢個品牌嘅飲品，又覺得有啲口渴，所以就去試吓見到餐廳同一般嘅人分別有咩分別，大路嘅飲品都有得賣，不過就見到有黑糖珍珠系列，好似幾吸引咁原來呢個味道，黑糖岩鹽厚鮮奶，仲要係期間限定添，我哋當然急不及待要試落左單之後等左一陣就有嘢飲，見到杯嘢飲有勁多珍珠，差唔多佔咗成杯嘅三分之一，落足料。飲落去嘅時候好重黑糖味，但係又唔會過甜，甜到啱啱好，可能係我哋叫咗少甜嘅關係。另外珍珠好煙靱，十分有咬口，同鮮奶都幾夾，仲有少少鹹味添，可能因為有岩鹽既關係另外我哋仲叫咗一杯鳳梨冰茶，叫咗少糖少冰，所以飲落去嘅時候亦都唔會太甜，真係飲到鳳梨嘅甜味，而且飲落去嘅時候仲食到少少鳳梨粒添，酸酸甜甜咁幾開胃，正好適合作為晚餐前嘅飲品

支持香港🇭🇰本地茶飲店！💪🏾 「花斑茶社」係由香港人主理， 選材用心， 茶底都係採用來自台灣南投嘅4種茶葉， 茶飲款式更切合香港人口味， 有黑糖珍珠系列、鮮奶茶、鮮奶、水果茶、原茶， 除左係仲黑糖珍珠厚鮮奶之外， 所有飲品都可以叫少冰，甚至走冰，少甜、微甜、走甜。 見到佢仲有會員優惠， 做咗會員可以whatsapp落單， 咁就可以order完過去拎就得，完全唔駛排隊！😏 每次埋單有9折優惠， 仲可以享有買四送一嘅優惠，好抵呀！👍🏻😎 不過小編唔係成日去尖沙咀，要考慮吓呢～ 見到有期間限定嘅口味—黑糖珍珠岩鹽厚鮮奶（$32），幾新穎嘅配搭，就試下啦！😏 將岩鹽加入鮮奶蓋， 軟滑嘅奶蓋，甜中帶鹹， 強烈對比之下，層次感更豐富， 黑糖珍珠甜度適中，唔會太甜，口感都頗有彈性。🌟推薦❗️ 茶飲店黎講，白桃烏龍比較少見， 所以叫左一杯少甜少冰嘅白桃烏龍+蜂蜜珍珠（$26+$3）比小妹攞下credit😏， 桃🍑同烏龍茶確實係完美嘅配搭， 茶底清香順滑， 最讚嘅係白桃係鮮桃黎架，香甜可口， 飲落仲帶一絲絲桃肉，正！超推薦！👍🏻

去尖沙咀isqaure附近行街嘅時候，見到有一間飲品店幾多人幫襯，好似唔錯喎，所以就試下有咩咁巴閉啦！😏款式都係個啲啦，又係黑糖珍珠、鮮奶茶、鮮奶、水果茶、茗茶，唯一一款比較吸引嘅就係白桃烏龍，平時小妹好鐘意飲桃味嘅飲品，桃味綠茶、桃味水都唔會放過～😂所以我就叫左杯少甜少冰嘅白桃烏龍（$26），我見佢加$3可以加蜂蜜珍珠，標榜為蜂蜜做嘅珍珠，感覺幾吸引，加！不過食落味道就唔係好特別，口感普通，蜂蜜味亦都唔係好突出，珍珠份量亦唔多，反而白桃烏龍有驚喜，烏龍茶幾清香，唔會被白桃蓋過晒所有茶味，白桃味幾true幾清新，唔係死甜味，仲有果肉係裏面！☺整體來說，都還可以，只係珍珠比較普通，但都算不過不失，但茶底就有驚喜！❤下次可以再試下其他。

Lunchtime喺金馬倫道食完晏晝，突然間好想飲台式飲品。記得朋友講過樂道嗰間花斑茶舍好飲，就與朋友行過樂道買。朋友見到門前廣告牌有期間限定嘅岩鹽黑糖珍珠厚鮮奶，覺得好吸引，即刻決定要飲呢個。佢係固定糖，甜味來自黑糖，佢揀咗熱飲。我試咗少少，覺得有岩鹽嘅鹹味，黑糖嘅甜味，兩隻味好平衡，感覺好新鮮。我就叫左宇治抹茶紅豆鮮奶，抹茶味好香濃，因為叫咗少糖少冰，所以唔會過甜好啱飲。呢間平時都幾多人幫襯，水準有保證。店員姐姐都好nice，同我哋解釋每一杯的糖同冰有冇固定。

Very nice drinks and is local store...I love their drinks very much...I bought this when I walked across here 左面個杯可可鮮奶HKD30有滿滿可可味道，加上黑糖珍珠煙韌q彈，我選了少糖所以不會太甜，十分適中右面個杯宇治抹茶紅豆鮮奶HKD34好重抹茶味，但又唔會膩，紅豆又不太甜，奶好香好滑，抹茶甘香，十分好飲下次一定要再黎試埋其他！