花斑茶社 (樂道)

营业中

休息中

晚飯後意猶未盡，跟友人不約而同想喝手搖飲品才覺圓滿。幸運地在不遠處遇上這間台式飲品店，歡喜若狂。店舖裝潢挺別緻，飲品選擇蠻多的，重點是店員小姐非常親切有禮，即使選擇困難症的我們擾攘多時她都能保持笑容和耐性，讚。黑糖珍珠厚鮮奶選用明治4.3特濃鮮奶，比一般鮮奶更香滑更純正，喝起來不會有添加物過度的濃郁口感，單純的天然牛奶滋味，我相當喜歡。在濃醇鮮奶的調和下，也更加帶出了黑糖的濃郁層次。珍珠好有咬口，份量亦很多，至少佔三分一杯。鳳梨冰茶光看名字就很清涼清新，紅茶喝起來不會很甜，茶的醇香中滲出鳳梨的清甜，比例恰到好處，而且很清爽，冰茶裡還可吃到粒粒香甜的鳳梨肉，增添口感。

食完晚飯行去坐車時見到得買茶飲，腳步即刻停底，俾佢吸引左！係門口見到有期間限定既黑糖珍珠岩鹽厚鮮奶！好似好正甘！我所以就嗌左杯黎試下！同相一樣甘靚！首先，個人中意飲黑糖珍珠奶茶，但又好驚黑糖太甜，但呢度既剛剛好！唔會太甜，又唔會失去左黑糖既香同甜。唔錯！最好既係佢呢但珍珠好煙韌，有咬口得黎又唔會太硬！煮得適合！可能係我食過最好既珍珠！鮮奶夠濃，飲落仲有咸咸地既岩鹽味，幾特別，估唔到兩者甘夾喎！宇治抹茶紅豆鮮奶抹茶味重，好香濃既茶味。而紅豆大粒，好棉同起沙。抹茶鮮奶唔甜，加埋甜甜既紅豆剛剛好！呢間茶飲唔錯，係唔同地方都有分店，下次見到一定要再飲！學生買好抵！

#中意嘅請分享請點讚🍻----------💛#黃店💛11/11/2019罷市----------🍑白桃烏龍 $26 加蜂蜜珍珠 $3白桃烏龍平時比較少見夠特別，入面有桃肉碎，蜂蜜珍珠夠煙韌，不過整體比較甜，記得叫少甜呀。----------📍花斑茶社🔎尖沙咀樂道32-34號地舖

今日去花斑茶社買番兩杯飲品，為今晚OT做準備。因為黎到嘅時間比較夜，珍珠都已經冇曬了。呢度做緊韓星嘅宣傳，好多大頭相，小fans實啱！是日選擇如下：大甲芋頭鮮奶（$32），揀左脫脂奶，依然美味。芋頭有啲黏係邊上，賣相都唔錯。飲落會飲到粒粒芋頭，有啲咬口得黎又帶微甜，幾健康嘅選擇。白桃烏龍（$26），微糖對我黎講已經好夠甜，無掩蓋烏龍茶嘅茶香。面頭有茶打成嘅一層泡沫。飲落係有粒粒酸甜嘅白桃，幾喜歡呢款果茶。

A boutea 花斑茶社飲過兩次先敢推介 真係好好飲😍幫襯下啦香港人🇭🇰買完衝去碼頭除口罩飲透下氣心情舒暢。黑糖珍珠烏龍奶茶 $26有睇我post都知次次都係烏龍奶茶😂價錢同質素真係一百分 只係$26而烏龍奶茶亦都係呢度皇牌不負眾望超級好飲!黑糖珍珠係我食過最好味既一間黑糖味好濃郁，第一次珍珠好淋好好食第二次就略嫌未煮夠唔夠淋，奶茶同樣好飲因為黑糖好甜，叫少糖就夠啦試過其他飲品都好好飲鳳梨冰茶$24非常清香 比例恰到好處宇治抹茶鮮奶$30明治4.3特濃鮮奶超香濃

最近愛上左A Boutea! 岩咁係尖沙咀又有既分店！當然又要拜訪下。大甲芋頭鮮奶 $32Taro Fresh Milk平時最中意芋頭，一見到個 menu有大甲芋頭鮮奶就諗都唔諗點左呢個，本身仲想加珍珠，不過朋友話加完應該好飽肚一陣食唔到晚餐，所以無加到。我點既係正常冰正常糖，甜品適中，一入口就好濃郁既鮮奶味好香。個底好多芋頭，唔硬又唔會過軟，入口咬幾啖就可以吞個件，唔會一入口就溶哂，又唔會好生好硬，岩岩好👍黑糖珍珠烏龍奶茶 $26Brown Sugar Bubble Colong Milk Tea黑糖唔係甜到牙痛個種，又唔會有濃味。估唔到加埋烏龍茶個味，會咁岩口味！珍珠有咬口，唔會似啖啖食粉粒。超讚！

行過呢間野見好多人排隊,應該係正野。朋友叫左芒果冰茶,少甜,茶底係四季春,我就叫左黑糖珍珠可可鮮奶,有得轉脫脂奶。朋友話冰茶帶有芒果既甜,有少少果肉,好夏日好熱情。我果杯有好多大大粒既珍珠,可可味濃郁,黑糖同鮮奶交融,MIX埋黎飲好好飲,同平日飲既凍朱好唔同。冰茶既價錢好抵,26蚊感覺幾平。我果杯32蚊,飲完好飽,我當佢係飯後甜品。呢度有好多韓星既海報,睇黎係個賣點。呢期原來有學生優惠,可惜我唔係學生啦!呢度好近MTR同SHOPPING MALL,買完可以行下MALL。我買完就去左尖沙咀海邊行下,飲下野,同朋友散下步傾下計,好開心呢!

我呢個超級無敵珍珠奶茶粉絲， 每次經過奶茶舖都心思思想飲番杯。諗住今日天氣好熱，點知出到嚟好大風，個人有啲凍，所以今次我係花斑茶社就點咗杯大甲芋泥烏龍奶茶(冬天限定，只有熱飲) $30。 最鍾意呢杯嘢飲嘅味道就係唔係太甜，芋泥同烏龍茶嘅香味混為一體 ，已經食唔到芋泥但係每一啖都有滿滿嘅芋泥香味 ，同茶配合得天衣無縫，飲完個人暖翻舒暢曬。朋友就點咗一杯大甲芋頭頭鮮奶$32， 一拎上手朋友就已經話杯飲品好重身聚手喎。 如圖所示杯內有滿滿嘅芋泥， 飲咗一啖朋友不禁講一聲杯嘢好奶好好飲啊! 可惜為咗衛生我冇試到，只能靠朋友口述。下次我一定要飲呢一杯!

位於尖沙咀樂道既花斑茶社🌸處身於街邊太多人與車既繁忙鬧市🙇🏻‍♂️黎到充滿台風氣息既小飲品店拎住一杯自己心水既茶飲🥛飲住野聽住歌沉醉一番☺️享受花茶中的心思☺️🍵芝士奶蓋名間四季春來自台灣的名間四季春，鮮甜爽口，茶味輕盈，感覺清新！奶蓋質地不會太濃稠，採用澳洲奶油乳酪，芝味無窮🧀可可鮮奶使用日本明治3.6鮮奶，可以選配脫脂牛奶🥛加入頂級可可粉，口感順滑，朱古力味道香濃，好好味！😝🍫

近排疫情底下甚少周圍飲飲食食😓好耐都無約班朋友出黎聚舊🤔今日終於夾啱時間聚下食完晚飯忽然間又頸喝🤤🤣行到位於尖沙咀樂道見到開咗間打正旗號屬於「香港品牌」🇭🇰嘅台飲店😍😍採用材料都係以台灣入口🇹🇼好耐都無飲過台茶😍間鐘一杯無仿#白桃烏龍今次我就飲店員推介嘅白桃烏龍😋好多粒粒白桃果肉🍑鮮甜度適中配以醇厚嘅烏龍茶底😱真係好夾👍🏻👍🏻👍🏻可以嘅話真係想飲多杯😂😂既解渴又舒暢#宇治抹茶鮮奶我朋友就飲宇治抹茶😄一向飲開抹茶都知採用宇治抹茶粉🍵好夠抹茶濃香回甘味👍🏻而且混合埋4.3特濃鮮奶相當好飲👍🏻啱曬香港人口味招牌黑糖珍珠鮮奶不在話下🥤仲有多款冰茶、烏龍茶、奶茶添🤔咁多選擇真係要返轉頭飲多幾次先得喇

今晚約了班老朋友，去尖沙咀幫朋友慶生日，依家好多Home office，難得出來聚聚，食完飯就買杯手調飲品，可以聚多一會。手調飲品中以台灣最有名，眼見選擇不少，但見到這家有兩間顧客，就選擇試下。今晚天氣涼，試下熱飲黑糖珍珠烏龍奶茶，茶底味濃，奶不會太多，黑糖珍珠夠煙韌，70%甜度剛好。朋友就想飲凍飲，店員推介白桃烏龍，果茶是綠茶夠清新，伴隨一粒粒白桃肉，解渴清甜。下次想試期間限定，岩鹽配珍珠應該幾夾

這天去尖沙咀買點東西，回家前外賣點飲品回家分享。飲品價格正常，我點了白桃烏龍及名間四季春，都是有店家推薦符號的！包裝平實且堅固，沿路回家基本上都沒有特別小心，但還是能安全整齊地把飲品帶回家。白色蓋的是名間四季春，無糖加了蜂蜜珍珠。飲品茶味濃郁，但不會有苦澀味。因為擔心蜂蜜珍珠味道過甜，所以特地點選無糖茶，結果我覺得飲品非常好喝，但選微糖的話，定必會更加滿足！金色蓋的是白桃烏龍，微糖加了寒天。飲品裡頭有點細碎的白桃果肉，飲品果香味重，但相對來說烏龍茶味道不明顯。整體來說，兩杯飲品的味道都是我喜歡的。

近排去開荃灣行街，行激安之前，經過呢間飲品店，覺得佢嘅裝修好靚，於是就決定同朋友去試吓啦，結果果然冇令我地失望，仲要係打卡一流😆😆黑糖珍珠厚鮮奶呢杯飲品嘅配搭好好，珍珠好有咬口，而且黑糖味濃郁，更加唔會過甜，厚鮮奶嘅味道，同樣好濃郁，同黑糖嘅味道覺得夾得啱啱好大甲芋頭鮮奶呢杯飲品簡直係芋頭控嘅至愛，芋頭蓉同樣唔會過甜，而且口感十分好，加埋濃郁嘅鮮奶，令人超滿足，而且芋頭蓉嘅份量多到令人好飽肚，好抵飲

店舖面積不大，但裝修簡潔整齊，menu都放到好大好顯眼易睇。.🍼大甲芋頭鮮奶💲32＋蜂蜜珍珠💲3固定甜度和冰量，但甜度本身都係微甜，所以都好岩我心意😊。鮮奶味香濃，飲落口啖啖芋泥😋，採用台灣大甲芋頭製成，芋頭味香濃，入口順滑，再配埋珍珠煙煙韌韌，口感非常豐富👍🏼。.🍍鳳梨冰紅茶💲24＋寒天💲3（少甜//少冰）超清香既鳳梨果味，紅茶既味道都冇俾佢遮蓋到，兩樣都發揮得好出色👍🏼，寒天波波好有咬口。

之前飲過一次之後…自此就上咗癮，每次經過都好想再飲嘅糖珍珠厚鮮奶……呢期仲有期間限定嘅黑糖珍珠岩鹽厚鮮奶， 既然有新嘢又有我嘅黑糖珍奶份，咁我梗係試下新嘢啦一班同事whatsapp落單，買四送一，仲有九折真係抵到爛呀！！！我嘅黑糖珍珠岩鹽厚鮮奶， 淨係睇個樣都覺得靚呢排但好就嘅關係要拎到去餐廳先可以飲店員再三叮囑任之前要搖勻， 黑糖珍珠起碼佔三分之一杯！！ 珍珠煙韌有黑糖味！連埋鮮奶一齊飲嘅甜味就會被鮮奶中和，更易入口！ 初時又好強嘅岩鹽味，鹹鹹地記得意！ 之後可能飲慣咗就唔係好覺， 鮮奶好滑有奶香~ 真係超級鍾意花斑茶舍調教的味道！！