花斑茶社 (樂道)

营业中

休息中

今晚係尖沙咀同仔仔食完野行街，有d口淡淡，仔仔就成機話，媽咪不如我地買黑糖珍珠鮮奶果d飲啦！成個月冇飲好想飲呀！阿媽錫仔的心態又出來，見你咁講心軟去買返杯來嘆下。仔仔去到急不及代已經下單，一杯黑糖珍珠可可鮮奶， 我媽咪就要黑糖珍珠厚鮮奶，姐姐見佢咁心急就即收錢落單。野飲到手，細心的姐姐提我地一定要搖好先飲如果唔係d 黑糖珍珠會痴住一起的。搖好後仔仔立即吸兩口，好味好味朱古力奶咁，珍珠好彈呀唔痴牙又唔會硬實實。我就習慣慢慢嘆， 飲落鮮奶好滑，甜甜的黑糖溶落奶到，好味，而珍珠真係好Q彈，唔怪得仔仔係咁讚係咁飲，仲話下次來尖沙咀一定要再帶佢來飲喎！

花斑茶社沒想到這杯可可鮮奶做出了漸層效果，上面是可可奶下面就是黑糖紋鮮奶層。黑糖味挺重的。牛奶用上明治鮮奶，質感柔滑又有奶香，配上可可粉就是超濃郁的朱古力味, 珍珠是微暖的溫度，蠻有咬口士多啤利多多士多啤梨多多原來就係用益力多，士多啤梨酸甜味，加上類似「益力多」的乳酸飲品味道。調配出來的味道比例都岩岩好，夏天飲幾正ga.

炎炎夏日，雖然戴住口罩，在街外不能喝飲品，但阻止不了我買外帶回家，之前和朋友光顧過這一間台式外賣飲品店，我對其的印象也不錯，決定再試試其他口味。餐牌叫了宇治抹茶紅豆鮮奶，少糖少冰加珍珠，朋友則點了白桃烏龍加芝士奶蓋和寒天，同樣少糖少冰。兩杯飲品都不會過甜，適合着重健康的朋友。宇治抹茶鮮奶味香濃，喜愛奶類的朋友可以試試啊！我也試了朋友的白桃烏龍，味道清新，不會太甜膩，很refreshing, 推介！果然值得再光顧。

呢排熱到傻左 ，出街忍唔住都會買杯野飲 經過見到好多人排隊，見到呢間花斑茶社，就試下買。好多選擇，樣樣都想試，最後見到好多人都叫呢款，黑糖類就叫左一杯岩鹽黑糖珍珠鮮奶，一杯黑糖珍珠鮮奶。店員話甜度無得調，因為本身就無落糖，我聽到果下勁開心。咁飲左都無咁內疚，再問點解，原來係因為呢間既飲品主要用黑糖珍珠原有既甜味😍感覺好健康😂（修身人常用既自欺欺人概念）不過因為人多，要等下。等果陣留意到佢地裝修，d公仔好得意，都有好多小心思。 另外仲睇到佢原來有良心飯劵，都係好有心既小店。耐心等待期間，見到店中既電視都有報導呢間店既黑糖介紹，仲睇到佢地有為學生打氣。熱既呢杯 ，好滑口 ，珍珠大粒煙韌，滿滿既黑糖味，難怪佢咁有信心唔加糖。 我朋友就話凍呢杯好夠味，黑糖味濃，牛奶味好香，但我唔飲得凍野，無機會試到。不過呢間牛奶真係好滑，可以再encore 。

週五了，一定要買一杯茶，慶祝一下！人生到了今天，終於學會一個道理，就是與自己和解。做自己想做的事情，喝自己愛喝的茶🍵愛自己喜歡的人，走自己要走的路.......大甲芋頭鮮奶，固定冰🧊固定糖$32濃郁的北海道牛乳，補充水分的同時滿滿的蛋白質。最喜歡的是濃郁的芋頭，給了中午所需的飽腹感。喜歡這兩種食材的美味搭配，精緻的女孩子👧都喜歡捧在手裡，甜在心間～.鳳梨🍍多多$26，固定冰🧊少糖上次就想要嘗試了，果然沒有讓我失望，鳳梨的清爽加上溢利多的酸酸甜甜，簡直就是夏天必備單品，還有清淡的白茶作為底味，清爽的同時，層次分明～好像祖馬龍的香水，讓你回味無窮♾...花斑茶社 (尖沙咀)尖沙咀樂道32-34號地舖

夏天熱辣辣嘅天氣真係太辛苦一出到街已經汗流浹背 成日都要周圍買嘢飲😢😢😢😢行過見到呢間飲品店好得意佢入面有隻唔知招財貓定豬仔嘅公仔好盞鬼我點左白桃烏龍茶少甜呢度嘅茶底做得相當唔錯白桃既味道亦都唔會太假飲落去好舒服同埋重點嘅係佢呢度嘅杯真係好得意！淨係望住個杯都覺得開心左😂😂😂😂

今日成31度，帶水出黎都飲晒。熱辣辣做野經過，見到花斑茶社新出左最愛既益力多系列，真係好耐冇邊行邊飲，好懷念冇口罩既日子，即刻入去買本試下。佢地新出呢個益力多系列有4種口味，分別係柳丁多多、草莓多多、鳳梨多多以及綠茶多多。我自己就較鐘意橙味，想試下橙同益力多夾埋會係點。點知飲落好 fresh 好清新，酸酸味味咁，好開胃，益力多既乳酸加埋柳丁既香橙甜味，真係晒岩天氣咁熱既時間飲，平時咁熱都冇晒胃口食野，飲呢個就岩。下次要試埋其他味先得

今天是五月的第一個星期一，天氣忽然變得悶熱，實在很有仲夏的感覺，可能還是很快要打大風。在尖沙咀行一陣商場，很想找一些特別的消暑飲品，所以來到 iSquare 旁邊的樂道花斑茶社。原來這間台式飲品店，已開業一段時間，尖沙咀的總店，還有西環、新蒲崗、北角、荃灣、荔枝角和銅鑼灣， 總共七間分店。經店員熱心專業詳細介紹，原來這間台式飲品店的老闆是在台灣學師回來的， 所以非常堅持用台中的茶葉。而且是用上原片茶葉泡製，味道甘純天然清新。因此我和朋友叫了兩杯飲品。白桃烏龍選擇了少糖少甜。但喝了一口後，白挑的果香味道甜蜜，與烏龍的茶香配恰當，還可以吃到白桃蓉。烏龍茶味香醇，天然秀麗清新。綠茶多多朋友選擇了新出品的綠茶多多，使用上綠茶和益力多混合而成。綠茶味道清翠茶香，碧綠怡人。再混入益力多獨有的酸甜味，清新中帶少特有的酸甜，可口開胃。簡直是消暑的恩物。總體而言，每杯只是二十多元，價錢合理，口味創新。杯上可愛的設計，感覺輕鬆小清新。實在是夏天消暑的好選擇。

最近天氣熱左咁多，行過飲品店都會忍唔住買返杯野飲，同時都係個幫襯黃店既機會係門口已經聞到好香烏龍茶味，比佢既香味吸引到我買左杯黑糖珍珠烏龍奶茶價錢唔算好貴，同一般茶飲鋪差唔多，但佢既茶香就濃好多，等左大約十至十五分鐘到，杯奶茶一出到黎有好靚既黑糖「花斑」，店員教要搖下先飲，搖完mix埋d奶茶之後一飲，唔會死甜，珍珠軟硬適中有黑糖味而且好彈牙，烏龍茶味好出，但唔會搶左奶味，係我飲過mix得最好既烏龍奶茶，以前飲過完全mix完唔夾既烏龍奶茶，所以今次飲到咁高質既真係好意外另外買左杯黑糖珍珠可可鮮奶，一開始可可同鮮奶分層，搖完之後飲其實就係朱古力奶，可可味濃郁，鐘意飲朱古力既朋友會鐘意，同黑糖珍珠都好夾

同小妹食完飯行陣街見口渴，唔認係口痕所以至貢左入去買野飲架。 自己點左杯黑糖珍珠抹茶鮮奶，小妹要黑糖珍珠可可鮮奶仲幫小妹個fd（小妹良心不安跑出黎食飯）買左杯黑糖珍珠烏龍奶茶咁岩學生價可以$18呀～ 雖然唔知小妹同佢個fd杯野點啦～但係我個杯黑糖珍珠抹茶鮮奶可變做my 飛佛。夜晚飲牛奶易訓d仲美顏，香醇的牛奶配上濃郁的抹茶香，唔飽仲有用黑糖煮的q甜珍珠咬下，比得好足料丫～而據小妹所述佢個杯係好濃可可味就算珍珠放左一段時間都好好咬，而野飲即使被冰稀釋都唔會過甜。重點係仲有類似飯卷買比學生，善長仁翁

氣溫上升，意味夏天悄悄來到了。又係冰凍飲品出場的時候了。近幾年潮流興茶店，大大小小，總覺得一條街中梗有兩三間茶舖，各有特色，各有支持者。我不太喜歡珍珠奶茶，鮮奶類，佳因太膩，只是喜歡一些特色清茶款。葡萄柚子冰茶（四季春）茶底採用了四季春，有葡萄的香味，又有柚子的酸，三種味道不會混淆不清，反而配合得恰到好處。白桃烏龍散發出白桃的清甜味道，還有濃濃的鳥龍茶，非常解渴透心涼。為了迎接炎炎夏季，茶飲是少不了啊！

早排同朋友行行下街有啲口渴，所以就同朋友去咗呢間我係荃灣經常都會買既野飲店，今次就叫咗佢哋既芒果綠茶+$3寒天，茶底可以揀四季春或者綠茶💜茶底茶味足夠，竟然食倒芒果肉，感覺好清新又五會太甜，配上爽口寒天，整抔飲品非常有口感🙃下次會叫埋佢地其他飲品試下另一杯叫左黑糖珍珠抹茶鮮奶🤣呢杯個layer好靚，飲落去都五會太甜，大大杯下次珍珠好有口感，這個也推介，這間定期也有做韓星應援大家下次可以試吓😍

收左工 好想去飲杯珍珠奶茶飲 太耐無飲過咁～😣😣 終於抵受唔住去左飲 跟住就去左和你eat 睇下有咩珍珠奶茶店 因為想試下啲未試過既飲料店！ 就見到呢間奶茶店🥰所以就買左杯比自己同男朋友飲啦😂白桃烏龍 $26 +蜂蜜珍珠 $3 （少冰少甜）飲落幾清新 有小小白桃既甜味 而且有小小桃肉蓉 珍珠亦都煙韌 但珍珠不會太甜！茶香味亦都重🥰 唔會比白桃味搶走左😋 店員亦推介唔好叫全糖 如果唔係就會太甜了 所以我都叫左少甜 個甜度岩岩好！😚黑糖珍珠厚鮮奶（岩鹽） $32一拎到上手 最低既黑糖珍珠係暖暖的。🤓 佢地既鮮奶好濃郁😍 好好飲 飲落唔會太甜 因為有少少岩鹽味中和甜 個岩鹽厚鮮奶配黑糖真係好夾🤩 推介！

個名好靚, 花斑茶社~ 黑糖珍珠奶茶 (配烏龍茶)個紋真係個名一樣, 花斑咁~濃厚的黑糖, 又唔會太甜, 搭配甘甘地既烏龍奶茶, 好香滑!再叫左個芒果冰茶(四季春)四季春香氣明顯, 同芒果味既清甜好夾加左D寒天, 好有口感, 卡路里很低, 減肥既時候最岩食!兩杯都叫左微糖, 但絕對唔會淡到無味, 只有真材實料既台式茶飲店, 先會係咁!因為佢地並唔係靠糖水去整個味出黎, 100% recommend

近年台式飲品真係越來越受歡迎, 所以市面上的台式店舖也越開越多。對於鍾意飲台式飲品的我, 這真是一大喜訊。早前經過尖沙咀, 有點口渴, 經過一間叫花斑茶社台式飲品店，就買野飲。我點了熱宇治抹茶紅豆鮮奶.入口幾滑身, 而且帶有淡淡的抹茶味道.紅豆軟硬適中, 而且份量也不少，除了多一份口感外，仲好好味。友人點了黑糖珍珠抹茶鮮奶。珍珠煙煙韌韌, 幾有咬口, 質感唔會太硬.甜度適中, 飲完不會有口喝感覺。入口抹茶味幾出，質感幾幼滑。