花園餐廳 (山東街)

营业中

休息中

開始係度食已經係好耐好耐之前了, 記得最初係去女人街店, 之後也有去花園街店. 這個山東街店反而係比較小去的. 其實係這三間中, 這家係當年來講係最靚同最新的. 當然, 十幾年後的今日係不能同日而語了.又一個星期三晚, 揀了這裡. 坐係卡位, 環境還算不錯的. 揀了兩個餐.晚餐$49: 7分, 要了個是日晚餐: 鐵版帶骨西冷牛扒. 先來的當然係例牌的餐包同埋湯. 依然係那個圓形餐包, 叮了之後係熱辣辣, 係熱到辣手的, 食落口當年的情懷再一次湧出來. 海鮮忌廉湯當然唔會有乜野海鮮, 湯係無乜味道, 又係例牌地落落胡椒去調味.用牛型鐵板上的牛扒, 叫做帶骨西冷牛扒, 出奇的不差, 係有點化學痕跡, 但仲接受到. 加上個鐵版的熱力, 薯條係好吸引的. 但係加飯係要$5, 都係要薯菜比較抵食. 這個鐵版, 依然係這裡令人滿意的選擇.海陸空大餐$65: 4分, 除了包和湯之外, 這個餐係有南中國大虎蝦一隻, 香草燒乳鴿半隻, 同埋肉眼牛扒一件. 配上炒飯. 真係各界都有代表出席. 先講隻大虎蝦, 係幾大的, 但食落口不太新鮮, 文迪驚我敏感, 只讓我吃一口, 其他的由她去吃好了. 香草燒乳鴿半

呢間花園我由FORM4(2004年左右)開始食LUNCH, 當時日日食40蚊鐵板西冷+紅湯+凍華田.真係好抵, 學生仲有9折, 到而家都冇加價但係到左FORM5尾, 開始差左...塊扒細左+硬左所以冇去一排...上年開始食返, 都係差唔多...到今年再去食, 10月~11月開始去啦~嘩!!!好食呀!! 塊扒夠大, 夠林, 又有肉味!!仲正過以前!!推介LUNCH: 鐵板西冷(蒜蓉+黑椒汁兩溝)+紅湯+凍華田大家可以再比機會~

中秋夜，老豆同媽子唔知點解會搵呢間0野食...遲放工，去到旺角，佢地已經食0左一半.....上到去，都係一貫ge煙啦！係d食物ge煙0黎ge，不過，因為樓底唔高，抽氣又唔好，所以成日都煙霧迷漫！看餐牌，我兩位高堂已經勁叫我唔好叫牛，因為佢地果兩客都好難食....唉.....好啦！我果晚都唔係好想食牛，所以叫0左個海鮮餐！餐湯我不要了，因為根本不太餓。個鐵板上喇...有兩塊魚柳、一隻大蝦、一隻青口，仲有薯條同伴菜！見到已經唔想食！除0左隻蝦，全部都加0左脆漿炸到七彩！即係唔新鮮啦！隻蝦已經係較為好d，都食落口都算係咁，但d魚腥到leu都leu唔切！青口又冇青口味，得d炸粉ge少少咸味！薯條俾d汁浸「林」晒，不過，我都食晒，因為碟0野已經冇幾多可以食！最後淨0左兩塊魚(成碟0野ge50%)！餐茶叫了coffee，都係一般咁啦！d service又唔好！d哥哥仔好似好忙咁，但又唔知佢地忙咩！叫佢俾杯水0黎，應0左我，跟住佢又行去放水ge地方，以為佢拎俾我，點知佢唔知做咩，最後都冇拎俾我，企0左一陣，跟住同客人落單！但我要叫0野時，又唔見有人會見到我ga喎！我坐得好入咩? 又唔係呀！咁就盛為$

未試過有這麼差的午餐，兩個人一個要海鮮天使麵，一個要牛扖。天使麵居然可以似是白汁雪蝦燴『米線』？！牛扖也可以做到四成熟血淋淋出來見人﹗﹗要翻叮先可以吃到半件，因為那牛扖多筋到只可吃得半件。真是第一次遇上。點解還會存在的呢？

一路幫襯開銅鑼灣果間分店, 有日過開旺角, 我男朋友話想浪漫啲, 所以去咗旺角呢間花園餐廳幫襯.嘩!!!!!!!!!!!超級唔掂, 千祈唔好幫襯, 免費都唔好去.未試過食飯食得咁鬼谷氣.一入門口, 樓下啲侍應話無晒卡位, 叫我哋上樓上. 上到去有兩位阿叔超唔願意咁擺低個餐牌, 對話如下:阿叔(勁無禮貌)問: 食咩啊?天使: 唔該要一個鐵板西冷牛扒晚餐+ 一份鐵板雞扒阿叔: 無晚餐喎?天使: 唔係喎, 我哋喺門口見到有喎!阿叔: 無啊! 停咗!天使: 吓!阿叔(大聲問樓下): 係唔係有返晚餐啊?樓下侍應: 係啊!阿叔: 咁要咩湯啊?天使: 紅, 白各一啊, 唔該!隔咗五分鐘咗, 上咗兩客帶微曖0既湯, 因為太肚餓0既關係, 飲咗一半.過多十分鐘, 上咗分兩份鐵板. 講真, 啲鐵板都ok.但最谷氣係後來嗌咗杯熱檸水, 杯嘢浮咗成層油喺面, 唔知係隻杯唔乾淨, 定啲檸檬無洗, 總之總衰過啲洗碗水, 跟住我哋叫咗個後生啲0既侍應過嚟, 個經理見到, 走埋嚟話換過杯俾我哋, 但其實我係想叫佢換熱奶茶, 心諗算喇! 點知第二杯嚟到好似無咩分別, 個經理至話係咁架, 無得再換喇!好想投訴個經理啲態度

lunch 同同事經過花園門口, 見到有焗yin yung 飯既餐,好吸引就進去... 我地入去已經12:30pm.. 餐牌寫12:45pm 前結帳, $25(不過無寫12:45pm 後要幾多錢)不過們仲可以落單. ^^.. 叫了芝士肉醬+ 石班意粉.芝士肉醬好好味, 很特別的. 石班也很大塊..^^.. 叫凍飲也不用加錢, 不收加一. 很低..

同班friend玩完出到旺角食晚飯。我叫左個晚餐1)鐵板豬扒拼魚扒。豬扒--> 好硬魚扒--> 好腥因為肚餓ge關係，十分鐘KO左佢。價錢$49，加一。下次都係去快餐店食鐵板。

旺角花園餐廳我由細食大.一早以經知道好唔掂!(一班元老退休之後)我係旺角住. 對佢有感情.(遲遲都唔落筆)令日變成咁真係無話可說.旺角第一間被我拜拜嘅 餐廳!以上各式各樣嘅 劣評都係真人真事!永別了! 旺角山東街花園餐廳!

我今日同班同事放工去旺角食飯.本來考慮上一樓間新野(什麼cafe)試下.但係見老字號.又咁大規模.就上左二樓食花園.一上到去.就好似街市咁.好亂.D人講野又大聲.環境一般.服務方面.D侍應趕頭趕命.又惡又無禮貌.叫佢加水都黑面.轉個頭又同第二D侍應有講有笑.中間插入唔少粗口.我地一人點左個SET食.餐湯倒到成個盤都係.個飯賣水準一般.有D馬虎.價錢同其他差唔多.唔算好貴.不過食得唔係好飽.下次如果再去.真係要三思!我D同事話.係LI間'花園'先唔係咁好.其他.都OK!

尋晚同男友黎食個二人套餐：－１．洋蔥湯：似忌廉湯多ｄ，無咩洋蔥味．２．龍蝦沙律：有五片仔龍蝦肉，生果，不錯．３．意大利牛扒：有ｄ靭不過都okey，配菜比較鹹．４．豬頸肉伴雜菜：幾好味，ｄ菜好油．５．黃金海岸蘆薈蜜：配以芒果雪果，飲品味道有點怪．６．柑橘蜜：唔鹹唔甜，好淡．

不論食物和環境不差,價錢算便宜.問題只是服務態度..雖然不是所有仕應都是服務那麼差,我相信某幾個而已.不過都足夠比個喊佢呀!用膳途中,已不斷聽到仕應把杯碟故意大力碰撞的聲音,聊天又夾集住粗口,怒掉餐巾,總之係博抄唔想做個種.總之大家睇完眾人的食評之後,唔好來都唔好試啦!!怕你們又谷住啖氣寫就無謂.

我同兩個fd一齊去食, 我兩個fd叫左5知咩意粉, 而我就叫左牛扒~佢問我地飲咩湯, 紅湯定白湯~可能好多人知咩黎~我5知走去問佢, 佢就話紅湯咪羅宋湯囉* 但另一個waiter聽到我咁問就即刻話我咁stupid>> take order果個仲要講" 我已經忍住笑了, 你5好再引我啦" 好笑嗎?? 5係好覺囉5該||| 之後佢黎錯湯, 我地笑返佢, 佢超5 like, 態度差到加零一~ 拎d刀叉黎都5記得邊個叫過d咩, 岩岩先take, 點可能forget得咁快?? 做事完全5在心, 淨係識得搵人痛腳~下次都5會再去!!~

服務差, 好難食.1行8人,其中1人的晚餐叫了4,5次都唔到, 他們只係催促個白飯, 而個海陸空扖都仍未到,另待應態度極似爛仔咁, 今時今日仲有呢d咁既服務態度真係唔得.

約朋友出街~想食午飯~因為之前去過樓下紅珊瑚所以今次就黎呢間花園餐廳試下但係.....點解紅珊瑚餐廳野食同呢間有8成一樣架...=______=是但~ 當係再食過~ 朋友A&B叫左咩咩意粉~我同朋友C叫左份肉眼牛扒朋友D就叫左個又係有扒午餐(分別可以話只係唔係鐵板上同平少少朋友A&B冇事~ 我主要都唔係想講呢兩個, 總之食得落咁啦我份都冇事, 最多係味道一般咁啦!!!問題黎啦!!!我朋友C同我食一樣但係我地都叫7成熟我份冇事但係佢......居然食到中間發現可能只有2~3成熟﹑近乎生肉根本唔知點食唔知點切肉囉....哇嘩哇, 真係夠哂唔掂~點知有冇菌架所以朋友C即刻唔食住等一陣投訴朋友D呢....同我一樣食開牛扒但係佢覺得d扒味道怪怪地唔係牛騷味之後我試下d味點怪食落....真係我都講唔出到底係咩怪味....話唔定同左d過期野整添="=||||!!!服務態度!!!講真一句, 我明白侍應生平時冇野做一定會行行企企但係....我真係唔多鐘意一面食野一面比侍應企定定望住囉....真係好想問佢：「你又想食??」(當然我冇咁做)我地落單, 超冇禮貌d餐飲黎啦個女侍應住四杯黎好似泰山壓頂咁「放」張

今日同d朋友去食飯某友人唔想食太貴既波士頓~咁就揀左花園餐廳鋸扒啦~入去時都好地地個女waiter都有少少笑容我地上左2樓... 上到去完全冇人指位我地坐邊佢地d檯大部份都係2人位(可併埋)我地見d waiter都完全冇反應算啦自己併埋d檯坐低點知轉過頭其中1個中年阿叔拎幾杯水黎放係檯面個下砰砰聲又用不屑既眼神黎望我地大佬我地係客都唔知佢做乜又冇得罪佢o岩o岩坐低就受氣真係想走!!!之後我地6個人5個叫左鐵板餐同1個飯餐友人A要左神戶牛柳要3成熟但係佢塊牛基本上用眼睇都望到起身7,8成熟= =+ 而且d肉仲好un..友人B既情況都係一樣...友人C叫左個蝴蝶牛柳就比較淋價錢比神戶牛柳平!!我就叫左個串燒帶子牛柳...佢d帶子係炸左不過拎出黎個時表面個炸皮已經淋哂...而且佢個d應該係雪藏帶子冇乜味又冇乜肉係就有成4,5粒不過我寧可要少幾粒要原粒帶子好過$98就咁既餐真係去金鳳好過又平d又好食d總結﹕夜食真係麻麻不過最唔鍾意就係未食就比d waiter眼睥睥望住哂都唔知佢地仲咩!! 好冇禮貌囉!!點都唔會再試!