影片
更多
2007-09-07
24 浏览
一路幫襯開銅鑼灣果間分店, 有日過開旺角, 我男朋友話想浪漫啲, 所以去咗旺角呢間花園餐廳幫襯.嘩!!!!!!!!!!!超級唔掂, 千祈唔好幫襯, 免費都唔好去.未試過食飯食得咁鬼谷氣.一入門口, 樓下啲侍應話無晒卡位, 叫我哋上樓上. 上到去有兩位阿叔超唔願意咁擺低個餐牌, 對話如下:阿叔(勁無禮貌)問: 食咩啊?天使: 唔該要一個鐵板西冷牛扒晚餐+ 一份鐵板雞扒阿叔: 無晚餐喎?天使: 唔係喎, 我哋喺門口見到有喎!阿叔: 無啊! 停咗!天使: 吓!阿叔(大聲問樓下): 係唔係有返晚餐啊?樓下侍應: 係啊!阿叔: 咁要咩湯啊?天使: 紅, 白各一啊, 唔該!隔咗五分鐘咗, 上咗兩客帶微曖0既湯, 因為太肚餓0既關係, 飲咗一半.過多十分鐘, 上咗分兩份鐵板. 講真, 啲鐵板都ok.但最谷氣係後來嗌咗杯熱檸水, 杯嘢浮咗成層油喺面, 唔知係隻杯唔乾淨, 定啲檸檬無洗, 總之總衰過啲洗碗水, 跟住我哋叫咗個後生啲0既侍應過嚟, 個經理見到, 走埋嚟話換過杯俾我哋, 但其實我係想叫佢換熱奶茶, 心諗算喇! 點知第二杯嚟到好似無咩分別, 個經理至話係咁架, 無得再換喇!好想投訴個經理啲態度
嘩!!!!!!!!!!!超級唔掂, 千祈唔好幫襯, 免費都唔好去.
未試過食飯食得咁鬼谷氣.
一入門口, 樓下啲侍應話無晒卡位, 叫我哋上樓上. 上到去有兩位阿叔超唔願意咁擺低個餐牌, 對話如下:
阿叔(勁無禮貌)問: 食咩啊?
天使: 唔該要一個鐵板西冷牛扒晚餐+ 一份鐵板雞扒
阿叔: 無晚餐喎?
天使: 唔係喎, 我哋喺門口見到有喎!
阿叔: 無啊! 停咗!
天使: 吓!
阿叔(大聲問樓下): 係唔係有返晚餐啊?
樓下侍應: 係啊!
阿叔: 咁要咩湯啊?
天使: 紅, 白各一啊, 唔該!
隔咗五分鐘咗, 上咗兩客帶微曖0既湯, 因為太肚餓0既關係, 飲咗一半.
過多十分鐘, 上咗分兩份鐵板. 講真, 啲鐵板都ok.
但最谷氣係後來嗌咗杯熱檸水, 杯嘢浮咗成層油喺面, 唔知係隻杯唔乾淨, 定啲檸檬無洗, 總之總衰過啲洗碗水, 跟住我哋叫咗個後生啲0既侍應過嚟, 個經理見到, 走埋嚟話換過杯俾我哋, 但其實我係想叫佢換熱奶茶, 心諗算喇! 點知第二杯嚟到好似無咩分別, 個經理至話係咁架, 無得再換喇!
好想投訴個經理啲態度, 真想講句<今時今日點可以有咁0既態度?>
张贴