花園餐廳 (山東街)

营业中

休息中

態度好野食好湯同bread 都勁好但餐廳好多人食煙好辛苦呀€~~~~~~~

早兩晚跟友人飯餐，是冕我們4個人，各人要了一個set din. 其中一位友人想跟飯，落單那位年輕侍應好唔好老脾咁講︰轉飯加$5o架！ 之後，各人o既餐都o黎晒，惟獨是飯未上，食o左大半，都未見有飯端上，於是向落單那位侍應說了一聲，點知佢用仲差過落單時o既態度說︰會o黎o架啦，等添啦！我o地差唔多食完時，終於見佢拎碟飯過來，友人好不太情願咁吃了兩匙便嚷埋單走，其實去過咁多間花園，左豉油街跟呢間都算係服務極差o既分店，以後我都係決定去總店。 好，講番食物，我那客紅酒香草牛焗意粉，紅酒味冇乜，但意粉很滑很彈牙，牛大大塊又夠腍；至於友人的肉眼扒和T-骨扒，友人說不錯，但肉味欠奉，西冷扒過韌，至正係個汁喎！

昨晚跟友人dinner，但是去了豉油街的分店。翻開餐\牌，發現少了很多款式，往時吃到的牛和薯蓉海鮮大會都沒得吃，於是局住叫了咖喱石斑(跟薄餅)和芝士薯蓉焗帶子。 味道普通，咖喱要了中辣，但一點都不辣，石斑好薄好細塊，反而薄餅有驚喜，烤得幾香，邊皮像薄脆般可口，不錯；薯蓉帶子的薯蓉都幾口，也沒甚芝士味，帶子細細粒，還有朕雪藏味，唔得。 還想講一講這間分店的服務態度奇差，喊埋單後便立即收晒所有東西，想飲多啖水都唔得，最差係叫定下一檯o既客人企我隔離等，唯恐你會賴死唔走，真係離譜！

尋晚同朋友去花園餐廳食晚飯, 係0係pizza hut斜對面0個間~佢叫了磨姑雞皇飯$45 唔包湯唔包飲0野, 我叫了大蝦拼鑊仔牛柳$65, 包湯包飲0野,若跟飯或意粉, 要另加$7~點知, 佢個磨姑雞皇飯, 得小小, 一碗飯都無, 只有半碗仔飯左右, 咁男人之家當然唔夠食啦,不過我都唔好得去邊, 我個餐, 牛柳好少, 得6小件, 佢話餓, 我食得一件, 其他俾哂佢, 我食大蝦, 又俾一半佢, 結果我好餓, 食埋個蝦頭, 佢無食, 個蝦頭霉霉地.........結果我食完1,2個鐘開始肚痛, 佢無...........等我返到屋企食0左4支保濟丸.........值得一讚係, service好好~~~員工好有禮貌~不過, 可惜彌補唔到佢0既缺點~以後都唔幫襯佢呀~

新張期間以八折優惠招徠，原本已是太貴的扒餐，變相加價，而且份量不變。星期一晚跟姐姐、姐男友和男友一行四人來到，兩位男士不約而同點了鐵板牛柳餐，姐要了一客芝士三文魚拼豬扒焗飯，我要了紅酒香草燴牛伴薯蓉。兩位男士說牛柳肉味稍欠，但很嫩，肉質不不韌；姐說芝士味太濃，有點溜，但三文魚和豬扒都煎得香口，焗後因滲了芝士味，很討好，惟飯粒較硬，有點乾；我點的牛真係好味，牛隱隱散出淡淡的紅酒香，但過鹹，要與薯蓉同吃才能中和，但整體來說真的不錯呀！