花園餐廳 (山東街)

营业中

休息中

昨天朋友話想食鐵板据扒, 諗起呢度, 我們8點左右嚟到, 原來對上一次一齊嚟食已經好多年前的事了, 起碼七年前, 餐廳環境沒有甚麼改變, 係餐牌換上新裝, 靚左新左.我們研究一輪後決定叫一個西冷牛扒(紐西蘭)及一個蝴蠂型肉眼牛扒, 大家都飲羅宋湯, 凍檸樂及凍檸七.餐湯餐包好快上,餐湯唔係好夠熱,我鍾意滾的湯,不過都好味,唔會好咸好濃,味道適中, 餐包就夠熱啦,又淋,加些牛油GOOD.主菜來了, 同一樣的鐵板,同一個動件,仕應叫我們拿起張紙巾遮住個身,然後拿住兩款汁俾我們揀,黑椒及蒜蓉, 我們都點黑椒汁,好熟悉的感覺. 急不及待的開動了, 有好多好多汁呀,多到漏出嚟,一點也不慳. 黑椒汁唔算好辣, 有些薯條及小唐菜配菜, 我問朋友使唔使加茄汁,佢話都冇位加.我的蝴蝶肉眼真的係蝴蝶形狀的,幾特別,好淋身, 一切就切得開,好味呀, 好懷念的味道. 試了少少西冷,都幾有質感, 西冷較厚身,肉眼較薄身.可能係佔中的關係,所以都冇咩人的.

我都知道5X蚊有塊牛扒你食,會係咩水準,但係今日同事帶我黎花園食LUNCH,最後都控制唔到自己簡左牛扒食呢塊牛扒已經被鬆肉粉整到口感怪怪,肉質有點膠膠地,又煮到熟過頭,個FEEL好化學.基本上我唔覺得係肉來,份量來講就十分足料,連埋薯條配菜一定食得飽.我只係唔明,點解仲咁多人鐘意食呢類鬆肉扒

係旺角想簡單食上到去,好快有位,因為好大間坐低一路都好好services好有禮貌好有笑容不一樣既花園經驗, haha鐵板來到,即刻有拎住2種醬汁既職員過來幫我地落汁安格斯肉眼配龍蝦安格斯無over cook,唔靭,不過味道唔多夠龍蝦size ok, 不過肉質麻麻, 未夠新鮮,整體味道普通香煎牛扒配蒜香大蝦牛扒juicy惹味, 夠鬆唔靭,亦無鬆過頭, over expectation, ha大蝦好鮮甜! 完全over expectation! 肉質彈牙, 好新鮮! Gd! 

偶爾也會光顧豉油街之花園餐廳，但光顧山東街之花園餐廳還是第一次，今天終有機會比較一下兩店大廚的功力。今次於五時半的下午茶時段(至五時四十五分)光顧，雖然客人不算多，但竟然所有卡位都滿座，店員唯有招待我坐在近中間的非卡位位置。餐牌的下午茶餐選擇頗多，有飯有粉亦有小食的。我一心打算當晚飯吃，於是選擇吃點飯類：有牛筋腩、豬扒、牛扒、雞扒、豬頸肉炒飯一應俱全，今天心血來潮，想吃點咖喱，於是選了咖喱牛筋腩飯，配我最愛的熱擰水。論環境這間在二樓全層，感覺較豉油街的寛敞，店員於此時段有點閒暇交談的空間，餐具有點清洗完的水跡尚待改善。等了約十分鐘上菜，第一個感覺是盛飯的碟很大，相對地顯得飯量有點少(其實不算少)。牛筋腩與飯當然是分開上碟，咖喱牛筋腩賣相顏色屬一流，咖喱汁內的紅油相信是辣椒油，材料份量充足，並沒有因貨就價。坊間的牛筋腩多是牛腩便是全牛腩，牛筋便是全牛筋；但此店的卻不同，每件牛筋腩都有牛腩及牛筋的部份，牛筋比例多不過五成，這樣牛筋腩的整體性高，令人讚賞。牛腩部份不「靭」，應該是與坊間一樣應經過鬆肉處理，否則必會很「靭」；有幾塊牛筋部份卻有點「靭」，較難咀嚼。論肉味及肉質仍然俱佳。咖喱部份屬

今日同女朋友都放假,諗唔到食咩,女友就提意去据扒,佢第一時間就話黎呢度,咁我一定順佢意啦,上左黎,我地想坐卡位,要等左一陣,我地點左一個羊扒,女友就點左一個神戶牛柳,同一個跟餐既焗田螺..女友戈牛柳黎左...好似同普通牛柳冇咩分別,佢話食3成都咁熟...,同埋個田螺,我都知道一定係循環再用,不過D殼爛成咁,好心換下佢啦,味道都係一般,女友既牛柳跟左意粉,佢個意粉真係超乾,又冇汁,又冇味...到我個羊扒了,一D味都冇,好似食緊豬肉咁,真係太失敗,咁出名既食扒餐廳,D扒真係令人好失望...仲有D侍應,企灑係到玩電話,揮手揮左好耐都冇人睇到,好彩有一個四眼哥哥仔係廚房岩岩行出黎望到姐,唔係,都唔知要等幾耐先有人理我地,總言之...我一定唔會再黎食囉!!!

久不久就會去花園餐廳, 因為一向食物質素都OK.不過發覺原來每間花園set lunch價錢都不同, 旺角區最明顯便是銀中及山東街分店.山東街分店歷史較悠久, set lunch 平約兩元, 當然裝修環境等也較差一級.今日set lunch 去了山東街分店, 點個炸魚柳豬扖意粉, 食物上檯後正準備開餐之際... 點解會給客人一把生锈的餐刀??!!這把刀生锈的地方實在太明顯及大範圍, 實在不能接受.當然有換餐刀, 不過另一把也好不到哪裡, 隙縫生锈, 實在有點無何奈何...食物方面, 一般的食物, 但好處是分量足夠及多汁, 魚柳及豬扖都較薄但可以接受.不過睇見把生锈刀相信連大胃王都無甚食慾了.

行完街血併完搵野食喇，好耐無食過花園la今晚dinner set有芝士焗吞拿魚併黑椒牛柳片天使面$63有餐湯蒜容包同餐飲好抵！尼到熱辣辣，好香黑椒味見到d牛柳片個樣馬馬，但食落又吾會太熟喎岩岩好！gooood!

好耐冇食過花園餐廳以前食,可以講得上低食.依家價錢貴左一至兩成,食物質素冇進步仲要退步6成熟既肉眼扒,雖然大件可惜冇牛肉味紅酒焗豬扒飯 豬扒有兩件,可惜都係冇豬味,仲要冇煎過多係冇意思,貴精不貴多呀!!以後都可以遺忘花園餐廳了

:今次去食牛扒，牛扒好差啊，要7成熟的牛扒變成9成熟牛扒，無水凖。沙拉普通平平無奇 D西冷牛扒好硬，好難食啊，又難切開D牛扒唯一好就系有好牛味，有牛肉應有的味道。

夜晚同舊同學睇完畢加索，想揾個地方食個飯坐成晚，即刻就諗到旺角花園。去到已經近9點，仲要等位，好彩好快就有得入座。點了串燒帶子配牛柳、鐵板海鮮和薯蓉焗田螺。焗田螺($30): 己經忘記了田螺怎樣食，第一隻食得好狼狽。味道一般，薯蓉不錯，很幼滑串燒帶子配牛柳($112)；侍應誤寫了肥蝦王配牛柳($108，但卻是意外驚喜。兩隻蝦不算大隻，勝在開了邊，大大塊的感覺很抵，也不用剝殼，不太彈牙，但很鮮味。牛柳份量ok，要了五成熟，非常嫩滑，滿嘴肉汁，牛味也比想像中濃郁，質素超乎想料的好。薯條被蒜蓉汁浸透了，薯味一般，幸好没有炸燶炸硬。鐵板海鮮($112)；非常吸引的組合，好像有石斑+大蝦+帶子+青口和另外一樣。朋友懶剝殼，用大蝦和我交換開邊蝦，大蝦其實是大隻的中蝦，但都比開邊蝦大一號，不太彈牙，鮮味比開邊蝦更佳。石斑只是一般，不過不失。仲有朋友叫左Set Din意粉， $70唔駛， 好經濟。凍飲有d細杯，凍奶茶味道不錯，有茶香。最好的就是我們一直坐到11:40才走，一直没被人趕（其實10:00之後已經少人），的確是吹水的好地方。

星期六的晚上,旺角周圍都是人. 相對來講,這間花園餐廳算是少人等了. 約20分鐘的等候,我們被安排坐窗旁的卡位.很舒適呢.今次點了 海陸空餐 和 芝士焗石斑意粉餐. 餐湯是羅宋湯, 味道不錯. 餐包是一小片法包, 味道OK,略嫌小了一點.主菜 海陸空餐--蝦很彈口,應該是海蝦. 乳鴿味道一般.牛扒OK.芝士焗石斑意粉--芝士太淡了.甘嘅價錢,甘嘅情調,最適合年青情侶.

約左friend 食dinner, 不過因為只食左早餐, 所以4:00 已經好餓... 結果都唔理咁多, 要食個tea 先 本來想去1/f 的alex's, 不過原來已經執左, 咁.... 是但喇, 2/f 喇, 好肚餓呀 !!!入到去, 都幾多位~~ 聞到人地ge炒河, 好香wor~~ 二話不說, 叫一個乾炒牛河先($26)~~ 另外要一個fish and chips ($21)等左一陣, 野食就好hot 咁送到~~ 個牛河好有wok氣, 又大份, 又夠香, 正! 而個fish and chips 就細左一d, 不過炸得好鬆, 又唔油, 又唔過火, 一睇就知冇返炸!!! 仲外脆內滑, 真係唔錯不過.... drink 冇茶走... 不過都好飲ge~~overall, 咁ge 價位, 好抵喇 !!

同朋友心有靈犀, 諗起鋸扒就諗起佢 T骨牛扒餐 - 羅宋湯唔夠濃, 不過都ok, 有d 失望已經唔係跟熱烘烘嘅餐飽, 而係硬咗d 嘅蒜茸飽. 雖然明知食唔晒, 但係已經好耐無食過而order. 個T骨好大, 牛味濃, 可惜筋位多有d 失色, 反而佢另外跟嘅一少塊就好稔.牛油焗田螺 - 牛油香, 田螺焗得啱啱好, 好味, 溝埋薯茸食. 正!

我同朋友倆係旺角行完街, 友人建議去花園餐廳鋸扒 , 我地都叫左份是日晚餐 -- 鐡板肉眼扒 是日晚餐包括 : 白湯 + 蒜蓉包 & 鐡板肉眼扒配薯菜 & 餐飲 肉眼扒好大件又好嫩 , 正!! 可惜蒜蓉汁比較稀唔夠味 另外白湯超水同埋冇咩味 , 飲左幾啖都冇飲 好彩蒜蓉包熱同脆不過都好滿意 , $58 (另加一)有咁既質素 , 唔錯唔錯 !!

My friend and I ordered a steak item each. My mixed grill was a pleasant surprise, with six different types of meat. The beef was amazing; the bacon, luncheon meat and chicken wing were fine; sadly, the pork chop was too tough to enjoy so was abandoned half way through. However, a nice surprise was the greens hiding beneath all the meat - didn't expect more than a token piece of vegetables.Service, however, was lacking. Placing the order was easy enough, but trying to attract a single waiter