花園餐廳 (山東街)

营业中

休息中

已經好耐冇o黎哩度食飯喇。星期六夜晚八點幾o黎食飯,冇咩人,唔駛等位。三個人都係食鐵板餐,但係居然冇比餐巾遮住啲油煙,只係用紙巾!!!!!我食o既龍蝦雞扒餐都不過不失,龍蝦都幾有肉,但係件雞扒就好細件,我係女仔都唔係好夠。維苑好過佢。侍應自動問你要咩餐飲,唔駛兩分鐘o野飲就到,超快。但係侍應冇咩笑容。

今日去左食下午茶,估唔到星期六都有下午茶餐.價錢都好平,只係$21元. 食左個雞翼同薯條. 都OK啦.但係D環境好舊,不是太好.

今日同個好耐無見既friend出去食飯...諗諗下食過咁多間花園都係呢間最似樣...入到去...比其他分店靚'我個friend有份幫佢裝修'...今次食個紐西蘭A級肉眼扒...黎到睇到...嘩!!!肉眼有肥膏...第一次見...可能我見識少啦...食落...好油膩...食剩五分一到...頂唔順...飲埋杯野吹多陣水就走了...希望係今次唔知點解水準下降啦...下次希望好D啦!

琴晚同朋友仔出街食晚飯突然好想食西餐朋友仔建議黎呢度叫左個羊仔扒($69),牛仔肉扒($78)default會跟薯菜跟飯就加5蚊先黎餐湯同蒜茸多士羅宋湯較忌廉湯好起碼多料又夠味忌廉湯似水溝多d又無乜味蒜茸多士有驚喜夠香又脆仲熱熱地另送左個有八爪魚既薯仔沙津份量少少地又幾好味主菜兩個都用鐵板上羊仔扒有三大件但肥肉同骨都多所以都可以話無乜肉食牛仔肉扒大大件無錯係七成熟中間仍然有d血水保留左肉汁唔韌但個面煎得有d乾仲要食完個鐵板底好多油佢有蒜蓉汁同黑椒汁俾你揀個人覺得兩個汁都較稀同淡味飯又唔熱overall食味同服務都只屬一般以呢個價錢我覺得唔多抵囉朋友仔話黎呢度都只係因為坐得較舒服咋我想我無下次囉

去食了個晚餐,個feel夠懷舊!點了2個餐:1.大蝦雞扒餐隻蝦好好味又大隻.雞扒大件ok.2.set dinner牛扒餐不過d味唔多慣.3.法式焗田縲正!!我最喜歡的食物之一.但最緊要係食後唔會口渴,我最驚多味精的食物,service ok啦,夠快.我想我會再幫襯woh!

同兩位朋友去食,三個叫埋同一個套餐，雜扒餐.....同其他食家感覺一樣, 上菜好快。服務好有效率。不過d野食就認真麻麻。雜扒加黑椒汁，個汁好濃，好『結』，好油。d薯條好『林』，塊扒幾似梅梅地。Bad~~個湯.........溝水.......God....一個餐49蚊.....唔抵。下次咪攪。

去完銀行中心買左個澳門ｐａｃｋａｇｅ，都8點鐘lu又夠鐘食飯。行雲幾條街，都唔知食乜好，朋友依頭話要平平地，0個頭又話想去据扒（汗），所以佢選左黎呢度～我就第一次黎呢度食野，入到黎內部環境畀我既感覺就好懷舊，好似我上次去太子個間大興餐廳（第尾牛扒）一樣。我叫左個晚餐－Ｔ骨牛扒餐，蒜蓉汁（跟意粉，紅湯，凍檸茶）＄４９朋友就要左大蝦雞扒餐，蒜蓉汁（跟薯菜，白湯，凍檸茶）＄６８餐包和湯好快趣就有，味道一般。扒餐就等左陣，一黎到見２碟既份量都係超大，一睇就知實食唔哂＞＜估唔到咁大塊咁厚既牛扒都可以整到咁軟熟，好易切開，咬落一ｄ都唔‘ｕｎ’，唔錯啵～（至少比第尾牛扒好食好多＠＠）ｄ汁入哂薯條樹好鬼正＾ｏ＾那個大蝦最好食！雖然唔係好大隻．．．雞扒就一般。服務．．．麻麻啦，不過冇第尾個ｄ咁串，可能佢地唔多出聲ｊｕｓｔ做野啦＾＾;

一入去就一大陣味...攪到食完之後成身都係味!!之前同朋友o係太子果間食過一次，以咁平既價錢，都算ok架喇。但今次去咗旺角果間，真係勁差!o的waiter好冇禮貌，服務態度惡劣。至於o的食物...d湯就勁咸，塊扒又冇味，o的薯條呢又淋又涷....我學校間canteen好食過佢多多聲!仲唔洗咁既價錢tim!一句講哂....呢間野...life time bannned!

不凍+沒有沙律醬(竟是一大pat cream,oh!god)+兩舊不大新鮮的西瓜及大半個切片蘋果=$49大元的"鮮果沙律"(非常肉赤兼無話可說)看見朋友及其他食客吃扒餐狀甚滿足,似乎除吃扒外,其他都物非所值。只怪自己無無謂謂,貪這裏有餐廳feel吧!

昨晚去試吃這間分店，看見餐牌有"神戶牛柳餐"，於是叫來吃吃。只點了5成熟，竟然都會"鞋"口。可能是將價就貨吧！$98元一個和牛餐，可能就是這樣的呢～<w<"真的是和牛嗎? 相信就算是都是最差的部位嗎？小妹奉勸大家最好不要點來試試，"鞋"口之餘肉質又un。可是男朋友吃的"羊扖餐"算是不錯了。最後就要說到服務態度，可以說是一般麻麻的。服務人員笑容沒有之餘可以說是沒表情吧！忙到無表情嗎？哈哈～<v<"

星期五晚，來開旺角就上花園餐廳。今次叫雞扒餐，首先來既係餐包，跟住餐湯，再碟上扒餐。餐包都係搽牛油，餐湯叫白湯，都唔錯，扒餐薯條幾有口感，有兩條菜，蕃茄粒都新鮮，雞扒雖然大塊，但味道不夠，而比較欣賞既係焗生蠔，焗完都有海水味，幾好。環境都唔錯，因為坐卡位，向下睇住山東街既行人，邊睇邊食。服務態度普通，無咩特別！

旺角有數間的花園餐廳，但筆者覺得呢間野食較其他既好。這晚叫晚餐B：帶子拼石班配意粉，凍檸茶。餐包幾好，前菜有一杯仔生菜、海哲、小番茄。石班都唔錯，帶子幾好食，唯獨是意粉比較碎，其他食物質素不俗，餐湯也合格。不要忙了這個是平價晚餐，但沒有將貨就價，氣氛也有情調，服務都幾好，洗手間就要走幾步樓梯！冷氣都充足。

熱辣辣嘅包包+羅宋湯，一d都唔油，正！黑椒西冷個黑椒汁好夠味，做得好過北角嗰間

'花園餐廳'，每次經過這家門口也有幫親的衝動~7月8日同男友的周年紀念~ 很久沒有剧扒便趁機來試試^^ 環境唔錯,坐卡位都好乾淨~我們點了兩個$69的扒餐：一個肉眼,一個西冷．餐包夠熱，羅宋湯不錯，男友說味道淡了點，我覺得ok，湯料多d會重正．　　　西冷比肉眼好味（其實兩個都好好食），ｄ黑ｘ汁好香好正．不過份量太小，得一塊牛扒，小小薯菜.食完唔飽．原本$30半打的'法式焗田縲',叫餐的話加$20便有，幾抵，叫了半打，等了十分鐘便有，而且重好好味，食完重想再食！不過不想等所以沒有再點．*要加一啊～*8pm有很多人排隊(星期五的緣故吧)

'花園餐廳'，每次經過這家門口也有幫親的衝動~7月8日同男友的周年紀念~ 很久沒有剧扒便趁機來試試^^ 環境唔錯,坐卡位都好乾淨~ 我們點了兩個$69的扒餐：一個肉眼,一個西冷．餐包夠熱，羅宋湯不錯，男友說味道淡了點，我覺得ok，湯料多d會重正．　　　西冷比肉眼好味（其實兩個都好好食），ｄ黑ｘ汁好香好正．不過份量太小，得一塊牛扒，小小薯菜.食完唔飽． 原本$30半打的'法式焗田縲',叫餐的話加$20便有，幾抵，叫了半打，等了十分鐘便有，而且重好好味，食完重想再食！不過不想等所以沒有再點．*要加一啊～*8pm有很多人排隊(星期五的緣故吧)