芝加哥串燒 (美豐花園) (已結業)

世界盃又開始啦有咩好過出去飲番杯啤酒，同朋友一齊睇波呢！咁即刻喺大埔酒吧街搵返間先！行到轉角位發現有一間有波睇又有串燒食，即刻坐低。生啤happyhour50,正常價都係＄60一杯，抵飲。我哋兩個都肚餓啦所以叫咗都唔少嘢食。燒牛舌同牛肉粒食串燒必叫㗎啦！牛舌燒到外脆內軟，牛肉粒脂香味十足，加埋黑椒香口到不得了！好在每人都叫咗一串，如果唔係都唔知點分！蜜糖燒雞翼簡簡單單，但竟然有驚喜！雞翼上面嘅蜜糖搽的極度仔細，依然保持到雞翼表面香脆，入邊嘅肉又juicy!火候控制得相當好！望吓廚房原來廚師係後生女仔黎，誠意可嘉！海鮮我哋叫咗三文魚頭，芝士虎蝦，燒扇貝。芝士虎蝦燒完之後勁香，殼嘅味道入晒蝦肉入邊，配合惹味嘅芝士，送酒一流！而且蝦肉依然爽彈，食得出既新鮮。扇貝鮮甜，但對比個三文魚頭就失色左！三文魚頭外表好似黑左啲，但入口相當香口，完全冇燶味之餘仲相當惹味，本來唔食魚嘅朋友都食唔停口！差啲就要叫多個！燒茄子完條上賣相已經夠出色，同韭菜一樣，完全唔油！燒蔬菜最驚就成條油冧冧，呢度嘅燒得靚仔又唔多油，孜然粉辣粉落得夠，正！最後嘅焗菇叫嘅時候冇留意，以為又係牛油蒜蓉…原來係芝士忌廉香草汁，忌廉芝士

有時發覺係周圍都有好多嘢食，只係冇留意到所以冇機會品嚐，就呢次去咗食串燒啱晒我口味，又近近地有得食真方便餐牌上除左有串燒食之外，仲有招牌石板燒供應，我當然唔會錯過都叫番個食下先，輪到串燒原來都有好多口味選擇，由海鮮，牛，豬，雞，羊，菜同佐酒，真係唔知食邊樣先我就揀咗一口雪花牛肉串，招牌茄子燒，燒雞泡魚乾食，等咗一陣出來有石板燒係燒羊架配芥茉籽汁配意粉，當然先食件熱辣辣羊架先，燒得啱啱好入口肉質好嫩滑，肉與肉之間又食到香濃脂肪，再點埋芥茉籽汁食得津津有味，一啖意粉一啖肉食得滿足係未食串燒時先點番枝kronenbourg1664飲咁先氣氛，輪到串燒出來先有茄子燒係原條，已聞到香濃配料味道夠晒惹味，茄子肉食落好軟滑，加上蒜香同香蔥提升茄子味道，雖然簡單但食得滋味到另一款係雞泡魚乾，魚乾燒得外脆內軟，入口食到魚嘅鮮甜味道，再飲番啖酒食得滋味，最後唔少得食番串一口雪花牛肉串，就咁已見牛肉肉質好香嫩，真係嗱嗱聲食番件入囗肥美又多汁，食一串都唔夠再點多串先可以滿足食慾估唔到近近地都食到一餐惹味串燒。

太和站呢度真係有好多好嘢食，今日就嚟到呢間串燒店😋位置一啲都唔難搵，雖然喺條細街入面，但都好方便㗎！而且門口棟住兩大塊牌，非常之吸睛，晏晝黎食都有lunch set😋食串燒就梗係要叫杯酒，但因為我哋仲有下場，所以今次就冇叫酒喇。但佢哋嘅酒類飲品選擇都非常之多，足足有成三張menu咁多，有機會一定要嚟試下😎特飲咸檸七 $22 正呀😋左邊係燒鯖魚， 首先個鯖魚燒得非常之香，魚肉唔會好鞋，而且配埋個醬汁食，非常之開胃，冇腥味😍右邊係燒雞扒， 雞扒肉好嫩滑，雞皮燒得好香脆可口😗左邊係蜜糖雞翼， 佢哋嘅蜜糖雞翼真係好蜜糖🤤雖然肉唔多，但勝在蜜糖汁非常之香甜😁右邊係燒菠蘿， 佢哋嘅菠蘿係新鮮切出黎，非常之鮮甜而且燒得啱啱好唔會乾😁左邊係燒茄子😍😍😍右邊係牛油金菇，個金菇如果唔燒咁耐就好喇，因為啲金菇痴住喺張錫紙😂比較難整出嚟食，但係味道非常之香～燒茄子，非常之大條🤣🤣而且燒得啱啱好，可以成條茄子肉起出嚟！正！照燒銀鱈魚係跟飯上，分量唔會好多，但係佢個銀鱈魚真係好juicy，食落有少少油， 加上佢個汁好好味，撈飯食一流😂芝士燒蠔，個蠔味非常之濃郁，夾埋個芝士燒，令到個口感更豐富😛燒完出嚟仲有啲汁可以

今晚迎接世界盃，同好友邊食串燒邊傾下波經邊食邊傾邊隊啤，人生一大樂事燒汁牛仔骨@牛仔骨有少少過熟令肉質變韌，但本身牛味都幾重，味道不太差👍🏻鳳梨燒@由於菠蘿直接去皮燒，部分接觸高温嘅表面有點硬，但係咬落去D汁噴哂出黎，真係好清甜好juicy😋招牌茄子燒@茄子放喺鐵板上燒，一D都唔乾身，保留到茄子肉軟軟嘅口感，而且有陣陣蒜香，非常好吃😋也沒有用太多油去燒，推介推介😍燒羊架@羊架肉質軟嫩，而且有啖啖羊油脂嘅香味😆秘製風味羊肉串@羊肉串調味粉太多，有D掩蓋羊肉原本嘅味道，但係肉質都好嫩口，如果調味粉份量少返少少就更好了😬芝士燒廣島蠔@蠔身大小適中，入口淡淡清新及帶海水味，蠔不帶腥味，加上芝士香濃又軟滑，口感非常好🤤一口和牛串@入口好香牛油味，油膩均衡適中，配上大葱，口感清新，不太油膩👍🏻鹽燒牛舌@牛舌味道濃郁又爽口，加上有少少鹽同檸檬汁來調味，令牛舌嘅味道更加特出食串燒其中一點最令人享受嘅就係可以叫好多唔同嘅食物，每樣都試少少。有佐酒小食如雞泡魚干，有D海鮮，有D肉類，仲有D蔬菜如焗雜菌，加埋啤酒😂既解膩又冰涼。食咗咁多野都唔使$500，價錢便宜但又唔馬虎，呢度絕對係同朋友相聚嘅好地方

同事突然想食串燒，所以我哋今晚放咗工就嚟呢間 「芝加哥串燒酒場」食飯。平時少飲酒嘅我， 叫咗支Apple Cider 飲吓先， 食串燒， 緊係要 啤啤佢嘅， 容易入口， 有少少甜味同蘋果香味。 《一口和牛 $42》雖然有少少貴，但係真係好Juicy，牛肉味十足，加上適當嘅調味， 好鬼正！ 《鹽燒牛舌 $29》 牛舌厚度適中， 咬落脆囗彈牙， 啖啖肉好滿足，必食推介！《鳯梨燒$18》燒菠蘿超好食， 又甜又多汁， 香味十足！，《招牌茄子燒 $30》原條茄子，十分誇張， 份量超大， 加咗大量蒜蓉同蔥花， 味道特別惹味， 仲香噴噴𠻹！ 《燒雞翼翅包飯 $18》外皮燒得香脆， 雞肉啖啖肉， 仲要無骨㗎， 雞翼裡面釀咗飯， 口感豐富。 《香蔥燒半殼扇貝 $39/2pc》扇貝肥美鮮甜， 鮮味十足， 食多幾隻都唔怕， 好味， Encore ! 除了串燒外仲有《招牌石頭飯 》 ， 叫咗個《原條蒲燒鰻魚 $78》， 原條鰻魚上枱夠霸氣， 真係原汁原味， 好正！ 仲有個心型飯上枱， 真係有心思， 靚靚！

今晚與相識廿載的好友相約把酒談心。自問酒量淺的我，其實只可以飲少量酒精成份的飲品。其實，現今有什麼好地方，可以飲酒之餘，又有食物可以飽肚外，更可以讓朋友間傾談?四處打探之下，發現原來在太和火車站不遠處的美豐花園地下，有一間隱世的食店。這間店鋪不是開設在大街大巷，遠離塵囂，在盛世中有一處自成一角的好地方。這一晚，我們二人，一共點了十種食品。當中最特別的，要算是燒雞泡魚乾。以往曾在其他地方吃的雞泡魚乾都比較乾身，但這裏不同的是加添了自家的醬汁，一啖咬落去，juicy 之餘，亦保留了雞泡魚乾的原味，用來送酒簡直是“無得輸"。另一樣我最欣賞的，是一口和牛串，牛肉切成方型粒狀，一串四粒，一粒一口，牛肉的質地相當嫩滑，充滿肉汁，入口的感覺簡直不能用筆墨所珍容。非親身體驗過都難以明白當中的滋味。其招牌燒茄子，茄子上加上特別的香料，燒得外香內嫩，沒有流失茄子中的水份，可見功夫了得之處。最後，要encore 的是燒菠蘿，菠蘿甜度恰到好處，小小一件，在餐中間或最後吃上幾件，為之前的美食餘韻，添上幾度層次。雖然這是一間小小的店鋪，但今晚工作的職員，每一個都好友善，悉心和顧客講解，又會與顧客傾談食物的質素，可

燒烤為主打，似是日本嘅居酒屋， 賣既酒類有啤酒， 果酒及威士忌！點菜紙上有多款品種選擇。裝潢企理簡單佈滿酒樽擺設有心思。而室內外座位，感覺很優閒，跟三五知己最為適合。幸好我們早點到不用等位。而選擇困難可選擇set dinner, 我們點銀雪魚配飯 - 魚肉很滑，每口都似魚腩位置，魚肉不易碎。非常推介！蒲燒鰻魚 HKD 68 （原條）鰻魚是原條上，魚身很肥美，即使邊位也似魚腩位！ 醬汁甜甜地， 口感好豐富 充滿omega-3唷！ 燒雞泡魚乾 HKD 58 （一塊）餐廳剪成條狀，醬另上！ 咬下去煙韌、鹹鹹地，最為適合送酒用啦！ （加上醬汁後，就沒有了雞泡魚味道）香蔥燒半殻扇貝 HKD 39 共有2隻，燒過的扇貝特別香！很容易離殻，咬下去又鮮甜！加上蒜蓉就更完美！燒半架 HKD 33 (1份）到我的至愛 「羊架配孜然粉」了，這個蠻大隻，肉部位很多，有小許蘇味、越咬越有羊味溢出來、肉質quality 不錯！一口和牛串 HKD 42 (一串） 一口雪花牛肉串 HKD 24 (一串） 肉質好鬆軟 兩者也juicy，和牛串有蔥花特別香口，而雪花牛脂肪比例較高所以油香取方面出色鹽燒雞翼 HKD 20

又到左Happy Friday! 🌞放工懷著愉快又放鬆既心情同個朋友去左大埔一間串燒酒場傾下計happy 下。呢間餐廳不算大間，可選擇坐外面。落完一場大雨後，天氣好清涼又舒服。坐出面都幾有feel.話明酒場，點少得酒！餐廳周圍都放滿了唔同既威士忌。happy hour 叫杯大大杯既 黑啤！抵呀！飲住杯凍冰冰既黑啤🍺串燒一樣一樣咁黎，一路傾下計，好寫意！😊先來一碟： 炭燒西冷牛扒 🐂肉質不會燒到好乾，亦保持到嫩肉口感！配有醋，沾少少更能調出牛的鮮味！👍 好鐘意食燒韮菜！食落有好多水份！！燒一燒更能帶出韮菜既香味，落了少少辣粉調味。更好味！燒羊架🐐羊架燒過，表面有點脆身，咬落嫩肉香滑。而且不會好大陣羊羶味。燒秋刀魚🐟個人就覺得秋刀魚有一種獨有既味，係要燒過先最好味。呢個都燒得幾好，外皮燒到有乾又脆身。加d檸檬汁更香！芝士燒廣島蠔！呢個真係好好味！推薦😍大大隻生蠔，連埋芝士一齊燒。食落好 juicy! 而且生蠔新鮮有陣海水味！😋正呀！芝士燒虎蝦🦐大大隻，仲拆開埋。方便容昜食！😊香葱燒扇貝,燒到好香。扇貝好多汁，食落鮮味又飽滿！玉子燒🥚🥚🥚甜甜的玉子燒。好yummy!燒雞翅包飯，雞翼拆骨，放滿

餐廳喺太和翠樂街安基司幼稚園對面，係一間小店，店內大約可坐10人，店外亦都有座位。圖文並茂嘅點餐紙：串燒最平十幾蚊就有一串，而肉類串燒基本上廿幾蚊有交易。價錢比一般嘅串燒店平至少三成。【1664$33】食串燒點少得啤酒。叫咗支法國可倫堡1664啤酒，味道清爽味甜又帶麥香，易入口又透心涼，天時暑熱就啱晒。【燒黑豚肉配蜜燒汁$43】係用鐵板上燒好咗嘅黑豚肉扒，豬扒較薄不過都算大塊，肉質軟腍味道亦不錯，如果蜜燒汁多啲就最好。餐可跟飯或意粉同埋加$5有熱飲，$8有凍飲。【鹽燒雞翼$20】、【蜜糖雞翼$20】雞翼肉質嫩滑，我覺得蜜糖雞翼比較好食，雞翼皮嘅油香配蜜糖嘅甜蜜味道好夾。鹽燒雞翼就可以再鹹啲啲就更惹味。【芝士雞肉串$20】、【芝士牛肉串$27】芝士雞肉完全結合。雞肉嫩滑juicy，烤出微微碳燒香味，半溶芝士亦嫩滑兼味香濃，到最尾我仲encore左一串，真係必食推介。芝士牛肉串都相當不錯，不過我就覺得芝士同雞肉夾啲～【粟米燒$28】原條粟米切開上，粟米本身都夠鮮甜，不過味道就寡咗少少，我覺得可以加日式燒汁或蒜蓉牛油燒出嚟更香更惹味。【一口雪花牛肉串$24】以為$24都唔會係咩靚牛，但食落都

今日想同朋友坐低慢慢傾計談心🍻, 所以呢就要搵間可以坐得耐喇又有嘢食嘅地方 飲酒最正都係配串燒食，呢間串燒店有好多唔同種類嘅酒，例如：啤酒🍻，日本酒🥃🍶，手工啤酒等等。想飲非酒精都有氣水，咖啡，同埋有隻可樂加咖啡。 至於串燒，燒物，真係非常之多，豬牛羊雞魚海鮮咩都有，有啲仲係一個set配飯或意粉。不過今日係把酒談心日，我地專於揀燒物食，無叫飯😋。先黎第一串係一口和牛串，一咬落去已經爆哂牛肉汁😻，好腍，外面燒得微微脆口，超正。之後一次過上左4樣，牛舌，一口雪花牛肉串，秘製風味羊肉串同埋羊架。💖牛舌係我最愛💖，呢兩串牛舌食緊時我已準備encore， 佢燒得皮脆，剛好，唔會過火；入面肉質有咬口，好爽，重點無筋。調味料只是輕量已經好香，好入味。雪花肥牛串 ，因為有啲脂肪一齊燒🔥 ，入口好滑，好香牛嘅脂肪味。秘製風味羊肉串落左好多特製嘅味粉，非常惹味，亦帶到羊肉嘅鮮味出來，送酒一流。羊架就唔洗講，睇都睇到啖啖肉，又係好juicy。招牌茄子燒🍆🍆🍆呢個茄子燒認真份量十足，除左茄子夠大條外，上面蔥花同蒜頭都超爆多🤪。最細心係用鐵板上，你諗下咁大條茄子邊會咁快食完，但時間耐左會凍就唔好食，鐵板可以k

位於大埔翠樂街11號美豐花園地下的芝加哥串燒酒場，主打頗高質的串燒。餐廳的營業時間至凌晨二時，客人可以在週末晚上和朋友飲飲啤酒，吃吃串燒，串燒的份量也頗大份，性價比高。客人可以選擇坐在室內或室外的位置。門口的餐牌就展示了特式鐵板飯套餐，比單點菜色更抵食。套餐包餐前小吃，及可選飯或意粉，也可加配飲品。室內的位置可享受空調，炎炎夏日頗為舒適，而且電視播著流行音樂。除了可以點生力黑啤或麒麟啤酒，也可點一些無酒精飲品。點了一客海鹽柚子樂可口可樂特飲，約幾分鐘後飲品便來到了。特飲的味道頗新鮮感，首先是嘗到海鹽的微鹹味，接著便感受到可樂和柚子的甜味，味道解渴，個人頗喜愛。香草芝士焗雜菌來到了，當中包括金菇、雞脾菇和蘑菇。雜菌的份量很多，而且芝士份量也充足，香味四溢。燒牛扒配黑椒汁來到了，上桌時聲音滋滋聲，十分吸引，還有不少雜菜。原條蒲燒鰻魚來到了，賣相十分吸引，鰻魚燒得頗香口，日本醬汁甜甜的，切成一口一件，頗有嚼勁。總括來說，串燒的味道頗不錯，而且款式也很多，抵食又大份。

TGIF 又係時候同朋友互相訴苦既日子今次選擇左位於大埔同太和之間既串燒店❤️食下串燒飲下酒傾下計 係好爽既事呀🤪環境好舒服，有部電視可以聽下歌睇下mv 👍🏼👍🏼店內設計好有日本既風格 放滿洒瓶😍有肉類、蔬菜肉、海鮮類..都有好多款食物可以選擇話明係酒場點會無酒呢！有ᴡʜɪsᴋᴇʏ、手工啤、saᴋᴇ同啤酒🍻同呢個Y朋友食飯，飲酒是指定動作🥃見到ᴍᴇɴᴜ有響，想都不用想馬上叫來飲～🤤小胖子想飲響好耐啦🤩👉🏼響 (1杯$93)▪︎香港人喜歡的ᴡʜɪsᴋʏ 不得不提“響”💕好容易入口，味道甘甜，濃烈的酒香味💕店員見到我咁興奮，仲拎左支響俾我影下相🤩真係好開心👯‍♀️👯‍♀️👉🏼芝士燒焗蠔 $25 1隻係大大隻廣島蠔上佈滿了我最愛的芝士，將芝士燒到溶溶地。芝士無掩蓋蠔既海水鮮味，肉質仲好肥美同多汁👉🏼蒜香芝士燒虎蝦 $48虎蝦也是大大隻的～將蝦開邊切一半放上濃濃的芝士同落左d蒜～蝦好彈牙！👉🏼香蔥燒半殻扇貝 $39 2隻有好多蔥粒係上面，鮮味夠又多汁😚👉🏼鹽燒雞皮 $11原本對燒雞皮無咩好感，覺得太肥了！但朋友想食所以叫😂，係朋友極力推薦下就試左🤩好脆卜卜💕好似食緊薯片咁👍🏼👉🏼一口雪花牛肉串$24

有時候一個地方有個小酒吧，入面有唔同野食嗌，可以入好耐傾吓計都幾好架可以比住喺同區嘅朋友仔，又或者放咗學同啲朋友一齊，有一個近近地嘅地方聚埋一齊食吓野飲吓野傾計今次嚟到呢度傾吓計又等吓啲食物，都差不多喺度逗留咗2個鐘雞骨腸燒翠肉瓜咬落去好juicy，有啲瓜汁喺嘴入面爆出嚟燒原條茄子燒雞涼拌小菜好開胃，燒扇貝只係用咗啲蔥去提升味道嘅層次，已經好好食，食得出扇貝嘅鮮味燒玉子對蛋完全0抗拒嘅我，一見到玉子就叫，嚟到發現佢同日本嘅玉子燒冇咩大分別焗雜菌好濃嘅牛油味、菇味，遠處已經覺得好香燒雞軟骨燒魚雞翼釀較子

今晚同老公撐枱腳，去左大埔芝加哥食串燒，依間串燒店，之前朋友食過，話幾抵食，於是今日就試下。店舖入面唔係好大，可容納10-12人，門口亦有枱座，另外，餐牌款式很多，又有海鮮、又有肉類我地order燒蠔、燒蝦、其他串燒，老公order左啤酒啤一啤芝士燒生蠔$125/6隻，唔算太貴，芝士濃，幾好食燒雞翅包飯，內有飯幾特別配少少辣粉，好味蜜汁燒黑豚肉$38/件，燒完出嚟好多汁，唔乾，肉質鮮嫩雞扒同豚肉一樣好味，但我覺得黑豚肉好食d燒九菜，鹹鹹地，幾好食，燒得好香。芝士燒蝦，蝦新鮮，燒得啱啱好，唔錯好耐未試過好似今晚啤一啤，咁relax~~

呢間串燒店，店舖細細但好有氣氛，因為現場提供大量串燒選擇同酒類揀。店內大約有10個位置左右，屬於比較細，但居酒屋又何需大呢？有一個可以坐得舒服既位，就足夠了現場個個都有叫酒飲，小妹雖然唔好酒，但被氣氛感染下，都叫左枝黑啤小妹叫了大約 10款串燒、燒蠔、燒蝦等等。全部即叫即燒，不過可能小妹坐門口位，好快被吹凍哂D野食率先上場有燒蠔，蠔既煮法有2種，所以叫了餐廳2款煮法各半，就可以2款都試。煮法有2款，分別係芝士焗同用蔥燒，小妹比較喜歡用蔥燒，能夠帶出鮮味芝士燒蝦就燒得比較乾而芝士味都不是很濃，如果芝士面頭再多加燒一燒，增加一陣燒香味，可能更吸引扇貝肉質爽口，食落幾新鮮，燒得岩岩好又有水分，不過海鮮都係襯熱食好，凍左感覺就會差少少燒茄子相信係BBQ或者食串燒時必食，呢到既燒茄子，原條上並且用埋熱板保溫，當夾茄子既時候，一束束咁食，真係幾爽，好彩又唔太咸要數小妹最鐘意既係牛舌！！牛舌切到一定厚度，食落爽口又唔乾。調味料落既份量岩岩好，小妹食哂2串，都覺得仲唔夠喉如果各位係大埔想同朋友搵個地方坐下、食下野、飲下野，不妨試下呢間芝加要哥串燒居酒居喇