芝加哥串燒 (美豐花園) (已結業)

本來昨天晚上到大埔約朋友食西餐，但經過美豐花園看見這間餐廳人頭擠擠。又不時飄來陣陣燒烤味道，實在難忍。故此，3人行更改行程改吃這間芝加哥串燒！！哇~~~個場旺到呢~~，但味道十分飄香，所以我們等了20分鐘照等。反正站在一旁吹水和流著口水看別人點什麼串燒。等了很久后，終於到我們。我們三個人叫了頗多食物，包括有燒扇貝、燒蠔（十分十分新鮮）。也點了一口牛、黑豚肉、雞扒、雞翅等等（肉食怪，不要見怪）。 每串肉都醃製得很入味，烤得火候控制很好，保留了肉的鮮甜還有肉汁。讚不絕口！！！由於三個都是食肉怪，所以沒點多少蔬菜。只叫了一個燒茄子！但不要看低這個燒茄子，如何燒烤茄子好吃我覺得不比烤肉串容易。這茄子非常非常好吃，極力推介。用的調味料很有街頭風味！太好吃，我們還encore了一次！3個人大概吃了20多串肉+8只蠔和扇貝+飲品 ，平均每人消費$200左右**希望這家店繼續保持足料風格，下次一定再來！！！

同朋友踩完單車到大埔落腳，突然口渴想食串燒飲啤酒，終於就隨便OpenRice搵到呢一間，座位唔算好多，但見到menu有好多種類既串燒，好吸引。室內有好多酒既擺設，仲有手工啤，我就嗌左一樽Dog Days，易口味，飲落好fruity，好岩女仔口味。串燒方面，叫左串牛舌，屬於幾厚身，一串有三塊，有肉汁，好味。雞軟骨就好爽口，燒得岩岩好，唔會燶。另外，芝士牛肉串就一流，絕對無慳料，有半塊芝士熔左係面頭，牛肉都好juicy。最後不得不提就係燒茄子，原條燒，配埋啲辣味粉，食到唔停口。燒蠔都好新鮮，有海水味，同芝士好夾。玉子燒燒到外脆內軟，口感特別，燒汁味好夾。

位置都幾方便，由太和站行黎都唔會好難搵，雖然好多人話食串燒要叫埋酒送，但同朋友仲有下場，下次先喇大大粒既燒帶子，都幾鮮甜，食落都幾juicy。又係好大大隻既芝士燒蝦， 芝士味濃郁，隻蝦夠哂爽口彈牙。燒扇貝， 燒完仲有D汁以飲埋!!夠哂鮮甜。我同朋友都覺得佢哋嘅海鮮都非常之新鮮，唔會有雪味定係腥味。整體嚟講佢哋嘅食物既味道都好啱我地口味，出餐都好快!!而且好有招呼同服務，下次再同班朋友黎啤一啤...

去到大埔探完好姊妹，佢就介紹左我黎芝加哥食串燒，環境清靜，仲有埋波睇，我地唔算太肚餓，所以叫左啤酒同串燒邊食邊飲傾下計。我最鐘意佢地既燒茄子🍆，茄子好入味，唔會太喊！仲燒得好靚仔佢既串燒都好出色，雞泡魚乾真係好好食，送啤酒真係一流，甜甜地又唔會話太乾身！我地食完呢碟都決定要再來一碟呀⋯⋯一口和牛、一口雪花和牛都燒得好好，肉汁鮮嫩！如果佢既玉子係超厚切既話就更完美啦⋯⋯芝士廣島蠔可以轉蔥花燒架！魷魚串燒唔會燒到好老，燒得岩岩好，彈牙爽口！串燒鵪鶉蛋一聽就知特別，原來燒係咁好食架！服務一流，燒物有水準，下次探完好姊妹又可以落黎呢間食喇

喺大埔搜尋有乜嘢好嘢食，經過聞到好香嘅燒烤味道，我哋就急不及待入咗去芝加哥串燒酒場醫肚。餐廳入面差不多滿座，而且晚上天氣都唔算太熱，風吹埋嚟都幾涼快，所以我哋決定坐室外位置。除此之外，揸車人士更可以泊喺馬路旁邊，仲有咪錶位，非常方便。一張餐紙包含晒餐廳所有美食同埋飲品，仲有啲啤酒推廣優惠，首先叫杯熱華田暖下個肚，朋友就叫咗一杯啤酒。首先我們一口氣落咗好多order，而且點食物係以自助形式，在格仔寫上數量再給店員，非常簡單。話咁快玉子燒就到了，食落去玉子燒口感軟綿綿，雞蛋味道濃郁，外皮更有香脆嘅口感。而炭燒雞扒燒得好香，店員仲好體貼將雞扒切件，食落去外皮脆卜卜，非常香口，雞肉肉質鮮嫩。最特別係招牌嘅茄子燒係以原條上，面頭鋪滿蔥花粒，食落去茄子非常入味，一啲都唔鹹，味道剛剛好。特製風味羊肉串媲美內地經常在東門食到嘅羊肉串味道，同樣地非常滋味。除此之外，仲有蒜香芝士燒老虎蝦、鹽燒雞翼同埋鹽燒多春魚等等。食咗咁多肉類落肚，梗係要叫番啲蔬菜清下腸胃，見到香草芝士焗雜菌嘅圖片賣相咁吸引，叫返一客試吓先。驟眼望落去份量都幾多，而且遠處已經聞到好香嘅焗芝士味道，食落去焗雜菌嘅質感好林，同樣地都非常入味

大埔近翠怡花園開咗一間新嘅串燒店，平時經過都聞到好香嘅味道，仲有適逢世界盃入面有大電視睇，我哋就決定坐室外嘅位置。餐牌食物種類繁多，而且圖文並茂，食物圖片非常吸引，所以我哋每一款都叫咗一兩串一齊share食。不得不讚餐廳嘅海鮮燒得好香口之餘，而且非常新鮮嘅味道。當中嘅芝士燒廣島蠔有我手板咁大隻，而且面頭鋪滿厚厚嘅芝士醬汁，燒得非常香，食落去生蠔非常鮮甜。另外我哋一人叫咗一隻燒扇貝，賣相非常吸引，扇貝鋪滿蔥花粒，食落去肉質爽口彈牙。除此之外，仲有燒芝士大蝦🍤，大大隻，好抵食。肉類方面有我最鍾意嘅鹽燒牛舌，牛舌面頭鋪滿黑椒粒，食落去一啲都唔靭，反而肉質幾爽口。仲有玉子燒、鹽燒雞翼、韭菜燒、串燒鵪春蛋同埋燒羊假等等，太多食物不能盡錄，而且串燒可以叫唔同嘅辣度，鍾意食辣嘅朋友必定要光臨。係街邊睇住世界盃，一邊食串燒，當然要叫番杯啤酒飲下，我哋各自叫咗一杯Kirin Ichiban Draught，啤酒好有氣，飲落去簡直身心舒暢。總括而言，同朋友把酒談天嘅好地方莫過於此，所以必定會再encore。

到芝加哥食串燒有幾種唔同辣度可以揀，今日揀左BB辣燒黑豚肉配蜜燒汁意粉 $52，黑豚肉燒到邊位有焦的味覺配上蜜汁甜甜地唔錯，另有露筍、番茄balance返跟黑豚肉意粉配凍檸水 +$6，唔貴我喜歡 Sam Mig Light 配串燒，唔會搶左串燒d 味鹽燒牛舌 $29蘆筍燒 $28鹽燒鯖魚 $29骨付腸 $20燒羊架 $33秘製風味羊肉串 $18香草芝士焗雜菌，芝士拉絲最欣賞鹽燒鯖魚，鯖魚魚皮燒到脆，內部魚肉Juicy，功夫了得有多款啤酒選擇🍻戶外、户內座位大部份串燒有圖畫，方便我點菜

今日收工朋友話想食串燒，記得之前留意過大埔有一間所以我哋就入去食啦，去到之後見到佢座位有出面同入面一入到去就俾佢好多威士忌吸引到真係有好多唔同既酒係到坐低之後就揀食咩喇，因為入到去就聞到好香既串燒味款式都有好多選攝一開始我地就叫左培筋車厘茄卷因為有車厘茄關係，一入口咬好多汁而且又有培筋既香味然後我地再叫左，秘製風味羊肉串，一口雪花牛肉，芝士雞肉串，燒雞翅包飯同埋玉子燒羊肉串既味道岩岩好！唔會話好強烈既騷味雪花牛好林！唔會燒到好un咬唔到芝翅雞肉一入口好濃郁既芝士味，燒到岩岩好雞翼包飯好有飽口既感覺，啖啖肉加埋飯跟住我地繼續叫左燒牛油帆立貝！真係好香好香！一啖將所有配料醬汁連帆立貝入口！燒得真係好好，成口都係香味我地兩個人重係好想繼續食，所以再叫左個燒茄子好多汁好甜朋友見到燒雞皮同雞軟骨就即刻叫左一份雞皮同雞軟骨都好香，好脆口送酒一流所以我地叫左手工啤！我叫左DogDay’s朋友就叫左Angry Orchard Apple Crisp Cider我支DogDay’s 入口果陣有浸花香既味道，而且唔難入口，都好岩女仔飲

作為一個荒蕪之地的太和，近來開了不少新餐廳，包括那有名的德國餐廳在內這家芝加哥比德國餐廳還要遠一點，在美豐花園下面，座位也不多，連同露天座位也不足20個位。這間以串燒為主的店，飯餐只有數個，也是佐以燒物菜單內有得點的東西，加上菜跟飯。不過看先上的雞泡魚乾略帶焦黑，味道甜中帶咸香，口感煙韌有勁。蒜蓉芝士燒虎蝦，惹味無比，芝香非常濃郁，蝦的大小適中，沒有被芝士煙沒，很不錯呢蜜糖雞翼是全晚最正的燒物，皮脆清甜，而且還帶點肉汁，雞翼不易燒喔鹽燒雞排本身不帶很大的雞味，但份量大而且燒得不鞋，雞皮還脆得像薯片！牛舌不算厚，7成熟的牛舌燒得彈牙而不韌，富黑椒香，加少許檸檬汁正好中和油膩感芝士燒廣島蠔六隻，同樣是用烤虎蝦一樣的芝士，廣島蠔非常飽滿，佔的比例有５成，比較放題的蠔屎級別大得多，而且味道很不錯，蠔鮮而味不帶腥，還帶些肉汁，不俗。超長鰻魚＋飯的套餐，鰻魚成尺長！蒲燒鰻魚汁醃得鮮甜亦非常入味，又不會多得蓋過了鰻魚味，美中不足是帶點細骨，但小店來說，要去骨是不太可能吧？茄子燒加了適量孜然粉，蒜頭，蔥，醬油，外皮保持鮮嫰，不會烤得焦焦的不能吃，很不錯～

夜麻麻放工，想食晚餐，但又係時間食宵夜喎，唯有你個晚餐crossover宵夜啦見到呢間串燒酒場，外邊坐住一大班人，啲嘢食應該有返咁上下！再望下門面，別具特色，睇得出老闆有花心思佈置仲有一個小鮮肉侍應，呢啲係咪叫做大飽眼福？佢點餐紙全部都係彩色印刷，唔會得啲文字睇到你心思思，重細心咁附上一支原子筆方便你填寫睇睇下餐牌，原來都有唔少手工啤飲喎！手工俾我哋就冇叫到，反而我朋友就叫咗一支小鮮肉侍應推介嘅啤酒🍻見佢一飲而盡，應該唔係太口渴，而係太好味一利我哋叫咗一個魷魚燒，啲魷魚薄得來好脆口，而且好香，有啲嘢唔係越厚越大件就係好嘅再嚟我哋叫咗個一口番薯燒同埋和牛燒，蝸牛燒真係幾唔錯架，加埋佢啲調味料，食完個口仲有和牛味呢個燒羊假真係唔打唔得，牛肉味香到流晒出嚟，肥瘦都剛剛好，真係食完仲想再叫多一隻呢個玉子燒真係極品，好味到食唔停口，又香又滑，後邊嘅係燒帆立貝，大大粒，一啖一粒呢個燒羊肉串同埋雞軟骨串真係又平又抵食，可惜鹹咗少少，如果冇咁鹹再加返少少香料就真係完美啦食宵夜點可以冇燒茄子同埋燒粟米呢？我朋友一口氣就食咗三舊粟米啦，可想言之佢嘅粟米係笑得幾咁香啦有茄子梗係落足料，你睇下上面幾多蔥，佢嘅

大埔原來有間串燒幾正！店子小小 但食物出色，很有風味！😌😌😌我們order 左 十幾款串燒，燒和牛扒，鰻魚，生蠔、雞翼、燒鯖魚、燒芝士大蝦........ 平均都很好吃，食得出是用心燒的，不是行貨！個人特別推薦招牌茄子燒，味道濃郁、足料、調味配搭一流！實在是必吃！👍🏻另外燒芝士大蝦很大隻、芝士味濃厚！讚！小店價錢合理 CP 值高！一定會回頭！街坊特色小店也很值得支持！💕💕💕💕💕💕💕💕💕

呢排世界盃緊係去酒吧度睇咁先夠氣氛。聽聞呢間網上評價唔錯，就同陳生去試下先燒鯖魚- 燒得唔錯加上檸檬汁，果然係好醒胃。燒帶子- 大大粒帶子燒完仍然保存到鮮甜既味道。燒韭菜-加左調味料上去燒，味道都唔錯呀。燒菠羅-燒得好juicy燒鰻魚- 估唔到咁大條鰻魚，加上醬汁咬落去仲啖啖肉。燒牛肉-牛肉燒得唔太硬燒牛舌-味道都唔差。環境方面-店舖擺放左好多日本whiskey 環境舒服加上電視播緊世界盃真係令人忘記煩囂。

星期五放工約左老友在大埔食飯，行行下見到依間新開串燒bar，店內仲有得睇世界杯🏆真係啱哂我地又想食野又想睇波又有得飲返兩杯嘅要求有套餐，可加意粉，凍熱飲，百零蚊一個人左右，真係經濟實惠但由於我地想慢慢坐係度睇波同樣樣試下，所以我地就散叫首先來個：芝士燒廣島蠔$25/隻，蠔燒得啱啱好，唔會過熟燒牛舌$29，牛舌唔算厚，沒有蘇味碳燒西冷牛扒$48，西冷牛扒夠淋身，易入口蒜香芝士燒虎蝦$48/兩隻，蒜香芝士又香又濃招牌茄子燒$30/原條：依個必試跟著一次來 鹽燒雞冀$20/兩隻 芝士雞串$20/串 一口和牛串$42/串 炭燒豬頸肉$19/串 鹽燒雞皮$11/串 款款都燒得火喉啱啱好除了啤酒外，仲有清酒，雞尾酒，同多種酒類選擇最後點了甜品 鳳梨燒 ，雖然燒到個邊好似燶哂咁，中間其實好淋好甜

今日工人生日，去左屋企附近芝加哥串燒酒場同佢慶祝生日。餐廳細小企理，很有日式風格。餐廳主要是吃日式串燒。我們叫了不同的串燒，燒和牛扒，鰻魚，生蠔等。每樣串燒都很好吃，味道不錯，而且燒得剛剛好，看得出師傅的用心。特別一提的是招牌茄子燒，味道特別濃且多葱多料，我一口氣便吃了整條燒茄子。這個一定必試。另外，燒羊扒也很好吃，平時我唔食羊的，也吃了半塊，沒有騷，調味得很好吃。燒蠔更是好味，新鮮得黎又燒得好好食這是一間良心小店，價錢不貴且食材都很新鮮，希望大家街坊可以支持一下一些地區小店啦💪🏻💪🏻

今日去左朋友屋企附近芝加哥串燒酒場同佢慶祝🎂生日。餐廳細小企理，很有日式風格。餐廳主要是吃日式🍢串燒。我們叫了不同的串燒，燒和🥩牛扒，鰻魚，生蠔等。每樣串燒都很好吃，味道不錯，而且🔥燒得剛剛好，看得出師傅的用心。特別一提的是招牌🍆茄子燒，味道特別濃且多葱多料，我一口氣便吃了整條燒茄子。這個一定必試。另外，燒🐑羊扒也很好吃，平時我唔食羊的，也吃了半塊，沒有騷，調味得很好吃。這是一間良心小店，價錢不貴且食材都很新鮮，希望大家街坊可以支持一下一些地區小店啦💪🏻💪🏻