影片
开饭介绍
在大埔隐世的酒吧餐厅，提供多款酒品，招牌法式保云苏羊架，蒜香榄油炒意粉，炸鱼薯条
继续阅读
营业时间
星期一至五
16:00 - 03:00
星期六至日
14:00 - 03:00
以上资料只供参考，请与餐厅确认详情
相关文章
最近朋友话想食日式串烧，问我边度好，我就真系唔知，于是上网揾下边间高性价比，就揾到大埔呢度有间好似几平，又大份，远就远左少少，但感觉上好似平过市区好多，所以就由锦上路搭巴士过黎试下，一程车就到。LUNCH HOUR黎到已经有好多台客，真系估佢唔到LUNCH都咁多人系度CHILL。由于朋友佢系主力想食串烧，所以都无叫太多其他立杂野。卖相都好靓仔，食指大动~~~同佢合照先~~~我地点左两款酒，一款系Little Creatures Pale Ale 啤酒 $49，味道较苦，唔算易入口，不过食完咸野再饮就清爽好多，去油腻感！另一款系Margarita 鸡尾酒，杯边全部都系盐，我朋友话好钟意好好味好正，但我饮左一啖，哗杯边D盐好多咸到死，D酒又好浓烈，痴线，我睇黎应该饮返汽水算......唔识欣赏。睇返串烧，卖相好好，价钱都唔算贵，所以可以放胆咁叫。先黎介绍下烧日本博多鸡子$29我咁大个仔第一次食鸡子，因为平时无乜机会食，呢度居然有，所以一试！原来烧起好好食，咬开里面好多好似鱼子咁嘅感觉！好香好食！令我爱上左鸡子！猪颈肉$22不过不失，惊喜唔大，正常。日本博多鸡心$33呢串鸡心好好食，好香，但干左少少，可能因为太细粒唔多水份，但$33就感觉好似细份左D，不过日本博多黎嘅，可能真系得咁细粒。车里茄鸡脾肉串$24我觉得呢个鸡肉好好食，好嫩滑，鸡肉味浓，但衰在唔够大串，唔够大满足，真系要一人一串，唔可以SHARE芝士鸡脾肉串$23芝士鸡脾肉呢个就多D鸡肉，SHARE都OK，但芝士味好抢好香，但变左鸡肉味淡左，反而车里茄个配搭食得出多D鸡肉味，真系各有各好。见完唔够喉，再追加左一份烧年糕+烧白鳝烧紫菜年糕$26呢个系我朋友坚持要点，佢个酱油甜甜地，有少少紫菜，食落几惹味。我就觉得麻麻，但佢觉得好黏糯好好味，我食左一啖系OK嘅，但我平时自己唔会考虑呢个单品。盐烧鲜白鳝串$58超好食呀!!!!! 痴线好食到癫左，劲厚肉劲嫩滑多汁，虽然佢好贵58蚊串，但其实我去街市睇过白鳝一条尾都要HK$100，所以成本真系好高，反而可能利润最低系呢个，真系好大串好好食！原来盐烧咁好食，平时多数都系食照烧，因为照烧系用甜酱油，盐烧有另一番味道，好鲜！见到佢有好多款牛串，唔放过都要试一两款！安格斯牛肉露荀串$38牛肉唔厚，露荀好爽脆，几好食，但有少少贵。盐烧牛舌芯$33呢个都有少少厚切，几爽，有盐同黑椒味，味道简单唔复杂，食到好重牛舌香。不过都唔算好JUICY，未够厚，再厚D先可以好JUICY咁锁住肉汁。之后再点左一堆饱肚野睇餐牌见到呢个炸厚切薯片串，咁得意所以点左。$19黎讲系OK，其实好似食紧炸薯角，唔算特别，正常。特浓芝士薯条$98真心我对呢个芝士好唔满意，因为佢只系用左一块卡夫芝士，正常你应该用Mozzarella Cheese，焗完会有拉丝效果同感觉，咬落要有弹牙嘅口感，但佢只系得一片芝士，芝士亦渗唔到落下面底，而且要100蚊一碟，计落其实唔平，Mozzarella Cheese其实都唔系好贵唧，点解唔用Mozzarella Cheese????? 呢个薯条好扣分。最后叫左个饭埋尾，因为佢LUNCH有饭可以点。点左呢款照烧猪扒饭$78，味道系甜酱油烧猪肉，都几好食，够饱肚。整体黎讲，串烧做得出食过小食类，串烧整体都唔错，最惊喜系鸡子+盐烧白鳝，而芝士薯条最令人失望。下次再黎要主打鸡子同白鳝
继续阅读
嚟到呢度一定要试佢啲串烧，种类不单止好多，配合埋佢哋啲酱汁，佢唔会烧到窿，好好可以锁住肉汁，除咗有肉类串烧，更会都有好多蔬菜类型嘅串烧，亦都唔会烧到好油，除此之我都有时都试啲晚市定食例如有啲黑松露饭，黑松露味香浓，份量好大
继续阅读
今日约咗个住太埔嘅朋友吹水，佢介绍嚟到”芝加哥串烧酒场”无谂过6:30pm 左右入座已有几枱，另外跟住一半以上坐位已被人book 左，我哋坐到近7点差唔多爆场，但食饭𠮶日系星期二都咁旺场，确系劲场内坐位约30人左右。墙上面摆放左不少同一牌子嘅酒做装修。冷盘menu 串烧menu 有好多选择，仲可以自选不同辣度1. 左:Kirin Black Currant ($82-Happy Hour) 入口好香嘅黑加仑子味，好适合女士饮用。 右:Kirin Osmanthus ($82-Happy Hour)初初入口似原味，饮多几啖D 桂花味慢慢从口中散发，另一款适合女士饮用嘅啤酒3. XO 酱烧广岛蚝(6只)($188)，蚝好大只，咬落好Juice，加左XO 酱更加带出蚝嘅鲜味4. 原条烧茄子($35)，上枱时香味十足，茄子肉同样juice，加上孜然粉，令人食唔停口第一轮串烧(下至上): 安格斯牛肉露笋串($38)、石烧 Prime 牛小扒(份)($148)、鸡肉软骨串($28)第二轮(左至右): 蒲烧鳗鱼肝($26)、烧阿波美鸡肝($29)、黑糖鸡脾肉串($22)、烧日本博多鸡心($33)、风味烧鸡肾串($18)、羊肉串(23)、盐烧鸡皮(16)。串烧够热，味道亦出色，特别系串蚝、茄子、牛小扒都系必点嘅食物而当晚未知是否人客太多，第二轮食物要一小时才上枱。整体来讲，食物美味，酒场环境适会合朋友、同事一齐吹水的好地方，可以一试再试。
继续阅读
🍽️🍴今个冬天不太冷呀 我都钟意放工食串烧饮啤酒嘅我未到呢一间大埔嘅串烧酒场真系感觉好似返咗屋企咁呀,佢面播住广东歌座位唔多感觉好closey餐牌上面嘅菜式好多 好多款拣总有一样啱你酒精类都好多我梗系钟意饮啤酒啦我点咗个澳洲出嘅beer 🍻🍺🍻little creature ipa同埋apple cider 饮冻饮食串烧真系好正 💗🍚叫咗个饭饱肚啲安格斯牛板腱珍珠饭🥢牛肉🥩🍚 铺满咗 成个 唔该晒仲系珍珠米好好咬口 加咗佢哋𠮶个烧肉汁真系好正 💞🍚蒲烧原条鳗鱼珍珠饭🪱🪱🍚鳗鱼肉 配上珍珠米感觉好日式 大满足 珍珠米好好咬口 鳗鱼烧到好香👌🥓烟肉年糕卷烟肉煎到好香年糕好烟韧 一吋油三条几抵食 真心推介呢个 ❤️🍗烧鸡翅包肉 第一次是 鸡肉好易咬开好淋包住里面嘅肉好香 🍗🌻🦋香葱烧蛏子皇 不嬲都系我嘅最爱98蚊有两只 好弹牙好厚用加上葱蒜嚟烧好正🍺🦪🦪🥢 🦋🦪香葱烧牛壳扇贝两只 烧到好多肉汁好香同埋好新鲜 送啤酒一流 🍺🦋炭烧法国鹅肝 邪恶大好香口嘅烧鹅肝 高级食材嚟呀 一吋有四大嚿鹅肝 香口肥美 满口都系鹅肝嘅油 🦋烧羊架 用香草嚟烧烧到好香 羊肉唔骚好松脆啖啖肉 仲系厚切㖭有 一支骨满满嘅肉 💗芝士烧广岛蚝 芝士分量好多 蚝味香浓好有海水味 一口一只 非常新鲜 仲可以逐只order同埋 有唔同嘅口味,适合顾客口味 住喺大埔嘅街坊真系 好幸福呀
继续阅读
今日收工嚟到太和食串烧，食串烧最紧要系有啤酒饮。呢度都算有几多款唔同种类嘅啤酒，今次我就叫咗一个特别嘅味道，系桂花味。桂花味嘅啤酒但系有少少甜味，好啱女仔饮💓另外都叫咗一大堆全消，包括烧玉子、烧翠玉瓜、烧鸡翼、烧三文鱼、烧京葱、烧八爪鱼等等。当中我最钟意食嘅系烧翠玉瓜同埋烧三文鱼，呢两款食物烧完之后系特别好味，烧三文鱼更加系好juicy😋最后因为今日都好肚饿，所以叫咗一个图烧鳗鱼饭。鳗鱼饭比想像中出色，佢啲饭系珍珠米，碗饭有两大块烧鳗鱼，绝对够食晒成碗白饭💓喺串烧店食到一碗好味嘅饭真系好意外💓💓
继续阅读