影片
更多
2018-06-10
86 浏览
餐廳喺太和翠樂街安基司幼稚園對面，係一間小店，店內大約可坐10人，店外亦都有座位。圖文並茂嘅點餐紙：串燒最平十幾蚊就有一串，而肉類串燒基本上廿幾蚊有交易。價錢比一般嘅串燒店平至少三成。【1664$33】食串燒點少得啤酒。叫咗支法國可倫堡1664啤酒，味道清爽味甜又帶麥香，易入口又透心涼，天時暑熱就啱晒。【燒黑豚肉配蜜燒汁$43】係用鐵板上燒好咗嘅黑豚肉扒，豬扒較薄不過都算大塊，肉質軟腍味道亦不錯，如果蜜燒汁多啲就最好。餐可跟飯或意粉同埋加$5有熱飲，$8有凍飲。【鹽燒雞翼$20】、【蜜糖雞翼$20】雞翼肉質嫩滑，我覺得蜜糖雞翼比較好食，雞翼皮嘅油香配蜜糖嘅甜蜜味道好夾。鹽燒雞翼就可以再鹹啲啲就更惹味。【芝士雞肉串$20】、【芝士牛肉串$27】芝士雞肉完全結合。雞肉嫩滑juicy，烤出微微碳燒香味，半溶芝士亦嫩滑兼味香濃，到最尾我仲encore左一串，真係必食推介。芝士牛肉串都相當不錯，不過我就覺得芝士同雞肉夾啲～【粟米燒$28】原條粟米切開上，粟米本身都夠鮮甜，不過味道就寡咗少少，我覺得可以加日式燒汁或蒜蓉牛油燒出嚟更香更惹味。【一口雪花牛肉串$24】以為$24都唔會係咩靚牛，但食落都
圖文並茂嘅點餐紙：串燒最平十幾蚊就有一串，而肉類串燒基本上廿幾蚊有交易。價錢比一般嘅串燒店平至少三成。
【1664$33】
食串燒點少得啤酒。叫咗支法國可倫堡1664啤酒，味道清爽味甜又帶麥香，易入口又透心涼，天時暑熱就啱晒。
【燒黑豚肉配蜜燒汁$43】
係用鐵板上燒好咗嘅黑豚肉扒，豬扒較薄不過都算大塊，肉質軟腍味道亦不錯，如果蜜燒汁多啲就最好。餐可跟飯或意粉同埋加$5有熱飲，$8有凍飲。
【鹽燒雞翼$20】、【蜜糖雞翼$20】
雞翼肉質嫩滑，我覺得蜜糖雞翼比較好食，雞翼皮嘅油香配蜜糖嘅甜蜜味道好夾。鹽燒雞翼就可以再鹹啲啲就更惹味。
【芝士雞肉串$20】、【芝士牛肉串$27】
芝士雞肉完全結合。雞肉嫩滑juicy，烤出微微碳燒香味，半溶芝士亦嫩滑兼味香濃，到最尾我仲encore左一串，真係必食推介。芝士牛肉串都相當不錯，不過我就覺得芝士同雞肉夾啲～
【粟米燒$28】
原條粟米切開上，粟米本身都夠鮮甜，不過味道就寡咗少少，我覺得可以加日式燒汁或蒜蓉牛油燒出嚟更香更惹味。
【一口雪花牛肉串$24】
以為$24都唔會係咩靚牛，但食落都幾軟腍而且肉味濃郁又肉汁豐富，又係encore之選。
【芝士燒廣島蠔$25】
一層半溶芝士冚住鮮甜蠔肉，嫩滑芝士同甜滑生蠔係絕配。食完隻蠔連有蠔鮮味嘅芝士都要完全食埋，正。
【香草芝士焗雜菌$33】
用錫紙包住，保持溫熱。雜菌有牛油焗，上面灑咗啲rosemary，感覺上唔係咁夾同少少偏鹹。份量夠多，抵食。
【原條黃立䱽燒$88】
黃立䱽都幾大條，切開魚皮就聞到香噴噴。魚肉好嫩滑好香口，燒完嘅魚皮質感好似兩三塊紫菜疊埋一齊食咁，脆得嚟有少少有咬口。
【鳯梨燒$18】
最後叫咗個燒菠蘿當甜品，切到一片片燒完仲有菠蘿汁，酸酸甜甜幾好食。
整體嚟講味道方便都相當不錯，街坊價錢但食材亦絕對冇將貨就價。街坊小店絕對值得支持！
张贴
