芝加哥串燒 (美豐花園) (已結業)

同朋友踩完單車到大埔落腳，突然口渴想食串燒飲啤酒，終於就隨便OpenRice搵到呢一間，座位唔算好多，但見到menu有好多種類既串燒，好吸引。室內有好多酒既擺設，仲有手工啤，我就嗌左一樽Dog Days，易口味，飲落好fruity，好岩女仔口味。串燒方面，叫左串牛舌，屬於幾厚身，一串有三塊，有肉汁，好味。雞軟骨就好爽口，燒得岩岩好，唔會燶。另外，芝士牛肉串就一流，絕對無慳料，有半塊芝士熔左係面頭，牛肉都好juicy。最後不得不提就係燒茄子，原條燒，配埋啲辣味粉，食到唔停口。燒蠔都好新鮮，有海水味，同芝士好夾。玉子燒燒到外脆內軟，口感特別，燒汁味好夾。