芝加哥串燒酒場 (太和中心)

营业中

休息中

早幾日約左啲好耐無見既friend聚會下，無意中喺大埔美豐花園附近見到依間<芝加哥串1燒酒場>間鋪望落個裝修同飲野 吹水 醫肚趁到絕!一見到就walk in入左去!個場勁有酒吧feel之餘都幾舒服,仲有部大電視!睇波飲酒食肉一應俱全呀!雖然有酒吧feel,但個場一啲唔噪，個環境好岩我地傾計，氣氛好好叫得做串燒酒場,除左有一般豬呀雞呀牛呀依啲大眾最愛之餘,有幾款野真係食完忘記唔到!鹽燒牛舌﹑燒茄子同密糖雞翼無得頂呀!食完一份仲要叫多份先夠喉!燒茄子真係我大愛，去到邊都一定會叫，呢間燒得唔太肥膩，勁香蒜，食甘多肉係需要食反少少菜既除左食之外,仲有好多款手工啤同燒酒,嘆住大大杯啤酒同燒肉,無得頂!好推薦小聚會既朋友

放工同fd子諗著happy hour🍻經過依間店時聞到陣陣飄香見到佢又有酒又有串燒提供就決定入黎chill下啦🤩串燒真係一種會食上癮嘅食物🍢原本諗著嗌一兩串黎佐酒點知越食越多最後變埋dinner🤣-✨玉子燒 $31/4件✨炭燒豬頸肉 $19✨香草芝士焗雜菌 $38✨香葱燒半殼扇貝 $39/2隻-叫咗太多野食啦我都唔逐一打出黎但上面依四款係最推介嘅🤣玉子燒厚切而且好重蛋香味🍳豬頸肉肉質嫩滑多汁 真必叫雜菌份量多 上面有一大層芝士正🧀入面係有多種菇類 金菇冬菇雞脾菇🤩 扇貝新鮮而且超大粒 抵食🤑最後當然要叫酒飲啦😏熱情果味嘅麒麟啤甜甜地啱哂女仔飲呀🍺

忙裡偷閒黎個happy hour! 有驚喜！叫左成台串燒，好滿足全部都好唔錯，特別提幾款的：牛舌：好食，夠厚，夠juice牛扒：比想像好，煎到岩岩熟，$48，性價比高雞翼包飯：好好食，少少辣黎做個調味，好惹味雞扒：燒得夠乾身，引唔住食左少少皮，好脆大蔥雞串：好味道，要雞+蔥咁食，因為就咁大蔥串就無咩特別香草芝士焗雜菌：可以，但我覺得好膩，如果係蒜蓉焗應該會好食d飲品：肉上面係由沙冰打成，所以即打要即上枱比客人，耐左會溶返變泡泡，幾得意，雖然叫芒果味beer,唔講唔會覺得有芒果味，因為唔太飲得出，但少少貴😂依個好有巨鋒既味道，好香，好似果汁味，但有3%酒精，依支好飲

本身唔係住呢區，朋友約呢度就黎試下。中午去整牙，無食早餐午餐諗住黎食飽飽。星期六晚去到客人好多好爆，首先安排坐外面，入面有位再入去坐。入到去其實環境幾好，輕輕鬆鬆飲酒食串燒係唔錯！可惜我好肚餓😢而出菜時間用左1個鐘15分鐘，同埋串燒真係送酒為主，唔夠飽。如果係行坊、朋友黎飲酒吹水食為主，食下小食，係非常正👍🏻好多好多客都飲啤酒，但除左啤酒都有紅酒 白酒 清酒選擇！桃汁酒同埋巨峰提子酒 $49⭐️⭐️⭐️⭐️⭐️巨峰提子🍇甜少少，好味過桃！如果能夠雪凍d /比冰杯就perfect!蒲燒鰻魚 $68 ⭐️⭐️⭐️⭐️⭐️燒得好香一口蕃薯 $18 ⭐️⭐️⭐️⭐️扣左粒星，唔夠熱韭菜燒$14 ⭐️⭐️⭐️⭐️⭐️我無食，但同行朋友話比滿分佢！蘆筍燒$28 ⭐️⭐️⭐️味道唔錯，但係比起menu既圖幼好多好似4支牙簽咁粗燒雞翅包飯 $18 ⭐️⭐️⭐️⭐️⭐️呢個真心推薦！雞翼醃得入味，入面糯米飯好隻，岩哂懶人唔想吐骨🤤炭燒豬頸肉 $19 ⭐️⭐️⭐️⭐️⭐️質感正，爽口，有小小炭燒味！！燒牛油帆立貝 $33 ⭐️⭐️牛油味唔出，食落唔係好新鮮，可以唔試芝士雞脾肉串 $20 ⭐️⭐️⭐️雞肉ok，但係芝士味唔出，我覺得都可以唔試。金菇牛肉卷 $28 ⭐️⭐️⭐️⭐️好香口，

今日就去咗之前食開嘅一間串燒店芝加哥，但就去咗太和新開嘅分店，眼見裝修靚咗好多，入到去環境又舒適，仲有得飲酒同睇波啱晒我同呢種波迷我地坐低就叫啲野食送酒，包括燒原隻茄子，燒魷魚，鹽燒雞翼，多春魚，雞翅包飯，燒玉子，牛扒同牛舌雞翅包飯最特別，食完送酒，真係一流份量好多，燒得好好，由其係原隻茄子，表面酥脆但入面啲肉好滑，真係可以瘋狂食再Encore仲有嗰牛扒唔少得嘅係，有口感得黎又唔會太韌，下次有波睇，一定會揀呢間去,因為啲野食一流, 環境又舒服

放工飲嘢鬆一鬆😎，朋友原本揸車可以直到酒吧門口，但佢話會飲酒，所以搭港鐵。太和站行過黎唔洗5分鐘，估唔到呢度飲嘢傾計之餘，仲有即叫即燒嘅好味串燒。朋友無酒不歡🍺，但我唔飲酒的，黎呢度岩哂，d嘢係真係幾好食，酒類又多，大家happy!上碟砌得好靚，未食都開胃～🔆一口和牛串 - 牛味無被調味蓋過，肉質仲好嫩～🔆車厘茄煙肉串 - 煙肉同車厘茄永無甩拖，清新酸甜惹味集於一身～🔆韮菜燒 - 燒熟左都仲好香韮菜味，菜汁同調味喺口中混集，好正～🔆燒原隻魷魚串燒 - 魷魚🦑好香，仲好有𡁻口，又唔會太靭。🔆燒東菇 - 串燒必叫，因為東菇水份濃縮左，燒過嘅菇味係超級無敵勁重，正！🔆串燒秋葵 - 燒秋葵唔係太多地方有，就算有都好難燒得好食。我唔敢講呢度燒得最好食，但起碼熟度夠又唔燶，調味唔過咸但夠惹味，竹簽仲固定得好好～🔆串燒雞腎 - 口感好似雞軟骨咁脆，細細粒，送嘢飲一流！🔆香蒜燒鮮鮑魚 - 招招積積，鮮鮑魚唔同乾鮑，係食鮮味，就好似呢間吧咁，加少少調味已經好好食～🔆鹽燒鯖魚 - 呢個又係我最愛，燒到魚皮魚肉都好香，魚鰭卜卜脆，點埋酸酸地嘅醬油，perfect!🔆燒羊架 - 第二最愛，7成熟真係剛剛好，軟

今日放工，就約咗啲舊朋友食飯，咁就揀咗呢間芝加哥啦，因為環境幾好，又有得睇波，又有bar枱，所以就揀咗呢間食串燒嘅餐廳。我地就叫咗一份石碳燒牛扒，一份汁燒牛仔骨，兩串碳燒豬頸肉，鹽燒雞翼，一隻燒雞翅包飯，一隻燒雞翅包肉，招牌茄子燒，蘆筍燒，兩串燒韭菜，兩隻香蒜蔥花廣島蠔，一份香蒜燒飽魚，兩串生燒鴨舌啦，叫咗好多野食，雞翅包肉都幾特別，雞翅包飯食得多，包肉真係第一次，但又真係幾好食，肉中有肉，另外嗰招牌茄子燒都好正，次次食串燒都一定要叫茄子，因為真係一流！我地仲一人叫咗一杯angry Orchard Apple Cider，真係好正下次都應該會再揀呢間！

距離太和火車站只有數十步的距離，十分方便！是收工吹水的好去處！！！不只有生啤及手工啤，還有多款串燒選擇，可以慢慢傾計放鬆chill既地方，適合兩三知己relax既好地方。 店員服務好好 整咗餐唔夠五分鐘就即刻上是大埔少數有串燒加酒吧形式的特色店鋪。串燒火喉剛剛好，不會燒得好干。價錢唔算貴兩個人食三百幾蚊已經飽曬同埋佢開到好夜 就算夜晚搵唔到食乜 都好過食七仔好多好多倍推介大家選擇：燒宮崎去骨雞腿，肉子燒及香草芝士焗雜菌👍🏻👍🏻👍🏻

太和中心附近一直都有好多好受歡迎嘅餐廳，最近呢間「芝加哥串燒酒場」都搬咗過嚟呢個位，成日行過見到，終於搵到機會約左朋友一齊DINNER。同朋友一入到去就覺得呢間餐廳好有格調，睇得出老闆都幾用心係裝修方面。入面仲有大電視播緊足球！好多款串燒都好吸引，又餓又選擇困難症之下，所以都點左好多款串燒🤤。另外黎到酒場當然唔少得既—酒，同朋友都有叫埋啦！我地叫左兩款Craft Beer。我選擇左「Samuel Adams」，而朋友就選擇左「Little Creatures」。啤酒好快送到，夠晒冰涼！我個款啤酒帶有麥芽甜味，都幾易入口！試飲咗兩啖朋友個杯，佢個杯更甘甜更易入口，帶有清新水果味道，就連唔多好酒既朋友都讚左一杯！等左一陣，我地點既串燒就陸續黎到！羊架竟然都有得可以比我們揀想要幾多成熟，我地選左七成，燒得岩岩好，而且一啲羶味都冇，好滿意！魷魚亦好爽口！好惹味！雜菇感覺足料有好多芝士！一啲都唔吝嗇芝士！岩哂我地口味！茄子燒，茄子仲有水份喺入面，唔會乾爭爭。芝士燒廣島蠔，燒完都好大隻！食材質素唔錯。Bacon車厘茄卷都好正，呢兩樣食物我本身都好中意，溝埋一齊真係大滿足♥️！玉子燒，唔係好多串燒店有

大埔區好多cafe同bar都非常有水準。有時多到唔知食邊間好, 今日約左個friend傾計食飯, 慶祝佢搵到份新工😊當然要啤一啤佢啦! 去左一間串燒既新分店, 估唔到7點幾已經坐滿晒人! 坐低即刻要左杯西班牙生啤, 完全唔苦仲好香花味, 餐前飲係一絕既。但係食野等左好耐, 可能係因為即燒啦。好彩黎到都幾好食, 叫做價得等。叫左燒豬頸肉, 好Q好彈牙, 肉汁鮮味! 燒雞皮脆脆, 真係入口好脆, 雞軟骨串燒得剛好. 鹽燒鯖魚係我既最愛, 因為唔腥, 皮脆肉嫩, 點埋醬汁就最yummy!

聽閒大埔開咗間新嘅串燒鋪，咁我又好鐘意食串燒，就叫咗嗰frd一齊去睇啦，原來係芝加哥開咗新店，咁嗰設計都好好睇，我就打算一試新店嘅感覺啦環境好靚，都幾有氣氛，咁menu都幾多選擇，我就叫咗韮菜燒，燒羊架，鹽燒鮮白鱔串，燒宮崎去骨雞腿，仲有原味雞腎串，大蔥雞髀肉串，炭燒豬頸肉同培根車厘茄卷。真係好好食，特別係燒羊架同燒宮崎去骨雞腿，燒得她靚，但同時又鎖住到啲肉汁，真係好好食😛😛😛佢仲有bar枱，下次同frd都會揀呢到吹水食串燒😀

今日就約咗朋友出去食飯吹水啦，咁男人之間嘅對話，就緊係要有啤酒啦，咁就見到呢間芝加哥食串煙嘅，就入咗去環境唔錯，又有得睇波，又有bar枱，咁我地一人叫咗一杯啤酒（craft beer)，分別係(samuel Adams)同(little creatures)都大杯下，跟著串燒方面，就叫咗一個燒羊架，玉子燒，培根車里茄卷，招牌茄子燒，韭菜燒，廣島蠔同鹽燒雞軟骨，不得不說嘅係，茄子燒，燒得好靚好入味，勁好食，羊架又係，燒得好好，又多肉汁，好正，一路食串燒一路飲酒同frd吹水，呢嗰地方真係一流，下次有波睇，會叫埋班frd一齊黎！

瘋了,雖然我真係太無聊太鍾意一個人食串燒,但今晚而家臨收鋪老細又請我飲多杯,哈哈成日啲野好似唔洗錢咁,係真係識做生意既,今晚我食左2串秋葵,4串鴨舌,3杯draft唔知咩酒,幾好飲既,本人認為有啲食肆態度真係非常重要,我唔可以話自己係好勁既食家,但都算為食左好多年,對食係有一定既感覺,有好多地方雖然係非常好食,但有時員工態度好影響整體素質的,呢度都請左啲新員工,但真係既,有咩老闆就有咩員工,其實我唔小心叫辣左俾自己,點知我明明飲哂杯酒但不自覺又拎起隻杯果時,個小朋友員工見到,問要唔要俾杯水我,果下我覺得,真係暖既😍

同朋友Happy hour, 通常特登出TST, 貪地點容易就, 今晚竟然黎左太和, 就喺個fd樓下話有間bar, 新裝修好大間, 牆身擺滿多樽Hibiki😀.>Kirin一番搾- 蜜桃🍑(HKD78), 黑加侖子🍇(HKD78)原來Kirin啤酒🍻有好特別嘅優惠, 星期四有買四送一, 星期一黎應該係最抵嘅. 最後我地三個人叫多兩杯就有一杯free, 正a! 黑加侖子嘅果味最突出, 啱哂我.>食物Menu簡單而選擇多多, 每款附彩色圖價錢非常親民, 唔小心劃左成十幾款tim😛. 見到所有串燒都來自open kitchen即叫即燒, 夠哂惹味.>香蒜葱花廣島蠔 (HKD25@), 香葱燒半殻扇貝 (HKD39/2隻), 燒牛油帆立貝 (HKD33/串)估唔到海鮮類嘅燒物款款都咁大件, 扇貝鋪滿香葱蒜, 帆立貝咬落係新鮮的, 一串兩大粒係抵食之選.>鹽燒雞皮 (HKD11/串)薄薄嘅雞皮串起黎燒到脆卜卜, 極度邪惡送酒一流.>坐下飲下吹下水, 黎左一大板orders, 時間啱啱好, 都唔覺等左嘅時間. 👇🏻👇🏻正正子👇🏻👇🏻中辣🌶🌶>一口和牛

香港地想搵間停到車嘅鋪頭食飯，其實真係一啲都唔簡單。又唔想去商場啲鋪頭食，今日放工兜黎大埔睇吓有咩好食揸到過嚟太和中心，附近有堆錶位，見到有間酒吧環境幾好，門口有車位停低架車入嚟試吓門口見到有啤酒優惠，不過因為揸車唔飲得酒坐低睇Menu有咩食，原來係串燒酒吧好特別既組合 ！ 叫咗燒雞腎，雞肉大蔥串，豬頸肉串，煙肉車厘茄串 好有水準既串燒，完全可以媲美日式餐廳 羊架叫7成熟，100分好食，羊無酥味，火候控制得好好，而且配味唔會太咸，突出到羊既味道燒雞翼串 夠乾身配鹽燒+少少檸檬汁 好Yummy yummy 雞軟骨串 ，$12蚊串十分抵食，誠意之選 $30 既價錢，仲有好多我最愛既蔥 加上唔會太多孜然粉好夾味全場最愛呢個（燒白鱔），皮脆肉嫩肉身唔係好淋個種白鱔，十分鮮味 最後再加點多串（豬頸肉）串燒，好食過平時泰國餐廳既串燒好多乾身加醃得好好味 呢間Bar仲有波睇，下次賽季真係要再黎食多d 十分超值又好好味既小店