船皇 (厚福街) (已結業)

船麵係香港好少搵到，今日係厚福街見到一間食船麵既店我地就入去試下。選擇方面豬雞牛都有齊，亦可以選擇湯麵定係撈麵，有選擇困難症既朋友仔可以揀船皇湯/撈麵，樣樣都有。麵底就有蛋麵、河粉、米粉同埋金邊粉。船皇湯麵(蛋麵)湯底一望已經感受到佢既香濃，麵上鋪左幾條炸豬片香口鬆化麵質比起撈面軟小小其他配料雞翼、豬肉丸，牛肉等都因為吸左呢個濃郁湯底而非常入味豬肉+豬肉丸撈麵(蛋麵)呢個面本身係有豬潤，因為近期冇新鮮豬賣既關係，就以其他配料去代替。佢地撈面與別不同既地方係唔會幫你撈好醬料，可以因應自己既口味去落佢地特制既醬油。醬油唔會太咸帶點甜味，惹味開胃。另外我地再叫左3款串燒，豬頸肉、牛舌同埋牛助條。每款串燒都可以揀醬汁，我地就覺得沙嗲醬好味！

近來食運平平😑 搵唔到靈光一閃既食肆😣加上今日係凶險既尖沙咀同老友HAPPY HOUR 完搵🍻 , 去咗「船皇」泰麵舖🇹🇭 對於做股市呢行既我, 真係有啲應景, 坐晒艇🛳 位置係厚福街既尾部, 新舖門口未見人龍, 招牌都幾顯眼⛯ 入到去坐咗門口位, 見到內部起碼仲有幾張四人枱, 估佢坐到20零人左右。以尖沙咀既標準, 佢啲位置算係佛心安排, 坐得都還可以👌 MENU成大張A3紙咁, 大大隻字, 清晰又簡潔, 呢個比👍 分類就係湯麵、撈麵、小食飲品。揀完湯麵原來要反轉個牌去揀埋河粉、蛋麵、金邊粉、米粉; 然後仲有大中小走辣🌶 先黎既係飲品泰式奶茶,☕ 都聽聞過泰式奶茶情人節+聖誔節+七夕般既甜度, 想嗌個小甜, 但店員話係無小甜, 迫你甜蜜 (兩個麻甩MODE, 甜來幹什麼🤣)。得意既係佢用個鐵砵仔上嘢飲, 呢個幾有泰STYLE。 牛腩 + 牛肉片 + 牛肉丸湯麵🍜賣相就係一個大雜匯, 頂上加多條炸豬皮, 我個就會浸淋黎食。個湯底, 可以講句, 毀咗成碗麵❌過份既咸味帶有少少檸檬酸, 可能本來係就番有辣既湯? 河粉碎濕濕🤔牛腩咬口都唔錯, 有入味, 牛肉片亦算鮮嫩🐃 仲有泰式既細粒

第二次去食今次揀左豬肉+豬肉丸金邊粉湯底都係一樣咁濃但略嫌唔係好夠湯多返少少湯會比較好😂豬肉丸唔算話好彈牙不過我鍾意佢細細粒😂豬肉片有少少肥（對我黎講）五花腩片咁我都係鍾意食雞絲+雞翼多啲

突然間心郁郁想食泰國菜，因為呢日嚟到厚福街，見到一間好似係新開嘅嘢，就決定嚟試吓啦！入到黎見到個裝修都己有泰國味道，價錢又非常之抵食🤩🤩🤩🤩大概50幾蚊就有一個粉面，喺豬尖沙咀都幾算難搵，因為天口慶，所以就叫咗杯菠蘿冰，而朋友就叫咗個凍嘅太仔奶茶！叫咗一個船皇面，佢入邊真係乜嘢料都有架有雞翼雞絲牛丸牛腩牛肉等等，朋友就叫咗個牛肉牛丸牛腩面，我哋分別叫咗金邊粉同埋蛋麵，份量唔太多但係而家熱熱地都唔係太想食好多嘢所以就啱啱好啦對我地來講。我自己好鍾意佢嘅先由雞翼，因為肉質鮮嫩，豉油又唔係太鹹啱啱好好正，不過雞絲就有少少鞋身，不過加埋啲辣汁都唔錯幾好食跟住我哋仲叫咗兩個全消分別係豬頸肉同埋牛肋骨，可惜我哋太飽唔可以再叫多啲，因為泰式嘅串燒都幾特別

今日走尖沙咀行街，又唔算好肚餓，諗住食個粉麵，見到有間新開既餐廳，就走入黎試下。一入去，雖然唔算好大，但見到好有泰國特色既裝修，橙色配草帽木傢私，又感覺幾新幾乾淨。之後落單，服務好好，幾有禮貌！黎到就好想試下食泰國口味既粉麵，我地見到餐牌上有好多種麵類俾我選，我同朋友選左金邊粉既船皇湯麵及牛腩牛肉片牛丸湯麵。分量都唔算少，都幾多餸，又唔算貴！我最鍾意個湯底，味道好濃好香，有點似肉骨茶，但無咩藥材味，我忍唔住食晒同飲埋個湯。我地仲叫左串燒同雞翼，係好香口，特別個雞翼造得好出色，下次一定要再叫！我地仲叫左2杯飲品，水果泰茶，出奇地無一般泰茶個陣味，幾好飲，仲配新鮮水果，有加分！我最鍾意個容器，好靚呀！

成日喺網上見到網友推介【船皇】，一路都想去試，但又懶得過海最近終於等到佢喺尖沙咀開咗新店喇【牛腩+牛肉片+牛肉丸湯麵 (辣)】麵底揀咗金邊粉，湯底夠濃帶少少酸味，個人認為喺香港嚟講都算幾近似泰國嘅味道，可以止下癮餸方面: 豬皮炸得鬆化脆口，要趁佢未浸淋之前盡快食；牛腩出色，入味又夠淋；牛肉似係普通火鍋肥牛，略嫌有少少鞋；牛肉丸爽口，但好似無乜味【雞絲+雞翼湯麵 (小辣)】麵底揀咗米粉，湯底一樣都係濃中帶酸，不過船麵加上豉油皇雞翼感覺有少少格格不入，雞絲都頗鞋口【凍泰仔奶茶】賣相幾得意，奶味有少少over咗，變咗茶味唔夠出；另外店員話唔可以少甜，如果可以嘅話會好D整體嚟講...為咗個湯底我會再去嘅溫馨提示：建議食量大嘅朋友要加底

今日有同事提議試下這間泰式船麵。舖面不大，坐位較窄，我們四個女生坐得較迫，如果再肥－點會坐得辛苦其實麵類選擇不太多，湯麵同撈麵肉類都有豬，雞，牛或合拼揀，還可揀蛋麵，米粉，河粉或金邊粉，全日供應！也有些小食串燒等。而午餐可用優惠價加＄８有飲品一杯！及無加一收費。我們分別叫了:雞絲＋雞翼撈金邊粉 - 同事反應金邊粉痴埋－堆，根本撈唔到加了少少撈麵醬油已經好咸，唔敢再落太多，唯有加我地湯麵汁撈才好－點。她的結論是不會再食牛腩＋牛肉片＋牛肉丸湯金邊粉 - 同事反應份量適中，但個碗細，雖然上枱時有好多湯，但金邊粉－下子索哂湯汁，湯汁變得少了很多，而金邊粉發大了變得好傑身。牛腩算淋身，其他肉味道無咩特別！豬肉＋豬肉丸湯金邊粉 - 今日無豬潤。金邊粉一樣索哂湯汁，口感好黏身。豬肉丸無味唔彈牙，豬肉普通似打邊爐那種。但炸豬皮好脆好食，冇油益味飲品器皿好特別，用泰式碗盛上清檸梳打 - 味道略酸，梳打唔夠汽！龍眼冰 - 同事話味道超甜，—般！雖然不知道是否正宗泰國船麵，但肯定不是我地4個女生杯茶

男朋友有次食過呢間船麵響第二度既分店就一直話要帶我黎試下佢知道我成日嘈住要食哂咁多款就提議我下午茶時間去下午茶超級超級抵$36有3碗麵+小食 加$8可要埋野飲我地就揀哂3款黎試 細細碗 可試多啲都唔怕飽船麵湯底味道好濃厚 我覺得都幾正宗同埋比例黎講都幾多餸見到餐牌仲有其他小食男朋友話有幾款響銅鑼灣無既所以想試我地就揀左泰式醬燒豬頸肉、沙嗲醬燒牛肉串同牛肋條個泰式醬好味 甜甜地 豬頸肉肥美juicy牛肉串唔係好大條 但燒得好香同好入味牛肋傑 3粒一串 大大粒 燒完仲keep到腍身 亦唔乾同場試埋炸春卷同蝦卷 春卷好味 舊舊到食到蝦肉野飲叫左青檸梳打同柚子檸檬梳打青檸超酸 岩哂鐘意酸野既朋友呢到野飲用個銀色碗裝住 好有泰國風情

船皇目前有銅鑼灣同埋尖沙咀嘅店舖，今次去嘅尖沙咀舖門面睇落好細，但係原來入面都可以容納到20-30人，環境乾淨企理，店員亦都可以耐心咁講解唔同嘅調味料，有魚露、辣粉、檸檬醬，俾客人自己調味。船麵可以揀湯/撈，麵可以揀蛋麵/米粉/金邊粉/河粉，配料有豬/雞/牛/綜合，仲可以揀唔同辣度，跟餐野飲仲可以平啲添。牛腩+牛肉丸+肥牛 撈金邊粉 小辣 ($52)，上菜個陣獨特嘅香味已經撲鼻而來，配料份量非常猛，牛腩炆得特別鬆化同入味。撈麵可以加特製醬油，將味道升華~豬肉+豬肉丸+豬潤 湯蛋麵 走辣 ($48)，湯底濃郁，啖啖鮮甜味。豬潤令我有驚喜，因為唔會太淋，反而有少少爽口。炸魚片浸落湯底度食非常有口感。跟餐叫咗2杯飲品，依度嘅凍飲係用碗裝XD尖沙咀鋪限定有優惠串燒，我地叫咗牛肋條($18)、豬頸肉($15)、魷魚鬚($15)，每串都可以揀要辣汁/沙嗲/燒烤汁，熱辣辣咁上，好有街邊風味，特別中意牛肋條，口感一流，唔會過熟，肉汁清甜。非繁忙時間黎食仲可以揀細碗份，唔洗$15就食到一碗船麵~

今晚個老友話想出尖沙咀美麗華行新開間激安，咁當然醫飽個肚先去打咭啦！行咗去厚福街搵食，見到間新開不久的泰式餐廳船皇好吸引，咁就決定食船皇啦！個餐牌大大張，清楚易明！我哋分別叫咗船皇湯麵，要河粉！另一碗船皇撈麪，要金邊粉！船皇是包羅萬有，有牛腩，牛肉片，牛肉丸，雞絲，雞翼，豬肉，豬肉丸，豬潤！好多味餸！湯麵湯底好濃味，正！粉又滑，正！有一條炸豬皮，脆卜卜，好正正正！小食串燒叫咗一串牛舌串，泰式燒烤醬！牛舌不是厚身，食落不錯！個燒烤醬好惹味！另一串燒叫咗魷魚鬚串配沙嗲醬！魷魚鬚好煙勒，有咬口！泰式炸蝦卷，三件，配泰式甜辣醬！炸得好脆口，蝦又新鮮！正飲品叫咗青檸梳打，泰式龍眼冰！餐廳不是用杯裝，用銀碗装，好有特色和心思！

今晚同老婆黎到尖沙嘴厚福街諗住醫肚，試一試呢間泰式船麵。見鋪頭都算幾企理光猛，再望一望個menu一碗麵價錢都幾實惠。 我地最後決定叫一個湯麵同撈麵兩份分。豬肉豬肉丸豬潤湯麵（河粉）呢款三豬湯麵既湯底好濃郁，而河粉都幾大塊厚滑有質感，食落好有嚼勁，吸埋湯既精華簡直一流。再配返豬肉片豬肉丸豬潤仲有炸豬皮，都幾豐富。豬肉豬肉丸豬潤撈麵（金邊粉）撈麵方面我地特登叫金邊粉，因為貪佢夠幼身比較易撈。 其實只要簡單撈一撈佢地既醬油同魚露，成碗麵鮮味即刻level up. 串燒泰式豬肉丸子串燒一向都別有一番風味，呢款豬肉丸子亦唔例外。 豬肉丸子彈牙入味,配以泰式醬汁，風味尤佳。熱柚子蜜糖茶呢杯茶唔太甜，一路飲一路散發淡淡既柚子清香，氣味芬芳怡人泰式紅豆冰呢度既紅豆冰值得欣賞既係佢將冰打碎成沙冰咁同奶味幾濃，而且紅豆份量都唔少，無偷工減料，抵讚

去開the one，就行左厚福街，見到呢間係新餐廳，就試下掂吾掂。出乎意料！就好似佢宗旨咁講「一碗係唔夠」！1.雞翼雞絲撈麵原來撈麵係用甜醬油，佢係秘製，吾但止甜，仲會有少少酸味味，好有驚喜。啲麵真係好大碗，不過佢最好煮個陣整鬆佢，成餅麵有啲難夾！雞翼似鹵水味，好入味，雞絲切得好幼細！題外話：佢有4種麵我揀，河粉，金邊粉（我揀左呢個！），蛋麵，米粉，真係搞到我有選擇困難症！2.船皇湯麵超強強大！好多餸！鐘意食牛嘅，一定要叫呢個～牛腩，牛肉片，雞絲，雞翼，牛肉，豬肉丸等等。。。好豐富多元化！一上枱已經聞到個湯既香味 有少少似肉骨茶 可能加左d藥材落去淆 食麵最緊要係個湯底！佢依個湯好濃，加上少少辣味，特別好味 ，但少少偏油。其次就係個麵 今次揀左蛋麵 同老牌雲吞麵有得揮！ 夠彈牙 唔會有鹼水味 美中不足係d麵太過長 “橋”埋一住 有d難夾 但味道絕對係一流！3.魷魚鬚，牛肋條串燒所有串燒都有3種醬料，個人最喜歡BBQ,沙爹同泰式辣醬都比較辣，但係好夠刺激！你可以接受Challenge |^^豬頸肉就比較幼，同細串啲，個人就一般般4.泰式奶茶要提一提，佢個器皿可以保持住冰鎮效果，所以好夠冰

🥢尖沙咀新開泰國船麵專門店🥢有人人同我一樣好鍾意食泰國粉麵類，可以加好多魚露，辣椒，酸酸辣辣好開胃，又夠惹味，近日發現之前銅鑼灣食過的一間船麵，近日在尖沙咀開了分店，一於試下質數係咪一樣🥢船皇湯麵 金邊粉（大辣）$58🥢上次叫了中辣，辣醬的味道是甜辣，感覺香多過辣，所以今次叫了大辣，但感覺都是不夠辣的,香氣一般🥢船麵湯麵餐牌上寫配料包括 牛腩 牛肉片 雞絲 雞奕 豬肉 豬肉丸 豬潤，共8款餸🥢船麵到來的時候沒有了豬肉豬潤雞絲 ,只有4 款餸 ,而且沒有像銅鑼灣的店員會預先通知沒有邊幾樣等客人再選擇，這間分店有點覺得做法不好，對食客不公平🥢青檸梳打 午市+$8夠曬冰凍的青檸梳打，味道青爽，夠氣，甜度剛好⚠️地下有名顯油漬在地上，我都滑了一滑，好彩今次無跌低，眼見到一名男店員都同我一樣滑了一滑，我問佢地下咁滑唔怕跌到人咩？佢完全無回應。如果今次跌低了，一定無咁蠢，會call 救護車 clam 返這間店的醫藥費🥢今次的體驗有點差，由其地下太滑不理會，沒有幾款餸不預先通知，這些小問題都不做好，食物再好都難再有回頭客船皇地址: 尖沙咀厚福街7號地舖

尖沙咀厚福街一向都多嘢食，這間新開的泰式粉麵又為這條小巷增添了不同特色的選擇。餐牌只有一頁，很簡單也很清晰，主推的就是麵食。與其他同類型的船麵店不同的是這裡有撈麵。說起撈麵，筆者都算少吃，因此和朋友叫了湯麵和撈麵各一，share來嘗試下有什麼分別。麵底有得揀，這是蛋麵的撈麵。配料鋪滿了整個表面。這是金邊粉的湯麵，同樣看到豐富的配料。因為都是招牌的船皇撈/湯麵，配料都一樣。店員說因為豬潤賣完，因此補了炸豬皮，童叟無欺。很香脆的口感，而且很大塊，可以直接吃一部分，剩下的沾湯或醬汁吃。鮮嫩的雞絲。三款肉丸。一整隻雞翼，有濃郁鹵水味，是獨立煮製的。這幅圖內的醬料可以說是這個船皇麵食的精華，既鮮且甜，一定要把它和麵條一齊品嘗，十分惹味。最左邊的是撈麵的醬汁，按個人口味添加。不太鹹，有鮮甜味，加到有少少色就剛剛好。撈麵爽口彈牙，加上配料豐富，和傳統中式粉麵的撈麵比較起來風味更豐富，亦不失麵條本身的口感。我和朋友都感覺撈麵比湯麵好吃一點。除了麵食，還有不錯的串燒及小食，能讓一餐變得豐富，也增進餐桌上的交流。魷魚鬚表面滑溜，咬下去很爽口彈牙。還有很特別的碗裝餐飲。很有主題感的一餐晚飯。

我相信呢間係新開嘅餐廳，裝修新淨環境乾淨，坐得鬆動，呢啲都係其次，重要的係我第一次食泰國船面，原來幾好食，又唔貴，又足料，我點左一個牛既船面，我先生點左個雞嘅船面；牛船面雞船面兩個都好食，因為湯底好濃郁，除咗牛同雞嘅主菜，仲有幾粒類似魚蛋，有啲炸豬皮，好多香菜配料，總之又大碗又多料又好食，每碗才五十幾蚊，如果呢間野呢個價錢開係中環金鐘，應該排隊排到上山佢另外有一款舖頭主打雜錦船面，貴少少嘅，乜嘢餸都齊晒，一定飽到上心口正宗泰式奶茶，用大湯碗裝住，不喜歡甜的不要點，正宗泰式奶茶係好甜凍奶茶少甜,正常嘢，小甜左都係幾甜