影片
更多
2022-06-22
2461 浏览
最近同左朋友去海港城食晚飯，第一次試左台灣留學生朋友口中呢間超好食的台灣料理「臺北棧」。首先要一讚，係佢嘅水每位入座都一定要收HK$8。飲水收錢都要讚?原來佢收HK$8，但可以無限量供應礦泉水 + 梳打水，無限任飲！HK$8??? 抵比啦，出去買一支都唔止HK$8啦！食物方面，由於我地4個人，所以都叫左好多款食物，逐個簡單講下，真係太好食，但我又懶得寫。小食方面，點左呢個【明太子甜不辣】HK$78甜不辣外皮係用左魚糕製作，唔係麵粉皮黎架！食落外皮魚香好濃，再淋上明太子醬，好夾！不過有少少油膩感！SHARE一人一件就夠！【三色鹽酥雞】HK$128有柚子醬、黑松露醬、冬陰功醬3款做底。我個人認為佢個醬，設計個擺盤好有美感，不過食果時就非常之唔方便，因為炸雞好實淨，完全唔係軟身食物，其實沾醬時係完全沾唔到D醬，夾硬黎又有少少好似刮緊個碟底人地食剩D醬咁，實在唔美觀亦很狼狽。如果佢用個3格碟仔上個醬，又容易沾上醬汁，亦都唔會搞到個碟底幾隻醬撈埋一齊，好似一片混亂咁，畢竟呢碟鹽酥雞都係叫來一齊SHARE食居多，佢呢個醬汁擺盤設計真心唔得。 講返個醬。冬陰功醬最好食，好香辣惹味，好醒神！黑松露醬都
首先要一讚，係佢嘅水每位入座都一定要收HK$8。
飲水收錢都要讚?
原來佢收HK$8，但可以無限量供應礦泉水 + 梳打水，無限任飲！
HK$8??? 抵比啦，出去買一支都唔止HK$8啦！
食物方面，由於我地4個人，所以都叫左好多款食物，逐個簡單講下，真係太好食，但我又懶得寫。
小食方面，點左呢個
【明太子甜不辣】HK$78
甜不辣外皮係用左魚糕製作，唔係麵粉皮黎架！
食落外皮魚香好濃，再淋上明太子醬，好夾！不過有少少油膩感！
SHARE一人一件就夠！
【三色鹽酥雞】HK$128
有柚子醬、黑松露醬、冬陰功醬3款做底。
我個人認為佢個醬，設計個擺盤好有美感，不過食果時就非常之唔方便，因為炸雞好實淨，完全唔係軟身食物，其實沾醬時係完全沾唔到D醬，夾硬黎又有少少好似刮緊個碟底人地食剩D醬咁，實在唔美觀亦很狼狽。
如果佢用個3格碟仔上個醬，又容易沾上醬汁，亦都唔會搞到個碟底幾隻醬撈埋一齊，好似一片混亂咁，畢竟呢碟鹽酥雞都係叫來一齊SHARE食居多，佢呢個醬汁擺盤設計真心唔得。
講返個醬。
冬陰功醬最好食，好香辣惹味，好醒神！
黑松露醬都OK，幾香但唔突出，同炸雞唔係太夾。
柚子醬酸酸地都好滋味開胃，幾好食！
鹽酥雞外脆內軟唔乾 凍咗都好食 入面會有厚嘅雞肉 唔會話得一層好厚炸皮薄薄嘅雞肉
【鹹蛋黃芋泥球】HK$78
芋頭味好濃，咸蛋黃味反而較淡，整體味道偏甜，似一個甜品！
【擔擔手工餃】HK$78
味道香辣惹味，一口一隻尺寸剛剛好，感覺上有啲似紅油抄手，但係配搭台式嘅醬料，好特別好好食。
【原條鰻魚玉米起司蛋餅】HK$178
原條鰻魚上，所以HK$178黎講都唔算貴，因為你去超市買一條都要HK$98仲要自己煮。
鰻魚配上個蛋餅口感好豐富，裏面嘅蛋餅皮仲要係用上鴨蛋製成，好香口，好軟糯。
裡面捲住雞蛋、玉米、同埋即燒嘅芝士，面頭最後人手加上木魚，整體味道極度豐富！
所有野食落都非常夾，全部朋友都大讚呢一道菜，真係好好食！
【軟殼蟹麻婆豆腐拌麵】HK$248
睇價錢都幾貴，但上檯時好大盆，賣相勁靚，超誇張！
軟殼蟹偏鹹，外脆內軟，唔係一般嘅軟殼蟹，係有蟹肉同蟹膏，有蟹味，尺寸都大隻，真心勁！
留意返隻手同隻碟個比例，真係一大盆。
咬開係有肉有膏！
而麻婆豆腐味道偏甜，好台灣口味！有肉碎、豆腐，味道似肉燥再加辛香料，味道偏向輕香辣，冇咩勾芡，所以唔會過膩。
麵條都有咬口彈牙，好味！
適合兩至三個人share，實物都幾大碟，相當飽肚！
【蒜泥台灣水蓮】HK$98
一碟菜要HK$98，睇價錢真係相當嚇人。
但原來用上正宗台灣水蓮，仲要又係好大盆，我地4個人都食唔哂，超多。
口感好爽脆，非常新鮮唔會煮得過腍。
醬汁係醬油蒜香味，簡簡單單保留到水蓮嘅清新，個醬唔會過嗆，非常好食。
飲品方面
【芋泥牛奶】HK$65
超多的芋頭泥，佢地應該用左台灣最有名嘅芋頭黎做，真係超好味！
呢個芋泥飲品濃度似甜品咁濃郁，混合鮮奶之後就清爽少少，但都係好似甜品！
但整體味道係超好飲，不過好驚飲完一杯已經飽左，因為都幾RICH。
【抹茶牛奶】HK$65
用眼睇都見到落重手好多綠茶粉！味道超級甘香，混合牛奶味道好清香，略帶苦，好消滯！
所以適合搭配餐點黎飲！降油膩感一流。
【黑糖薑母茶】HK$48
由於同檯有女性朋友，佢真係好養生，要飲熱薑母茶，佢話正正常常但好重薑味，超暖胃。
好啦，主菜我地只係叫左兩款，因為要留肚食佢地最出名嘅甜品！一次過上，剛剛好影到一張大合照~~~
【手工鳳梨麻糬蛋撻】HK$48/件
呢個甜品真心精彩！切開個麻糬已經拉哂絲！
見到裡面有好多層食材，焦糖蛋、麻糬、鳳梨果肉、曲奇皮，每一樣嘅口感都好唔一樣！
焦糖蛋，好甜好甜，我個人覺得太甜，但有朋友愛不釋手話好正！
麻糬，超拉絲好煙韌好軟糯，好彈牙真係好好食！
鳳梨果肉，好香鳳梨味，好清新，不過都係好甜，呢個係正宗台灣人口味嘅甜度，不過香港人一般都愛少甜。
曲奇皮，好鬆脆，勁重牛油味，咸咸地，好正。
不過非常飽肚，食半件已經夠皮，一件都幾大份量唔好小佢，成部IPHONE4咁大，真係必點單品之一。
【抹茶奶奶麻糬】HK$108呢個看似平平無奇的麻糬，原來非常特別。
佢地話用上特別的粉，加上牛奶+綠茶混合製作，食落呢個麻糬同出面口感會好唔同。
店員會即場幫你將一大片麻糬切割成一小件。
再沾上黃豆粉，係台式高級甜品！足夠幾個人食！
口感好水漾，一D咬口都無，好似一團會流動嘅水咁！好得意！
味道就有淡淡綠茶味，唔濃郁，反而黃豆粉甜甜地，食落好得意！
黎到呢度必食！
【抹茶杏仁豆腐刨冰】HK$138
我地其中一位食客係綠茶控，佢話一定要試哂呢度嘅綠茶甜品，真誇張。
杏仁豆腐混合左綠茶，好香。
底下再有紅豆、薏米、黑糯米、仙草，再淋上練奶係刨冰上面，夏天食真係好正好消暑。
不過如果要SHARE的話真心好有難度。
整體黎講，全部都係大大份好飽肚，食完真係飽到頂點。
4個人食左HK$1600，真心唔係平，但我地叫哂佢最精彩嘅食品，連我地同行係台灣讀左幾年書嘅朋友都大讚佢用料比台灣當地更好更有水準，所以除開每人HK$400，久唔久食一次豪華晚餐，呢一間「臺北棧」真心唔會中伏，其實你唔點咁多道菜係唔駛咁貴架 LOL。
你地睇完可能又會話我假窮遊，都係果句，窮遊達人呢個名係FOR我拍旅遊節目用，唔係本地遊，所以唔好混為一談啊。
张贴
