臺北棧 (港威商場)

营业中

休息中

前幾日同屋企人去咗呢間餐廳食lunch，事關屋企人好鐘意食芋泥，咁岩比我見到呢間餐廳有芋泥蛋餅!! 就即刻同屋企人去咗食。第一樣當然叫咗髒髒鹹蛋黃芋泥蛋餅，蛋餅嘅內饀有滿滿嘅芋泥同鹹蛋黃，口感好豐富！而且蛋餅上面仲要有芋頭嘅粉，令芋頭味道大大增加。第二樣食物係蒜香三色台腸，台灣香腸真係個人大愛，經常都會買返屋企煎黎食。但真係第一次見到有唔同顔色嘅台灣腸，味道方面個人就覺得唔係有好大嘅出入，勝在就係外觀🤭我地仲有叫咗一個麵係酸辣牛肉麵，麵上面有大量嘅酸菜而湯底都偏酸，完全係我鐘意嘅嘢而牛肉都煮得好淋同埋入味！