至尊滿屋日本料理 (已結業)

旺角真係食肆必爭之地，只係放題唔再集中喺兆萬一帶，已經悄悄向瓊華伸展了。嚟到樓下見到長長人龍，心諗咁多人walk in? 原來BOOK左都要乖乖係地下排隊！好彩好快就上得去，一坐低店員派左張紙，按唔同人數可以揀一樣貴價野食，我地就揀咗鮑魚！鮑魚有半隻手板大，好入味，大隻得黎都唔韌。放題任飲是常識，但就唔係度度都得飲果汁先生同維他檸檬茶！跟住食少少沙津頂下肚，準備大擦一餐！海膽手卷好脆口，海膽亦非常新鮮甜美！壽司類都唔錯啵，好多款揀，海膽蝦、松露，仲有啲火炙都值得一試。刺身都好鮮甜呀！但款式就同普通放題差不多，反而覺得至尊滿屋熟食更出色。點解咁講呢？憑任食燒鰻魚已經夠晒出色！坊間真係冇乜放題有燒鰻魚，仲要燒到恰到好處，入口即融。芝麻雞翼都一樣脆卜卜，咬開熱辣辣但肉質keep到嫩滑。食飽仲有一人一盒movenpick啊！！！大滿足

今天與同事來試試放題~今天是星期五，每位$248加一服務費，整體上，菜單算豐富，很多熱食，但熱食的味道都怪怪，飲品選擇不夠多。上菜速度算快，也沒有漏單，只是味道上有點卻步。希望刺身可加上吞拿魚～～！

好耐無耐放題, 朋友話最近系旺角開左間新的, 試過話吾錯.見佢話好食, 又咁耐無見, 就去試下當(敍)下舊, 去到食落又吾錯, 環境乾淨, 系個位細小小, 旺角租金貴, 無計啦, 吾知第日會吾會租到上天台呢 兩個人去食放題, 真系叫吾到幾多野, 好彩D野都吾差, 無伏, 吾會失望, 刺身新鮮, 吾會有好淋, 有D梅的感覺, 吾錯, 有落本, 無比流野, 希望佢保持水準.上面刺身都OK, 一般壽司都吾會差,最緊要D飯, 佢吾會散, 有D酸味得來, 吾會太酸, 師傅有D技術. 最緊要仲有佢的熟食壽司, 燒牛肉壽司,  真系牛有牛味 食完生野, 食下熟食, 雞亦個人推薦 , 明顯系即炸, 上到來夠熱, 夠脆, 夠香, 吾怕肥一定要返單.天婦羅和蟹粥都正, 吾太鐘意推薦放題, 但哩間真心吾錯, D野新鮮已經值回票價

睇見食評咁好，咁就约fd一齐去試吓先由六点食到八点半，时间啱啱好，唔使食得太急 我六点三到，已經坐滿人，好誇張，d人咁早放工既？！魚生盤～三文魚厚切，蝦又大隻，帶子都几好，不過唔夠大粒，款式都多 鳗魚串～好正呀，其他放题絕冇鳗魚串食架 茄子海踅～我至愛，叫左三客食 燒蕃薯串～d蕃薯仔好甜牛油粟米粒～都好甜天婦羅～麻麻地，d粉比較厚一口芝士，芝士年糕，紫心蕃薯波～全部都好食芝麻雞翼～唔乾，好入味炸榴槤波～簡直超正，榴槤好香總括來說，$250一个人可以食兩个半鐘，服務好，品質高，我觉得超抵食冇漏单情況，抵讚！每人有一合Movenpick雪糕食添

預早跟家人已經決定到這間餐廳慶祝媽媽的生日這間餐廳分了兩個時段 分別是6:00pm–8:30pm 及 8:45pm-11:15pm因為第二個時段對我們來說有點夜 所以預早定了6:00pm的位子不用排隊就可以進內享用!先來的是刺身/壽司甜蝦很肥美! 三文魚和帆立貝很新鮮!比較特別的壽司有黑松露甜蝦以及蟹子花之戀黑松露甜蝦有很濃郁的黑松露 味道出乎意料的match!蟹子花之戀有很多蟹子!熟食類也有很多選擇燒菠蘿、焗蠔、燒羊架、串燒蝦、一口和牛、天婦羅等等都好味最重要必食的是我最愛的鰻魚! 是一整串的蒲燒鰻魚平常的放題大多都沒有提供鰻魚而這家放題不單有提供 還提供有質素的蒲燒鰻魚 很驚喜單看照片就可以知道廚房的職員不是敷衍地燒一燒就算在我的記憶中, 我自己最少吃了7串鰻魚(值回票價 哈哈!)飲品方面雪櫃裹的飲品都是任飲的有罐裝汽水 (最特別的是忌廉溝鮮奶)，罐裝茶，連樽裝的都有(例如果汁先生鮮榨橙汁)因為媽媽生日的緣故 餐廳為我們準備了心太軟、雜莓班戟及香檳一枝甜品雖然及不上甜品店 但仍做到流心效果 不錯不錯!最後每人一盒movenpick 雪糕很少放題包括雪糕 還要是movenpick雪糕

睇中呢到有movenpick同好評如潮 就放工大拆一餐第一次寫放題食評 希望食過既都盡記憶mention到永遠放題第一炮 急不及待叫個靚靚魚生盤先!!要讚讚油甘魚好鮮好好味三文魚好厚而且都真係填幾多俾幾多但蝦就叔叔地...夠4個人就送既一板海膽 都唔求其膚洐了事阿 幾鮮好開心就數秒ko海膽 繼續作戰!好難得放題有花之戀阿!但都要小心沙津醬好易飽軟殼蟹卷幾好 唔會太多飯 不是要慕求塞飽你個種創意卷物 本來想叫熊貓個個 但應該全部飯黎無謂浪費 雖然呢個都係每一層都白飯聽講牛肉烏冬幾好都叫左碗 好細碗好周到 但我地都4個人食一碗要計劃行事架嘛!!!跟住都係係咁repeat魚生阿卷阿...當然魚生心理上就無第一round好餓個時咁好味啦永遠放題食到半個鐘時就開始唔係好知自己食緊咩..係咁塞壽司方面,有我平時愛係壽司鋪單點既火炙三文魚同黑松露油甘魚壽司飯都ok 不會像普通白飯或太"梅"鰻魚超咸都叫到冇咩好叫啦 就叫左意大利雲吞 期望係平時超市買到個隻哈哈其實都係碰碰運氣 只吃到皮 朋友倒轉碗都唔跌哈哈邊打文發現 lamb rack沒吃到阿!! 對了 要改善一下漏單問題!明白放題一向會多漏單 但好

食過開心, 食得滿意便再來食過~"有著我便有著你真愛是永不死，穿過喜和悲，跨過生和死，有著我便有著你，千個萬個世紀絕未離棄，愛是永恆當所愛是你" 飲品千篇一律都是那些甜的, 喝茶會更健康~刺身鋪排整齊, 每一面也貼著碎冰, 放進口中是鮮甜的海產味, 嚼每一啖都有彈性~壽司一啖一粒, 飯不糊口~在這兒可以食到空運活魚壽司, 當然有不一樣的體驗~冷烏冬彈牙有麥香, 小小一碗三啖食完~燒菠蘿多汁多甜, 叫多多次也食不夠~甜品食得幾多都不夠水果的吸引~本篇完~

話說幾年前第一間滿屋初初開係銅鑼灣，小姐已經大讚水準好，幾年黎日日都仲見長龍就知幾受歡迎。而家仲要黎個升級版，嘩不得了，一於睇下有咩料到。book左8:45個slot,一黎到已經有人排緊喇！講真食物選擇方面又唔係話有咩好特別，同滿屋／其他放題都差唔多。但最開心係啲野飲！呢排天氣熱到咁頭先係條街等左咁耐，一黎拎支野飲下先啦。呢到有個大雪櫃自助拎飲品，小姐見到最喜愛既果汁先生呀搶！仲有VLT檸檬茶，好香港，唔會成日都係啲國產乜師傅。OK入正題野食方面，先黎刺生（三文魚，甜蝦，油甘魚，赤貝，帶子，生蝦，蛋）食落都keep到水準，非常新鮮，肉質實淨，味道甘甜又唔會有雪味，而且好鍾意呢到魚生既厚度，有時唔一定切得厚先叫好，反而呢到切得岩岩好，一片片放入口食到個魚鮮味有口感得黎又唔會太漏。餐廳唔知係咪做緊promotion，like facebook page有貴價刺生送。我同個FD兩個人黎所以揀左原隻鮑魚。鮑魚都好大隻，咬落去又唔會韌，仲有好強既海水味，非常鮮味！仲叫左每次放題必點既兩款壽司，火灸左口魚邊同火灸三文魚腩。兩款都滿佈油脂，用火槍一燒逼晒出黎，襯熱放入口立即溶化係舌尖上，天呀。海蜇沙

日本食物來說真的百吃不厭的今晚突然很想食日本嘢所以就相約cyn媽食個放題今次試的是cyn媽推介的至尊滿屋是新開的因為是新開 做緊推廣Like Facebook 專業就會有嘢送Cyn選擇的是一份海膽送雖然是送 但都十分新鮮十分creamy海膽手卷也不錯紫菜夠脆海膽份量都不少首先點來兩份沙律蘆薈沙律是大推的甜甜酸酸 十分開胃放題必食的芝麻雞翼炸得十分乾脆亦充滿肉汁這裡的串燒燒得不錯特別是那串燒鰻魚香濃的鰻魚汁滲透入鰻魚肉當中另外刺身也不錯特別是帶子Creamy又有鮮味

朋友生日, 見到E間至尊滿屋新開張, 又黎一個大膽既嘗試, 非常好彩, 野食質素值回票價, 下次一定會再挑戰先講講刺身, 選擇類型好豐富, 有成十幾樣選擇, 平日比較少有既北寄貝同天使蝦都有得食, 平時有D放題既天使蝦比較腥, 但E度又出奇地幾新鮮喎, 如果有埋泰式辣醬就更好, 另外當然唔少得甜蝦同解帶子刺身, 幾樣刺身都非常新鮮, 尤其帶子刺身, 非常清甜, 佢重切到細細粒, 一啖一粒, 好貼心既做法講下野飲, 佢出面有個雪櫃任拎任飲, 除左支裝飲品, 重要有日本啤酒, 真係飲啤酒都抵返晒, 重有兩個水壺可以斟茶, 當然小朋友就真係搵大人陪同先好去斟之後到小食, 值得推介既係鐵板雪花牛柳粒, 睇個樣雖然唔算太粒, 但其實煎得幾靚, 金黃色的, 又夠穫氣, 食落口唔硬, 油脂就比較豐富, 放題黎講, 都真係算係咁之後重有三文魚腩壽司, 話我膚淺都要講, 識食一定食三文魚腩, 油脂豐富, 入口鮮味, 係度食返佢10件都抵返晒條數, 抵食

放工又吃吃吃，友人說旺角又一新放題，就去試試吧！茶水和飲品自助的 第一輪，一定order刺生，種類多最愛這幾款，三文魚油分分佈平均，好軟滑好creamy，甜蝦新鮮，好鮮甜，北寄貝爽口，帶海水味 2-4人like facebook又野送，我就選擇了海膽 好新鮮，入口即溶，好滑好軟好甜我還order了海膽手卷，一樣鮮甜，飯粒爽口，帶微酸花之戀，賣相好令，蟹子爽口，沙律酱中和了三文魚的油份，超夾，是绝配 自家制甜品最驚喜是金沙朱古力，金光外觀，濃濃的朱古力蛋糕，帶微苦中和了甜味，超讚，這頓放題真的不錯

放題是令人又愛又恨的 - 突然會好想吃，但吃到飽到上心口後，又覺得很膩了，短期內不打算再去…這個想法每隔一會又loop過。雖然不太喜歡太飽的罪疚感，但我還是會吃放題的；尤其近來放題店趨向較貴但足料路線，令喜歡吃刺身的人乖乖就範，因為光是吃刺身都已經值回票價了。朋友生日，我們一行8人找有生日優惠的放題去。有一次逛街，見到瓊華外有人排隊，便記掛著這新開的放題店；叫朕一check之下，得知有生日優惠（雖然只是送蛋糕和香檳），就訂了這間。（註：過了新開張優惠的價格如下-星期一至三:＄228星期四: $238星期五、六、日: $248 (星期日8:45-11:15:$228)）這間新開的放題店是滿屋的姊妹店，我在滿屋的facebook page inbox問過生日優惠的詳情，回覆爽快，值得一讚。我們訂了8:45pm（第二輪），8:40pm 才到，當然已見到長長的人龍了。對食廈來說，人流控制固然是一個問題，但有放題店這種一窩蜂來、一窩蜂去的人流，問題就更嚴重了。最後，我們排了15分鐘才上到餐廳。相比起舊式放題店，這裡的座位和活動空間已算不錯，起碼不用半邊身擠了出走廊。遲了就座，當然要爭取時間吃！其

至尊滿屋放題，價錢唔貴晚市208 起，而且食物質素好好，服務也很好d野食黎得好快，同無漏單火燒三文魚壽司，及燒海饅 三文魚輕輕燒過半熟，油脂會香好多。海饅壽司肉質不錯，彈牙。滿屋有分2至4 人送上海膽半板，牡丹蝦，鮑魚我們選擇了海膽，海膽好鮮甜濃郁，配上紫菜好味!甜品可選擇每人一杯的movervice雪糕，3 個味道，朱古力，雲呢拿，士多啤梨味，我選擇了士多啤梨味，士多啤梨有果肉，酸酸甜甜好味。花之戀，芝士軟殼蟹卷 細細件，一口一件，又唔會食飽!花之戀厚厚三文魚加上沙律醬好味!軟殼蟹脆脆加上芝士好味。燒鰻魚推介，熱辣辣好好味，鰻魚味濃郁三文魚油脂均勻，油甘魚彈牙，天使蝦泰色甜蝦 ,帶子鮮甜咖哩蟹一份，咖哩味濃郁，包住蟹肉焗廣島蠔，白汁加芝士焗蠔，更加蠔嫁creamy,蠔鮮味。  這裡的炸物也很出色，食了炸蠔炸蠔好大隻鮮甜，芝士年糕好味!芝士味好濃!年糕軟軟qq好味!

朋友早幾日話想食放題，於是我叫佢自己睇下食邊間之後訂位啦！最後佢揀咗呢間至尊滿屋，我哋7點半去到，已經有好多人！不過我哋有訂位，所以唔駛等，侍應都好快安排我哋入座！一坐低當然即刻睇下有咩野食，見枱面有2本好厚嘅簿，初時以為2本係一樣的，但劃劃下覺得唔對路，點解有D野好似冇咁嘅，之後才發現原來2本係唔一樣嘅！單係食物紙就已經有14張咁多，有成過百樣野可以揀！2-4人的話另外仲可以揀多一款指定刺身，我哋最後叫咗牡丹蝦。叫咗第一輪野之後，當然要睇下有咩野飲啦！呢度D飲品都係自選嘅，自己出去飲品區度攞！選擇都唔少，芒果汁、蘋果汁、橙汁、汽水、忌廉鮮奶、茶，連啤酒都有！仲要一大大罐同大大支俾大家攞！但係最吸引係旁邊個MOVENPICK雪糕櫃！不過呢個係要店員攞嘅！唔可以自取，仲只係每人限一盒！最先嚟到嘅係刺身！超開心，我哋叫咗咁多真係俾足咁多我哋！有時有D食店會睇住人數自己減份量！我哋叫咗三文魚、油甘魚、劍魚腩、北寄貝、甜蝦、赤貝，仲有帶子。全部都好新鮮，最重要係我鐘意嘅劍魚腩唔係度度都有而且仲好鮮甜！黑松露鮮蝦沙律;黑松露味道很濃、很香，鮮蝦亦很新鮮、爽口彈牙，沙律菜亦很新鮮。火炙左口魚邊壽司

慶祝同honey一齊既3周年，我地決定大吃一餐！今資揀左係旺角既至尊滿屋食放題！至尊滿屋位於瓊華商場，好耐無黎，原來而家已經成幢變左先施！係隔離搭𨋢上去，訂左位好快就入得。一坐低當然要點番個刺生拼盤，樣樣都啱食，決定每件點4舊食下，再點左一啲天婦羅同燒物，之後就出去拎野飲。野飲款式都幾多，整支的道地芒果汁是重點，其次係樽裝果汁鮮橙汁，重有碧泉蜜桃茶，其他就係一般放題都有既烏龍茶、可樂、韓國乳酸飲品等。我都唔執輸拎左支芒果汁。先上每位入座都可以揀既刺身，我地揀左牡丹蝦，隻蝦有成隻碟咁大，蝦肉非常鮮甜，而且個蝦頭充滿住蝦膏，入口香噴噴，好想再encore!之後再上剛剛點左既刺身，三文魚刺身厚砌大大舊，甜蝦亦比一般的大隻，帶子都幾好食。另外的白色魚同粉紅色魚我本人麻麻，所以無食。跟住就上炸物，天婦羅蝦蝦肉都幾彈牙，不會炸到好老，而且炸粉唔會太厚。但反而南瓜有少少失望，太厚同唔夠甜。最推介係榴槤炸彈，好似芝士波咁但入面係榴槤肉黎，好香，對於我呢個榴槤控簡直係恩物，最後我番兜多3個。其他食物都幾好食，我覺得作為一間放題來說算是中上程度了，最後記得留肚！因為係會送盒movenpick雪糕囉！淨係呢