影片
更多
2015-08-01
3909 浏览
話說幾年前第一間滿屋初初開係銅鑼灣，小姐已經大讚水準好，幾年黎日日都仲見長龍就知幾受歡迎。而家仲要黎個升級版，嘩不得了，一於睇下有咩料到。book左8:45個slot,一黎到已經有人排緊喇！講真食物選擇方面又唔係話有咩好特別，同滿屋／其他放題都差唔多。但最開心係啲野飲！呢排天氣熱到咁頭先係條街等左咁耐，一黎拎支野飲下先啦。呢到有個大雪櫃自助拎飲品，小姐見到最喜愛既果汁先生呀搶！仲有VLT檸檬茶，好香港，唔會成日都係啲國產乜師傅。OK入正題野食方面，先黎刺生（三文魚，甜蝦，油甘魚，赤貝，帶子，生蝦，蛋）食落都keep到水準，非常新鮮，肉質實淨，味道甘甜又唔會有雪味，而且好鍾意呢到魚生既厚度，有時唔一定切得厚先叫好，反而呢到切得岩岩好，一片片放入口食到個魚鮮味有口感得黎又唔會太漏。餐廳唔知係咪做緊promotion，like facebook page有貴價刺生送。我同個FD兩個人黎所以揀左原隻鮑魚。鮑魚都好大隻，咬落去又唔會韌，仲有好強既海水味，非常鮮味！仲叫左每次放題必點既兩款壽司，火灸左口魚邊同火灸三文魚腩。兩款都滿佈油脂，用火槍一燒逼晒出黎，襯熱放入口立即溶化係舌尖上，天呀。海蜇沙
而家仲要黎個升級版，嘩不得了，一於睇下有咩料到。
book左8:45個slot,一黎到已經有人排緊喇！講真食物選擇方面又唔係話有咩好特別，同滿屋／其他放題都差唔多。但最開心係啲野飲！呢排天氣熱到咁頭先係條街等左咁耐，一黎拎支野飲下先啦。呢到有個大雪櫃自助拎飲品，小姐見到最喜愛既果汁先生呀搶！仲有VLT檸檬茶，好香港，唔會成日都係啲國產乜師傅。
OK入正題野食方面，先黎刺生（三文魚，甜蝦，油甘魚，赤貝，帶子，生蝦，蛋）食落都keep到水準，非常新鮮，肉質實淨，味道甘甜又唔會有雪味，而且好鍾意呢到魚生既厚度，有時唔一定切得厚先叫好，反而呢到切得岩岩好，一片片放入口食到個魚鮮味有口感得黎又唔會太漏。
餐廳唔知係咪做緊promotion，like facebook page有貴價刺生送。我同個FD兩個人黎所以揀左原隻鮑魚。
鮑魚都好大隻，咬落去又唔會韌，仲有好強既海水味，非常鮮味！
仲叫左每次放題必點既兩款壽司，火灸左口魚邊同火灸三文魚腩。兩款都滿佈油脂，用火槍一燒逼晒出黎，襯熱放入口立即溶化係舌尖上，天呀。
海蜇沙律，爽口彈牙，好清新既一款前菜。
主食重點推介下，呢款蒜片牛柳，好香口，煎得外面脆身而且肉質好幼嫩，好有牛味，不過有啲筋位好難咬。
炸物方面比較出色係芝麻雞翼，真係炸得好脆，上面一粒粒既芝麻好香，入面既肉汁封實晒，好juicy.隔離係芝士塊，細細粒易入口好多芝士。
另一驚喜仲有浦燒鰻魚，下！？認真？無錯無睇錯，平時一碗90幾蚊既鰻魚飯都係得幾條，但係呢到竟然係任點架！首先叫左兩條小試牛刀先，嘩食落去，真係好香，鰻魚汁甜甜地好吸引，肉質仲幾實淨唔會散開晒，塊魚又嫩滑，即刻點多5條
小姐又點能夠唔試下呢到既鳥冬呢，大家唔好話佢cheap啦，因為呢個冷鳥冬真係值得一試！用上稻庭烏冬，麵身爽口而且煙韌，溫度岩岩好食到麵條既彈牙口感，加埋蓋面既紫菜絲同蔥，錦上添花。
唔好意思，由於個烏冬太好食，叫多左個生牛肉鳥冬，一樣都咁好味呀湯底仲好清甜！真係夠晒飽。
甜品已經唔係食得好多，只係叫左燒菠蘿同雪糕 which is MOVENPICK呀！OMG！平時係酒店級數先會有，不過得3款味道選擇，strawberry, chocolate, vanila. 完美結束今晚豐富既晚餐
题外话/补充资料：
另外一題侍應態度好好，見我地話凍，即刻調細左個冷氣。希望餐廳KEEP住食物質數同服務水平，係既話一定會繼續支持！
(以上食记乃用户个人意见 , 并不代表OpenRice之观点。)
张贴
